கிருஷ்ணகிரி மாவட்டம் ஒசூர் அடுத்த வள்ளுவர் நகரில் உள்ள முனீஸ்வரன் கோவில் பின்பாக, அடையாளம் தெரியாத ஆண் சடலம் கிடப்பதாக ஒசூர் நகர போலீசாருக்கு தகவல் கிடைத்துள்ளது..

தகவலின்பேரில் சம்பவ இடத்திற்கு விரைந்து சென்ற போலீசார், அடித்துக்கொலை செய்யப்பட்டு கிடந்து இளைஞரின் உடலை கைப்பற்றி விசாரணை மேற்க்கொண்டனர். விசாரணையில் அவர் ஆந்திர மாநிலம், கடப்பா மாவட்டம் பிரதட்டூர் கிராமத்தை சேர்ந்த மகபூப் பாஷா என்பவரின் மகன் சேக் முகமது அப்சல் என்பதும், இவர் ஓசூர் ராம்நகரில் உள்ள ஆட்டோ டிரைவர் உசேன் பாஷா என்பவரது வீட்டில் தங்கியிருந்தவர் என்பது தெரியவந்தது.

மேலும் கொலை செய்யப்பட்ட ஷேக் முகமது அப்சல், ஒசூர் அரசு கலைக்கல்லூரியில் பிஎஸ்சி இரண்டாமாண்டு படித்து வந்ததாகவும், படித்துக்கொண்டே தனியார் தொழிற்சாலையில் இரவு 1 மணி வரை பகுதி நேரமாக பணியாற்றுவதும் வழக்கமாக கொண்டிருந்ததாக கூறப்படுகிறது. 

இதற்கிடையில் நேற்று கல்லூரி முடித்து விட்டு தொழிற்சாலைக்கு சென்றவர் காலை முதல் வீடு திரும்பாத நிலையில், சடலமாக மீட்கப்பட்டது குறிப்பிடதக்கது. மேலும் இச்சம்பவம் குறித்து வழக்குபதிவு செய்த போலீசார் தீவிர விசாரணை மேற்க்கொண்டு வருகின்றனர். இச்சம்பவம் அப்பகுதியில் பரபரப்பை ஏற்படுத்தியுள்ளது.

பாலிவுட் நடிகர் ஷாருக்கானின் மகன் ஆர்யன் கானின் ஜாமீன் மனு மீதான விசாரணை, மும்பை உயர்நீதிமன்றத்தில் இன்றும் தொடர்கிறது.

சொகுசு கப்பலில் போதை விருந்து தொடர்பாக கைது செய்யப்பட்டுள்ள ஆர்யன் கான், தமக்கு ஜாமீன் வழங்க கோரி மனு தாக்கல் செய்துள்ளார். இதனை மும்பை உயர்நீதிமன்றம் விசாரித்து வருகிறது. ஆர்யன் கான் சார்பில் வாதாடிய மத்திய அரசின் முன்னாள் அட்டர்னி ஜெனரல் முகுல் ரோகத்கி, ஆர்யன் கான் போதை பொருள் பயன்படுத்தவில்லை என்றும், அவரிடம் இருந்து போதை பொருட்கள் கைப்பற்றப்படவில்லை எனவும் கூறியுள்ளார். வாட்ஸ் அப் தகவல் பரிமாற்றத்தின் அடிப்படையிலேயே அவர் கைது செய்யப்பட்டுள்ளதாக குறிப்பிட்டுள்ள முகுல் ரோகத்கி, ஆர்யன் கான் கைதுக்கு சரியான காரணம் கூறப்படவில்லை என தெரிவித்தார். 

ஆர்யன் கானிடம் இருந்து பெரிய அளவிலான போதைப்பொருள் மீட்கப்பட்டதாகக் கூறி, நீதிமன்றத்தை போதைப்பொருள் தடுப்பு பிரிவு தவறாக வழிநடத்துவதாகவும் வாதிட்டார். இதைப்போல அலி காஷிப் கான் தேஷ்முக், அமித் தேசாய் ஆகியோரும் தங்கள் வாதத்தை நிறைவு செய்தனர். இதனையடுத்து இன்றைக்கு ஒத்திவைக்கப்பட்டுள்ள விசாரணையில், மூன்று பேரின் ஜாமீன் மனுக்கள் தொடர்பாக போதைப்பொருள் தடுப்பு பிரிவு சார்பில் கூடுதல் சொலிசிட்டர்  ஜெனரல் அனில் சிங் பதிலளிக்க உள்ளார். அதன்பிறகே ஜாமீன் மனுக்கள் மீதான தீர்ப்பு வழங்கப்பட உள்ளது.

சென்னை பெரியமேட்டில் உள்ள சுப்பையா தெருவில் வசித்து வருபவர் முன்னாள் கவுன்சிலரும் திமுக வட்ட செயலாளருமான கிருஷ்ணமூர்த்தி. இவர் நேற்று மாலை ஏழு மணி அளவில் தனது மனைவியை மருத்துவமனைக்கு அழைத்துச் சென்றுவிட்டு வீடு திரும்புகையில் அவர் வசிக்கும் அதே தெருவின் துவக்கத்தில் அமைந்துள்ள பாப்புலர் ஃப்ரண்ட் ஆஃப் இந்தியா என்ற அலுவலகத்தில் கீழே இரண்டு இளைஞர்கள் இரு சக்கர வாகனத்தை கொண்டு வந்து தாங்கள் வந்து கொண்டிருந்த ஆட்டோ வேன் மீது மோதியதாக தெரிவிக்கப்பட்டுள்ளது.

தொடர்ந்து அங்கே இரு தரப்புக்கும் வாக்குவாதம் நடைபெற்று அது முடிவடைந்து அதற்கு பிறகாக இரவு பத்து மணிக்கு மேலாக அதே பிஎஃபை இஸ்லாமிய இயக்கத்திற்கு உட்பட்ட 50க்கும் மேற்பட்ட இளைஞர்கள் பயங்கர ஆயுதங்களுடன் கிருஷ்ணமூர்த்தி இல்லத்தில் உள்ள பெண்கள் மீதும் குடும்பத்தினர் மீதும் தாக்குதல் நடத்தியதாக கூறப்படுகிறது. 

இந்நிலையில் கிருஷ்ணமூர்த்திக்கு ஆதரவாக அப்பகுதி வாசிகள் பாப்புலர் ஃப்ரண்ட் ஆஃப் இந்தியா அமைப்பைச் சேர்ந்த நபர்களுக்கும் இடையே கடும் தாக்குதல் ஏற்பட்டது இந்த தாக்குதலில்  இருதரப்பிலும் பலர் காயம் அடைந்த நிலையில் காவல்துறையினரும் தாக்கப்பட்டனர்.

மேலும் தொடர்ந்து அசம்பாவிதங்கள் நடைபெறாமல் இருக்க அப்பகுதியில் காவல்துறையினர் அதிக அளவில் கொடுக்கப்பட்டதால் பரபரப்பு ஏற்பட்டது. இரு தரப்பினரிடமும் புகார்களை பெற்றுக்கொண்டு உரிய நடவடிக்கை எடுக்கப்படும் என காவல்துறையினர் தெரிவிக்க இருதரப்பினரும் கலைந்து சென்றனர்

சென்னை வேளச்சேரியில், பட்டப்பகலில் மசாஜ் சென்டருக்குள் நுழைந்த மர்ம நபர்கள், கத்தியை காட்டி மிரட்டி  நகை, பணம் கொள்ளையடித்து சென்ற சிசிடிவி காட்சிகள் வெளியாகியுள்ளன.

நூறு அடி சாலையில் உள்ள கிரியேட்டிவ் சலூன் அன்ட் ஸ்பா என்ற மசாஜ் சென்டரில் நேற்று மதியம் வெள்ளை உடை அணிந்து வந்தவருடன், 5 பேர் திடீரென நுழைந்துள்ளனர். பின்னர் பணம் கேட்டு ஸ்பா ஊழியரை பட்டா கத்தியால் தாக்கிய கும்பல், பெண்களின் கைப்பையில் இருந்து 30 ஆயிரம் ரூபாய், 7 செல்போன்கள் மற்றும் 5 சவரன் நகையை திருடியுள்ளனர்.

இதில் மற்றொரு பெண்ணின் நெற்றியிலும் அந்த கும்பல் கத்தியால் காயம் ஏற்படுத்தியுள்ளது.  இதுகுறித்த புகாரின் பேரில் போலீசார் விசாரணை நடத்தி வருகின்றனர். இச்சம்பவத்தில் தொடர்புடையதாக ஒருவரை கைது செய்து விசாரிக்கின்றனர். இந்தநிலையில் இதுதொடர்பான சிசிடிவி காட்சிகளும் தற்போது வெளியாகியுள்ளன. 

திண்டுக்கல் மாவட்டம் பழனி அருகே கீரனூர் காவல் நிலையத்தில் ஆய்வாளராக பணியாற்றியவர்  வீரகாந்தி. ஆய்வாளர் வீரகாந்தி சில நாட்களுக்கு முன்பு  அதே காவல் நிலையத்தில் பணியாற்றும் பெண் காவலருக்கு பாலியல் தொல்லை கொடுத்ததாக புகார் எழுந்தது. 

இதனையடுத்து பெண் காவலர் அளித்த புகாரின் அடிப்படையில் திண்டுக்கல் மாவட்ட ஏ.டி.  எஸ்.பி  லாவண்யா தலைமையில் கீரனூர் காவல் நிலையத்தில் உள்ள காவலர்களிடன் விசாரணை செய்தும் புகார் கொடுத்த பெண் போலீசாரிடம் ரகசிய வாக்குமூலத்தை ஏ.டி.  எஸ்.பி. லாவண்யா புகாராக பெற்றார். அதனை தொடர்ந்து பழனி மகளிர் காவல் நிலையத்தில் ஆய்வாளர் வீர காந்தி மீது வழக்கு பதிவு செய்து நடவடிக்கை எடுக்கப்பட்டுள்ளது.

இந்த பாலியல் புகார் தொடர்பாக ஆய்வாளர் வீர காந்தி ஏற்கனவே திண்டுக்கல் ஆயுதப்படைக்கு இடமாற்றம் செய்து   திண்டுக்கல் சரக டிஐஜி விஜயகுமாரி உத்தரவு பிறப்பித்தார். தற்போது வழக்குப்பதிவு செய்து உள்ளனர்.