மயிலாப்பூரைச் சேர்ந்த வினால்க் சங்கர் நவாலி என்பவர் திருடப்பட்ட நகைகளை வாங்கியதாக தேனாம்ப்பேட்டை போலீசார் கைது செய்துள்ளனர்.  வினால்க் சங்கர் நவாலியிடம் 340 கிராம் தங்க நகைகள் பறிமுதல் செய்யப்பட்டதாகவும் போலீசார் தெரிவித்துள்ளனர்.

ஐஸ்வர்யாவிடம் விசாரணை:

நடிகர் ரஜினி மகள் ஐஸ்வர்யாவிடம் எவ்வளவு நகைகள் திருடப்பட்டது குறித்து போலீசார் நேரில் விசாரணை செய்ய உள்ளனர்.  மேலும் திருடப்பட்ட நகைகளின், வாங்கிய ரசீது உள்ளிட்ட ஆவணங்கள் குறித்தும் ஐஸ்வர்யாவிடம் போலீசார் விசாரணை நடத்து உள்ளனர்.  அவர் புகாரில் குறிப்பிட்டுள்ளதை விட கூடுதல் நகைகள் கைப்பற்றப்பட்டுள்ளதால்,  ஐஸ்வர்யாவின் வீட்டுக்குச் சென்றோ அவரை வரவழைத்தோ விசாரணை நடத்த போலீசார் முடிவு செய்துள்ளனர்.

வீட்டுக்கு செல்லும்போது லாக்கரில் உள்ள நகைகள் பற்றி கேட்கவும்  திட்டமிட்டுள்ளனர்.  போலீசில் புகார் அளித்தபோது சௌந்தர்யா திருமணத்தின் போது எடுத்த ஆல்பத்தையும் ஐஸ்வர்யா வழங்கியிருந்தார். அந்த ஆதாரத்துடன் ஒப்பிட்டு பார்த்து திருடப்பட்ட நகைகளை போலீசார் சரி பார்த்து வருகிறார்கள்.   நீதிமன்றத்தில் ஒப்படைக்க  திருடப்பட்ட நகைகளின் ஆவணங்கள் குறித்தும் ஐஸ்வர்யாவிடம் போலீசார் விசாரணை நடத்து உள்ளனர்.

இதையும் படிக்க:    புதிய கட்டிடம் கட்ட அரசு முன்வருமா...!!

காஞ்சிபுரம் மாவட்டத்தில் மின் தொழிலாளி ஒருவர் மர்மமான முறையில் உயிரிழந்து கிடந்த சம்பவம் குறித்து போலீசார் விசாரணை மேற்கொண்டு வருகின்றனர்.

காஞ்சிபுரம் புதிய ரயில் நிலையில் அருகே உடல் முழுவதும் ரத்த காயங்களுடன் சடலமாக கிடப்பதாக போலீசாருக்கு தகவல் கிடைத்துள்ளது.  தகவலின் பேரில் சம்பவ இடத்திற்கு சென்ற போலீசார், உடலை கைப்பற்றி விசாரணை மேற்கொண்டு வந்தனர். முதற்கட்ட விசாரணையில் அவர், நாராயணபாளையத்தை சேர்ந்த துரைசாமி என்பவரின் மகன் பிரபாகர் என்பதும் இவர் கடந்த 10 ஆண்டுகளாக தனியார் பட்டு சேலை விற்பனை இடத்தில் பணிபுரிந்து வந்த நிலையில் கடந்த இரண்டு ஆண்டுகளாக எலக்ட்ரீசியன் தொழிலில் ஈடுபட்டு வந்துள்ளார்.

இவர் மனைவியை பிரிந்ததால் தனது தாய் தந்தையுடன் நாராயணபாளையம் பகுதியில் வாடகை வீட்டில் வசித்துவந்தார்.  வழக்கம் போல் பணிக்கு சென்றுவிட்டு நேற்று இரவு வீடு திரும்பவில்லை.  இந்நிலையில் காஞ்சிபுரம் புதிய ரயில்வே நிலையம் அருகே உள்ள மேம்பாலத்தின் கீழ் இரத்தகாயங்களுடன் வாலிபர் சடலம் இருப்பதாக பொதுமக்கள் காஞ்சிபுரம் தாலுகா காவல்துறைக்கு தகவல் தெரிவித்தனர்.

இதன பேரில் சம்பவ இடத்திற்கு ஆய்வாளர் பேசில்பிரேம்ஆனந்த் சென்று ரத்த காயங்களுடன் இருந்த உடலை மீட்டு விசாரணை மேற்கொண்டதில் நாராயணபாளையதெரு பகுதியினை சேர்ந்த பிரபாகர் என்பது தெரியவந்தது.

மேலும் காவல்துறையினர் அவரது வீட்டில் சென்று இத்தகவலைஉறுதிசெய்தனர்.  ரத்தகாயங்களுடன் இருந்த உடலை மீட்டு உடற்கூறு ஆய்விற்காக காஞ்சிபுரம் மாவட்ட அரசு தலைமை மருத்துவமனைக்கு அனுப்பி வைத்து சம்பவ இடத்தில் காவல்துறையினர் விசாரணை மேற்கொண்டு வருகின்றனர். 

மேலும் காவல்துறை மோப்பநாய் உதவியுடன் சம்பவ இடத்தை ஆய்வு செய்தபோது மோப்பநாய் புதிய ரயில்வே நிலையம் அருகே வரை சென்றுவிட்டது. பிரபாகர் காயங்களுடன் இறந்தது குறித்து காவல்துறை அவரது நண்பர்கள் உறவினர்கள் உள்ளிட்ட நபர்களிடம் விசாரணை மேற்கொண்டு வருகின்றனர்.

இதையும் படிக்க:   மின்வாரிய ஊழியர்கள் தேர்வு இனி மின் வாரியம் மூலமாகவா?!!.... 

காரைக்காலில் போலி நகை மோசடி விவகாரத்தில் மேலும் மூவர் மீது வழக்கு பதிவு. அடுக்கடுக்கான புகார்களை கூறும் வங்கிகள்.

தமிழ்நாடு மற்றும் காரைக்காலில் தங்க முலாம் பூசிய செம்புக்கம்பியால் ஆனா போலி நகைகளை உருவாக்கி , வங்கிகள், அடகு கடைகளில் அடகு வைத்து கோடி கணக்கில் பணம் வாங்கி மோசடி செய்துள்ள சம்பவம் பெரும் அதிர்வலைகளை ஏற்படுத்தி உள்ளது.

இந்த மோசடி வழக்கில் இதுவரை நிரவி காவல் நிலையத்தில் எஸ்ஐயாக பணியாற்றி பணியிடை நீக்கம் செய்யப்பட்ட ஜெரோம் ஜெசிமென்ட், காரைக்கால் சின்னக்கண்ணு செட்டித்தெருவை சேர்ந்த பரசுராம், திருவாரூர் மாவட்டம் கொல்லாபுரத்தை சேர்ந்த ரிபாத் காமில், காரைக்கால் சேர்ந்த ரமேஷ், காரைக்கால் புதுத்துறையை சேர்ந்த முகமது மைதீன் ஆகியோருக்கும் இந்த சம்பவத்தில் தொடர்பு இருப்பதும் தெரியவந்துள்ளது.  ஐந்து பேர் கைது செய்யப்பட்ட நிலையில்  இந்த வழக்கில் தொடர்புடைய மேலும் மூன்று நபர்கள் கைது செய்யப்பட்டுள்ளனர். 

அதாவது அரசு மற்றும் தனியார் வங்கிகளில் பல லட்சம் மோசடி என வந்த புகார் அடிப்படையில் தேவதாஸ் என்பவர் காரைக்காலில் தனியார் வங்கிகளில் போலி நகைகளை அடகு வைத்து பல லட்சம் ரூபாய்  பெற்றதும், கடலூரை சேர்ந்த சிவகுமார் என்பவர் போலி நகைகளை செய்து கொடுத்தவரும், சோழன் என்பவர் போலி நகைகள் செய்ய மூல பொருட்கள் கொடுத்த ஆகிய மூவரும் கைது செய்யப்பட்டுள்ளனர்.  

காரைக்காலில் உள்ள தனியார் நிதி நிறுவனமான கும்பகோணம் பரஸ்பர சகாய நிதி லிமிட் வங்கி கிளையில் காரைக்கால் தேவதாஸ் என்பவர் கடந்த 2021 ஆம் ஆண்டு சுமார் 12 பவுன் கொண்ட செயினை அடமானம் வைத்து ரூ.2 லட்சத்து 95 ஆயிரம் ரூபாய் பெற்றுள்ளார்.  இதுநாள் வரை தேவதாஸ் நகை கடன் பெற்றதுக்கு வட்டி ஏதும் செலுத்தாததால் வங்கி மேலாளர் கோவிந்தராமாநுஜம் நகை பரிசோதித்த போது போலி நகை என்பதை கண்டறிந்துள்ளார்.  இதுகுறித்து வங்கி மேலாளர் கோவிந்தராமாநுஜம் நகர காவல் நிலையத்தில் புகார் அளித்துள்ளார்.  புகாரின் அடிப்படையில் வழக்கு பதிவு செய்யப்பட்டு தேவதாஸை போலீசார் தேடி கைது செய்தனர்.   

மேலும்  இந்த நகைகளை செய்து கொடுத்த கடலூரை சேர்ந்த சிவக்குமார் மற்றும் இவர்களுக்கு  மூலப்பொருட்கள் கொடுத்த சோழன் என மூன்று நபர்களை இன்று கைது செய்து காரைக்கால் நீதிமன்றத்தில் ஆஜர்படுத்தி சிறையில் அடைக்கப்பட்டுள்ளனர்.  புதுச்சேரி மத்திய சிறையில் அடைக்கப்பட்டு உள்ளனர்.  மேலும் இவ்வழக்கில் முக்கிய புள்ளியான பெண் தொழிலதிபர் புவனேஸ்வரியை மூன்று தனிப்படை போலீசார் தேடி வருகின்றனர்.

இதையும் படிக்க:  அதிமுக யார் கைக்கு சென்றால் நன்றாக இருக்கும்.... சசிகலா அளித்த பதில்!!

இந்தியாவிலிருந்து 16.80 கோடி பேரின் ரகசிய தகவல்களைத் திருடி விற்பனை செய்திருக்கும் கும்பல் பற்றிய தகவல் வெளியாகி, அதிர்ச்சியை ஏற்படுத்தியுள்ளது.

கைப்பற்றப்பட்ட தரவுகள்:

இந்த நிலையில் டேட்டா திருட்டு  கும்பலைச் சேர்ந்த குமார் நிதீஷ் பூஷன், குமாரி பூஜாபால், சுஷீல் தாமர், அதுல் பிரதாப் சிங், முஷ்கன் ஹாசன், சந்தீப் பால் ஆகிய 6 பேர் கைது செய்யப்பட்டுள்ளனர்.   சைபராபாத் போலீசாரிடம்  இந்த கும்பல் சிக்கியுள்ளது. இக்கும்பலிடமிருந்து 12 செல்போன்கள், 3 லேப்டாப்கள், 2 சிபியூகள் மற்றும் தனிநபர்களின் 138 வகையான தரவுகளின் பட்டியல் ஆகியன கைப்பற்றப்பட்டுள்ளன.

திருட்டுக் கும்பல்:

இந்தியாவிலிருந்து சுமார் 16.80 கோடி பேரின் தகவல்களை 6 பேர் கொண்ட கும்பல் திருடி விற்பனை செய்திருப்பதாகத் தகவல் வெளியாகி இருக்கிறது.  இது இந்தியாவின் மிகப்பெரிய தகவல் மோசடி எனப் போலீசாரால் கூறப்படுகிறது.  சுமார் 1.10 கோடி வங்கி வாடிக்கையாளர்கள், 75 முகநூல் பயனர்கள், 1.2 கோடி வாட்ஸ்அப் பயனர்கள், 35 ஆயிரம் டெல்லி அரசு அதிகாரிகள் மற்றும் ஊழியர்கள், 2.50 லட்சம் ராணுவ வீரர்களின் தகவல்கள் திருடப்பட்டிருக்கிறது.  மேலும் இந்தக் கும்பல், கிரெடிட் கார்டுக்கு விண்ணப்பித்தவர்கள் பற்றிய தகவல்களையும் திருடியது அம்பலமாகியுள்ளது.

யாருடைய தகவல்கள்:

இது குறித்து சைபராபாத் காவல் துறை ஆணையர் ஸ்டீபன் ரவீந்திரா செய்தியாளர்களிடம் விளக்கம் அளித்துள்ளார்.   அதில் வங்கி வாடிக்கையாளர்கள், முகநூல் பயனர்கள், ஐ.டி. ஊழியர்கள், அரசு ஊழியர்கள், நீட் தேர்வு மாணவர்கள், ராணுவ வீரர்கள், விமானிகள் ஆகியோரின் தகவல்கள் திருடப்பட்டுள்ளதாக தெரிவித்திருக்கிறார்.  பல்வேறு தகவல்களையும் திருடி 140 வகைகளாகப் பிரித்து பல கோடிக்கு விற்பனை செய்துள்ளதாகவும் அவர் குறிப்பிட்டார்.

அறிவுரை:

இதுபோன்ற தரவுகள் மூலம் நாட்டின் பாதுகாப்புக்கே அச்சுறுத்தல் ஏற்படலாம் என எச்சரித்திருக்கும் காவல் துறையினர், 'இணையதளங்களில் சேவைகளைப் பெறுவதற்காக மக்கள் தங்களுடைய தரவுகளைத் தரும்போது தான் அதை இணையதளவாசிகள் ரகசியமாகத் திருடி விடுவதாகவும்  இதனால் சேவைபெறும் பொதுமக்கள் எச்சரிக்கையாக இருக்க வேண்டும்' என அறிவுறுத்தியுள்ளனர்.

இதையும் படிக்க:   மகிழ்ச்சி தந்த மழை... சோகத்தை ஏற்படுத்திய மின்னல்...!!!

தூத்துக்குடி | தூத்துக்குடி அருகே உள்ள தருவைகுளம் பகுதியைச் சேர்ந்த ராஜசிங்கம் என்பவரின் மகன் 38 வயதான பாரத். இவர் எட்டையாபுரம் அருகே உள்ள கீழநம்பிபுரம் பகுதியில் உள்ள ஒரு தொடக்கப் பள்ளியில் ஆசிரியராக பணிபுரிந்து வருகிறார். 

இந்நிலையில் பாரத் கடந்த 21-ம் தேதி இரண்டாம் வகுப்பில் பாடம் நடத்திக் கொண்டிருந்த போது அந்த வகுப்பில் படிக்கும் ஒரு மாணவர் பாடத்தை கவனிக்காமல் இருந்துள்ளார். எனவே, பாரத் அவரை முன்னால் வந்து உட்காரும் படி கூறியுள்ளார். அப்போது, அந்த மாணவர் தவறி கீழே விழுந்துள்ளார்.

மேலும் படிக்க | மதுபானம் என்ன அப்படி ஒரு அத்தியாவசிய பொருளா? - நீதிபதிகள் கேள்வி...

இந்த சம்பவம் குறித்து கடந்த 21ம் தேதி, அந்த மாணவனின் பாட்டியான கீழநம்பிபுரம் பகுதியைச் சேர்ந்த 53 வயதான முனியசாமி என்பவரது மனைவி மாரி செல்வி என்பவர் ஆசிரியர் பாரத்தை சத்தம் போட்டுச் சென்றுள்ளார்.

மேலும், அன்று மதியமே ஆசிரியர் பாரத் பள்ளியில் பாடம் நடத்திக்கொண்டிருந்த போது அங்கு வந்த மாணவனின் பெற்றோரான சிவலிங்கம் (34), செல்வி (28) மற்றும் தாத்தா முனியசாமி (53), முனியசாமியின் மனைவி மாரிச்செல்வி ஆகியோர் பள்ளிக்குள் அத்துமீறி நுழைந்து ஆசிரியர் பாரத்தை தவறாக பேசி பள்ளி வளாகத்திற்குள் ஆசிரியரை ஓடஓட விரட்டி கை மற்றும் கம்பால் தாக்கியும் கொலை மிரட்டல் விடுத்துள்ளனர்.

மேலும் படிக்க | நடிகை யாஷிகாவிற்கு பிடிவாரண்ட் பிறப்பித்தது செங்கல்பட்டு நீதிமன்றம்

இந்த சம்பவமானது சமுக வளைதலங்களில் வைரலாக பரவி வந்த நிலையில் இது குறித்து ஆசிரியர் பாரத் அளித்த புகாரின் பேரில் எட்டையபுரம் காவல் நிலைய போலீசார் வழக்கு பதிவு செய்து விசாரணை மேற்கொண்டனர். மேலும் இச்சம்பவம் குறித்து தூத்துக்குடி மாவட்ட காவல் கண்காணிப்பாளர் பாலாஜி சரவணன் சம்பவத்தில் ஈடுபட்டவர்களை உடனடியாக கைது செய்து நடவடிக்கை எடுக்க உத்தரவிட்டார்.

அவரது உத்தரவின் பேரில் விளாத்திகுளம் காவல் துணை கண்காணிப்பாளர் மேற்பார்வையில் எட்டையபுரம் காவல்நிலைய போலீசார் உடனடியாக விசாரணை மேற்கொண்டு பள்ளிக்குள் அத்துமீறி நுழைந்து ஆசிரியரை தாக்கிய நபர்கள் மீது 5- பிரிவுகளில் வழக்கு பதிவு செய்து சிவலிங்கம், செல்வி மற்றும் முனியசாமி அதிரடியாக கைது செய்து சிறையில் அடைத்தனர்.

மேலும் படிக்க | நீதிமன்ற வளாகத்தில் மனைவி மீது கணவர் ஆசிட் வீச்சு !!! பின்னணி என்ன?

இந்நிலையில் மாணவனின் பாட்டி மாரி செல்வியை இதுவரை கைது செய்யவில்லை என்றும் அதை போல் ஏற்கனவே கைது செய்யப்பட்டுள்ள சிவலிங்கம் மனைவி செல்வி-யை நேற்று வெளியே விட்டு விட்டதாகவும் கேட்டால் ஜாமினில் வெளியில் வந்துள்ளதாக கூறுவதாக கூறப்படுகிறது.

ஆனால், தெலுங்கு வருடப்பிறப்பு நாள் விடுமுறையான நேற்று எப்படி ஜாமீன் வழங்கினார்கள் என கீழநம்பியாபுரம் கிராம மக்கள் ஒன்று திரண்டு மாவட்ட ஆட்சியர் அலுவலகத்தினை முற்றுகையிட்டு போராட்டத்தில் ஈடுபட்டனர்.

மேலும் பள்ளி ஆசிரியரை தாக்கிய வழக்கில் சம்பந்தப்பட்ட அனைவரையும் கைது செய்யவேண்டும் எனவும் கோரிக்கை விடுத்து போராட்டத்தில் ஈடுபட்டனர். இதனால் மாவட்ட ஆட்சியர் அலுவலகம் சிறிது நேரம் பரபரப்பாக காணப்பட்டது.

மேலும் படிக்க | சாதி வன்கொடுமையால் தற்கொலை செய்து கொண்ட தூய்மை பணியாளர்...