விமானம் மூலம் சென்னைக்கு போதை பொருள் கடத்திய வெளிநாட்டை சோ்ந்த 10 ஆண்டுகள் சிறைத்தண்டனை விதிக்கப்பட்டது.

பிரேசில் நாட்டின் சாவ் பாலோவில் இருந்து, சென்னைக்கு விமானத்தில், போதைப்பொருள் கடத்தி வருவதாக, தேசிய போதைப்பொருள் கடத்தல் தடுப்பு நுண்ணறிவு பிரிவு அதிகாரிகளுக்கு தகவல் கிடைத்தது.

இதையடுத்து, 2018 மே 5ல் சென்னை விமான நிலையத்தில், 'எமிரேட்ஸ்' விமானத்தில் வந்திறங்கிய பயணிகளின் உடமைகளை சோதனையிட்டதில் போர்ச்சுகல் நாட்டை சேர்ந்த டொமிங்கோஸ் மென்டிஸ் அபோன்சோ என்ற பயணியின் ட்ராலி பேக்-கில் உணவு பொருட்களுடன் மறைத்து வைத்திருந்த, 1 கிலோ 800 கிராம் எடையுள்ள கொகைன் போதைப் பொருள் பறிமுதல் செய்யப்பட்டது.

இதையடுத்து  டொமிங்கோஸ் மென்டிஸ் அபோன்சோ  கைது செய்யப்பட்டார்.  இந்த வழக்கு சென்னை போதைப்பொருள் கடத்தல் தடுப்பு வழக்குகளை விசாரிக்கும் சிறப்பு நீதிமன்றத்தில் நடைபெற்று வந்த நிலையில், நீதிபதி ஜெ.ஜூலியட் புஷ்பா,  குற்றச்சாட்டுகள் சந்தேகத்துக்கு இடமின்றி நிரூபிக்கப்பட்டு உள்ளதாக கூறி, டொமிங்கோஸ் மென்டிஸ் அபோன்சோவுக்கு 10 ஆண்டுகள்  சிறை தண்டனையும், 2 லட்சம் ரூபாய் அபராதம் விதித்து தீர்ப்பளித்தார்.

கன்னியாகுமரி மாவட்டம் மார்த்தாண்டம் அருகே 35 கோடி ரூபாய் மதிப்பிலான திமிங்கலத்தின் உமிழ்நீர் பறிமுதல் செய்யப்பட்டுள்ளது.

குமரி மாவட்டம் மார்த்தாண்டம் அருகே ரெயல்வேநிலையம் செல்லும் சாலையில் ஒரு காரில் சந்தேகத்திடமான பொருட்களுடன் சிலர் இருப்பதாக காவல்துறைக்கு ரகசிய தகவல் கிடைத்துள்ளது.

இதையடுத்து அப்பகுதிக்கு விரைந்துசென்ற  தனிப்படை காவல்துறையினர் சாலையோரத்தில் நிறுத்தியிருந்த கேரளா பதிவெண் கொண்ட இனோவா காரில் சோதனை மேற்கொண்டனர். அப்போது அந்த வாகனத்தில் 36கிலோ எடைகொண்ட அம்பர்கிரீஸ் என்ப்படும் திமிங்கலத்தின் உமிழ்நீர் விற்பனைக்காக வைக்கபட்டிருந்தது தெரியவந்தது.

இவற்றின் சந்தைமதிப்பு சுமார் 35கோடி ரூபாய் எனவும் தெரியவந்துள்ளது.  இதையடுத்து அரியவகை அம்பர்கிரீஸை பறிமுதல் செய்த தனிப்படை காவல்துறையினர் அதை விற்பனை செய்ய முயன்ற கேரளா மாநிலம் திருவனந்தபுரம் வெள்ளாரக்கோடு பகுதியை சேர்ந்த விவேகானந்தன்(46) கொல்லம்  தலத்தலா பகுதியை சேர்ந்த நைஜூ(39),நெய்யாற்றிங்கரையை சேர்ந்த ஜெயன் (41) வெள்ளறடா பகுதியை சேர்ந்த திலீப்(26) பாலக்காடு ஒற்றப்பாலம் பகுதியை சேர்ந்த பாலகிருஷ்ணன் (50)  மற்றும் பாலக்காடு பகுதியை சேர்ந்த வீரான் (61) ஆகியோரை கைது செய்து அவர்களிடமிருந்த இனோவாகார் மற்றும் இருசக்கர வாகனத்தையும் பறிமுதல் செய்தனர்.

இதையடுத்து பறிமுதல் செய்யபட்ட அம்பர்கிரீஸ் மற்றும் விற்பனை செய்யமுயன்ற 6 பேர் மற்றும் வாகனங்களைமும் வனத்துறையினரிடம் ஒப்படைத்தனர். 

மக்கள் நடமாட்டம் அதிகமாக பகுதியில் விலையுயர்ந்த அம்பர்கிரீஷ் எனப்படும் திமிங்கலத்தின் உமிழ்நீரை விற்கமுயன்ற சம்பவம் பெரும்பரபரப்பை ஏற்படுத்தியுள்ளது.

நாகப்பட்டினம் அரசு மருத்துவக் கல்லூரியில் தவறான சிகிச்சை அளிக்கப்பட்டதால் கணவர் உயிரிழந்ததாக அவரது மனைவி குற்றம் சாட்டியுள்ளார்.

நாகப்பட்டினம் மாவட்டம் குறிச்சி கிராமத்தைச் சேர்ந்தவர் ஜேசுதாஸ், வயது 55. இவர் முன்னாள் ஊராட்சி மன்றத் துணை தலைவராக இருந்துள்ளார். இந்த நிலையில் கடந்த 20 நாட்களுக்கு முன்பு வேளாங்கண்ணி அருகே நடந்து சென்ற போது எதிரே வந்த இருச்சக்கர வாகனம் மோதியதில் இடது கால் உடைந்துள்ளது.

அப்பொழுது, அக்கம் பக்கத்தினர் மீட்டு 108 ஆம்புலன்ஸ் மூலம் அவரை நாகை அரசு மருத்துவக் கல்லூரி மருத்துவமனையில் சிகிச்சைகாக அனுப்பி வைத்துள்ளனர். இந்த  நிலையில் அவருக்கு  காலில் மருத்துவர்கள் அறுவை சிகிச்சை செய்துள்ளனர். அதனைத் தொடர்ந்து அதே மருத்துவனையில் சிகிச்சை பெற்று வந்த நிலையில் நிலையில், மீண்டும் காலில் அறுவை சிகிச்சை செய்து இரும்பு பிளேட் வைக்க வேண்டும் என மருத்துவர்கள் கூறி உள்ளனர். 

அதனைத் தொடர்ந்து மருத்துவர்கள் அறுவை சிகிச்சை அரங்கத்திற்கு கொண்டு சென்று மயக்க ஊசி செலுத்தியதாக கூறப்படுகிறது.  அதனைத் தொடர்ந்து ஜேசுதாஸ் மனைவியிடம் உங்கள் கணவருக்கு திடிர் என மாரடைப்பு ஏற்பட்டு  ஜேசுதாஸ் உயிரிழந்து விட்டதாக மருத்துவர்கள் தெரிவித்துள்ளனர். 

இதனால் அதிர்ச்சியடைந்த அவர் மனைவி மருத்துவமனையில் கதறி அழுதார். காலை வரை நன்றாக இருந்தவரை மயக்க  ஊசி போட்டு கொன்று விட்டதாக உறவினர்கள் குற்றம் சாட்டியுள்ளனர்.  இது குறித்து மருத்துவமனை நிர்வாகம் சார்பில் விளக்கம் கேட்ட போது, எலும்பு இருக்க கூடிய மஜ்ஜை இரத்தத்தில் கலந்து இதய அடைப்பு ஏற்பட்டு மாரடைப்பு ஏற்பட்டு இருக்கலாம் என தெரிவித்துள்ளனர். நாகையில் காலில் அறுவை சிகிச்சை சென்றவருக்கு மயக்க ஊசி செலுத்தப்பட்டு உயிரிழந்த சம்பவம் பெறும் சோகத்தை ஏற்படுத்தி உள்ளது.

இதையும் படிக்க || " கர்நாடகாவில் அனைத்து கட்சிகளும் சேர்ந்து போராடுகின்றன; தமிழ்நாட்டு காட்சிகள் குடும்ப நலனுக்காக பாடுபடுகின்றன" சீமான் விமர்சனம்!!

சொத்துக்குவிப்பு வழக்குகளில் இருந்து இந்நாள் மற்றும் முன்னாள் அமைச்சர்கள் விடுவிக்கப்பட்டதை எதிர்த்து தாமாக முன் வந்து வழக்குகளை இனி நீதிபதி ஜி.ஜெயச்சந்திரன் விசாரிக்க உள்ளார்.

சென்னை உயர் நீதிமன்றம் மற்றும் மதுரைக் கிளையில் மூன்று மாதங்களுக்கு ஒரு  முறை நீதிபதிகள் மாற்றப்படுவர். அதன்படி, அக்டோபர் முதல் டிசம்பர் வரை மதுரைக் கிளையில் வழக்குகளை விசாரிக்க உள்ள நீதிபதிகளின் பெயர்கள் அறிவிக்கப்பட்டுள்ளன. தற்போது மதுரையில் உள்ள நீதிபதிகள் சென்னைக்கு மாற்றப்பட்டுள்ளனர்.

இதன்படி, அமைச்சர்கள் பொன்முடி, தங்கம் தென்னரசு, கே.கே.எஸ்.எஸ்.ஆர்.ராமச்சந்திரன், பெரியசாமி மற்றும் முன்னாள் அமைச்சர்கள் பன்னீர்செல்வம், வளர்மதி ஆகியோருக்கு எதிரான வழக்குகளை தாமாக முன் வந்து விசாரணைக்கு எடுத்த நீதிபதி ஆனந்த் வெங்கடேஷ், மதுரை கிளைக்கு மாற்றப்பட்டுள்ளார். 

அவருக்கு பதில், நீதிபதி ஜி.ஜெயச்சந்திரன் நியமிக்கப்பட்டிருக்கிறார். அடுத்த மூன்று மாதங்களுக்கு எம்.பி - எம்.எல்.ஏ.க்களுக்கு எதிரான வழக்குகளை விசாரிக்க நியமிக்கப்பட்டுள்ளதால் இனி, இந்த வழக்குகளை நீதிபதி ஜெயச்சந்திரன் விசாரிக்க உள்ளார்.

இதையும் படிக்க: "நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!

சின்னசேலத்தில் உணவு பாதுகாப்பு அதிகாரிகள் திடீர் ஆய்வின்போது, அரசு பள்ளியில் மாணவர்களுக்கு வழங்கப்படும் சத்துணவு முட்டையை உணவு பாதுகாப்புத் துறை அதிகாரிகள் பறிமுதல் செய்துள்ளனர்.

கள்ளக்குறிச்சி மாவட்ட உணவு பாதுகாப்பு நியமன அலுவலர் டாக்டர் சுகந்தன் தலைமையில் உணவு பாதுகாப்பு அலுவலர்கள் கதிரவன் மற்றும் அன்பு பழனி, சண்முகம் ஆகியோர் இன்று சின்னசேலத்தில் உணவகங்களில் அதிரடியாக ஆய்வு மேற்கொண்டனர். உணவின் தரம் குறித்து ஆய்வு மேற்கொண்டு வந்த நிலையில் சின்னசேலம் சேலம் மெயின் ரோடு பகுதியில் உள்ள ஹார்ட் பீட் என்ற கடையில் அலுவலர்கள் ஆய்வு மேற்கொண்ட போது அங்கு அவர்களுக்கு அதிர்ச்சி காத்திருந்தது. பள்ளி மாணவர்களுக்கு அரசு வழங்கும் சத்துணவு முட்டைகள் அங்கு இருப்பதை கண்டு அதிர்ச்சி அடைந்தனர். 

பள்ளிகளில் மாணவர்களுக்கு விநியோகிக்கப்படும் சத்துணவு முட்டைகள் சுமார் 100 எண்ணிக்கையிலான  முத்திரை இடப்பட்ட முட்டைகள் இந்த கடையில் இருப்பதை கண்டுபிடித்த அதிகாரிகள் அதனை பறிமுதல் செய்தனர். முட்டை வைத்திருந்த அந்த கடைக்கு ரூபாய் 5000 அபராதம் விதித்தனர்.  தொடர்ந்து பல்வேறு கடைகளில் அதிரடி ஆய்வுகளை மேற்கொண்டனர். இதில் உணவு தரமாக தயாரிக்கப்படாமல் இருந்த கடைகளுக்கு ரூபாய் 3000 முதல் 5000 வரை அபராதம் விதித்தனர்.

உணவின் தரத்தை ஆய்வு செய்யச்சென்ற இடத்தில் மாணவர்களுக்கு வழங்கப்படும் சத்துணவு முட்டைகள் எப்படி வந்தன என்ற கேள்விகள் எழுந்துள்ளன. 

இதையும் படிக்க:"நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!