நடிகர் கார்த்தி - இயக்குநர் முத்தையா கூட்டணியில் வெளியாகியுள்ள விருமன் திரைப்படத்தின் மூல கதை, தன்னுடையது என உதவி இயக்குநர் ஒருவர் வழக்கு தொடர்ந்துள்ளார். 

ஆணாதிக்க மனநிலை:

’மண்வாசனை வீசும் கிராமத்துக்கதை என்ற போர்வையில், இன்னும் எத்தனை நாளுக்குத்தான், பிற்போக்குத்தனமான, ஆணாதிக்க மனநிலையிலேயே படமெடுப்பீர்கள் முத்தையா?’ என்று ’விருமன்’ படத்தை பார்த்த நெட்டிசன்கள் ஒருபுறம் பங்கமாக கலாய்த்து வருகின்றனர். மறுபுறம், தனது கதையை திருடி படமெடுத்து விட்டதாக முத்தையா மீது வழக்கு தொடர்ந்துள்ளார் உதவி இயக்குநர் துரை.

மேலும் படிக்க: கைதி-2 கண்டிப்பா வருதாமே.. இயக்குநரே வாய்திறக்கல..ஆனால் இவரு உண்மையை உடச்சுட்டாரே..!

நோகாமால் நுங்கு திண்ணும்  சம்பவங்கள்:

4 ஹிட் படங்களை கொடுத்து, கோடிகளில் சம்பளம் வாங்குமளவுக்கு பிரபலமாகி விட்ட இயக்குநர்கள், கைவசம் இருந்த நல்ல கதைகள் எல்லாம் காலியாகி விட்ட நிலையில், ‘அடுத்ததும் ஹிட் கொடுக்க வேண்டுமே’ என்ற அழுத்தத்தில், உதவி இயக்குநர்களின் கதையை திருடி, பெரிய நடிகர்களை வைத்து படமாக்கி, நோகாமால் நுங்கு திண்ணும்  சம்பவங்கள் அவ்வப்போது அரங்கேறிக்கொண்டு தான் இருக்கின்றன.

முதல் முறை அல்ல, இரண்டாம் முறை:

அப்படி லேட்டஸ்ட்டாக, கதை திருட்டு சர்ச்சையில் சிக்கியுள்ளவர் தான் இயக்குநர் முத்தையா. ’அடடே... இவரா? கிராமத்துப் படங்கள் எடுப்பதில், இவர் கைதேர்ந்தவராச்சே’ என பலரும் நினைக்கலாம். ஆனால், தன்னுடைய இரண்டாவது படத்திலேயே கதை திருட்டு குற்றச்சாட்டுக்கு உள்ளானவர் தான் முத்தையா. 2013-ல் சாதிப்பெருமை பேசும் ’குட்டிப்புலி’ என்ற காவியத்தை படைத்த முத்தையா, அடுத்ததாக நடிகர் கார்த்தியுடன் கைக்கோர்த்து கடந்த 2014ஆம் ஆண்டில் கொடுத்த படம் தான் ’கொம்பன்’. இரண்டாவது படத்திலேயே முத்தையாவின் குட்டு வெளியானது.

கொம்பன் - துரை:

தன்னுடைய கதையைத் திருடி அதில் சில மாற்றங்கள் செய்து, கொம்பன் படத்தை உருவாக்கி இருப்பதாக உதவி இயக்குநர் துரை என்பவர் முத்தையா மீது புகார் அளித்தார். சிலபல பஞ்சாயத்துகளுக்குப் பிறகு வெளியான அப்படம் வெற்றியும் பெற்றது.  அறியாமையில் சுயசாதி பெருமை பேசும் இளசுகள், முத்தையாவின் படங்களை கொண்டாடினாலும், வாழைப்பழத்தில் ஊசி ஏற்றுவதைப்போல, இவரது படங்களில் பழமைவாதமும், ஆணாதிக்க புத்தியும், சாதிப்பெருமையும் மண்டிக்கிடப்பதாக, விவரம் அறிந்தவர்கள் அவ்வப்போது சுட்டிக்காட்டி வருவதுண்டு.

சாதிப்பெருமையை கலந்து விஷம் பாய்ச்சல்:

ஸ்டுடியோக்களிலும், நகரங்களிலும் சுற்றி வந்த கேமராக்களை, கிராமத்து பக்கம் கொண்டு சென்று, யதார்த்த வாழ்வை படம்பிடித்து காட்டியவர் இயக்குநர் பாரதிராஜா. ஆனால் அந்த கிராமத்து மண்ணில் வீசும் தென்றல் காற்றில், சாதிப்பெருமையை கலந்து விஷம் பாய்ச்சி வருவதாக வலைத்தளவாசிகள் குற்றஞ்சாட்டும், முத்தையாவின் அடுத்த படமான ’விருமன்’ படத்தின் கதையும் தன்னுடையது தான் என மீண்டும் வழக்கு தொடர்ந்துள்ளார், அதே உதவி இயக்குநர் துரை. 

ஒரு கதையில் இரண்டு படம்ஙகள்:

நடிகர் கார்த்தியின் உறவினரும், ட்ரீம் வாரியர் பிக்சர்ஸின் உரிமையாளருமான, தயாரிப்பாளர் எஸ்.ஆர்.பிரபுவிடம் தன்னுடைய கதையை கொடுத்ததாகவும், இயக்குநர் முத்தையா, அந்த கதையை வாங்கி இரண்டாகப் பிரித்து, சிறுசிறு மாற்றங்களைச் செய்து, கார்த்தியை வைத்தே, கொம்பன், விருமன் என இரண்டு படங்களாக உருவாக்கி விட்டதாகவும் நீதிமன்றத்தில் வழக்கு தொடர்ந்துள்ளார்.

மேலும் படிக்க: விக்ரம் பிரபுவின் அடுத்த படத்திற்கான ஃபர்ஸ்ட் லுக் போஸ்டர் வெளியானது...!

’விருமன்’ புளித்துப் போய் விட்டது:

இதனிடையே படம் திரையரங்குகளில் வெளியாகிவிட்ட நிலையில், குடும்பம், உறவு, பாசம் என்ற பெயரில், மீண்டும் மீண்டும் அரைத்த மாவையே அரைத்து கொண்டிருக்கும் முத்தையாவின் இந்த ’விருமன்’, புளித்துப் போய் விட்டதாக நெட்டிசன்கள் பங்கமாக கலாய்த்து வருகின்றனர்.

விருமன் கதை:

தவறு செய்யும் பிள்ளைக்கு புத்திமதி சொல்லும் தந்தையை பார்த்திருப்போம். ஆனால், தவறான வழியில் செல்லும் தந்தைக்கும், அப்பாவை எதிர்க்கும் பிள்ளைக்குமான மோதல் தான் விருமன் படத்தின் கதையாம்.

ஒன்லைன்:

’தன்னுடைய அம்மாவின் மரணத்திற்கு காரணமான அப்பாவை பழி வாங்கத்துடிக்கும் மகனின் கதை’ என்ற ஒன்லைன், பிரபுவின் ’கும்மிப்பாட்டு’ படத்தையும், ’அப்பா மகனுக்கு இடையிலான டாம் அண்ட் ஜெர்ரி டைப் மோதல்’, ரஜினியின் ’மாப்பிள்ளை’ படத்தையும் நினைவூட்டுவதாகக் கூறும் சமூக வலைத்தளவாசிகள், ’குடும்பம், உறவு, பாசம் என்ற பெயரில், ”ஆம்பளைன்னு நிரூபி, இல்லன்னா சேலையைக் கட்டிக்கோ”, ”பொம்பளைகளை ஏன் முன்னாடி நடக்கவிடறோம் தெரியுமா?”, ”பொஞ்சாதின்னா...” என பெண் அடிமைத்தனம் மற்றும் ஆணாதிக்க மனநிலையில் அமைக்கப்பட்ட வசனங்கள் என, வழக்கமான முத்தையா சினிமேட்டிக் யுனிவர்ஸின் புதிய படமான 'விருமன்' ரசிகர்களை வெறுப்பேற்றுகிறான் எனவும் கூறுகின்றனர்.

மேற்கு வங்காளத்தில் திரிணாமூல் காங்கிரஸின் தலைவர்களுக்கு எச்சரிக்கை விடுத்துள்ளார் பாஜகவின் அமித் மால்வியா.

புகார்களும் கைதும்:

மேற்கு வங்காளத்தில் பிர்பூம் மாவட்டத்தின் திரிணாமுல் காங்கிரஸ் கட்சியின் தலைவர் அனுப்ரதா மண்டல்.  இவர் மம்தா பானர்ஜியின் நெருங்கிய உதவியாளர்களில் ஒருவர் என அறியப்படுகிறது.

அனுப்ரதா மண்டல் பிர்பூம் மாவட்டத்தில் பெரும் செல்வாக்கை உடையவர் எனவும் அங்கு திரிணாமூல் காங்கிரஸின் நிலைப்பாட்டை உறுதிப்படுத்த உதவினார் எனவும் கூறப்படுகிறது.  பிர்பூம் சட்டமன்ற தொதிகளில் 11 இடங்களில் 10 இடங்களை திரிணாமூல் காங்கிரஸ் கைப்பற்றியுள்ளது.

'கேஷ்டோ டா' என அன்புடன் அழைக்கப்படும் அனுப்ரதா ஒரு தீவிர மம்தா விசுவாசி என கூறுகின்றனர்.  முப்பது வருடங்களாக அரசியலில் இருந்தும் அனுப்ரதா மண்டல் எந்த தேர்தலிலும் போட்டியிடவில்லை.  திரிணாமூல் காங்கிரஸ் கட்சியின் வள்ர்ச்சிக்காக உழைப்பவர்களில் அவரும் ஒருவர் என அரசியல் வட்டாரங்கள் தெரிவிக்கின்றன.

அனுப்ரதா மண்டல் அவரது ஆதரவின் கீழ் பல குண்டர்களுக்கு அடைக்கலம் கொடுத்ததாகவும்  பிர்பூம் பகுதியில் மணல் அகழ்வு, கல் குவாரி, கால்நடை கடத்தல் போன்ற சட்டவிரோத செயல்களிலும் அவருக்கு தொடர்பு இருப்பதாகவும் கூறப்படுகிறது.

தற்போது கால்நடைகள் கடத்தல் வழக்கில் கைது செய்யப்பட்டு சிறையில் அடைக்கப்பட்டுள்ளார் அனுப்ரதா மண்டல்.  அவரது கைதுக்கு பின்னர் திரிணாமுல் காங்கிரஸ் கட்சியின் தலைவரும் மேற்கு வங்க முதலமைச்சருமான மம்தா பானர்ஜி எவ்வித கெதிர்ப்பும் தெரிவிக்காமல் தொடர்ந்து அமைதி காத்து வருவதாக தகவல்கள் தெரிவிக்கின்றன.

இதற்கு முன்னர் மம்தா அமைச்சரவையில் கேபினட் அமைச்சராக இருந்த பார்த்தா சாட்டர்ஜி ஆசிரியர் நியமன ஊழல் வழக்கில் கைது செய்யப்பட்ட போதும் மம்தா எந்த அதிர்ப்பும் ஆதரவும் தெரிவிக்காமல் மௌனமாகவே இருந்தார்.  

மேலும் படிக்க: மம்தாவால் கைவிடப்பட்ட பார்த்தா.....

பாஜக இணை ஒருங்கிணைப்பாளர் விமர்சனம்:

மேற்கு வங்காளத்தில் பாஜகவின் இணை ஒருங்கிணைப்பாளரும் செய்தி தொடர்பாளருமான அமித் மால்வியா திரிணாமுல் காங்கிரஸ் கட்சியின் தலைவர்களுக்கு எச்சரிக்கை விடுத்துள்ளார்.  நாளை உங்களுக்கும் பார்த்தா மற்றும் அனுப்ரதாவின் நிலை தான் ஏற்படும் என்று கூறியுள்ளார்.  அவர்கள் இருவரும் கட்சிக்காக பாடுபட்டதை நீங்கள் அனைவரும் அறிவீர்கள் என்றும் ஆனால் அவர்கள் கைது செய்யப்பட்ட பின்னரும் மம்தாவிடமிருந்து எவ்வித உதவியும் வரவில்லை என்றும் கூறியுள்ளார்.  மேலும் நீங்களும் இதுபோல கைவிடப்படுவீர்கள் எனவும் பேசியுள்ளார்.

மே.வங்காளத்தில் ஆபரேஷன் லோட்டஸ்:

அமித் மால்வியா இதுபோல பேசுவது திரிணாமுல் காங்கிரஸ் எம்.எல்.ஏக்களை மூளைசலவை செய்வதை போல உள்ளதாக தெரிகிறது என அரசியல் விமர்சகர்கள் தெரிவிக்கின்றனர்.  திரிணாமுல் காங்கிரஸின் எம்.எல்.ஏக்களை மம்தாவுக்கு எதிராக கலகம் செய்ய தூண்டுவதாகவும் அவர்களை பாஜக பக்கம் இழுக்கும் முயற்சி எனவும் விமர்சகர்கள் கூறுகின்றனர்.  ஆபரேஷன் லோட்டஸ் திட்டம் மம்தாவின் கோட்டையில் கைகூடுமா என்பதை பொறுத்திருந்து தான் கவனிக்க வேண்டும்.

இதையும் படிக்க: பாஜகவால் ஓரங்கட்டப்படுகிறாரா மகாராஷ்டிரா முதலமைச்சர்...!!!

தமிழ்நாட்டில் அதிமுகவின் தற்போதைய அரசியல் நிலை என்பது பேசுபொருளாகியுள்ள ஒன்றாக உள்ளது. ஒரு உறையில் இருந்த இரு கத்திகள் தற்போது எதிர் எதிர் திசையில் கூர் திட்டி வருகிறது. திமுகவிற்கு எதிராக உள்ளவர் ஒன்றிணைந்து, ஓபிஎஸ், இபிஎஸ் இருவரையும் இணைப்பதற்கான முயற்சியில் சிலர் இறங்கி உள்ளதை காண முடிகிறது.

ஜெயலலிதா மறைவிற்கு பின் :

முன்னாள் முதல்வர் ஜெயலலிதா இருந்த போது, ஓபிஎஸ், இபிஎஸ், சசிகலா, தினகரன் என அனைவரும் அதிமுக பிரதிநிதிகளாக அறியப்பட்டனர். சில காரணங்களுக்காக சசிகலா மற்றும் தினகரனை கட்சியில் இருந்து வெளியேற்றினர் ஜெயலலிதா. ஜெயலலிதா மறைவிற்கு பின், சசிகலா பொதுச்செயலாளராக தேர்தெடுக்கப்பட்டார். சொத்துகுவிப்பு வழக்கில் சசிகலா சிறை சென்ற பின்னர் ஓபிஎஸ், இபிஎஸ் இணைந்து சசிகலாவை பொதுச்செயலாளர் பதிவியில் இருந்து நீக்கியதோடு, கட்சியை தங்கள் வசம் கொண்டு வந்தனர்.

ஓபிஎஸ் vs இபிஎஸ் :

ஜூலை 11 பொதுக்குழு கூட்டத்திற்கு பின்னர் அதிமுக இரண்டுபட்டு உள்ளது. அதிமுகவின் அதிகாரம் யாரிடம் உள்ளது என்பதை நிரூபிப்பதற்காக ஓபிஎஸ், இபிஎஸ் இருவரும் மற்றவர்களின் ஆதரவாளர்களை நீக்குவது, தன்னுடைய ஆதரவாளர்களுக்கு புதிய பொறுப்புகளை உருவாக்குவது என பல வேலைகளை செய்து வருகின்றனர்.

டி.டி.வி. தினகரன் வீயூகம் :

சசிகலாவின் சொந்த சகோதரி மகனான தினகரன், ஜெயலலிதா மறைவிற்கு பின்னர் அம்மா மக்கள் முன்னேற்ற கழகத்தை ஆரம்பித்தார்.  இத்தனை ஆண்டுகளாக அதிமுக கட்சி விவகாரத்தில் கருத்து தெரிவிக்காமல் இருந்த தினகரன், சமீபத்தில் ஆங்கில நாளிதழ் ஒன்றிற்கு அளித்த பேட்டியில், வரும்காலத்தில் ஓ.பன்னீர்செல்வத்துடன் இணைய வாய்ப்புள்ளது ஆனால்எடப்பாடி பழனிசாமியுடன் கை கோர்க்க மாட்டேன் எனக் கூறியுள்ளார். 

மேலும், அதிகாரத்திற்காக யாரை வேண்டுமானாலும் அழிக்க நினைப்பவர் இபிஎஸ், அவர் மீது எனக்கு நம்பிக்கை இல்லை எனக் கூறியிள்ளார். மேலும் நாடாளுமன்றத் தேர்தலில் அதிமுகவிற்காக பலவற்றை விட்டுக்கொடுத்து இருக்கிறோம் எனக் கூறி இருந்தார். அவரது இந்த பேச்சு ஓபிஎஸ் உடன் இணைவதற்கான முன்னெடுப்பை தினகரன் எடுத்துள்ளதாக கூறப்படுகிறது.

சசிகலாவின் முயற்சி :

தினகரனைப் போலவே, சசிகலாவும் பல நாட்கள் அதிமுக பிரச்சனைகள் குறித்து பேசாமல் இருந்தார். தனக்கான தொண்டர்களை திரட்டுவதற்காக தமிழ்நாடு முழுவதும் பல சுற்றுப்பயணங்களையும் மேற்கொண்டு வருகிறார். இந்நிலையில், சமீபத்தில் அதிமுகவின் இந்த நிலைமைக்கு திமுக தான் காரணம் எனக் கூறி இருப்பது, அரசியல் வட்டாரத்தில் பெரிதும் கவனிக்கப்படும் ஒன்றாக மாறியுள்ளது. 

இபிஎஸ்ஸும் இதே கருத்தை தான் முதலில் இருந்து முன் வைத்து வருகிறார். இதனால் சசிகலாவின் இந்த கருத்து, இபிஎஸ்க்கு தனது ஆதரவை வெளிப்படுத்துவதற்கான முன்னெடுப்பாகவே தெரிகிறது. சசிகலா- ஓபிஎஸ் இடையில் பேச்சுவார்த்தைகள் நடைபெறுவதாகக் கூறப்பட்டு வரும் நிலையில், சசிகலா தற்போது இபிஎஸ் உடன் கைகோர்க்கப்போவது போன்ற ஒரு பிம்பம் ஏற்பட்டுள்ளது. ஓபிஎஸ், இபிஎஸ்ஸை இணைக்கும் முயற்சியில் சசிகலா இறங்கியுள்ளாரோ என்ற விவாதத்தையும் ஏற்படுத்தியுள்ளது.

மோடி விருப்பம் :

பாஜகவின் கூட்டணி கட்சியாக உள்ள அதிமுக இரண்டாக பிளவு பட்ட பின்னர், அதிமுகவின் இரு தலைவர்களையும் இது வரை மோடி சந்திக்கவே இல்லை. மோடியை சந்திக்க ஓபிஎஸ், இபிஎஸ் இருவரும் தனி தனியாக முயற்சித்தும் கூட மோடி இருவரையும் இது வரை தனியாக சந்திக்கவில்லை. இதனால் மோடியும் இணைந்த அதிமுகவை தான் விரும்புகிறாரோ என்றும் விவாதங்கள் நடந்து வருகிறது. 

திமுக vs அதிமுக :

சசிகலா, தினகரன், மோடி என அனைவரும் இணைந்த அதிமுகவையே விரும்புவதாக தெரிகிறது. தமிழ்நாட்டில் திமுகவிற்கு பலமான எதிர்க்கட்சியாக இருபத்து அதிமுக தான். அதிமுகவின் தற்போதைய நிலையே தொடர்ந்தால் அது, அடுத்த தேர்தலில் திமுகவிற்கு சாதகமாக அமையும், திமுகவை எதிர்க்கவேண்டுமானால் இணைந்த அதிமுக தான் வேண்டும் என்பதை மனதில் வைத்து தான் தற்போது காய் நரகர்த்தப்படுவதாக கூறப்படுகிறது.

நாட்டின் 14வது குடியரசு துணை தலைவராக, மேற்குவங்கத்தின் முன்னாள் ஆளுநர் ஜக்தீப் தன்கர் பதவி ஏற்றுக்கொண்டார். 

குடியரசு துணை தலைவரை தேர்தெடுக்கும் தேர்தல்:

இந்தியாவின் 13வது குடியரசு துணை தலைவராக இருந்த  வெங்கையா நாயுடுவின் பதவிக்காலம் நேற்றுடன் முடிவடைந்ததையடுத்து, புதிய குடியரசு துணை தலைவரை தேர்ந்தெடுக்கும் தேர்தல் கடந்த ஆகஸ்ட்  6 ஆம் தேதி  நடைபெற்றது. இந்த தேர்தலில், எதிர்கட்சிகளின் கூட்டணி வேட்பாளராக முன்னாள் மத்திய அமைச்சர் மார்கரெட் ஆல்வா, பாஜகவின் தேசிய ஜனநாயக கூட்டணி வேட்பாளர் ஜெக்தீப் தன்கர் இருவரும் போட்டியிட்டனர்.

வெற்றி  யாருக்கு:

புதிய குடியரசு துணைத் தலைவரை தேர்ந்தெடுப்பதற்கான தேர்தல் நாடாளுமன்ற வளாகத்தில் கடந்த ஆகஸ்ட் 6 ஆம் தேதி  காலை 10 மணி அளவில் தொடங்கி மாலைம்5 மணியளவில் வாக்குப்பதிவு நிறைவடைந்தது. அதன்பின் யார் வெற்றி பெறுவார் என்ற எதிர்பார்ப்பு அரசியல் வட்டாரங்களில் நிலவியது. இந்நிலையில், குடியரசு துணை தலைவர் தேர்தலில், எதிர்கட்சிகளின் கூட்டணி வேட்பாளரான முன்னாள் மத்திய அமைச்சர் மார்கரெட் ஆல்வாவை எதிர்த்து போட்டியிட்ட பாஜகவின் தேசிய ஜனநாயக கூட்டணி வேட்பாளர் ஜெக்தீப் தன்கர், 346 வாக்குகள் வித்தியாசத்தில் வெற்றிப்பெற்றார்.   

வேற்றி வேட்பாளர் பதவியேற்பு:

கடந்த ஆகஸ்ட் 6 ஆம் தேதி நடைபெற்ற தேர்தலில் வெற்றி பெற்ற ஜெக்தீப் தன்கர், நாட்டின் 14வது குடியரசு துணைத் தலைவராக இன்று பதவி பதவியேற்றுக்கொண்டார். இது தொடர்பான நிகழ்ச்சி நாடாளுமன்ற மைய மண்டபத்தில் நடைபெற்ற நிலையில், இதில் பிரதமர் மோடி, முன்னாள் குடியரசு தலைவர் ராம்நாத் கோவிந்த், முன்னாள் குடியரசு துணை தலைவர் வெங்கையா நாயுடு, மத்திய அமைச்சர்கள், முக்கிய பிரமுகர்கள் பலர் கலந்து கொண்டனர். 

பதவி பிரமாணம் செய்து வைத்த குடியரசு தலைவர்:

நாட்டின் 14 வது குடியரசு துணை தலைவராக இன்று பதவியேற்று கொண்ட ஜெக்தீப் தன்கருக்கு குடியரசு தலைவர் திரவுபதி முர்மு முறைப்படி பதவி பிரமாணம் செய்து வைத்தார். இந்த நிகழ்ச்சியை திரிணாமுல் காங்கிரஸ் புறக்கணித்தபோதும், பல்வேறு கட்சிகளை சேர்ந்த தலைவர்கள் கலந்துகொண்டு, தன்கருக்கு வாழ்த்துக்களை தெரிவித்து கொண்டனர்.
 

தொடர்ந்து கூட்டணியை மாற்றி கொண்டே இருக்கும் நிதிஷ் குமாரின் அரசியல் எதிர்காலம் என்னவாகும் என்ற கேள்வியை அரசியல் விமர்சகர்கள் எழுப்பியுள்ளனர்.

நிதிஷின் முதலமைச்சர் கனவு:

நிதிஷ் குமாரின் முதலமைச்சர் பயணம் பாஜக கூட்டணியுடன் தொடங்கியது.  நிதிஷின் முதலமைச்சர் கனவை நிறைவேற்றியது பாஜகவே.  ஆனால் தற்போது லல்லுவுடன் இணைந்து பாஜகவின் முதுகில் குத்தியுள்ளார் நிதிஷ் என அரசியல் விமர்சகர்கள் விமர்சித்துள்ளனர்.  

லல்லு பிரசாத் யாதவுடன் சகோதர உறவில் இருந்த நிதிஷ் முதலமைச்சர் ஆசையில் அவருடனான உறவை முறித்து 2000ல் பீகாரின் முதலமைச்சராக முதல் முறையாக பதவியேற்றார்.  பாஜக நிதிஷின் கூட்டணி 2013 வரை ஆரோக்கியமாகவே இருந்தது.  2013ல் கருத்து வேறுபாடு ஏற்பட்டு மீண்டும் சமாதானமாயினர் நிதிஷும் பாஜகவும்.  ஆனால் மறுபடியும் 2015ல் ஏற்பட்ட கருத்து முரண்பாடு ஏற்படவே கூட்டணியில் இருந்து வெளியேறினார் நிதிஷ்.

’மகாகத்பந்தன்’ கூட்டணி:

பாஜகவிலிருந்து வெளியேறிய தம்பி நிதிஷை மீண்டும் அன்பு கரம் கொண்டு அணைத்து கொண்டார் நிதிஷின் அண்ணனான லல்லு. 2015ல் காங்கிரஸ்-ராஷ்டிரிய ஜனதா தளம்-ஐக்கிய ஜனதா தளம் இணைந்து ’மகாகத்பந்தன்’ கூட்டணியை உருவாக்கின.  2015 தேர்தலில் மகாகத்பந்தன் கூட்டணி வெற்றி பெற்றது.  நிதிஷின் ஐக்கிய ஜனதா தளத்தை விட லல்லுவின் ராஷ்டிரிய ஜனதா தளம் அதிக தொகுதிகளை பெற்ற போதிலும் நிதிஷை முதலமைச்சராக்கினார் லல்லு பிரசாத் யாதவ்.

தர்மத்தின் கூட்டணி:

2017ல் துணை முதலமைச்சரும் லல்லு பிரசாத் யாதவின் மகனுமான தேஜஸ்வி யாதவ் மீதான ஊழல் குற்றசாட்டிற்கு விளக்கம் அளிக்க மறுத்ததால் பதவி விலக கோரினார் நிதிஷ்.  அவர் பதவி விலகாததால் நிதிஷ் முதலமைச்சர் பதவியிலிருந்து விலகி மீண்டும் பாஜகவுடன் கூட்டணி அமைத்து முதலமைச்சராக 7வது முறையாக பொறுப்பேற்றார்.  அப்போது இந்த கூட்டணியை குறித்து அமித் ஷா ’தர்மத்தின் கூட்டணி’ எனக் கூறினார்.

தர்மத்தின் கூட்டணி முறிவு:

தற்போது தர்மத்தின் கூட்டணியை உடைத்து மீண்டும் மகாகத்பந்தன் கூட்டணியுடன் இணைந்துள்ளார் நிதிஷ்.  இந்த முறையும் எவ்வித மறுப்பும் இன்றி தம்பி நிதிஷை அரவணைத்துள்ளார் லல்லு.  மகாகத்பந்தன்
கூட்டணி ஆதரவுடன் 8வது முறையாக முதலமைச்சராகியுள்ளார் நிதிஷ்.  ஊழல் செய்தார் எனக் காரணம் காட்டிய தேஜஸ்வி யாதவை துணை முதலமைச்சராக்கியுள்ளார்.

மேலும் படிக்க: பிரிந்தது ஐக்கிய ஜனதா தளம் பாஜக கூட்டணி

முறிவிற்கான காரணம்:

நிதிஷின் கட்சி தாவலுக்கு பல காரணங்கள் கூறப்பட்டாலும் பாஜகவின் தனித்து ஆதிக்கம் செலுத்தும் செயல்பாடே முக்கிய காரணம் என அரசியல் வட்டாரங்கள் தெரிவிக்கின்றன.  பாஜக 2024 தேர்தலில் 243 இடங்களில் 43 இடங்களை மட்டுமே நிதிஷூக்கு ஒதுக்கப் போவதாக அறிவித்ததை தொடர்ந்தே இந்த பிரிவு ஏற்பட்டுள்ளது.  நிதிஷின் முதலமைச்சராகவே தொடர வேண்டும் என்ற ஆசையும் பாஜகவின் தனித்து இயங்க வேண்டும் என்ற சுயநலமுமே தர்மத்தின் கூட்டணியை உடைத்துள்ளதாக அரசியல் விமர்சகர்கள் கூறியுள்ளனர்.

மேலும் படிக்க: நிதிஷின் அரசியல் எதிர்காலம்என்ன?

வெற்றிபெறுமா ’மகாகத்பந்தன் 2.0’ கூட்டணி:

8வது முறையாக முதலமைச்சராக பொறுப்பேற்றுள்ள நிதிஷ் சுயநலமாக செயல்படுகிறார் என்ற எண்ணம் பீகார் மக்களிடையே உருவாகியுள்ளதாக தகவல்கள் தெரிவிக்கின்றன. பாஜக நாடு முழுவது அதிக செல்வாக்கை பெற்றுள்ள நிலையில் இரண்டு மாநிலங்களில் மட்டுமே ஆட்சி பொறுப்பில் உள்ள காங்கிரஸ் ஊழல் குற்றசாட்டில் சிக்கியுள்ள ராஷ்டிரிய ஜனதா தளம் சுயநலமாக செயல்படும் நிதிஷ் இவர்களின் கூட்டணி 2025 சட்டமன்ற தேர்தலில் வெற்றி பெறும் வாய்ப்பு என்பது கேள்விக்குறியான ஒன்று.