பொட்டியை கட்டுங்கலே! வண்டிய மொரீஷியஸுக்கு விடுங்கலே!

மொரீஷியஸ் - இந்தியப் பெருங்கடலில் முத்து மாதிரி மின்னுற ஒரு தீவு நாடு! வெள்ளை மணல் கடற்கரைகள், பளிச்சென்ற நீல நிற கடல், பசுமையான காடுகள், கலாச்சார பன்முகத்தன்மை ஆகியவை இந்த இடத்தை இந்தியர்களுக்கு ஒரு கனவு சுற்றுலா தலமா மாற்றுது.

மொரீஷியஸ்: ஏன் இந்தியர்களுக்கு பிடித்த இடம்?

மொரீஷியஸ், ஆப்பிரிக்காவின் கிழக்கு கடற்கரையில், மடகாஸ்கருக்கு அருகில் இருக்குற ஒரு சின்ன தீவு நாடு. இந்தியர்களுக்கு இந்த இடம் ஏன் ஸ்பெஷல்னா, இங்கே 60% மக்கள் இந்திய வம்சாவளியைச் சேர்ந்தவங்க. இதனால, இந்திய உணவு, கலாச்சாரம், மொழி (இந்தி, தமிழ், மராத்தி) இங்கே எளிதா கிடைக்குது. கூடவே, வெள்ளை மணல் கடற்கரைகள், பவளப்பாறைகள், தேசிய பூங்காக்கள், ஆடம்பரமான ரிசார்ட்டுகள் இந்த இடத்தை ஹனிமூன், குடும்ப பயணம், சாகச பயணங்களுக்கு ஏற்றதா ஆக்குது.

இந்தியர்களுக்கு 60 நாட்கள் வரை விசா இல்லாமல் மொரீஷியஸுக்கு பயணிக்கலாம். செல்லுபடியாகும் பாஸ்போர்ட் (6 மாசத்துக்கு மேல் செல்லத்தக்கது), தங்குமிட ஆதாரம், முன்பதிவு செய்யப்பட்ட ரிடர்ன் டிக்கெட், பயண செலவுக்கு போதுமான பணம் ஆகியவை மட்டும் இருந்தா போதும். மேலும், டெல்லியில் இருந்து மொரீஷியஸுக்கு ஏர் மொரீஷியஸ், ஏர் இந்தியா மூலமா நேரடி விமானங்கள் இயக்கப்படுது. 7.5 மணி நேர பயணம், 5840 கிமீ தூரம். ஒரு வழி டிக்கெட் 23,510 ரூபாயில் இருந்து தொடங்குது.

மொரீஷியஸ் பயணத்துக்கு ஏன் சிறந்தது?

வட இந்தியாவில் கோடை (ஏப்ரல்-ஜூன்) வெயில் உச்சத்துல இருக்கும்போது, மொரீஷியஸில் குளிர்ந்த, இதமான காலநிலை (20-26°C) இருக்கு. இது மொரீஷியஸில் மே முதல் டிசம்பர் வரை இருக்குற குளிர்காலம், சுற்றுலாவுக்கு ஏற்ற நேரம். கோடையில் மொரீஷியஸ் மிதமான வெப்பநிலையும், குறைவான மழையும் (50 மிமீ மாதத்துக்கு) கொண்டிருக்கு. இதனால, கடற்கரை, நீர் விளையாட்டுகள், ஹைக்கிங் மாதிரியானவைகளுக்கு இது சிறந்த நேரம்.

மேலும், ஐரோப்பிய, ஆப்பிரிக்க சுற்றுலா பயணிகள் வர்ற டிசம்பர்-மார்ச் சீசனை விட, கோடைக்காலம் குறைவான கூட்டத்தோட இருக்கு. இதனால, ரிசார்ட்டுகள், உணவு விடுதிகளில் நல்ல டீல்கள் கிடைக்கும். ஜனவரி முதல் ஜூன் வரை விமான டிக்கெட் விலை குறைவு (சராசரி 23,000-30,000 ரூபாய்). ஆனா, அக்டோபர்ல விலை அதிகமாகலாம் (சராசரி 50,000 ரூபாய்).

மொரீஷியஸில் பார்க்க வேண்டிய இடங்கள்

மொரீஷியஸ், கடற்கரை மட்டுமில்லாம, இயற்கை, கலாச்சாரம், சாகசத்துக்கு பெயர் பெற்றது. சில முக்கிய இடங்கள்:

கிராண்ட் பே மற்றும் பெரேபேர்: வடக்கு பகுதியில் இருக்குற இந்த கடற்கரைகள், நீர் விளையாட்டுகள், நைட் லைஃப், உணவு விடுதிகளுக்கு பிரபலம். கென்ஸி பார், பனானா பீச் கிளப் மாதிரியான இடங்களில் உள்ளூர் உணவை ரசிக்கலாம்.

இல் ஆக்ஸ் செர்ஃப்ஸ் (Ile aux Cerfs): பவளப்பாறைகள், நீல நிற கடல், பாராசெயிலிங், ஸ்நார்க்கிளிங் ஆகியவைகளுக்கு பிரபலமான தனி தீவு.

பிளாக் ரிவர் கார்ஜஸ் தேசிய பூங்கா: ஹைக்கிங், அரிய வனவிலங்குகள், பறவைகள் பார்க்க விரும்புறவங்களுக்கு சிறந்த இடம்.

கங்கா தலாவ்: இந்திய வம்சாவளி மக்களுக்கு முக்கியமான இடம். இங்கே 33 மீட்டர் உயரமுள்ள சிவன் சிலை இருக்கு, இது மொரீஷியஸில் மிக உயரமான சிலை.

சாமரல் ஏழு நிற பூமி: எரிமலை மண்ணால உருவான இந்த இடம், ஏழு வண்ணங்களில் மண்ணை காட்டுற ஒரு இயற்கை அதிசயம்.

முன் தயாரிப்பு: எப்படி திட்டமிடலாம்?

மொரீஷியஸ் பயணத்தை சுவாரஸ்யமாகவும், பட்ஜெட்டுக்கு ஏற்றதாகவும் மாற்ற சில டிப்ஸ்:

விமான டிக்கெட் முன்பதிவு: 2-3 மாதங்களுக்கு முன்னாடி டிக்கெட் புக் செய்யறது சிக்கனமா இருக்கும். ஏர் மொரீஷியஸ், ஏர் இந்தியா, இண்டிகோ மூலமா நேரடி விமானங்கள் கிடைக்குது. விலை ஒப்பிட MakeMyTrip, Yatra, Cleartrip மாதிரியான தளங்களை பயன்படுத்தலாம்.

தங்குமிடம்: கிராண்ட் பே, ஃபிளிக் என் ஃபிளாக், மஹேபோர்க் பகுதிகளில் பட்ஜெட் ஹோட்டல் முதல் 5-ஸ்டார் ரிசார்ட்டுகள் வரை கிடைக்குது. ஒபராய் மொரீஷியஸ், கான்ஸ்டன்ஸ் லே பிரின்ஸ் மாரிஸ் மாதிரியானவை ஆடம்பரமானவை.

உணவு: மொரீஷியஸ் உணவு, இந்திய, ஆப்பிரிக்க, பிரெஞ்சு, சீன உணவு கலவை. டிம்சம், மொரீஷியன் பிரியாணி, ஃபராட்டா மாதிரியானவை பிரபலம். புர்ட் லூயிஸ் மார்க்கெட்டில் உள்ளூர் உணவை முயற்சி செய்யலாம்.

போக்குவரத்து: மொரீஷியஸில் பஸ், டாக்ஸி, சைக்கிள், மோட்டார் பைக் வாடகைக்கு கிடைக்குது. சுற்றுலாப் பயணிகளுக்கு ஹெலிகாப்டர் சவாரி, புர்ட் லூயிஸ் முதல் ரிசார்ட்டுக்கு டிரான்ஸ்ஃபர் வசதிகள் இருக்கு.

மொரீஷியஸில் செய்ய வேண்டியவை

நீர் விளையாட்டுகள்: ஸ்நார்க்கிளிங், ஸ்கூபா டைவிங், பாராசெயிலிங், வாட்டர் ஸ்கீயிங் மாதிரியானவை ப்ளூ பே மரைன் பார்க், பெல் மேர் பகுதிகளில் கிடைக்குது.

சஃபாரி மற்றும் ஹைக்கிங்: பிளாக் ரிவர் கார்ஜஸ், டொமைன் டு சாசூர் பகுதிகளில் சஃபாரி, குவாட் பைக்கிங், ஹைக்கிங் முயற்சி செய்யலாம்.

கலாச்சார அனுபவம்: புர்ட் லூயிஸ் மார்க்கெட், குவாட்ரே போர்ன்ஸ், மஹேபோர்க் மார்க்கெட்களில் உள்ளூர் கைவினைப் பொருட்கள், ஆடைகள் வாங்கலாம்.

நைட் லைஃப்: கிராண்ட் பே, ஃபிளிக் என் ஃபிளாக் பகுதிகளில் உள்ள பார்கள், கிளப்புகளில் உள்ளூர் இசை, நடனத்தை ரசிக்கலாம்.

பயண செலவு மற்றும் பட்ஜெட்

விமான டிக்கெட்: டெல்லியில் இருந்து ஒரு வழி டிக்கெட் 17,285-31,910 ரூபாய், ரவுண்ட்-ட்ரிப் 42,120 ரூபாயில் இருந்து தொடங்குது. மே-ஜூன் மாதங்களில் முன்பதிவு செய்யறது சிக்கனம். பட்ஜெட் ஹோட்டல்கள் (ரூ.3000/இரவு) முதல் ஆடம்பர ரிசார்ட்டுகள் (ரூ.15,000/இரவு) வரை கிடைக்குது.

உள்ளூர் உணவு (ரூ.500-1000/நபர்), பஸ்/டாக்ஸி (ரூ.200-1000/நாள்) செலவு ஆகும்.

நீர் விளையாட்டுகள், சஃபாரி, ஹெலிகாப்டர் சவாரிக்கு ரூ.5000-20,000/நபர் செலவாகலாம். என்ன.. மொரீஷியஸ் கிளம்பலாமா!

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.