கடந்த ஒருவருடத்திற்கு முன்பு கொரோனா தொற்று காலத்தில் தமிழகம் முழுவதும் ஆக்சிஜன் பற்றாக்குறை ஏற்பட்டது. அதனை சரிசெய்யும் வகையில் தமிழக தொழில்துறை அமைச்சர் தங்கம்தென்னரசு தீவிர முயற்சி மேற்கொண்டு, 
ஆக்சிஜன் சீராக கிடைக்க வழிவகை செய்தார்.

அதனடிப்படையில் விருதுநகர் மாவட்டம், காரியாபட்டி அரசு மருத்துவமனையில் ஓராண்டிற்கு முன்பு சுமார் 60 லட்சம் ரூபாய் மதிப்பீட்டில் வெளிநாட்டிலிருந்து ஆக்சிஜன் செறிவூட்டும் இயந்திரம் இறக்குமதி செய்யப்பட்டு  வழங்கப்பட்டது. 

மேலும் அந்த ஆக்சிஜன் சிலிண்டர்களை வைப்பதற்காக பொதுப்பணித்துறை சார்பில் மருத்துவமனை வளாகத்திற்குள் 5 லட்சம் மதிப்பீட்டில் கட்டிடம் கட்டவும் ஆணை வழங்கப்பட்டது.  ஆனால் ஒரு வருட காலம் ஆகியும் ஆக்சிஜன் செறிவூட்டும் இயந்திரம் நிறுவப்படாமல் மழையிலும், வெயிலிலும் எந்தவித பாதுகாப்பும் இன்றி வீணாகி வருகிறது. 

மேலும் கட்டிடம் கட்டும் பணியும் பாதியிலேயே நிறுத்தப்பட்டுள்ளதால், மக்களின் வரிப்பணம் வீணடிக்கப்படுவதுடன், பல உயிர்களை பாதுகாக்க உதவிம், ஆக்சிஜன் செறிவூடும் இயந்திரங்களும் முறையான பாதுகாப்பு இன்றி வீணாகி வருகிறது. 

எந்த ஒரு திட்டமும் மக்களுக்கு சென்று சேர்ந்தால் மட்டுமே அத்திட்டம் முழுமை பெறும். அந்த வகையில், பல உயிர்களை காப்பாற்ற உதவும் இந்த ஆக்சிஜன் செறிவூட்டி இயந்திரங்களை உடனடியாக நிறுவி, பயன்பாட்டிற்கு கொண்டுவர வேண்டும் என்பதே  சமூக ஆர்வலர்களின் கோரிக்கையாக உள்ளது. 

முன்னேறிய நாகரீக உலகத்தில் மரண தண்டனை என்பது ஒழிக்கப்பட வேண்டிய ஒன்று என்ற குரல்கள் ஓங்கி ஒலித்து வரும் நிலையில், தண்டனைகள் கடுமையாக இருந்தால்தான் குற்றங்கள் குறையும் என்ற வாதமும் வலுவடைந்து வருகிறது. இந்தநிலையில் கடந்த ஆண்டில் உலக அளவிலான மரண தண்டனைகள் 20 சதவீதம் உயர்ந்துள்ளதாக சர்வதேச மன்னிப்பு சபை கூறியுள்ளது.

இது தொடர்பாக சர்வதேச மன்னிப்பு சபை வெளியிட்டுள்ள ஆண்டறிக்கையில், கடந்த ஆண்டு மரண தண்டனைக்கு உள்ளாகி 18 நாடுகளில் 579 பேர் கொல்லப்பட்டனர் என்றும் இது அதற்கு முந்தைய ஆண்டைக் காட்டிலும் 20 சதவீதம் அதிகம் என்றும் கூறியுள்ளது. அதேபோல் குறைந்த பட்சம் 2 ஆயிரத்து 52 பேருக்கு மரண தண்டனை விதிக்கப்பட்டுள்ளதாகவும் இது 40 சதவீதம் அதிகம் என்றும் சுட்டிக்காட்டியுள்ளது.

இதில் அதிக மரண தண்டனைகளை நிறைவேற்றி ஈரான் முதலிடத்தில் உள்ளதாகவும் மொத்தம் 314 பேர் கொல்லப்பட்டுள்ளதாகவும் இது 2017-ம் ஆண்டுக்குப் பின் பதிவாகியுள்ள மிக உயர்ந்த எண்ணிக்கை என்றும் கூறியுள்ளது. குறிப்பாக போதைப் பொருள் கடத்தல் குற்றங்களுக்காகவே 132 பேர் மரண தண்டனைக்கு ஆளாகி உள்ளதாகவும் குறிப்பிட்டுள்ளது. 

மியான்மரில் ராணுவச் சட்டத்தின் கீழ் சுமார் 90 பேருக்கு மரண தண்டனை விதிக்கப்பட்டதாகவும் அதில் பலர் தண்டனையை கேட்கக் கூட இல்லை என்றும் கூறியுள்ளது. சவுதி அரேபியாவும் 2020 முதல் மரணதண்டனைகளின் எண்ணிக்கையை இரட்டிப்பாக்கியுள்ளதாகவும் தெரிவித்துள்ளது.  இந்தியா, பாகிஸ்தான் வங்கதேசம், காங்கோ ஜனநாயகக் குடியரசு, எகிப்து உள்ளிட்ட  56 நாடுகளில் குறைந்தது 2 ஆயிரத்து 52 மரண தண்டனைகளை நீதிபதிகள் வழங்கியுள்ளதாகவும் சர்வதேச மன்னிப்பு சபை தெரிவித்துள்ளது.

இதில் சீனா, வடகொரியா மற்றும் வியட்நாம் நாடுகளில் மரண தண்டனைகள் குறித்த தகவல்கள் வெளியிடப்படுவதில்லை என்பதால் எத்தனை பேர் கொல்லப்பட்டனர் என்ற முழுமையான   புள்ளி விபரங்கள் கிடைப்பதில் சிக்கல் நீடிப்பதாகவும் கவலையுடன் குறிப்பிட்டுள்ளது. வருடாந்திர உயர்வு இருந்த போதிலும், 2021-ல் பதிவு செய்யப்பட்ட மொத்த மரண தண்டனைகளின் எண்ணிக்கையானது  2010-க்குப் பின் பதிவு செய்யப்பட்ட இரண்டாவது மிகக் குறைந்த எண்ணிக்கை என்றும் கூறியுள்ளது.

தொற்று நோய் கட்டுப்பாடுகள் தளர்த்தப்பட்ட அதே ஆண்டில் மரண தண்டனைகள் அதிகரித்திருப்பது மிகவும் கவலைக்குரிய அம்சம் என்றும் குறிப்பிட்டுள்ளது. கொரோனாவுக்கு பின்பு மரண தண்டனை விதிப்பதில் ஒரு உற்சாக மனோபாவம் காணப்படுவதாகவும் இது வாழ்வதற்கான அடிப்படை உரிமையை புறக்கணிக்கும் செயல் என்றும் சர்வதேச மன்னிப்பு சபை தனது அறிக்கையில் சுட்டிக்காட்டியுள்ளது.

இன்னும் மரண தண்டனையை நடைமுறையில் வைத்திருக்கும் நாடுகளை கவனித்து வருவதாகவும் கூறியுள்ளது. அரசு அனுமதிக்கும் கொலைகள் இல்லாத உலகம் என்பது கற்பனைக்கு அப்பாற்பட்டது அல்ல என்றும் அடையக் கூடிய ஒன்றுதான் என்றும் அதற்காக தொடர்ந்து போராடுவோம் என்றும் சர்வதேச மன்னிப்பு சபை சூளுரைத்துள்ளது.

பஞ்சாப்பில் புதிய அடையாளமாக ஆம் ஆத்மி ஆட்சி அமைத்தது தான் இந்தியாவின் அண்மை ஆச்சரியம். ஆட்சிப்பொறுப்பேற்றதில் இருந்தே பகவாந்த் மான் பல்வேறு அதிரடிகளை நிகழ்த்திக்கொண்டு தான் வருகிறார். அந்த வரிசையில் இப்போது இன்னொரு ஆச்சரியம் . ஆம் தனதுசொந்த அமைச்சரவையைச் சேர்ந்த சுகாதாரத்துறை அமைச்சரையே கைது  செய்ய உத்தரவிட்டு அதிரடி காட்டியுள்ளார். 

சுகாதாரத்துறை அமைச்சராக பொறுப்பு வகித்தவர் விஜய் சிங்லா. இவர் நேற்று அமைச்சரவையில் இருந்து நீக்கப்பட்டார். அனைவருக்கும் ஆச்சரியத்தை ஏற்படுத்தியது பகவாந்த் மானின் நடவடிக்கை. இந்நிலையில் இன்று அதே அமைச்சர் விஜய் சிங்லாவை அம்மாநில லஞ்ச ஒழிப்புத்துறை கைது செய்திருக்கிறது. ஏன் இந்த கைது நடவடிக்கை என பலரும் குழம்பிக் கொண்டிருந்த நேரத்தில் அதற்கான விளக்கத்தையும் முதலமைசச்ர் பகவாந்த் மானே டுவிட்டர் வாயிலாக வெளியிட்டிருக்கிறார்.

ஒரு அமைச்சர் தனது துறையில் மேற்கொள்ளப்படும் ஒவ்வொரு பணிக்கும் ஒரு சதவீதம் கமிஷன் கேட்பதாக தனக்கு புகார் வந்திருப்பதாகவும், தன் மீது நம்பிக்கை வைத்து இந்த பொறுப்பை கொடுத்துள்ள மக்களை தான் ஏமாற்ற விரும்பாத காரணத்தால் புகார் குறித்து விசாரித்து தற்போது நடவடிக்கை எடுத்துள்ளதாகவும் குறிப்பிட்டுள்ளார்.

அந்தப் புகாருக்கு உள்ளானவர் தான் விஜய் சிங்லா... இந்த விவகாரம் ஊடகங்களுக்கோ, எதிாக்கட்சிக்கோ தெரியாத நிலையில் தனக்கு மட்டுமே தெரிந்ததாக குறிப்பிட்டுள்ள பகவாந்த் மான், வெளிப்படையான, நேர்மையான ஆட்சியை வழங்குவேன் என கெஜ்ரிவாளின் முன்னிலையில் தான் கொடுத்த வாக்கை காப்பாற்றுவதற்காக தன் அரசின் அமைச்சர் மீதே நடவடிக்கை எடுத்துள்ளதாகவும் விளக்கம் அளித்துள்ளார். 

முன்னதாக 2015 ஆம்ஆண்டு தனது அமைச்சரவையில் இருருந்து ஊழல் குற்றச்சாட்டுக்கு ஆளான அமைச்சர் ஒருவரை கெஜ்ரிவால் பதவியில் இருந்து நீக்கியதையும் பகவாந்த் மான் குறிப்பிட்டுள்ளார்... 

நேர்மையான அரசியல் சொல்லில் மட்டுமல்ல... செயலிலும் காட்டியிருக்கிறார் பஞ்சாப் முதலமைச்சர் பகவாந்த் மான்... 

வித்தியாசமான முயற்சிகளை சினிமாவில் பரிசோதனை செய்து பார்ப்பது தான் உண்மையான சினிமா கலைஞனுக்கான அடையாளம். அதில், நடிகர் பார்த்திபன் வித்தகர் என்பது அனைவரும் அறிந்த ஒன்று தான். ஒத்த செருப்பு படத்தில் ஒரே ஒரு நடிகராக நடித்து ஒட்டுமொத்த படத்தையும் புரிய வைத்து பிரம்மிக்க வைத்தார். ஆஸ்கர் போட்டி வரை அந்த படத்தை அனுப்பி வைத்து பலரது பாராட்டுக்களை அள்ளினார் பார்த்திபன். ஒத்த செருப்பு சைஸ் 7 படத்திற்கு ஆஸ்கர் கிடைக்காத நிலையில், அந்த விருதை எப்படியாவது தட்டிப் பறித்து விட வேண்டும் என்கிற முயற்சியில் தான்  95 நிமிடங்கள் ஓடக் கூடிய இந்த உலக சாதனை படத்தை எடுத்து அசதி இருக்கிறார். 

இரவின் நிழல் படத்திற்கு சர்வதேச அங்கீகாரம் கிடைக்க வேண்டும் என்பதற்காகவும் அதன் இசை தரம் சிறப்பாக அமைய வேண்டும் என்பதற்காகவும் இந்த படத்தில் ஆஸ்கர் நாயகன் ஏ.ஆர். ரஹ்மானை இசையமைக்க வைத்துள்ளார். மேலும், ஆஸ்கர் வென்ற மூவர் இந்த படத்தில் பணியாற்றி உள்ளனர். உலக இயக்குநர்களையே வியப்பில் ஆழ்த்தி உள்ள இந்த படம் கடந்த சில மாதங்களாக பல சர்தேச திரைப்பட விழாக்களில் திரையிடப்பட்டு பல்வேறு விருதுகளை குவித்து வருகின்றது.

அந்த வகையில் தற்போது பிரான்ஸ் நாட்டில் நடைபெற்று வரும் கேன்ஸ் திரைப்பட விழாவில் திரை இடப்படும் என ஏற்கனவே அறிவிக்கப்பட்டு இருந்தது. அதற்காக தனது மகளுடன் வேஷ்டி சட்டையில் கூலிங் கிளாஸுடன் கேன்ஸ் திரைப்பட விழாவிற்கு செல்லும் விடியோவை சமீபத்தில் தன்னுடைய ட்விட்டெர் பக்கத்தில் பகிர்ந்து இருந்தார்.

இந்த நிலையில் தன்னுடைய ட்விட்டர் பக்கத்தில், மே 22 ஆம் தேதி இந்திய நேரப்படி மாலை டிரைலரும் படமும் விழாவில் வெளியாக உள்ளதாக பதிவிட்டு இருந்தார், மேலும் தான் ரெட் கார்ப்பெட்டில் நடக்க போவதாக getting ready for red carpet என தலைப்பு இட்டு வீடியோ ஒன்றை பதிவிட அது வைரல் ஆனது. இயக்குனரும் நடிகருமான மாதவன் இரவின் நிழல் படத்தின் ட்ரைலரையும் படத்தையும் வெளியிட்ட நிலையில் அது பெரும் வரவேற்பை பெற்று வருகின்றது. அதே நேரம் கலைப்புலி s தாணுவின் v creations வழங்கும் இந்த படத்தின் ட்ரைலர் யூ டியூபிலும் வெளியிடப்பட்டது. 

ட்ரைலரின் ஆரம்பமே மதன் கார்க்கியின் வரிகளில் ரஹ்மான் இசையில் பாடலின் வரியுடன் தொடர்கிறது, பெண் சாமியாராக வரலட்சுமி நடித்துள்ளார். குறும்படங்களில் நடித்து பவி டீச்சராக புகழ் பெற்ற brigida saga பார்த்திபனுக்கு ஒரு ஜோடியாக நடித்துள்ளார். சின்ன திரையில் நடித்து புகழ் பெற்ற பிரியங்கா ருது வும் ஒரு ஜோடியாக நடித்துள்ளார். ரோபோ சங்கர் சாமியார் வேடத்தில் நடித்துள்ளார். தற்போது நடக்கும் மூட நம்பிக்கைகளில் ஒன்றான போலி சாமியார்களை நம்பி முட்டாள் தானத்தில் உழன்று கிடப்பவர்களை குறித்து சொல்லப்பட்டு உள்ளது.

மேலும் படத்தில் அதிக ஆபாச வசனங்களும் ஆபாச கட்சிகளும் இடபெற்று உள்ளது. அந்த காட்சிகளுக்கு கட்இருக்காது வெறும் குரல் மட்டுமே mute செய்யப்படும் எனக் கூறி இருக்கிறார் பார்த்திபன். டீஸரிலேயே தெரிந்து இது குழந்தை முதல் நிகழ் காலம் வரை உள்ள பார்த்திபனின் கதை என்று. ட்ரைலரில் இறுதியில் வரும் காட்சி கண் கலங்க வைக்கும் வகையில் உள்ளது. படத்தின் இறுதியில் படம் வெளியீட்டு தேதி குறிப்பிடப்பட்டு உள்ளது. அதாவது ஜூன் 24 ஆம் தேதி இந்த படம் திரை அரங்குகளில் வெளியிடப்பட உள்ளது.

ட்ரைலரை பார்த்த பலரும்  பார்த்திபனுக்கு தங்களது வாழ்த்துக்களை தெரிவித்து வருகின்றனர். ட்ரைலர் வெளியீட்டிற்குப் பின்பு முன் எப்போதும் இல்லாத அனுபவத்தை தர இருக்கும் இந்த படத்தின் மீதான எதிர்பார்ப்பு இன்னும் அதிகமாகி உள்ளது எனபதே உண்மை.. 

நடிகரும் இயக்குனருமான பார்த்திபன் கேன்ஸ் திரைப்பட விழாவில் கலந்து கொண்டு தன்னுடைய உலக சாதனையான இரவில் நிழல் படத்தின் ட்ரைலரையும் படத்தையும் திரையிட்டு உள்ளார். இரவின் நிழல் படம் உலகின் முதல் நான் லீனியர் சிங்கிள் ஷாட் படம் ஆகும். லீனியர் என்பது கதை ஆரம்பித்து ஒரே கோட்டில் செல்வது, அதாவது பிளாஷ் பேக் எதுவுமே இல்லாமல் நிகழ்காலத்தில் மட்டும் நடப்பது. நான் லீனியர் எனபது கடந்த காலம், நிகழ் காலம் என மாறி மாறி வருவது, உதாரணமாக வட சென்னை படத்தை சொல்லலாம். 

நான் லீனியர் படம் என்பது சாதாரணமானது தான். ஆனல் ஒரே ஷாட் இல் எடுப்பது எனபது லீனியர் படங்களுக்கே சற்று கடினம். ஆனால் பார்த்திபன் நான் லீனியர் படத்தை ஒரே ஷாட்டில் எடுத்துள்ளது தான் தற்போது உலக சாதனையாக பார்க்கப்படுகின்றது. இந்தியா மட்டும் இல்லை உலக திரைப்பட இயக்குனர்கள் அனைவருக்கும் இந்த படம் வியப்பை ஏற்படுத்தி உள்ளது.

வித்தியாசமான முயற்சிகளை சினிமாவில் பரிசோதனை செய்து பார்ப்பது தான் உண்மையான சினிமா கலைஞனுக்கான அடையாளம். அதில், நடிகர் பார்த்திபன் வித்தகர் என்பது அனைவரும் அறிந்த ஒன்று தான். ஒத்த செருப்பு படத்தில் ஒரே ஒரு நடிகராக நடித்து ஒட்டுமொத்த படத்தையும் புரிய வைத்து பிரம்மிக்க வைத்தார். ஆஸ்கர் போட்டி வரை அந்த படத்தை அனுப்பி வைத்து பலரது பாராட்டுக்களை அள்ளினார் பார்த்திபன். ஒத்த செருப்பு சைஸ் 7 படத்திற்கு ஆஸ்கர் கிடைக்காத நிலையில், அந்த விருதை எப்படியாவது தட்டிப் பறித்து விட வேண்டும் என்கிற முயற்சியில் தான்  95 நிமிடங்கள் ஓடக் கூடிய இந்த உலக சாதனை படத்தை எடுத்து அசதி இருக்கிறார். 

இரவின் நிழல் படத்திற்கு சர்வதேச அங்கீகாரம் கிடைக்க வேண்டும் என்பதற்காகவும் அதன் இசை தரம் சிறப்பாக அமைய வேண்டும் என்பதற்காகவும் இந்த படத்தில் ஆஸ்கர் நாயகன் ஏ.ஆர். ரஹ்மானை இசையமைக்க வைத்துள்ளார். மேலும், ஆஸ்கர் வென்ற மூவர் இந்த படத்தில் பணியாற்றி உள்ளனர். சில நாட்களுக்கு முன்பு இந்த படத்தின் டீஸர் வெளியிடப்பட போது கோபத்தில் பார்த்திபன் மைக்கை தூக்கி எரிந்தது பேசு பொருளானது. அந்த  டீஸரிலேயே படத்தின் கதை என்ன எனபது புரிந்து விட்டது. பார்த்திபன் தான் குழந்தையாக இருந்தது முதல் நிகழ் காலத்தில் நடப்பது வரை தான் அனுபவித்த வாழ்க்கையை தான் பிளாஷ் பாக் காட்சிகளாக கொண்டு வந்து இருக்கிறார். 

64 ஏக்கல் நிலத்தில் சுமார் 50 செட்கள் போடப்பட்டு இந்த படத்தின் படப்பிடிப்பை பல நாட்கள் ரிஹர்ஸல் செய்து ஒரு வழியாக ஷூட்டிங்கிற்கு சென்றாராம் நடிகர் பார்த்திபன். ஆனால், ஒருவர் மிஸ்டேக் செய்தால் கூட படத்தை முதலில் இருந்து எடுத்தால் மட்டுமே சிங்கிள் ஷாட் படம் என்கிற சாதனையை படைக்க முடியும் என்பதால், 22 டேக்குகளுக்கு பிறகு 23வது டேக்கில் படம் நிறைவடைந்ததாக கூறுகின்றனர். 95 நிமிடங்கள் பல நாட்கள் அனைத்து நடிகர்களும் அப்படியே நடித்ததில் இந்த படம் உருவாகி இருப்பது குறிப்பிடத்தக்கது. 

டீசேரிலேயே தெரிந்து விட்டது இதில் நிறைய ஆபாச வசனங்கள் உண்டு எனபது, அதற்கு மியூட் போடப்படும்  என்றும் கூறி இருந்தார் பார்த்திபன்.. இந்த நிலையில்  கேன்ஸ் திரைப்பட விழாவில் கலந்து கொண்டு ரெட் கார்ப்பெட்டில் நடந்த பார்த்திபன்,  நடிகரும் இயக்குனருமான மாதவன் வெளியிட தனது இரவின் நிழல் படத்தின் ட்ரைலர் மற்றும் படம் வெளியிட்டு உள்ளார். 

அதை தனது ட்விட்டர் பக்கத்தில் பகிர்ந்துள்ள பார்த்திபன், ஆனந்த விகடன் தான் முதன்முதலில் என் முதல் பட விமர்சனத்தில் சிவப்பு கம்பள வரவேற்பு கிடைக்குமென ஆரூடம் சொன்னது. இன்றது பலிக்கிறது கண்கள் பனிக்கிறது. இங்கு நேரப்படி 2.29-க்கு திரைப்படமும்,4.44-மணிக்கு டிரைலரும் வெளியிடப்படும்
இந்திய நேரம் முறையே 5.59pm&8.14pm
வாழ்த்துங்கள்!

படம் வெளியீட்டிற்கு பிறகு தனது த்விட்டேர் பக்கத்தில் இரவின் நிழல் படத்தை நான் வெளியிட்டதற்கு பெருமை கொள்கிறேன் எனவும், பார்த்திபனுக்கு நன்றியும் கூறி உள்ளார் மாதவன். அதற்கு பதில் அளித்துள்ள பார்த்திபன், மா தவம் செய்திடல் வேண்டும் rocketry biopic இயக்க. Thanks for your support.
Pls c film என பதிவிட்டு உள்ளார். மாதவன் இயக்கி நடித்துள்ள ராக்கெட்ரி தி நம்பி எபெர்ட்ஸ் படமும் கேன்ஸ் திரைப்பட விழாவில் திரை இடப்பட்டுப் பெரும் வரவேற்பை பெற்றது குறிப்பிடத்தக்கது.