ஈ.சி.ஆரில் நடிகை யாஷிகா ஆனந்த் சென்ற கார் விபத்தில் சிக்கியது. விபத்தில் படுகாயம் அடைந்த யாஷிகா மருத்துவமனையில் சிகிச்சைக்காக அனுமதிக்கப்பட்டுள்ளார். 

பஞ்சாப்பை சேர்ந்த யாஷிகா ஆனந்த் மாடலாக வலம் வந்த நிலையில், துருவங்கள் 16 என்ற திரைப்படம் மூலம் தமிழ் சினிமாவில் அறிமுகமானார். அதனை தொடர்ந்து  பல படங்களில் சிறிய சிறிய கதாபாத்திரத்தில் தோன்றிய யாஷிகா, இருட்டு அறையில் முரட்டு குத்து என்றப் படம் மூலம் கவர்ச்சி நாயகியாக தமிழ் சினிமாவில் வலம் வந்தார். 

கடந்த 2018-ம் ஆண்டு தனியார் தொலைக்காட்சியில் நடந்த ரியாலிட்டி ஷோ மூலம் ரசிகர்களிடம் பிரபலமான யாஷிகா,  உத்தமன், ராஜ பீமா, கடமையை செய், சல்ஃபர், பாம்பாட்டம் உள்ளிட்ட பல படங்களை கை வசம் வைத்துள்ளார். இந்நிலையில், நேற்று நள்ளிரவு தனது நண்பர்களுடன் பார்ட்டிக்கு சென்று திரும்பிய யாஷிகாவின் கார் ஈ.சி.ஆர் அருகே சாலையோரத்தில் இருந்த தடுப்பு மீது மோதி விபத்துக்குள்ளானது. 

இதில் படுகாயமடைந்த யாஷிகா ஆனந்த் மருத்துவமனையில் சிகிச்சைக்காக அனுமதிக்கப்பட்டுள்ளார். அவருடன் காரில் பயணித்த அவரது தோழி வள்ளிச்செட்டி பவணி சம்பவ இடத்திலேயே உயிரிழந்த நிலையில், மேலும் இரண்டு ஆண் நண்பர்கள் காயங்களுடன் மருத்துவமனையில் அனுமதிக்கப்பட்டுள்ளனர். 

தகவலறிந்து சம்பவ இடத்திற்கு சென்ற காவல்துறையினர், விபத்தில் அப்பளம் போல் நொறுங்கிய காரை மீட்டனர். மேலும் விபத்துக்கான காரணம் என்ன? மதுபோதையில் விபத்து நடைபெற்றதா? என பல கோணங்களில் விசாரணை நடத்தி வருகின்றனர். 

அரியலூரில் அதிசயமாக ஒற்றை கண்ணுடன் பிறந்த அதிசய ஆட்டுக்குட்டியை ஆர்வமுடன் கண்டு செல்லும் பொதுமக்கள்.

அரியலூர் மாவட்டம், தென்கச்சி பெருமாள் நத்தம் கிராமத்தில் வசித்து வருபவர் சிவகுருநாதன். இவர் கடந்த பத்தாண்டுகளாக கால்நடைகளை வளர்த்து வருகிறார். இந்நிலையில் நேற்று ஆடி முதல் வெள்ளியை முன்னிட்டு வளர்த்து வந்த  ஆடு இரட்டை குட்டிகளை ஈன்றது. அதில் சிவன் போன்று நெற்றியில் ஒற்றை கண்ணுடன் ஒரு ஆட்டுக்குட்டி பிறந்துள்ளது.  இந்த  அதிசய ஆட்டுக்குட்டியை பொதுமக்கள் வியந்த வண்ணம் ஆர்வத்துடன் பார்த்துச் செல்கின்றனர்.

ஆடி முதல் வெள்ளியில் சிவனைப் போன்று நெற்றியில் ஒற்றை கண்ணுடன் பிறந்த ஆட்டுக்குட்டியால் கிராமத்திற்கு அதிசயம் நிகழும் என பொதுமக்கள் அனைவரும் நம்பிக்கை தெரிவித்து ஆர்வமுடன் வந்து பார்த்து வணங்கி செல்கின்றனர். இதனால் ஆடு வளர்க்கும் தங்களது குடும்பத்திற்கும் நல்லது நடக்கும் என மகிழ்ச்சியில் திளைத்துள்ளனர்.

அமமுகவை தொடங்கிய தினகரன் கடந்த நாடாளுமன்ற மற்றும்  சட்டமன்ற தேர்தல் என இரண்டிலும் படுதோல்வியை சந்தித்துள்ளார்.அதிமுகவை கைப்பற்றுவது மட்டும் இல்லாமல் ஒன்றுப்படுதுவதுதான் தனது லட்சியம் என சசிகலா அறிவித்துள்ளார். அதிமுக ஜானகி அணி மற்றும் அதிமுக ஜெயலலிதா அணி இரண்டாக பிரிந்தபோது இரண்டையும் ஒன்றினைத்து அதிமுகவை ஒன்றாக்கி நீதிமன்றத்தின் மூலம் இரட்டை இலையை மீட்டது ஜெயலலிதாவின் இமலாய சாதனையாகும் என பேசப்பட்ட நிலையில்,

 அதிமுக ஒன்றுப்பட்டதால் திமுகவை வீழ்த்தி சட்டமன்ற மற்றும் நாடாளுமன்ற தேர்தலிலும் அதிமுக வெற்றி பெற செய்து தமிழகத்தில் ஆட்சியை பிடித்து முதல்வர் பதவியை பிடித்தார் ஜெயலலிதா.அதே பாணியில் அதிமுகவை ஒன்றினைக்க சாணக்கியதனமாக முடிவெடுத்துவிட்டார் சசிகலா.

அதிமுக ஒன்றுபட தடையாக இருப்பது அமமுக தான், இதனால் அமமுகவை கலைத்துவிட்டால்,அதிமுக ஒரே கட்சியாகிவிடும்.அமமுகவை கலைத்தால் சசிகலாவின் இமேஜ் உயர்ந்துவிடும் என்றும் இதற்கு முதல்கட்டமாக தினகரனை அமைதியாக இருக்கும்படியும் அமமுக செயல்பாட்டை நிறுத்துப்படியும் உத்தரவிட்டுள்ளராம்.

இதன் காரணமாக சென்னையில் உள்ள அமமுக தலைமை அலுவலகத்திற்கு தினகரன் வருவதை நிறுத்திவிட்டராம். அமமுக செயல்பாடு இல்லாததால் முக்கிய நிர்வாகிகள் அமமுகவுக்கு முழுக்குபோட்டுவிட்டு திமுகவுக்கு ஜக்கியம் ஆக்கிவிட்டார்.இதை தடுத்து நிறுத்துவதற்கு ஒரே வழி அமமுகவை கலைப்பதுதான்.சசிகலா ஆதாரவளர்களும் அதிமுக தலைமையும் ஒன்றினைவது குறித்து ரகசிய ஆலோசனை நடத்தினார்கள் என்று தகவல் வெளியாகியுள்ளது.

அதிமுக பிளவுப்பட்டே இருந்தால் திமுகவை எந்த காலத்திலும் எதிர்க்க முடியாது இதை நம்பும் சசிகலா அதிமுக இணைப்புக்கு தயாரகிவிட்டார்.விரைவில் அதிமுக சசிகலா இணையும் விழா கோலாகலமாக நடைபெறும் என அரசியல் வட்டாரத்தில் தகவல் வெளிவந்துள்ளன.

பா.ரஞ்சித் இயக்கத்தில், ஆர்யா, பசுபதி, துஷாரா, ஜான் விஜய் உள்ளிட்ட பலர் நடிப்பில் உருவாகி, கடந்த 21-ம் தேதி அமேசான் பிரைமில் வெளியான திரைப்படம் சார்பட்டா பரம்பரை. படம் வெளியான நாளில் இருந்து ரசிகர்களின் கொண்டாடட்டம் நிற்கவில்லை. மெட்ராஸ்க்கு பிறகு ஒரிஜினல் ரஞ்சித்தையும், நான் கடவுள், மதராசப்பட்டினம் படத்திற்கு பிறகு நடிப்பில் கலக்கிய ஆர்யா என அனைவரும் பாராட்டி வருகின்றனர். 

அட்டக்கத்தி, மெட்ராஸ், கபாலி, காலா போன்ற படங்களை இயக்கி பிரபலமானவர் இயக்குநர் பா.ரஞ்சித். சாதிய ஒடுக்குமுறையையும், அதில் நடக்கும் அரசியலையும் அவரது படங்கள் மூலம் வெளிச்சத்திற்கு கொண்டு வருபவர். இவரது மெட்ராஸ் திரைப்படம் இவரது பெயரை ரசிகர்கள் மத்தியிலும், தமிழ் சினிமாவிலும் தூக்கி நிறுத்தியது. அதன் பிறகு வெளியான கபாலி, காலா போன்ற படங்களில் சூப்பர் ஸ்டார் ரஜினிகாந்த் நடிப்பு முதன்மையாக பேசப்பட்டதால், பா.ரஞ்சித்தின் முகம் சற்று மறைந்தது. 

மெட்ராஸ் படத்திற்கு பிறகு மீண்டும் தன் பெயரை நிலை நாட்டும் படியான படத்தை தந்துள்ளார் சார்பட்டா பரம்பரை மூலம். 1970-களில் நடைபெற்ற ரோசமான குத்துச்சண்டை என்பதை மையமாக வைத்தும், அதன் பின்னால் இருந்த அரசியலையும் எடுத்துக் கூறியது சார்பட்டா பரம்பரை. திமுக-அதிமுக-காங்கிரஸ் கட்சிகளின் கொடிகளையும், தலைவர்களின் பெயர்களையும், எமெர்ஜென்சி காலகட்டத்தில் இக்கட்சிகளின் நிலைப்பாட்டையும் இருந்தது இருந்தப்படி வெளிக்காட்டியிருந்தார் பா.ரஞ்சித். 

பா.ரஞ்சித் பெரியார் கொள்கைகளை பின்பற்றுபவர் என்பது நாம் அறிந்ததே. அவரது படங்கள் வாயிலாக திமுக, மற்றும் பெரியாரை நிச்சயம் காட்டத் தவர மாட்டார். அதேபோல இப்படத்திலும் கலைஞர், ஸ்டாலின் என அனைவரையும் தொட்டுள்ளார் பா.ரஞ்சித். பொதுவாக இவரது படங்களுக்கு ஆர்.எஸ்.எஸ், இந்துதுவா போன்ற அமைப்புகள் மட்டுமே எதிர்ப்பு தெரிவித்து வருவர். ஆனால் சார்பட்டா பரம்பரை படத்திற்கு, அதிமுகவே எதிர்ப்பு தெரிவித்துள்ளது. 

படத்தில் எமெர்ஜென்சி காலகட்டத்தில் எம்.ஜி.ஆர் தலைமையிலான அதிமுகவின் துணையோடு கள்ளச்சாரயம் காய்ச்சுவது போன்ற காட்சி அமைப்புகள் அதிமுகவினரை கோபமடையச் செய்துள்ளது. ஆனால் திமுகவினரோ அக்கட்சிக்கு சாதகமான காட்சிகள் படத்தில் இருப்பதால், இதனை கொண்டாடி வருகிறது. இதன் மூலம் அதிமுக-திமுக தொண்டர்கள் சமூக வலைத்தளங்களில் ஒருவருக்கொருவர் மாறி மாறி திட்டித் தீர்த்து வருகின்றனர். 

இந்த நிலையில், திமுகவின் இளைஞரணி செயலாளரும், சேப்பாக்கம்-திருவல்லிகேணி எம்.எல்.ஏ-வுமான உதயநிதி சார்பட்டா பரம்பரை படக்குழுவினரை பாராட்டியுள்ளார். படம் தொடர்பாக அவர் வெளியிட்டுள்ள ட்விட்டர் பதிவில், 70-களின் பின்னணியில் குத்துச்சண்டை விளையாட்டை மையப்படுத்தி வெளிவந்துள்ள 'சார்பட்டா பரம்பரை' முக்கியமான திரைப்படம். அந்த காலத்தில் இருந்த அரசியல் நெருக்கடி நிலையையும், அதை கழகம் - கலைஞர் - கழக தலைவர் எதிர்கொண்ட விதத்தையும் கதையோடு காட்சிப்படுத்தியிருப்பது சிறப்புக்குரியது என புகழ்ந்து தள்ளியுள்ளார். 

கபிலனாக அசத்தியுள்ள நண்பர் ஆர்யா, கழகத்துக்கார்-ரங்கன் வாத்தியாராக வரும் பசுபதி சார், சார், டான்ஸிங் ரோஸ் சபீர், வேம்புலி ஜான் விஜய் என ஒவ்வொரு கதாபாத்திரங்களையும் கதையில் வாழ செய்துள்ள நண்பர் இயக்குநர் ரஞ்சித்துக்கும், ஒட்டுமொத்த படக்குழுவுக்கும் வாழ்த்துகள் என்று உதயநிதி ஸ்டாலின் கூறியுள்ளார். இருக்காதா பின்னே திமுக கட்சியின் ரத்தமாயிற்றே..

திருச்சி மாவட்டம், அல்லித்துறையை அடுத்த கன்னியம்மன் கோயில் அருகில் வசித்துவருபவர் பாலசுப்பிரமணியன் என்கிற தேஜஸ் சுவாமிகள். அவர், தன்னைத் சாமியார் என்று சொல்லிக்கொண்டு அந்த பகுதியில் பிரபலமாக வலம்வருகிறார். 

இந்நிலையில், இந்த தேஜஸ் சுவாமி, திருச்சியிலுள்ள ஒரு வழக்கறிஞருடன் பேசிக்கொள்ளும்  ஆடியோ கடந்த வாரம் வெளியானது. அதில், தி.மு.க, அ.தி.மு.க உள்ளிட்ட முக்கியப் புள்ளிகள் என்னிடம் பேசிக்கொண்டிருக்கிறார்கள். மேலும் அரசின் உயரதிகாரிகளும் என்னை நாள்தோறும் சந்தித்துவிட்டுச் செல்கிறார்கள். மேலும்,தமிழகத்தில் 42 ரெளடிகள் கொண்ட லிஸ்ட்டை போலீஸார் கையில் எடுத்திருக்கிறார்கள். அதில், டெல்டா மாவட்டங்களில் மட்டும் 12 ரெளடிகள் என்கவுன்ட்டர் லிஸ்ட்டில் இருக்கிறார்கள். எப்போது வேண்டுமானாலும் என்கவுன்ட்டர் நடக்கலாம். திருச்சியைச் சேர்ந்த முக்கிய ரெளடிகள் சிலர், என்னை வந்து பார்த்துவிட்டுப் போகிறார்கள்.  சைரன் வைத்த காரில் சென்று அமைச்சர் சேகர் பாபுவை நேரில் சந்தித்துப் பேசியிருக்கிறேன்" என்று கூறியிருந்தார். 

அதன் பின்னர்  இந்த ஆடியோ இணையத்தில் வைரலானது. இதைக் கேட்ட பலர் இந்த ஆள் என்ன உண்மையில் சாமியாரா அல்லது ரௌடியா? இத்தனை ரௌடிகளுடன் தொடர்பு வைத்துள்ளார் என்று பேசி வந்தார்கள். 

அதைத் தொடர்ந்து தேஜஸ் சாமியை திருச்சி காவல்துறையினர் விசாரணைக்கு அழைத்து ரகசிய இடத்தில் வைத்து விசாரணை நடத்தி வருகிறார்கள். இந்நிலையில் இது குறித்து காவல்துறை வட்டாரத்தில் கூறுகையில், தேஜஸ் சுவாமியுடன் திருச்சியிலுள்ள சிட்டிங் எம்.எல்.ஏக்கள் சிலர் தொடர்பில் இருக்கிறார்கள். அவர்கள் தேஜஸ் சுவாமிகள் நடத்தும் யாகத்திலும் கலந்துகொண்டிருக்கிறார்கள். அதோடு திருச்சியில் முக்கிய நடிகர் ஓருவரும் இவரோடு தொடர்பில் இருக்கிறார். இவர்களைப் போல பலரும் சாமியாரோடு தொடர்பில் இருக்கிறார்கள்.

ரெளடிகளுடன் இவருக்குத் தொடர்பு எப்படி வந்தது? அவர்களை பயன்படுத்தி எதுவும் முறைகேடுகளில் ஈடுபட்டுள்ளாரா? என்பது பற்றி விசாரித்து வருகிறோம். தற்போது இந்த சாமியார் மீது ஆறு பிரிவுகளின் கீழ் வழக்கு பதிவு செய்யப்பட்டிருக்கிறது. இது தொடர்பாக மூன்று பேரை கைதுசெய்திருக்கிறோம்