இரண்டாயிரம் ரூபாய் வரும் செப்டம்பர் 30-ஆம் தேதி முதல் செல்லாது என்று அறிவித்ததால் நிலம், வீடுகளில் முதலீடு செய்து கணக்கில் வராத பணத்தை மாற்ற பல்வேறு முயற்சிகள் நடைபெறுவதால் ரியல் எஸ்டேட் தொழில் திடீரென சூடுபிடித்துள்ளது.

செப்டம்பர் மாதம் 30-ந் தேதிக்கு பிறகு 2,000 ரூபாய் நோட்டு செல்லாது என்ற அதிரடி அறிவிப்பை மத்திய ரிசர்வ் வங்கி சில நாட்களுக்கு முன்பு வெளியிட்டது. அதன்படி 2,000 ரூபாய் நோட்டு புழக்கத்தில் இருந்து திரும்பப்பெறப் படுவதாகவும் 2,000 ரூபாய் நோட்டுகள் வைத்திருப்போர் அவற்றை வங்கிகளில் செலுத்தி மாற்றிக்கொள்ளலாம் எனவும் தெரிவிக்கப்பட்டுள்ளது.

2,000 ரூபாய் நோட்டுகளை வங்கிகளில் செலுத்தி மாற்றிக்கொள்வதற்கு வரும் செப்டம்பர் மாதம் 30-ந் தேதி கடைசி நாள் ஆகும். மேலும் வங்கி கணக்கில்லாத ஒரு நபர் ஒரே நேரத்தில் 20 ஆயிரம் ரூபாய் மதிப்பிலான 2,000 ரூபாய் நோட்டுகளை வங்கிகளில் செலுத்தி மாற்றிக்கொள்ள முடியும் என்றும் தெரிவிக்கப்பட்டுள்ளது.

2,000 ரூபாய் நோட்டுகளை மாற்றுவது தொடர்பாக வழிகாட்டு நெறிமுறைகளை ரிசர்வ் வங்கி வெளியிட்டு வங்கிகளுக்கு அறிவுறுத்தல்களை வழங்கியுள்ளது. அதன்படி இன்று முதல் 2000 ரூபாய் நோட்டுக்களை வங்கிகளில் மாற்றி கொள்ளலாம். இதற்காக வங்கிகளில் தனி கவுண்டர் வசதியும் ஏற்படுத்தப்பட உள்ளன. 

இந்நிலையில் அதிகளவில் கணக்கில் வராத பணம் வைத்துள்ளவர்கள் அவற்றை நிலத்திலும், அடுக்குமாடி குடியிருப்புகளிலும் முதலீடு செய்ய தொடங்கி உள்ளனர். இதற்காக கருப்பு பணத்தை பதுக்கி வைத்திருப்போர் ரியல் எஸ்டேட் புரோக்கர்களை நாடியுள்ளனர். இதற்காக சென்னையில் எங்கெல்லாம் பிளாட் போட்ட நிலங்கள், அடுக்குமாடி குடியிருப்புகள், தனிவீடுகள் விற்பனைக்கு உள்ளன என்பதை பற்றி விசாரித்து வருவதாக திடுக்கிடும் தகவல் வெளியாகியுள்ளது. 

இதனால் ரியல் எஸ்டேட் தொழில் திடீரென சூடுபிடிக்க தொடங்கி உள்ளது. மேலும் கணக்கில் வராத தங்க நகைகளை வாங்கி குவிக்கும் நடவடிக்கைகளிலும் ஈடுபட்டுள்ளனர்.

இதையும் படிக்க:"பாலியல் தொழில் குற்றமில்லை" நீதி மன்றம் அதிரடி!

அக்‌ஷய திருதியை ஒட்டி இன்று தங்கம் விலை குறைந்துள்ளது. 

அக்‌ஷய திருதியை நாளில் தங்கம் வாங்கினால், தங்கம்  சேரும் என்று ஒரு சிலர் நம்பிக்கை வைத்துள்ளனர். எனவே இந்த நாளில் பொதுமக்கள் தங்கம் வாங்குவதில் அதிக ஆர்வம் காட்டி வருகின்றனர். தங்க நகைக் கடைகளிலும் இன்று பொதுமக்களை ஈர்க்க பல்வேறு கவர்ச்சிகர சலுகைகள் அறிவிக்கப்பட்டுள்ளன. 

இந்நிலையில், இன்று தங்கத்தின் விலை குறைந்துள்ளது.  அதன்படி 22 கேரட் ஆபரணத் தங்கம் சவரனுக்கு 480 ரூபாய் குறைந்து, ஒரு சவரன் தங்கம் 44 ஆயிரத்து, 840 ரூபாய்க்கும், கிராமுக்கு 60 ரூபாய் குறைந்து ஒரு கிராம் தங்கம் 5 ஆயிரத்து, 605 ரூபாய்க்கும் விற்பனை ஆகிறது. இதேபோன்று வெள்ளியின் விலையும் சற்று குறைந்துள்ளது. கிராமுக்கு 90 காசுகள் குறைந்து, ஒரு கிராம் வெள்ளி 80 ரூபாய் 40 காசுகளாகவும், ஒரு கிலோ பார் வெள்ளி 80 ஆயிரத்து,400 ரூபாய்க்கும் விற்பனை செய்யப்படுகிறது.  

அக்‌ஷய திருதியை நாளில் தங்கம் விலை குறைந்திருப்பது, தங்கம் வாங்குவோரை மகிழ்ச்சியில் ஆழ்த்தியுள்ளது. 

திண்டுக்கல் | கொடைரோடு தோட்டக்கலைத்துறை ரோஜா மலர் சந்தையில் ஒரு கிலோ ரோஜாப்பூ ரூபாய் 70 திற்கு விற்பனையானது. அம்மையநாயக்கனூர், ராஜதானி கோட்டை, சடையாண்டிபுரம், ராமராஜபுரம், கொழிஞ்சிப்பட்டி, புதூர்  உள்ளிட்ட பகுதிகளில் ரோஜா மலர் சாகுபடி அதிக அளவில் செய்யப்பட்டு வருகிறது.

மேலும் படிக்க | “விலை உயர்த்தாவிட்டால் ஆவினுக்கு பால் தர மாட்டோம்” - விவசாயிகள் போராட்டம்...

தற்போது வெயில் தாக்கம் அதிகரித்து உள்ள நிலையில் ரோஜாப்பூ வரத்து குறைந்த அளவே காணப்படுகிறது. இருப்பினும் இன்று மலர் சந்தையில் ஒரு கிலோ ரோஜாப்பூ ரூபாய் 40 முதல் ரூபாய் 70 வரை விற்பனையானது. ஆலயங்களுக்கு மட்டும் பயன்படுத்தப்படும் மருத்துவ குணம் கொண்ட பன்னீர் ரோஜா பூ ரூபாய் 100 முதல் ரூபாய் 150 வரை விற்பனையானது.

வரத்து குறைந்த போதிலும் போதிய விலை கிடைக்கவில்லை என்ன ரோஜாபூ விவசாயிகள் கவலை தெரிவித்துள்ளனர்.

மேலும் படிக்க | இந்தியாவிலிருந்து திருடப்பட்ட 16.80 கோடி பேரின் ரகசிய தகவல்கள்....!!

திருமண சீசனில் தங்கம் வாங்குவதற்குவதற்கான வாய்ப்பு அதிகம் என வியாபாரிகள் கூறுகின்றனர்.  இதுபோன்ற சூழ்நிலையில், வரும் மாதங்களில் தங்கத்தின் தேவை அதிகரிக்கலாம் எனவும் தெரிவித்துள்ளனர்.

உள்நாட்டு சந்தையில் தங்கம் விலை உயர்வு காரணமாகவும் தேவையின்மை காரணமாகவும் 2023 ஜனவரியில் கடந்த 32 மாதங்களில் இல்லாத அளவுக்கு தங்கம் இறக்குமதி 76 சதவீதம் குறைந்துள்ளது.  இறக்குமதியில் ஏற்பட்டுள்ள இந்த இந்த சரிவு நாட்டின் வர்த்தகத்தில் பற்றாக்குறையை ஏற்படுத்தும் என தகவல்கள் தெரிவிக்கின்றன.  மத்திய அரசிடமிருந்து பெறப்பட்ட தகவலின் படி, இந்த ஆண்டு ஜனவரியில் இறக்குமதி செய்யப்பட்ட தங்கம் 11 டன் மட்டுமே.  அதுவே கடந்த ஆண்டு ஜனவரியில் இறக்குமதி செய்யப்பட்ட தங்கம் 45 டன் ஆகும்.  அதாவது இறக்குமதி கடந்த ஆண்டை விட 4 மடங்கு குறைந்துள்ளது.

தங்கத்தின் இறக்குமதி குறைந்துள்ளதால் தங்கத்தின் விலை அதிகரிக்கலாம் என எதிர்பார்க்கப்படுகிறது.   இதனால் மக்கள் தங்கம் வாங்கும் திறன் குறையும் வாய்ப்புமுள்ளது.  இருப்பினும் இனி வரும் மாதங்களில் திருமண சீசன் வர இருப்பதால் தங்கம் அதிக அளவில் விற்கப்பட்ட வாய்ப்புள்ளது என வியாபாரிகள் கூறியுள்ளனர். இதனால் இனிவரும் மாதங்களில் தங்கத்தின் இறக்குமதி அதிகரிக்கலாம் எனவும் எதிர்பார்க்கப்படுகிறது.

-நப்பசலையார்

இதையும் படிக்க:   அமெரிக்காவிலிருந்து சரியான நேரத்தில் பெறப்பட்ட தகவலால் மும்பை இளைஞரின் உயிரைக் காப்பாற்றிய காவல்துறை!!!

இந்திய எதிர்காலம் அதானி குழுமத்தால் தடுக்கப்படுவதாகக் கூறி, அவரின் பதில் அறிக்கைக்கு ஹிண்டர்பர்க் ஆய்வு நிறுவனம் பதிலடி கொடுத்துள்ளது.

பங்குச்சந்தையில் தனது பங்கை உயர்த்த ஏராளமான மோசடிகளில் ஈடுபட்டதாக, அதானி குழுமத்திற்கு 88 கேள்விகளை ஹிண்டர்பெர்க் எழுப்பியது. இது பொய்யான குற்றச்சாட்டு எனக்கூறி, இந்திய வல்லரசுடன் தானும் முன்னேறுவதாக அதானி பதில் அறிக்கை வெளியிட்டார்.

மேலும் படிக்க | முதலிடத்திலிருந்து தள்ளப்பட்ட எலான் மஸ்க்...  காரணம் என்ன?!!!

இந்நிலையில் கேள்விகளில் இருந்து முற்றிலும் விலகி, துடிப்பான ஜனநாயாக நாடான இந்தியாவின் புகழுக்குள் தன்னை அதானி மூடி மறைப்பதாக ஹிண்டர்ன்பர்க் தெரிவித்துள்ளது.

தேசத்தை திட்டமிட்டு சூறையாடும் முயற்சிகளை கைவிட்டு, கேள்விகளுக்கு உரியபதில் அளிக்க வேண்டும் எனவும் கோரியுள்ளது.

சமீபத்தில், அதானி குழுமம் சுமார் 50 பில்லியன் டாலர்கள் அதாவது சுமார் 40 ஆயிரம் கோடி ரூபாய் அளவில் நஷ்டம் ஏற்பட்ட நிலையில், ஹிண்டர்பர்க் கொடுத்த இந்த பதிலடி காரணமாக மேலும் 16 பில்லியன் டாலர்கள், அதாவது சுமார் 66 பில்லியன் டாலர்கள் சரிவு ஏற்பட்டுள்ளதாக தகவல்கள் வெளியாகியுள்ளன.

--- பூஜா ராமகிருஷ்ணன்

மேலும் படிக்க | உண்மை கவசம், போர் வீரன் - ராகுல் குறித்து பிரியங்கா காந்தி பெருமிதம்