அ.தி.மு.க. பொதுச்செயலாளர் தேர்தலுக்கு தடை விதிக்க கோரியும், பொதுக்குழு தீர்மானங்களுக்கு எதிராகவும் தொடரப்பட்ட வழக்கின் தீர்ப்பை தேதி குறிப்பிடாமல் சென்னை உயர்நீதிமன்றம் ஒத்தி வைத்துள்ளது. 

அ.தி.மு.க. பொதுச்செயலாளர் தேர்தலுக்கு தடை விதிக்க கோரியும், பொதுக்குழு தீர்மானங்களுக்கு எதிராகவும் ஓ.பன்னீர்செல்வம் தரப்பினர் சென்னை உயர்நீதிமன்றத்தில் வழக்கு தொடர்ந்தனர். 

இந்த வழக்கு நீதிபதி குமரேஷ்பாபு முன்பு மீண்டும் விசாரணைக்கு வந்தது. அப்போது, ஓ.பி.எஸ் ஆதரவாளர்களான வைத்திலிங்கம், மனோஜ் பாண்டியன், ஜே.சி.  டி பிரபாகர் ஆகியோர் அடுத்தடுத்து வாதங்களை முன்வைத்தனர். பொதுச்செயலாளர் பதவிக்காக எடப்பாடி பழனிசாமிக்கு ஆதரவாக கட்சியின் விதிகள் திருத்தப்பட்டுள்ளதாக ஓபி.எஸ் தரப்பில் புகார் தெரிவிக்கப்பட்டது. இந்த விதிகளை திருத்தி நிபந்தனைகளை நீக்கி பொதுச் செயலாளர் பதவிக்கான தேர்தலில் போட்டியிட அனுமதித்தால் போட்டியிடுவார் என்றும், ஓபிஎஸ் தரப்பு வழக்கறிஞர் வாதிட்டார். மேலும், நிபந்தனைகளை நீக்கினால் வழக்கை வாபஸ் பெற தயாராக இருப்பதாக அவர் உறுதி அளித்தார். 

இதையும் படிக்க : சட்டப்பேரவையில் நாளை மீண்டும் ஆன்லைன் தடை சட்ட மசோதா தாக்கல்...!

இதனைத்தொடர்ந்து, எடப்பாடி பழனிசாமி தரப்பில் ஆஜரான வழக்கறிஞர், பொதுக்குழு உறுப்பினர்களின் குரலை ஒடுக்கும் வகையில் வழக்கு தொடரப்பட்டுள்ளதாக தெரிவித்தார். தாங்கள்தான் உண்மையான கட்சி என்றால் தேர்தல் ஆணையம் மற்றும் மக்கள் மன்றத்தில் பலத்தை நிரூபிக்க வேண்டும் என்றும் கூறினார். திமுகவை எதிர்கொள்ள தெளிவான, வலுவான ஒற்றை தலைமை என்ற தீர்மானம் நிறைவேற்றப்பட்டது. ஆனால், வலுவான எதிர்க் கட்சியாக அதிமுக செயல்படுவதை வீழ்த்தும் நோக்கில் பொதுச்செயலாளர் தேர்தலை எதிர்த்து வழக்கு தொடரப்பட்டுள்ளதாகவும், ஆகவே, பொதுச்செயலாளர் தேர்தலுக்கு தடை விதிக்கக் கூடாது என்றும் ஈபிஎஸ் தரப்பு வழக்கறிஞர் வாதிட்டார். 

இதனையடுத்து, அனைத்து தரப்பு வாதங்களும் நிறைவடைந்த நிலையில், தீர்ப்பு தேதி குறிப்பிடப்படாமல் ஒத்தி வைக்கப்பட்டது. மேலும், ஓபிஎஸ் தரப்பு எழுத்துப்பூர்வ வாதங்களை தாக்கல் செய்ய வரும் 24 ஆம் தேதி வெள்ளிக்கிழமை காலை வரை அவகாசம் வழங்கியும் நீதிபதி குமரேஷ்பாபு உத்தரவிட்டார்.

தனியார் தொலைக்காட்சிகளில் வெளியான பல எண்டெர்டெயின்மெண்ட் ஷோக்களில் அதிகமாக மக்கள் மனதைக் கவர்ந்தது, அசத்தப்போவது யாரு என்ற நிகழ்ச்சி தான். பல திறமைகளுக்கு ஒரு மேடை அமைத்து ஸ்டாண்ட் அப் காமெடி, மிமிக்ரி, நாடகம் போன்ற பல திறமையாளர்களை உலகிற்கு அறிமுகப்படுத்திய இந்த நிகழ்ச்சியைப் பார்த்து பல சேனல்கள் இது போன்ற நிகழ்ச்சிகளைத் துவங்கியது.

மேலும் படிக்க | “செங்களம்” ட்ரெய்லர் எனக்குள் பொறாமை ஏற்படுத்தியது - இயக்குனர் அமீர்...

அப்படி உருவான ‘கலக்கப்போவது யாரு’ என்ற நிகழ்ச்சியானது, பல வருடங்களாக, மிக அதிகமான சீசன்களோடு தற்போது வரை ஒளிபரப்பாகி வருகிறது. இந்த நிகழ்ச்சிக்கு, வயது வரம்பின்றி பல தரப்பினரும் ரசிகர்களாக இருக்கின்றனர். குழந்தைகள் உட்பட பார்க்கும் இந்த நிகழ்ச்சியில் சமீப காலமாக சில தகாத முறையில் சில காமெடிகள் பேசப்படுவதாக தொடர்ந்து புகார்கள் எழுந்து வருகிறது.

அதுவும், ப்ரைம் நேரத்தில் ஒளிபரப்பாகும் இந்த நிகழ்ச்சியானது அதிகமாக குழந்தைகளையே பெற்றுள்ளது குறிப்பிடத்தக்கது. இப்படிப்பட்ட நிகழ்ச்சியில் ஒளிபரப்பாகும் தொகுப்புகளில் கொஞ்சம் கண்ணியம் வேண்டாமா? காமெடி என்ற பெயரில் இரட்டை அர்த்த வசனமும், சில நேரங்களில் நேரடியாகவே ஆபாச வார்த்தையை பிரயோகிப்பதுதான் இவர்களுக்கு தரமான நகைச்சுவையாக இருந்து வருகிறது.

மேலும் படிக்க | “அயலி வேறு உலகம், இது வேறு உலகம்” - செங்களம் ட்ரெயிலர் வெளியீட்டு விழா...

தொடர் உருவ கேலி...

21ம் நூற்றாண்டில், எது குறித்த விழிப்புணர்வு வந்ததோ இல்லையோ, மக்கள் தங்களது உருவங்கள் குறித்து, உருவ கேலி குறித்து ஒரு விழிப்புணர்வு நன்றாக ஏற்பட்டுள்ளது என்பது தான் உண்மை. பல வகையான மோசமான நகைச்சுவைகளை நாம் அன்றாட வாழ்க்கையில் கேட்டுக் கொண்டு தான் இருக்கிறோம். உருவ கேலிகளை எதிர்த்து சோசியல் மீடியாக்கள் முதல் அனைத்து இடங்களிலும் பிரச்சாரம் செய்து வரும் நிலையில், இது போன்ற ஒரு சில நிகழ்ச்சிகள் இப்பொழுதும் மோசமான நகைச்சுவைகள் வந்த்க் கொண்டு தான் இருக்கின்றன.

குறிப்பாக, தன்னை உருவ கேலி செய்யக் கூடாது என பல வகையான பிரச்சாரம் செய்து வரும் பாலா, அடுத்தவர்களை மட்டும் உருவ கேலி மட்டும் தொடர்ந்து செய்து வருவது யாராலும் மருக்க முடியாத ஒன்றாக இருக்கிறது. இந்நிலையில், இந்த வாரம் நிகழ்ச்சியை தொகுத்து வழங்கிய பாலா, ஒரு சூழ்நிலையை எடுத்துரைக்கிறார்.

மேலும் படிக்க | ZEE5 வழங்கும் “செங்களம்” இணையத் தொடர் டிரெய்லர் வெளியீட்டு விழா !

மோசமான களம்...

அதாவது, மதுரை முத்து கல்லூரி புரொபசராகவும், ரேஷ்மா கல்லூரி மாணவியாகவும் இருக்கிறார். இப்போது இந்த மாணவியை புரொபசர் கரெக்ட் செய்கிறார். இதனை ஸ்ருதிகா கண்டிப்பதுபோலவும் தான் அந்த சூழ்நிலை.

காமெடியே இல்லாமல் போனாலும், தனக்கு ஏதோ தெரிந்த வகையில் நகைச்சுவை செய்ய முயற்சி செய்து கொண்டிருக்கும் ரேஷ்மா பஷுபுலேத்தி மற்றும் ஸ்ருத்திக்கா ஜட்ஜாக இருக்கும் நிலையில், அவர்களுடன் ரோபோ போலவே அமர்ந்திருக்கிறார் தாடி பாலாஜி. இன்னொரு பக்கம், எதையாவது சொல்லியே ஆக வேண்டும் என துடிக்கும் மதுரை முத்து.

இவர்கள் செய்யும் சாதாரண நகைச்சுவையே முகம் சுளிக்க வைக்கும் நிலையில், பாலா கொடுத்த இந்த் அமோசமான சூழல் அனைவரையும் வெறுப்படைய வைத்துள்ளது என்று தான் கூற வேண்டும்.

மேலும் படிக்க | ரஜினியின் நடிப்பு குறித்து இயக்குநர் அமீர் சர்ச்சை பேச்சு...

மார்க் வேண்டுமென்றால் செல்போன் நம்பர் வேண்டும் என மதுரை முத்து பேச, அண்ணன் என்று அழைப்பதற்கே இப்படி ரகசியமாய் அழைப்பது ஏன் என பாலாஜி நா - கூசும்படியான வார்த்தையை உதிர்க்க, இதை விடவெல்லாம் மேலாய், கண்ணாடி எடுத்துப் போட, ஜிப்பை மேல இழுக்க என பச்சைப் பச்சையாய் ஸ்ருதிகா பேசியதைப் பார்த்து பலரும் சேனலை மாற்ற முடிவெடுத்து விட்டனர். 

ஏற்கெனவே பள்ளி, கல்லூரிகளில் மாணவிகளை அங்கு பணியாற்றும் ஆசிரியர்களே மதிப்பெண்களை காரணம் காட்டி பாலியல் ரீதியாக துன்புறுத்துவது நீடித்து வருகிறது. ஆனால் இது எதையுமே கருத்தில் கொள்ளாமல் ஏதோ சிரிக்க வேண்டும் என எண்ணத்தில் ஆசிரியர்களையும் மாணவிகளையும் சேர்த்து வைத்து கொச்சையாக பேசுகிறது இந்த குழு. 

இதில் வேதனை என்னவென்றால் அவர்களின் காமெடிக்கு பார்வையாளர்கள் சிரிப்பதில்லை என தெரிந்து அவர்களே சிரித்துக் கொள்வதுதான்.. ஆபாசமில்லாத பேச்சுக்கள்தான் தரமான நகைச்சுவை என்பதை துளியும் அறிந்து கொள்ளாத இந்த நிகழ்ச்சியால் இளைஞர்கள், மாணவர்கள் ஆகியோரின் மனதில் வக்கிரங்கள் குடி கொள்ளும் என்பதுதான் நிச்சயம். இப்படியான ஆபாசமாக உரையாடும் இந்த பங்கேற்பாளர்கள் மீது ஏதேனும் சட்டம் பாயுமா? கலக்கப்போவது யாரு நிகழ்ச்சியை பொழக்கப் போவது யாரு?

--- பூஜா ராமகிருஷ்ணன்

மேலும் படிக்க | அதிகாரப்பூர்வமாக வெளியாக தயாராகி வரும் ‘அக நக’ பாடல்...

சென்னை காரணீஸ்வரர் தெருவில் பொதுமக்களின் பயன்பாட்டிற்காக அமைக்கப்பட்ட நடைபாதை இருப்பது கூட தெரியாமல் பயனற்ற நிலையில் காணப்படுகிறது.

குறையும் சாலை:

சென்னையில் மையப்பகுதியாக பார்க்கப்படக்கூடிய மயிலாப்பூர் பகுதியில் காரனேஸ்வரர் தெரு அமைந்துள்ளது.  மயிலாப்பூர் சிட்டி சென்டர் பின்புறத்தில் இருந்து சென்னை காமராஜர் சாலையை இணைக்க கூடிய வகையில் நீண்ட சாலையாக காரனேஸ்வரர் தெரு அமைந்துள்ளது.  சமீப நாட்களாக இந்த சாலையின் அளவு என்பது குறைந்து கொண்டே வருவதாக பொதுமக்கள் குற்றம் சாட்டுகின்றனர்.

தனியாருக்கு:

சாலையின் ஒரு புறம் பொதுமக்கள் பயன்பாட்டிற்காக நடைபாதை ஒன்று அமைக்கப்பட்டுள்ளது.  ஆனால் இந்த நடைபாதையை மறைக்கும் அளவுக்கு நீண்ட வரிசையில் தனியார் டிராவல்ஸ் நிறுவனத்தின் வாகனங்கள் நிறுத்தி வைக்கப்பட்டுள்ளது.  அதேபோன்று மறுபுறம் அந்தந்த வீட்டின் வாகனங்கள் மற்றும் நிறுவனங்களைச் சார்ந்த வாகனங்கள் நிறுத்தி வைக்கப்பட்டுள்ளது.

தெரியாத நடைபாதை:

வாகனங்களின் நீண்ட வரிசை காரணமாக அங்கு அமைக்கப்பட்டுள்ள நடைபாதை என்பது இருப்பதே தெரியாமல் போய்விட்டது.  இதன் காரணமாக அந்த நடைபாதையை பல்வேறு சமூக விரோத செயல்களுக்கு சிலர் பயன்படுத்தி வருவதாக பொதுமக்கள் குற்றம் சாட்டி வருகின்றனர்.

முக சுழிப்பு:

இந்தப் பகுதியில் நடைபாதை இருப்பது கூட தெரியாத அளவிற்கு வாகனங்களால் நடைபாதை மறைக்கப்பட்டுள்ளது.  இதன் காரணமாக அந்த மறைவில் சென்று பலர் இயற்கை உபாதைகளை கழித்து வருகின்றனர்.  பள்ளி கல்லூரி செல்லக்கூடிய மாணவர்கள் இந்த வழியாக செல்லும்போது துர்நாற்றத்தின் காரணமாக முகம் சுழிப்புடன் சென்று வருகின்றனர்

சட்டவிரோதமாக:

இந்த சாலை என்பது மிகப்பெரிய சாலை தான் எனினும் தனியார் நிறுவனத்தின் டிராவல்ஸ் வாகனங்கள் நிறுத்தி வைக்கப்பட்டுள்ளதால் இந்த பகுதியில் பேருந்து செல்வதற்கு கூட மிகுந்த சிரமமாக உள்ளது.   அதுமட்டுமல்லாமல் சாலையின் ஓரமாகவே ஜல்லி மணல் போன்றவற்றை கொட்டி வைத்து வருகின்றனர்.  நடைபாதையின் மேலும் கட்டுமான கழிவுகளையும் கொட்டி வருகின்றனர்.  அந்த நடைபாதை மறைவில் சில இளைஞர்கள் இரவு நேரங்களில் புகைபிடித்தல் போன்ற சட்டவிரோத செயல்களையும் செய்து வருகின்றனர்.

கோரிக்கை:

சென்னை மாநகராட்சி சிங்காரச் சென்னை 2.0 போன்ற பல்வேறு சென்னை அழகுப்படுத்தும் திட்டங்களை செயல்படுத்தி வருகிறது.  இந்த நிலையில் மாநகராட்சியின் உள்ளேயே பொதுமக்கள் பயன்படுத்தாத நிலையில் உள்ள நடைபாதையை மீட்டு தர வேண்டும் என்றும் இந்த பகுதியில் வசிக்கக்கூடிய பொது மக்களுக்கு சுகாதாரமான சுற்றுச்சூழலை ஏற்படுத்தி தர வேண்டும் என்பதே காரணீஸ்வரர் தெருவில் வசிக்கக்கூடிய பொதுமக்களின் கோரிக்கையாக உள்ளது.

இதையும் படிக்க:  விளம்பரத்திற்காக விமர்சிக்கும் துணைநிலை ஆளுநர்...!!!

திருச்சியில் அமைச்சர்   கே.என்.நேரு ஆதரவாளர்  களு  க்  கும், எம்.பி. திருச்சி சிவாவின் ஆதரவாளர்  களு  க்  கும் இடையே பயங்  கர மோதல் உண்டானது. ஒரே   கட்சியில் இருந்தபோதும் ஒருவரையொருவர் தா  க்  கி  க்   கொண்டது ஏன்?

நாடாளுமன்ற மாநிலங்  களவை உறுப்பினரா  கவும், தி.மு.  க.வின் மு  க்  கியத் தலைவரா  கவும் இருந்து வருபவர் திருச்சி சிவா. இவரது ம  கன் சூர்யா பா.ஜ.  க.வு  க்  கு சென்று மீண்டும் தி.மு.  க.வில் இணைந்தபோதும் சிவாவு  க்  கு   கட்சியில்   கூடுதல் ம  கத்துவம் உண்டு. இப்படியிரு  க்  க திருச்சி சிவாவின் தரப்பு  க்  கும், தி.மு.  க.வின் மு  க்  கிய தூணா  க விளங்  கும்   கே.என்.நேருவின் தரப்பு  க்  கும் இடையே திடீரென மோதல் ஏற்பட்டது.

திருச்சி எஸ்.பி.ஐ.   காலனியில் டென்னிஸ் மைதானம் ஒன்று   கட்டப்பட்டு திறப்பு விழா நடந்து முடிந்தது. இந்த டென்னிஸ் அரங்  கத்தை தமிழ  க ந  கராட்சி நிர்வா  கத்துறை அமைச்சர்   கே.என்.நேரு திறந்து வைப்பதா  க முன்னரே முடிவெடு  க்  கப்பட்டது. இந்த திறப்பு விழாவு  க்  கான பத்திரி  க்  கை ஏற்  கெனவே அச்சடி  க்  கப்பட்ட நிலையில் அதில் திருச்சி சிவா-வின் பெயர் இடம் பெறாமல் இருந்ததுதான் ஆரம்பப் புள்ளி.. இதையடுத்து டென்னிஸ் விளையாட்டு மைதான திறப்பு விழாவு  க்  கு சென்ற தி.மு.  க.வினர் அங்  கு வடி  க்  கப்பட்டிருந்த   கல்வெட்டை பார்த்ததும் அதிர்ந்து போயினர். 

பத்திரி  க்  கையில் இல்லையென்றால் சரி,   கல்வெட்டில்   கூட திருச்சி சிவா பெயர் இடம் பெறவில்லையே என ஆத்திரமடைந்த திருச்சி சிவாவின் ஆதரவாளர்  கள் இது  குறித்து   கேட்டு விட முடிவெடுத்தனர். உடனே   கே.என்.நேருவின்   காரை வழிமறித்து   கறுப்பு  க்   கொடி   காட்டி அவரு  க்  கு எதிரா  க முழ  க்  கமிட்டனர். 

இதையும் படி  க்  க : தொடரும் மாணவர்  களின் தற்  கொலை...ஐ.ஐ.டி.அளித்த விள  க்  கம்...அறி  க்  கை வெளியிட்ட நெல்லை முபரா  க்!

இதனை  க்   கண்ட   கே.என்.நேரு சமாளி  க்  க முடியாமல்   காரில் ஏறி சென்றபோதும், நேருவின் ஆதரவாளர்  களு  க்  கு ஆத்திரம் பொத்து  க்   கொண்டு வந்தது. அது எப்படி   காரை வழிமறித்து   கேள்வி எழுப்பலாம் என நினைத்தவர்  கள், ஓடோடிச் சென்று திருச்சி சிவாவின் வீட்டின் முன்பு நிறுத்தப்பட்டிருந்த   கார் மீது   கல்லை விட்டெறிந்தனர். 

அதோடு வாசலில் போடப்பட்டிருந்த பிளாஸ்டி  க் சேர்  கள், இருச  க்  கர வா  கனங்  களை அடித்து நொறு  க்  கி விட்டு   கண்ணிமை  க்  கும் நேரத்தில்   காணாமல் போயினர்.   கே.என்.நேருவின்   காரை வழிமறித்து வா  க்  குவாதம் செய்த திருச்சி சிவாவின் ஆதரவாளர்  கள் 10 பேர்   கைது செய்யப்பட்ட நிலையில், தற்போது தி.மு.  க.வு  க்  குள் உட்  கட்சிப் பூசல் தொடங்  கியுள்ளது. இந்த சம்பவம்   குறித்து திருச்சி சிவாவின் மரும  கன்   கராத்தே தியா  கராஜன்   கடும்   கண்டங்  களை விடுத்துள்ளார். 

அரசியலில் நிரந்தர நண்பர்  களும் இல்லை, நிரந்தர எதிரி  களும் இல்லை என்ற வார்த்தை புழ  க்  கத்தில் இருந்து வந்தாலும், பேரு  க்  கா  க வெளியே எதிர்ப்பவர்  கள்   கூட மறைமு  கமா  க நண்பர்  களா  க இருப்பதுண்டு. ஆனால் பெயரு  க்  கா  க உட்  கட்சியிலேயே அடித்து  க்   கொண்ட இந்த சம்பவம் தமிழ  க அரசியலு  க்  கு   கொஞ்சம் புதிதுதான்..

சென்னையின் போக்குவரத்து நெரிசலில் சிக்கித் தவித்து வந்த மக்களுக்கு மெட்ரோ ரயில் போக்குவரத்து சேவை வரப்பிரசாதமாக அமைந்தது.

வேலைகளுக்கு செல்பவர்களுக்கு மட்டுமின்றி மாணவர்களும் மற்றும் பலதரப்பட்டவர்களும் பயன்படுத்தும் இந்த போக்குவரத்து சேவையானது குறைந்த பணத்தில், குளு குளுவென நெடு தூரம் பயணிக்க உதவியாக இருக்கிறது.

போக்குவரத்து நெரிசல் இல்லை....,வியர்க்க விறுவிறுக்க களைப்பான பயணம் இல்லை. குறைந்த நேரத்தில், குறித்த நேரத்தில் பயணம். இதுதான் மெட்ரோ ரயில் சேவை... இதனாலேயே மெட்ரோ ரயிலில் பயணிக்க மக்கள் அதிக ஆர்வம் காட்டி வருகின்றனர். 

மேலும் படிக்க | இந்தியாவில் உருவாகும் ஒரு ஜானி தெப்... உண்மையில் யார் இங்கு தவறு?

மெட்ரோ ரயில் மட்டுமல்ல, மெட்ரோ ரயில் சுரங்கப்பாதை மற்றும் மெட்ரோ ரயில் மேம்பாலம் என அனைத்தும் நம்மை வியந்து பார்க்க வைக்கும் வியப்பாகவே உள்ளது. இப்படி நாம் பார்த்து வியக்கும் மெட்ரோ ரயிலை பெண்கள் ஓட்டி வரும் காட்சி, நம்மை மேலும் வியப்பில் ஆழ்த்துகிறது. 

கண்ணிமைக்கும் நேரத்தில் கடந்து செல்லும் மெட்ரோவின் வேகம், நடைபாதையில் நின்று கொண்டிருக்கும் நம்மையே கொஞ்சம் பயமுறுத்தத்தான் செய்கிறது. 

ஆனால் இந்த ரயிலை இளம் பெண்கள் ஓட்டி வருவதை பார்க்கும் போது, உண்மையில் பாரதி கண்ட புதுமைப் பெண்களை நேரில் சந்தித்த மகிழ்ச்சி நம்மை தொற்றிக் கொள்கிறது. எந்த வித அச்சமும் இன்றி, பெண்கள் மெட்ரோ ரயிலை ஓட்டிச் சென்று, பயணிகளை பத்திரமாக இறக்கிவிட்டு, மிடுக்காக நடந்து வரும் அழகே தனிதான். 

மெட்ரோ ரயிலை ஓட்டும் போது உங்களுக்கு பயமாக இருக்காதா என்ற கேள்விக்கு "பயமா, அதெல்லாம் பயிற்சியின் போதே தெளிந்து விடும்" என்று அசால்டாக சொல்கின்றனர் இந்த வீரத் தமிழச்சிகள்.

மேலும் படிக்க | பாஜக நிர்வாகிகள் மேலும் 4 பேர் அதிமுகவில் இணைவு...அண்ணாமலை அடுத்தகட்ட நடவடிக்கை என்ன?

பல்வேறு துறையிலும் பெண்கள் சாதனைப் படைத்து வரும் நிலையில், நாள்தோறும் மக்களுடன் தொடர்பில் இருக்கும் இந்த மெட்ரோ ரயில் ஓட்டுனர்கள், பொதுமக்களுடன் மிகவும் பரிச்சையமாகி விடுகின்றனர். 

குழந்தைகளுக்கு இவர்களை காண்பித்து, நீயும் வளர்ந்து, இவர்கள் போல் தைரியமாக சாதிக்க வேண்டும் என்று பெற்றோர்கள் கூறும் அளவிற்கு இவர்கள் ரோல் மாடலாக மாறிவிட்டனர். 

மெட்ரோ ரயில் நிர்வாகத்தில் டிக்கெட் கவுண்டர், பாதுகாப்பு பணி, பொதுமக்களின் சந்தேகங்களை தீர்க்கும் Inquiry, துப்புரவு பணி என அனைத்து பணியில் பெண்கள் அதிக அளவில் பணியாற்றி வருகின்றனர். ஆனால், மெட்ரோ ரயில் ஓட்டும் பணியில் மட்டும் வெறும் 10 பெண்கள் மட்டுமே உள்ளதாக கூறுகின்றனர். 

மேலும் படிக்க | அதிமுகவில் இணையும் பாஜக நிர்வாகிகள்...பாஜக - அதிமுக கூட்டணி உடைகிறதா...?

எனவே பெண்கள் மத்தியில் போதிய விழிப்புணர்வு ஏற்பட்டு,  தங்களை ரோல் மாடலாக வைத்து, பெண்கள் பலரும் இந்த பணியில் ஈடுபட வேண்டும் என்று அறிவுறுத்துகின்றனர். 

ஏதோ வேலைக்கு சென்றோம், சம்பாரித்தோம் என்று இல்லாமல், நாம் எந்த துறையில் இருந்தாலும் மற்றவர்கள் நம்மை திரும்பி பார்க்கும் வகையில் சிறப்பான ஒரு தடத்தில் கால் பதித்து, அடுத்த தலைமுறை பெண்களுக்கு எடுத்துக்காட்டாக திகழ வேண்டும். 

இதுவே பெண்களின் முன்னேற்றத்திற்கு நாம் செய்யும் மிகப் பெரிய தூண்டுகோல் எனலாம். அந்தவகையில், இந்த வீர மங்கைகள், ஒரு புதிய தடத்தில், கால் பதித்து, பெண்களுக்கு விழிப்புணர்வை ஏற்படுத்தி வருகின்றனர் என்றால் அது மிகையில்லை.  

மாலை முரசு செய்திகளுக்காக ஒளிப்பதிவாளர் ஜெகதீஷூடன் செலினா...

மேலும் படிக்க | லண்டனில் ராகுல்... இந்தியாவை அவதூறு செய்பவர் இந்தியப் பிரதமரே...!!!