விவசாயிகளை அவர்களின் தோற்றத்தை வைத்து கேலி கிண்டல் செய்வது நகரத்தை சேர்ந்த சிலரின் வழக்கம். குறிப்பாக பெரிய பெரிய வணிக நிறுவனங்கள் மற்றும் கார் ஷோரூம்களில் விவசாயிகளை பெரிதாக மதிப்பதில்லை. இதற்கான சான்று இன்று நேற்று அல்ல, 1900-களிலேயே நடந்துள்ளது. தற்போதைய ராஜஸ்தானாக உள்ள பகுதி அந்தக் காலத்தில் அல்வார் என அழைக்கப்பட்டது. இதனை 1920-களில் ஆண்ட மன்னர் ஜெய்சிங். இவர் ஒரு சமயம் தனது சாதாரன உடையில் லண்டன் சென்று அங்கு பாண்ட் தெருவில் இருந்த ரோல்ஸ் ராய்ஸ் ஷோரூம்க்குள் சென்றுள்ளார். அங்கிருந்த சொகுசு காரின் சிறப்பம்சங்கள் குறித்தும், விலை குறித்தும் கேட்க முடிவு செய்து உள்ளே சென்ற அவரின் தோற்றத்தை வைத்து அவர் ஒரு மன்னர் என்பதை அறியாத அந்த ஷோரூமின் விற்பனையாளர் அவருக்கு மரியாதை அளிக்காமல் வெளியேறும் படி கூறிவிட்டார். இதனையடுத்து மன்னராக தனது உடையை அணிந்து கொண்டு முறைப்படி அங்கு சென்றவருக்கு உற்சாக வரவேற்பு அளிக்கப்பட்டது. ஷோரூமில் இருந்த 6 ரோல்ஸ் ராய்ஸ் கார்களை வாங்கிய மன்னர், இந்தியா திரும்பி அந்த கார்களின் இருபுறத்திலும் துடைப்பத்தை கட்டி, சாலைகளை சுத்தம் செய்ய உத்தரவிட்டார். 

இதனால் உலகம் முழுவதும் ரோல்ஸ் ராய்ஸின் விற்பனை பாதிக்கப்படவே, நடந்த சம்பவத்திற்கு மன்னிப்பு கோரிய ரோல்ஸ் ராய்ஸ் நிறுவனம், மேலும் 6 கார்களை அவருக்கு பரிசாக அளித்ததாக ஒரு கதை உண்டு. அதேபோல சரத்குமார், விஜயகுமார் நடிப்பில் வெளியான நட்புக்காக படத்திலும் இதே போன்று கார் ஷோருமில் இருவரும் அசிங்கப்படுத்தப்படுவர், பிறகு அவர்களின் மதிப்பு அறிந்து மரியாதையாக நடத்தப்படுவர். இப்போது ஏன் இவற்றை நாம் பேசுகிறோம் என்றால், இதே போன்ற ஒரு சம்பவம் கர்நாடகாவில் மகேந்திரா கார் ஷோருமிலும் நடைபெற்று இருக்கிறது. இந்தப் பஞ்சாயத்தில் நேரடியாக ஆனந்த் மகேந்திராவே நேரடியாக தலையிட்டுள்ளார். என்ன நடந்தது என்பதை பார்ப்போம்...

கர்நாடகாவின் துமகுருவை சேர்ந்த கெம்பேகவுடா என்ற விவசாயி பொலிரோ பிக்-அப் கார் குறித்து விசாரிக்கத் தனது பகுதியில் உள்ள மஹேந்திரா ஷோரூமூக்கு சென்றுள்ளார். அங்கே விவசாயியின் எளிமையான தோற்றத்தைப் பார்த்து சேல்ஸ்மேன் அவரை மரியாதை குறைவாக நடத்தியதோடு, காரில் விலை குறித்து கேட்டதற்கும் முறையாக பதில் அளிக்கவில்லை எனக் கூறப்படுகிறது. அதற்குப் பதிலாக விவசாயி கெம்பேகவுடாவை பார்த்து அந்த சேல்ஸ்மேன் நக்கலாக, " நீ கார் வாங்க போறியா.. இதோட விலை என்ன தெரியுமா? ரூ 10 லட்சம். உன் பாக்கெட்ல குறைந்தது 10 ரூபாய் இருக்கா? நீயெல்லாம் எதற்கு இங்க வறீங்க. சீக்கிரம் வெளியே கிளம்பு'' என்று அநாகரிகமாகப் பேசியுள்ளார். இதனால் ஆத்திரமடைந்த விவசாயி ஒரு மணி நேரத்தில் 10 லட்ச ரூபாய் பணத்தை ரெடி செய்து வருவதாகச் சவால் விட்டு சென்று, நண்பர்களின் உதவியோடு 10 லட்ச ரூபாயை கொண்டு வந்து அந்த சேல்ஸ்மேனிடம் கொடுத்து உடனடியாக காரை டெலிவரி செய்யும்  படி கூறியுள்ளார். இதனால் அதிர்ந்து போன அந்த சேல்ஸ்மேன், உடனே காரை டெலிவரி கொடுக்க முடியாது காத்திருப்பு பட்டியலில் தான் வைத்திருப்போம், உரிய நேரம் வந்ததும் கார் டெலிவரி செய்யப்படும் என கூறினார். இதனால் அந்த விவசாயிக்கும், அந்த சேல்ஸ்மேனுக்கும் இடையே வாக்குவாதம் ஏற்பட்டுள்ளது. 

நீண்ட நேரப் பேச்சுவார்த்தைக்குப் பின்னர் விவசாயியிடம் அநாகரிகமான முறையில் பேசிய அந்த சேல்ஸ்மேன் மன்னிப்பு கோரினார். அப்போது தனக்கு அந்த ஷோரூமில் கார் வங்க விருப்பமில்லை என விவசாயி பதிலடி கொடுத்தார். இந்தச் சம்பவம் இணையத்தில் பெரும் பரபரப்பை ஏற்படுத்தியது. விவசாயியை அவமானப்படுத்திய அந்த சேல்ஸ்மேன் மீது நடவடிக்கை எடுக்க வேண்டும் என பொதுமக்கள் பலர் ட்விட்டரில் ஆன்ந்த் மகேந்திராவை டேக் செய்து கருத்துகளை பதிவிட்டனர். இதற்கு ஆன்ந்த் மகேந்திராவும் பதில் அளித்துள்ளார். இது குறித்து அவர் வெளியிட்டுள்ள பதிவில், ஏற்கனவே மகேந்திரா மற்றும் மஹேந்திராவின் சிஇஓ வீஜய் நக்ரா ஆகியோர் வெளியிட்டிருந்த அறிக்கையை பகிர்ந்துள்ளார்.

அவர்களின் அறிவிப்பில், வாடிக்கையாளர்களுக்குச் சிறப்பான அனுபவத்தை வழங்குவதில் டீலர்களும் முக்கிய பங்கு உள்ளது. எங்கள் வாடிக்கையாளர்கள் அனைவரும் மரியாதை மற்றும் கண்ணியமாக நடத்தப்படுவதை நாங்கள் உறுதிசெய்கிறோம். இந்தச் சம்பவம் குறித்து முழு விசாரணை நடத்தப்பட்டு, தேவையான நடவடிக்கை எடுக்கப்படும். இதில் தேவைப்பட்டால் நடவடிக்கை எடுக்கப்படும் என்ற அந்த அறிவிப்பை மேற்கோள் காட்டி ட்வீட் செய்துள்ள ஆனந்த் மகேந்திரா, "அனைத்து தரப்பினரையும் முன்னோக்கி நகர்த்த வேண்டும் என்பதே மஹேந்திரா நிறுவனத்தின் நோக்கம். அனைத்துத் தனிநபர்களின் கண்ணியத்தைக் காப்பது எங்களின் மிக முக்கிய கொள்கை. இதில் எதாவது சிறு தவறு ஏற்பட்டாலும் கூட அதைச் சரி செய்யத் தீவிர நடவடிக்கை எடுக்கப்படும்" என்று தெரிவித்துள்ளார். தனது ஷோரூமில் எழுந்த பிரச்சினை குறித்து 24 மணி நேரத்திற்கு நடவடிக்கை எடுக்கப்படும் என உறுதி அளித்துள்ளார். ஆன்ந்த் மகேந்திராவின் இந்த பதிவுக்கும், அவரது உடனடி நடவடிக்கைக்கும் பலரும் பாராட்டுகளை தெரிவித்து வருகின்றனர். 

ஆளுங்கட்சியை சீண்டுவதற்கு பதிலாக கூட்டணி கட்சியையே சீண்டி உள்ளுக்குள்ளேயே பகையை வளர்த்துவிட்டார் பாஜக எம்.எல்.ஏ நயினார் நாகேந்திரன். கடந்த வருடத்தின் தொடக்கத்தில் இருந்தே பள்ளி மாணவிகள் தற்கொலை செய்து கொள்வது அதிகரித்து வருகிறது. ஒருபுறம் நீட் தேர்வினை எதிர்கொள்ள முடியாமலும், அந்த தேர்வில் மதிப்பெண்கள் பெற முடியாமலும் தற்கொலை செய்து கொள்கின்றனர். மறுபுறம் ஆசிரியர்களின் பாலியல் தொல்லையால் தற்கொலை செய்து கொள்கின்றனர். இப்போது புதிதாக மதம் மாற வேண்டும் இல்லையேல் படிக்க விடமாட்டோம் என பள்ளி நிர்வாகம் நெருக்கடி கொடுத்ததால் தற்கொலை செய்து கொள்கின்றனர். தஞ்சாவூர் மாவட்டத்தில் விடுதியில் தங்கி பயின்று வந்த 12-ம் வகுப்பு மாணவியை கிறிஸ்துவ மதத்திற்கு மாறும் மாறி வற்புறுத்தியதாகவும், அதற்கு மறுப்பு தெரிவித்ததால் விடுதியின் கழிவறைகளை சுத்தம் செய்யக் கோரி நெருக்கடி கொடுத்ததால் மாணவி தூக்கிட்டு தற்கொலை செய்து கொண்ட விவகாரம் பெரும் அதிர்வலைகளை ஏற்படுத்தியுள்ளது. 

இதற்கு பலரும் பலவிதமான கண்டனங்களை பதிவு செய்து வரும் சூழலில், ஆளும் கட்சி தரப்பிலும், எதிர்க்கட்சி தரப்பிலும் இந்த விஷயம் குறித்து எவ்வித அறிக்கைகளும் விடவில்லை. பள்ளிக் கல்வித்துறை அமைச்சர் அன்பில் மகேஷ் பொய்யாமொழி இந்த விஷயத்தை அரசியல் ஆக்காதீர்கள் என ஒரு செய்தியாளர் சந்திப்பில் கூறினார். இந்த சம்பவத்திற்கு எதிராக பாஜகவினர் மட்டும் ஆங்காங்கே குரல் கொடுத்து வருகின்றனர். மாணவியின் தற்கொலைக்கு நீதி வேண்டி, பாஜக சார்பில் சென்னை வள்ளுவர் கோட்டத்தில் உண்ணாவிரதப் போராட்டம் நடத்தப்பட்டது. போராட்டத்தில் பாஜக மாநிலத் தலைவர் அண்ணாமலை, பொன்.ராதாகிருஷ்ணன், எம்.எல்.ஏ நயினார் நாகேந்திரன் உள்ளிட்ட 300-க்கும் மேற்பட்ட பாஜகவினர் கலந்து கொண்டனர். 

இந்தப் போராட்டத்தில் பேசிய நயினார் நாகேந்திரன், ஆளுங்கட்சியை விமர்சிப்பதற்கு பதிலாக, கூட்டணி கட்சியான அதிமுகவை கடுமையாக விமர்சனம் செய்தார். தமிழ்நாட்டில் அதிமுக எதிர்க்கட்சி போல செயல்படவில்லை. பாஜக எதிர்க்கட்சியாக இல்லை என்றாலும் கூட துணிந்து கேள்வி எழுப்புகிறது. பாஜக தலைவர் அண்ணாமலை அச்சமின்றி கேள்வி எழுப்பி வருகிறார். சட்டமன்றத்தில் ஆண்மையோடு பேச அதிமுகவில் ஒரு எம்எல்ஏ கூட இல்லை. அதிமுக மக்கள் பிரச்சனையை சட்டமன்றத்தில் எப்போதுமே பேசுவதில்லை என அடுக்கடுக்காக குற்றச்சாட்டை முன்வைத்தார். அதிமுக கூட்டணியில் இருக்கும் பாஜக கட்சியின் மூத்த எம்எல்ஏ இப்படி பேசுவது அதிமுக தலைமையை கடுமையாக சீண்டி உள்ளது.
தலைமையில் இருந்து நயினார் நாகேந்திரனின் பேச்சுக்கு எவ்வித கண்டனமும் வரவில்லை என்றாலும், நிர்வாகிகள் பலர் அவருக்கு எதிராக புகார் கொடுத்து வருகின்றனர். கடந்த சட்டமன்ற தேர்தலில் அதிமுகவின் தயவால் தான் பாஜக 4 எம்.எல்.ஏக்களை பெற்றது. அப்படியிருக்க உண்மையில் ஆண்மை இருந்தால் பாஜகவினர் தனித்து போட்டியிடட்டும். நயினார் நாகேந்திரன் பாஜக சார்பில் தனித்து போட்டியிட்டு முடிந்தால் சட்டசபைக்கு செல்லட்டும் என அதிமுகவினர் பலர் சவால் விடுத்து வருகின்றனர். அதுமட்டுமின்றி, பாஜக எம்எல்ஏ நயினார் நாகேந்திரன் மீது வழக்கு பதிவு செய்ய வேண்டும் என்று அதிமுக நிர்வாகிகள் கூட்டாக புகார் அளித்துள்ளனர்.

சென்னை K5 பெரவள்ளூர் காவல் நிலையத்தில் உதவி ஆணையாளரிடம் கொளத்தூர் அதிமுக நிர்வாகி கிருஷ்ணமூர்த்தி தலைமையில் புகார் மனு அளிக்கப்பட்டது. அந்த புகாரில், அதிமுக நிர்வாகிகளை பொது இடத்தில் தவறாக பேசிவிட்டார், அவர் மீது வழக்குப் பதிவு செய்ய வேண்டும் என கூறியுள்ளனர். இவர்களின் புகாரை தொடர்ந்து டெல்லி வரை சென்றுவிட்டது இந்த விவகாரம். டெல்லி தலைமையிடம் இருந்து நயினாருக்கு ரைடு விழுந்ததா என்ன என்பது தெரியவில்லை. தனது கருத்துக்கு விளக்கம் கொடுத்துள்ளார் நயினார். இது குறித்து ட்விட்டரில் அவர் வெளியிட்டுள்ள பதிவில், வள்ளுவர் கோட்டத்தின் போராட்டத்தின் போது, அஇஅதிமுக பற்றிய என்னுடைய கருத்துகள் தவறுதலாக புரிந்துகொள்ளப்பட்டுள்ளது. நான் கூறிய கருத்துக்கு எந்த விதமான உள்நோக்கமும் இல்லை. போராட்டத்தின் மூலம் நீதி கிடைக்க வேண்டும் என்பதே எங்கள் ஒரே நோக்கம் என கூறியுள்ளார் நயினார். ஏற்கனவே உட்கட்சி விவகாரங்களில் பாஜகவினர் தலையிடுவதாக அதிமுக தலைமை கோவத்தில் இருந்து வரும் சூழலில், இப்படி கூட்டணி கட்சியினரே, அவர்களை பொது இடத்தில் கேவலமாக விமர்சனம் செய்திருப்பதை, மேலும் ஆத்திரத்தை கிளப்பியுள்ளது அதிமுக தலைமைக்கு. நயினாரின் இந்த பேச்சு அதிமுக தலைமை என்ன சொல்லப் போகிறது என்பதை பொறுத்திருந்து பார்ப்போம்.. ஏற்கனவே இருக்குற பிரச்னை பத்தாதுன்னு..இவன் வேற நம்மள ரொம்ப டார்ச்சர் பன்ன்றாண்டா... 

அப்பாவுக்காகவாவது சேர்ந்து வாழனும்ன்னு ஐஸ்வரியா தனுஷ்கிட்ட அழுது பொலம்ப.. எனக்கு கொஞ்சம் டைம் வேணும்ன்னு சொல்லிட்டாராம் தனுஷ்.. என்ன நடந்ததுன்னு பாப்போம்.. சினிமா நட்சத்திரங்கள் கூட பணியாற்ற கூட சக நடிகர் நடிகைகளையே திருமணம் பன்னிக்குறது புதுசு இல்ல. அதே மாதிரி திருமணம் பன்னிகிட்ட கொஞ்ச நாளுலையோ அல்லது கொஞ்ச வருஷத்துலயோ விவாகரத்து வாங்குறதும் புதுசு இல்ல. இதுல தாங்கள் புடுச்ச கைய விடாம வெற்றிகரமா திருமண வாழ்க்கைய தொடர்ந்துகிட்டு வர சினிமா தம்பதிகள் இங்க குறைவு தான். உதாரணத்துக்கு தமிழ் சினிமாவுல அஜித்-ஷாலினி, சூர்யா-ஜோதிகா, இந்த ஜோடிகள் காதலித்து திருமணம் பன்னி கிட்டத்தட்ட 15 வருடங்களுக்கு மேலாகவும் ஒன்னா குழந்தைகளோட எந்த ஒரு கிசுகிசுலயும் சிக்காம சந்தோஷமா வாழ்ந்துட்டு வராங்க. இந்த ஜோடிகளுக்கு அப்புறமா பெரிதும் பேசப்பட்ட ஜோடின்னா அது தனுஷ் ஐஸ்வர்யா ரஜினிகாந்த் ஜோடின்னு சொல்லலாம். இவங்களும் காதலிச்சு தான் திருமணம் பன்னிகிட்டாங்க. ஆரம்பத்துல இவங்களோட காதல தெரிஞ்ச ரஜினி ரொம்ப கோபப்பட்டதாவும், அதுக்கு அப்புறமா நிறைய பெரிய தலைங்க எல்லாம் பேசி அவர சமாதனம் பன்னதாவும் சொல்லப்பட்டுச்சு.. 

இறுதியா 2004-ம் ஆண்டு நவம்பர் மாதம் 8-ம் தேதி இரண்டு பேருக்கும் திருமணம் நடந்து முடிஞ்சது. திருமணத்துக்கு அப்புறமா தனுஷோட சினிமா வளர்ச்சிங்குறது அபிரிவிதமா இருந்தது. தொடர்ந்து பல ஹிட் படங்கள கொடுத்து, தன்னோட மாமனார் படத்துக்கே இயக்குநர் ஆகுற அளவுக்கு வளர்ந்து வந்துட்டு இருக்காரு. நடிப்பு மட்டும் இல்லாம இயக்குநர், பாடலாசிரியர், பாடகர்ன்னு புகுந்து விளையாட ஆரம்பிச்சுட்டாரு தனுஷ். ஐஸ்வர்யா தனுஷ் தம்பதிக்கு 17 வயசுல யாத்ரான்னு, 14 வயசுல லிங்கான்னு இரண்டு மகன்கள் இருக்காங்க. இருந்தாலும் நேத்து தான் திருமணம் ஆன ஜோடி மாறி லைஃப் என்ஜாயி பன்னிட்டு இருந்தாங்க. கடந்த வருஷம் இரண்டு பேரும் ஏதோ ஒரு நிகழ்ச்சியில கலந்துட்டு இருந்தப்போ கூட தன்னோட மாமனார் நடிச்சு இருந்த பேட்ட படத்துல இடம் பெற்ற இளமை திரும்புதே பாடல, தன்னோட மனைவி ஐஸ்வர்யாக்காக ரொமாண்டிக்கா பாடி, அவங்கள வெட்கப்பட வச்சாரு தனுஷ். அதுமட்டும் இல்லாம ஹாலிவுட் படத்தோட படப்பிடிப்புக்காக குடும்பத்தோட அமெரிக்காவுல இருந்தப்போ ஐஸ்வரியாவ ஒரு கப்பல வச்சு போட்டோ எடுத்து அத தன்னோட ட்விட்டர்ல பகிர்ந்து இருந்தாரு தனுஷ். 

இவங்க லைஃப் செமயா என்ஜாயி பன்றாங்கப்பா.. வாழ்ந்தா இப்படி ஒரு ஜோடியா வாழனும்னு நிறைய பேரோட கண்ணு பட்டுடுச்சோ என்னவோ தெரியல. கடந்த 17-ம் தேதி இரண்டு பேரும் பரஸ்பரமா பிரிய போறதா அறிவிச்சது ரசிகர்கள் மத்தியில பேரிடியா இருந்தது. இருவரும் சமூக வலைதளத்தில் வெளியிட்டிருந்த அறிவிப்பில், “18 ஆண்டுகள் நண்பர்களாக, தம்பதிகளாக, பெற்றோர்களாக மற்றும் நலம் விரும்பிகளாக எங்கள் இருவரையும் ஒன்றாக இணைத்த இந்த பயணம் வளர்ச்சி, புரிதல், அனுசரிப்பு என இருந்தது.இன்று எங்கள் பாதைகள் பிரியும் ஓரிடத்தில் நிற்கிறோம். நாங்கள் இருவரும் பிரிவதாக பரஸ்பரம் முடிவு செய்துள்ளோம். மேலும் எங்களை தனிநபர்களாக சிறப்பாக புரிந்து கொள்ள நேரம் ஒதுக்குகிறோம். தயவு செய்து எங்கள் முடிவை மதித்து, இதை சமாளிக்க தேவையான தனி மனித சுதந்திரத்தை எங்களுக்கு வழங்குமாறு கேட்டுக் கொள்கிறோம்" அப்டின்னு சொல்லி இருந்தாங்க. ஏற்கனவே சமந்தா-நாகசைதன்யா பிரிவுல இருந்து மீளாத ரசிகர்களுக்கு, ஐஸ்வர்யா-தனுஷ் பிரிவ அறிவிச்சது இன்னும் வருத்தத்த கொடுத்து இருந்துச்சு. 

தனுஷோட தந்தையான கஸ்தூரி ராஜா, இரண்டு பேரும் குடும்ப சண்டையால தான் பிரிஞ்சு இருக்காங்க சீக்கிரம் ஒன்னு சேர்ந்துடுவாங்க, அவங்கள ஒன்னு சேர்க்க தான் முயற்சி பன்னிட்டு வரதா சொல்லி இருந்தாரு. இந்த நிலையில, ஹைதராபாத்ல இருக்குற ராமோஜி ராவ் ஸ்டூடியோவுல தனுஷ் தன்னோட படபிடிப்புக்காக போக, டிப்ஸ் அன்ட் பிரேர்னா அரோரா ஆல்பத்திற்கான பணிக்காக ஐஸ்வர்யாவும் ஹைதராபாத் போக, இரண்டு பேரும் எதிர்பாராத விதமா சித்தாரா ஹோட்டல தங்கியிருக்காங்க. ஏற்கனவே தன்னோட இரண்டாவது பொன்னோட வாழ்க்கைய இப்போ தான் ஓரளவு செட்டில் பன்னிட்டு பெருமூச்சு விட்ட ரஜினிக்கு, ஐஸ்வர்யா-தனுஷோட பிரிவு மறுபடியும் பெரிய சோகத்த கொடுத்து இருக்கு. மன வேதனையில கேளம்பாக்கத்துல இருக்குற பண்ண வீட்டுல தனிமையில நேரத்த கழிக்கிறாராம் ரஜினி. இத பாத்து வருத்தப்பட்ட ஐஸ்வர்யா, அப்பாவுக்காகவாது நாம இறங்கி போனும்னு, தனுஷ் தங்கியிருந்த அறைக்கு போய், தனுஷ் கிட்ட பேசிப் பாத்துருக்காங்க. அப்பா ரொம்ப கவலைப் படுறாரு, அவருக்காகவாது நாம மறுபடியும் சேர்ந்து வாழனும், நான் அவசரப்பட்டுடேன்னு புலம்பி தள்ளி இருக்காங்க. சரி இறங்கி வந்த மனைவிட்ட தனுஷும் சமாதானம் ஆகி ஒன்னு சேர்ந்துடுவாங்கன்னு பாத்தா, இரண்டு பேரும் பேசி தான் பிரிவு முடிவ எடுத்தோம்.. இப்போ நீ மாறிட்ட ஆனா என்னால அப்டி உடனே மாற முடியாது. எனக்கு கொஞ்சம் டைம் வேணும்னு சொல்லிட்டாராம் தனுஷ். அட என்னப்பா நீ? மனைவி இறங்கி வந்தா நீயும் கொஞ்சம் இறங்கி போயிருக்கலாம்ல அப்டின்னு அவரோட ரசிகர்கள் தங்களோட கருத்துகளை சொல்லிகிட்டு வராங்க...

பாலிவுட்டில் பிரபல முன்னணி ஹீரோவான சல்மான்கான் வீட்டில் உடல்கள் அடக்கம் செய்யப்பட்டு இருப்பதாக எழுந்த புகாரை அடுத்து நீதிமன்றத்தில் அவர் மீது வழக்கு தொடரபட்டுள்ளது பரபரப்பை ஏற்படுத்தியுள்ளது. 1988 ஆம் ஆண்டு வெளிவந்த பீவி ஹோ தோ ஐசி என்ற படத்தின் மூலம் தான் சினிமா உலகிற்கு அறிமுகமானவர் சல்மான்கான். துணை கதாபாத்திரத்தில் தனது பயணத்தை துவங்கியவர், 1989-ம் ஆண்டு வெளிவந்த மைனே பியார் கியா என்றப் படத்தின் மூலம் கதாநாயகன் அவதாரம் எடுத்தார். முதல் படமே சூப்பர் டூப்பர் ஹிட் அடித்ததை அடுத்து, தொடர்ந்து பல ஹிட் படங்களை கொடுத்து வந்தார். 30 ஆண்டுகளுக்கும் மேலாக ஹிந்தி திரையுலகில் ஹீரோவாக வலம் வரும் சல்மான் கான் அவ்வப்போது சில சர்ச்சைகளிலும் சிக்குவார். உதாரணமாக கடந்த 2002-ம் ஆண்டு மும்பையில் சாலையோரத்தில் படுத்திருந்தவர்கள் மீது சல்மான்கான் வாகனம் மோதிய வழக்கு குறித்து பல சர்ச்சைகள் எழுந்தது. அதற்கு முன்பே 1998-ம் ஆண்டு ஹம் சாத் சாத் ஹெயின் என்ற ஹிந்தி படப்பிடிப்பில் கலந்து கொண்டிருந்த சல்மான் கான், ஜோத்பூரை ஒட்டிய கங்கனி கிராமத்தில் அதிகளவில் வசித்து வரும் வெளி மான் என்ற அரிய வகை மான்கள் இரண்டை வேட்டையாடியதாக புகார் எழுந்தது. 

கிட்டத்தட்ட 20 ஆண்டுகளாக நடந்து வந்த இந்த வழக்கு கடந்த 2018-ம் ஆண்டு தீர்ப்பு வழங்கப்பட்டது. நடிகர் சல்மான் கான் குற்றவாளி என தீர்ப்பளிக்கப்பட்டு 5 ஆண்டுகள் சிறை தண்டனையும் 10 ஆயிரம் ரூபாய் அபராதமும் விதிக்கப்பட்டது. அதனை தொடர்ந்து அந்த வழக்கில் இருந்து வெளியே வந்தவர், தொடர்ந்து ஹிந்தி பிக் பாஸ் நிகழ்ச்சியை தொகுத்த்து வழங்கி வந்தார். பல படங்களிலும் பிசியாக நடித்து வந்தார். பொதுவாக தன்னுடைய ஓய்வு நாட்களை தன்னுடைய பண்ணை வீட்டில் கழிப்பதை வழக்கமாக கொண்டிருக்கிறார் சல்மான் கான். மாகாராஷ்டிர மாநிலம், ராய்கட் மாவட்டத்தில் பன்வெல் என்ற இடத்தில் உள்ளது அந்த பண்ணை வீடு. இந்த வீட்டில் விவசாய பணிகளில் ஓய்வு நேரத்தில் ஈடுபடுவார் சல்மான். இப்படி ஒரு நிலையில் சமீபத்தில் பண்ணை வீட்டில் இருந்த சல்மான் கானை பாம்பு கடித்தது. இதனையடுத்து உடனடியாக தனியார் மருத்துவமனையில் அனுமதிக்கப்பட்டு விஷ முறிவு மருந்தை மருத்துவமனையில் தீவிர சிகிச்சை கொடுக்கப்பட்டது. 

இதே பண்ணை வீட்டில் தான் குழந்தை கடத்தல் சம்பவங்கள் நடப்பதாகவும், திரையுலகை சேந்த பலர் மரணித்து அவர்களின் உடல் அடக்கம் செய்யப்படுவதாகவும் அதே பகுதியை சேர்ந்த கேத்தன் கக்கட் என்பவர் புகார் அளித்திருந்தார். இவரின் இந்த புகார் பாலிவுட்டில் மட்டுமல்லாது, சோஷியல் மீடியாவிலும் பெரும் சலசலப்பை ஏற்படுத்தியது. இந்த புகாருக்கு எதிராகவும், புகார் கொடுத்த கேத்தனுக்கு எதிராகவும் அவதூறு வழக்கு தொடர்ந்துள்ளார் சல்மான் கான். இந்த வழக்கு விசாரணைக்கு வந்த போது, சல்மான் கான் தரப்பில் ஆஜரான வழக்கறிஞர், சல்மான்கானின் வீட்டுக்கு அருகே கேத்தன் கக்கட் என்பவர் நிலம் வைத்திருக்கிறார். அவர் வேண்டும் என்று சல்மான்கான் மீது அவதூறாக பொய் வதந்திகளை பரப்பி உள்ளார். அவர் மதம் தொடர்பாகவும் தவறாக பேசியிருக்கிறார். மீது உரிய நடவடிக்கை எடுக்க பேசியிருக்கிறார். உத்தரவிட வேண்டும். அவர் கூறிய அனைத்தும் பொய் என வாதிட்டார். இதனை தொடர்ந்து சல்மான் கானின் இந்த வழக்கு தொடர்பாக பதிலளிக்குமாறு கேத்தன் கக்கட்டுக்கு நீதிமன்றம் நோட்டீஸ் அனுப்பியுள்ளது. பிரபலம் என்றாலே பிராபலம் தான்...

பிரபல ரவுடியான படப்பை குணாவின் மனைவி கைது செய்யப்பட்டுள்ள சம்பவம் பரபரப்பை ஏற்படுத்தியுள்ளது. திரைப்படங்களில் ஒரு சில ரவுடிகளை நாம் பார்க்கும் போது இப்படியும் இருப்பரா என்ற சந்தேகம் வரும். ஆனால் அப்படியும் ஆட்கள் இருக்கிறார்கள் என்பதை ஒருசில சம்பவங்கள் நடைபெறும் போது தான் உணருவோம். அப்படி தான் படப்பை குணா பற்றிய செய்தியும். காஞ்சிபுரம் மாவட்டம் மதுரமங்கலம் பகுதியை சேர்ந்தவர் படப்பை குணா எனப்படும் குணசேகரன். காஞ்சிபுரம், செங்கல்பட்டு, திருவள்ளூர் ஆகிய பகுதிகளில் கட்டப்பஞ்சாயத்து, அடிதடி, சிறு குறு தொழிலாளர்கள் மற்றும் நிறுவனங்களை மிரட்டுவது, ரியலெஸ்டேட் உள்ளிட்ட சமூக விரோத செயல்களில் ஈடுபட்டு வருகிறார். இவர் மீது கொலை, கொலை முயற்சி, ஆள் கடத்தல், என சுமார் 42 வழக்குகள் நிலுவையில் உள்ளது. 

பல முறை பல வழக்குகளில் கைது செய்யப்பட்டு சிறையும் சென்றுள்ளார். இந்த நிலையில், மதுரமங்கலத்தை சேர்ந்த ரூபாவதி என்பவருக்கு சொந்தமான காலிமனை பட்டாவை, குணா, சென்னை ஆயுதப்பிரிவில் பணியாற்றி வரும் சதீஷ்குமார், நாகராஜ் மற்றும் வெங்கடேசன் ஆகிய 4 பேர்  மிரட்டி வாங்கியதாக கடந்த வருடம் செப்டம்பர் மாதம் சுங்குவார்சத்திரம் காவல்நிலையத்தில் புகார் அளித்தார். புகாரின் பேரில் குணாவை கைது செய்த காவல்துறையினர் சிறையில் அடைத்தனர் அதன் பிறகு ஜாமீனில் வெளிவந்த குணா தலைமறைவாக இருந்து தனது தொழிலை செய்து வந்தார். இந்தநிலையில், காஞ்சிபுரம் மாவட்டத்தில் ரவுடிகள் தொல்லை நாளுக்கு நாள் அதிகரித்ததால், அதனை தடுக்க காஞ்சிபுரம், செங்கல்பட்டு திருவள்ளூர் உள்ளிட்ட மாவட்டங்களுக்கு சிறப்பு அதிகாரியாக திருவண்ணாமலை மாவட்டத்தில் எடிஎஸ்பியாக உள்ள வெள்ளத்துரை நியமிக்கப்பட்டார். அவரது தலைமையிலான அதிகாரிகள் காஞ்சிபுரத்தில் ஆட்டம் காண்பித்து வந்த பல ரவுடிகளையும் கைது செய்து சிறையில் அடைத்தனர். அந்த வரிசையில், தொடர்ச்சியாக படப்பை குணா தலைமறைவாக இருந்து வந்த காரணத்தினால் படைப்பை குணாவின் மனைவியும் ஸ்ரீபெரும்புதூர் ஒன்றிய கவுன்சிலர் எல்லம்மாள் என்பவரை இன்று அதிகாலை கூடுதல் எஸ்பி வெள்ளதுரை தலைமையிலான தனிப்படையினர் கைது செய்து சுங்குவார்சத்திரம் காவல் நிலையத்தில் வைத்து தற்போது விசாரணை மேற்கொண்டு வருகிறார்கள்.

இதற்கிடையே குணாவின் மனைவி எல்லம்மாள் உயர்நீதிமன்றத்தில் வழக்கு ஒன்றை தொடர்ந்தார். அதில் உள்ளாட்சி தேர்தலில் சுயேட்சையாக போட்டியிட்டு வெற்றி பெற்றது முதல் ஆளுங்கட்சியைச் சேர்ந்தவர்கள் மூலம் தொடர்ந்து மிரட்டல் விடுக்கப்பட்டு வருவதாகவும், தனது கணவர் குணா சரணடைய தயாராக உள்ள நிலையில், அவரை காவல்துறை என்கவுண்டர் செய்ய திட்டமிட்டிருப்பதாகவும் குறிப்பிட்டிருந்தார். இந்த வழக்கானது விசாரணைக்கு வந்தபோது, குணாவை என்கவுண்டர் செய்யும் திட்டமில்லை என காவல்துறை தரப்பில் தெரிவிக்கப்பட்டது. மேலும், படப்பை குணா சரணடையும் பட்சத்தில் காவல்துறை விதிகளுக்குட்பட்டு நடத்தப்படுவார் எனவும் காவல்துறை தரப்பில் விளக்கம் அளிக்கப்பட்டதால் வழக்கு முடித்து வைக்கப்பட்டது.வழக்கு முடிந்த கையோடு தலைமறைவாக இருந்த படப்பை குணா சைதாப்பேட்டை நீதிமன்றத்தில் சரண்டைந்தார். அவரை வரும் 31-ம் தேதி வரை நீதிமன்ற காவலில் வைக்க நீதிபதி உத்தரவிட்டதை அடுத்து, பூந்தமல்லி கிளைச் சிறையில் அடைக்கப்பட்டார். தொடர்ந்து அவரை காவலில் எடுத்து விசாரிக்க காவல்துறையினர் திட்டமிட்டு அதற்கான நடவடிகைகளில் ஈடுபட்டு வருகின்றனர்.