பெரம்பலூர் | பாரதிதாசன் நகர் முதல் தெருவில் வசித்து வருபவர்கள் ராமகிருஷ்ணன் - மலர் கொடி தம்பதியினர் ராமகிருஷ்ணன் ஆறு வருடங்களாக தியேட்டர் ஆப்பரேட்டராக பணிபுரிந்து வருகிறார். இவர்களுக்கு 24 வயதில் வெங்கடேசன் என்ற மகன் உள்ளார் . ராமகிருஷ்ணனுக்கு இரு மாதங்களுக்கு முன்பு வேறு சமூகத்தைச் சேர்ந்த பெண்ணுடன் திருமணம் ஆனதாக கூறப்படுகிறது.

மேலும் திருமணம் ஆனதிலிருந்து குடும்பத்தில் தகராறு ஏற்பட்டதாக கூறபடுகிறது. இதேபோல் நேற்று காலை 11 மணியளவில் மலர்கொடியும் வெங்கடேசனும் ராமகிருஷ்ணனிடம் வாக்குவாதத்தில் ஈடுபட்டதாகவும் ஒரு கட்டத்தில் வெங்கடேசன் வீட்டின் ஓட்டை உடைத்து சண்டையில் ஈடுபட்டதுடன் ராமகிருஷ்ணனை இரும்பு கம்பியால் தாக்கியதாக கூறப்படுகிறது. பின்னர் இருவரும் அங்கிருந்து சென்று விட்டதாக கூறப்படுகிறது.

மேலும் படிக்க | அமமுக நிர்வாகி வெட்டி படுகொலை... மனைவி கைது...

காயமடைந்த ராமகிருஷ்ணன் வீட்டின் பின்புறம் தள்ளாடி கீழே விழுந்து கிடந்துள்ளார். இன்று அதிகாலை வீட்டின் அருகில் வசிக்கும் ராமகிருஷ்ணனின் தாயார் நீலம்மாள் வந்து பார்த்தபோது ராமகிருஷ்ணன் நீண்ட நேரம் ஆகியும் எழுந்தி இருக்காமல் இருந்ததை பார்த்து சந்தேகம் அடைந்த அவர் அக்கம் பக்கத்தில் கூச்சல் இட்டு அழைத்துள்ளார்.

அவர்கள் வந்து பார்த்தபோது மூக்கில் ரத்தம் வந்த நிலையிலும் தலையில் பின்புறம் அடிபட்ட நிலையிலும் காலில் ரத்த காயங்களுடன் ராமகிருஷ்ணன் இறந்த கடந்துள்ளார் .பின்னர் தகவல் அறிந்து சம்பவ இடத்திற்கு வந்த போலீசார் விசாரணை மேற்கொண்டனர். விசாரணையில் ராமகிருஷ்ணனின் மகனும் மனைவியும் சேர்ந்து அடித்துக் கொன்று விட்டு தப்பித்து சென்றது தெரியவந்தது.

மேலும் படிக்க | வழக்கறிஞரை வெட்டி படுகொலை செய்த மர்ம நபர்கள்...

தகவல் அறிந்து சம்பவ இடத்திற்கு வந்த மாவட்ட காவல் கண்காணிப்பாளர் ஷ்யாம்ளாதேவி கொலை சம்பவம் குறித்து கேட்டறிந்தார். பின்னர் இறந்த ராமகிருஷ்ணனின் உடலை கைப்பற்றிய போலீசார் பிரேத பரிசோதனைக்காக அரசு மருத்துவமனைக்கு அனுப்பி வைத்துவிட்டு ராமகிருஷ்ணனை கொலை செய்துவிட்டு தலைமறைவாகியுள்ள மலர்க்கொடி மற்றும் அவரது மகன் வெங்கடேசன் தேடி வருகின்றனர் .

பெரம்பலூர் மாவட்டத்தில் குற்ற சம்பவங்களை குறைப்பதற்காக மாவட்ட கண்காணிப்பாளர் பல முயற்சிகள் எடுத்து வந்தாலும் இது போன்ற சம்பவங்கள் நடைபெறுவதால் காவல்துறை மத்தியிலும் பொதுமக்கள் மத்தியிலும் வேதனை அளிக்கிறது.

மேலும் படிக்க | பெற்ற குழந்தைகளைக் கொலை செய்து தற்கொலை செய்து கொண்ட தம்பதியர்...

தூத்துக்குடி | கோவில்பட்டி அருகே உள்ள  கயத்தாரைச் சேர்ந்தவர் அய்யாதுரை. இவர் விவசாயம் மற்றும் பைனான்ஸ் தொழில் செய்து வருவதாக கூறப்படுகிறது. இவருடைய வீடு கடம்பூர் சாலையில் அமைந்துள்ளது. 

இந்நிலையில் நேற்று இரவு அவரது வீட்டின் முன்பு நிறுத்தப்பட்டிருந்த கார் திடீரென தீப்பிடித்து பற்றி எரிந்துள்ளது. இதையடுத்து அய்யாத்துரை குடும்பத்தினர் தீயை அணைத்துள்ளனர். இதில் கார் லேசான சேதம் அடைந்தது. இது குறித்து கயத்தாறு காவல் நிலையத்திற்கு தகவல் கொடுத்துள்ளனர். 

மேலும் படிக்க | வியாபாரி வீட்டில் 132 பவுன் நகைகள் மாயம்... 

போலீசார் விரைந்து வந்து வீட்டில் இருந்த சிசிடி காட்சிகளை ஆய்வு செய்த போது மர்ம நபர் ஒருவர் வீட்டிற்குள் வந்து காருக்கு தீ வைக்கும் காட்சிகள் பதிவாகி இந்த தைக் கண்டு அதிர்ச்சி அடைந்தனர். மேலும் வீட்டின் முன் பகுதியில் பொருத்தப்பட்டிருந்த இரண்டு சிசிடிவி கண்காணிப்பு கேமராக்களையும் அடித்து நொறுக்கி எடுத்துச் சென்றது தெரியவந்தது. 

இதனை தொடர்ந்து  போலீசார் வழக்கு பதிவு செய்து விசாரணை நடத்தி வருகின்றனர். முன்விரோதம் காரணமாக இச் சம்பவம் நடைபெற்றதா அல்லது வேறு ஏதும் காரணமா என்பது குறித்து தீவிர விசாரணை நடத்தி வருகின்றனர். காருக்கு தீ வைக்கும் சிசிடிவி காட்சிகள் தற்போது வெளியாகி பெரும் பரபரப்பை ஏற்படுத்தி உள்ளது. 

மேலும் படிக்க | ஜனநாயகத்தை என் குடும்பத்தினர் ரத்தத்தால் வளர்த்தனர் - பிரியங்கா காந்தி ஆவேசம்! 

மதுரை | தனக்கன்குளம் திருவள்ளுவர் நகரை சேர்ந்தவர் சர்க்கரை(51) இவருடைய மனைவி அன்னலட்சுமி இவர்களுக்கு இரண்டு மகன்கள் உள்ளனர். சர்க்கரை ரியல் எஸ்டேட் தொழில் செய்து வந்துள்ளார்.  மேலும், அம்மா மக்கள் முன்னேற்றக் கழகத்தில் பகுதி செயலாளராக பணியாற்றி வந்துள்ளார்.

இந்நிலையில் சர்க்கரைக்கும் ஒரு பெண்ணுக்கும் தொடர்பு இருப்பதாக கூறப்படுகிறது. இதனால் குடும்பத்தில் கணவன் மனைவியிடையே அடிக்கடி தகராறு ஏற்பட்டு வந்தது. இந்நிலையில் நேற்று இரவு கட்டிலில் தூங்கிக் கொண்டிருந்த கணவர் சக்கரை தலையில் மனைவி அன்னலட்சுமி கல்லை போட்டும்., உடலில் சரமாரியாக அருவாளால் வெட்டியும் படுகொலை செய்தார். 

தகவல் அறிந்த திருநகர் போலீசார் சம்பவ இடத்திற்கு விரைந்து வந்து சக்கரை உடலை கைப்பற்றி பிரேத பரிசோதனைக்காக மதுரை ராஜாஜி மருத்துவமனைக்கு அனுப்பி வைத்தனர்.  மேலும்., மனைவி அன்னலட்சுமியை கைது செய்து விசாரணை மேற்கொண்டு வருகின்றனர். குடும்ப பிரச்சினை காரணமாக மனைவி கணவனை கொலை செய்த சம்பவம் இப்பகுதியில் பெரும் பரபரப்பை ஏற்படுத்தி உள்ளது.

மேலும் படிக்க | பெற்ற குழந்தைகளைக் கொலை செய்து தற்கொலை செய்து கொண்ட தம்பதியர்...

சென்னை | பெருங்குடி பகுதியைச் சேர்ந்தவர் ஜெய்கணேஷ். இவர் சைதாப்பேட்டை நீதிமன்றத்தில் வழக்கறிஞராக பணிபுரிந்து வருகிறார். இந்நிலையில், இவர் தனது நண்பர்களுடன் கிரிக்கெட் விளையாடி விட்டு வீட்டிற்கு திரும்பியுள்ளார்.

அப்போது வீட்டின் அருகே இருசக்கர வாகனத்தில் காத்திருந்த அடையாளம் தெரியாத மர்ம நபர்கள் இருவர், ஜெய்கஷை கத்தி உள்ளிட்ட ஆயுதங்களால் தாக்கியதாக கூறப்படுகிறது. இதில் பலத்த காயமடைந்த அவரை அக்கம்பக்கத்தினர் மீட்டு சிகிச்சைக்காக மருத்துவமனைக்கு கொண்டு சென்றனர்.

அங்கு அவரை பரிசோதித்த மருத்துவர்கள் அவர் ஏற்கனவே உயிரிழந்து விட்டதாக கூறினர்.  பின்னர் இச்சம்பவம் அறிந்து மருத்துமனைக்கு வந்த அவரது உறவினர்கள் மற்றும் சக வழக்கறிஞர்கள் குற்றவாளியை கைது செய்ய வலியுறுத்தி போலீசாரிடம் வாக்குவாத்தில் ஈடுபட்டதால் அங்கு பரபரப்பு நிலவியது.

மேலும் படிக்க | கடத்தப்பட்ட பச்சிளம் குழந்தை...10 மணி நேரத்தில் மீட்ட போலீசாருக்கு பாராட்டு!

ஹைதராபாத் | குஷாய்குடா  பகுதியில் இருக்கும் அடுக்குமாடி குடியிருப்பு ஒன்றில் மென் பொறியாளர்களான சதீஷ் (39), வேதா (5) ஆகியோர் வசித்து வந்தனர். அவர்களுக்கு நிஷிகட் ( 9), நிகால் (5) என்ற இரண்டு மகன்கள் இருந்தனர். பிறந்தது முதல் மகன்கள் இரண்டு பேருக்கும் உடல் நிலையில் தீவிர பாதிப்புகள் இருந்து வந்தன.

எனவே மகன்கள் இரண்டு பேருக்கும் சிகிச்சை அளிக்க கடந்த பல ஆண்டுகளாக அந்த தம்பதி தாங்கள் சம்பாதித்த பணம் மற்றும் நண்பர்களிடம் கடன் வாங்கிய பணம் ஆகியவற்றை தாராளமாக செலவு செய்தனர். இந்த நிலையில் பெரிய மகன் நிஷிகட் உடல்நிலை மேலும் பாதிக்கப்பட்டது.

மேலும் படிக்க | ஆசிரியரை தாக்கிய மாணவரின் குடும்பம்... அனைவரையும் கைது செய்ய போராட்டம்... 

இதனால் தீவிர மனவேதனை அடைந்த அவர்கள் இரண்டு பேரும் நேற்று  மகன்களுக்கு விஷம் கொடுத்து கொலை செய்தனர். பின்னர் இரண்டு பேரும் அதே விஷத்தை குடித்து தற்கொலை செய்து கொண்டனர். அவர்களை தொடர்பு கொள்வதற்காக உறவினர்கள் போன் செய்த போது பதில் இல்லாமல் போகவே அருகில் வசிக்கும் நபர்களை தொடர்பு கொண்டு உறவினர்கள் கேட்டிருக்கின்றனர்.

அப்போது அருகில் உள்ள வீடுகளில் வசிக்கும் நபர்கள் சதீஷ் வீட்டிற்கு சென்று கதவை தட்டிய போது கதவு உட்புறமாக தாழிடப்பட்டிருந்தது. நீண்ட நேரம் தட்டியும் கதவு திறக்கப்படாமல் போகவே போலீசாருக்கு தகவல் அளிக்கப்பட்ட நிலையில் விரைந்து வந்த போலீசார் கதவை உடைத்து திறந்து பார்த்தபோது நான்கு பேரும் இறந்து கிடப்பது தெரிய வந்தது.

இதனைத் தொடர்ந்து, 4 பேரின் உடல்களையும் கைப்பற்றிய குஷாய்குடா போலீசார் பிரேத பரிசோதனைக்காக அரசு மருத்துவமனைக்கு அனுப்பி வைத்து வழக்குப்பதிவு செய்து விசாரணை நடத்துகின்றனர்.

மேலும் படிக்க | ஆன்லைன் ரம்மிக்கு மீண்டும் ஒரு உயிர் பலி...!!!