மாயாஜால் நிலத்திற்கு பட்டா வழங்கிய உத்தரவுக்கு எதிராக நில அளவை மற்றும் நிலவரித் திட்ட இயக்குனர் தாமாக முன் வந்து விசாரணை நடத்த பிறப்பித்த நோட்டீசை எதிர்த்து மாயாஜால் நிறுவனம் தாக்கல் செய்த வழக்கை சென்னை உயர்நீதிமன்றம் தள்ளுபடி செய்துள்ளது.

சென்னையை அடுத்த கானத்தூர் ரெட்டிக்குப்பம் கிராமத்தில் உள்ள 2 ஏக்கர் நிலத்துக்கு, மாயாஜால் நிறுவனத்துக்கு பட்டா வழங்கிய உத்தரவுக்கு எதிராக, தாமாக முன் வந்து விசாரணை நடத்துவது தொடர்பாக நில அளவை மற்றும் நிலவரித் திட்ட இயக்குனர், 2018ம் ஆண்டு ஜனவரி மாதம் நோட்டீஸ் அனுப்பினார்.

இந்த நோட்டீசை ரத்து செய்யக் கோரி மாயாஜால் எண்டர்டெய்ன்மெண்ட் நிறுவனம் சார்பில் சென்னை உயர் நீதிமன்றத்தில் வழக்கு தொடரப்பட்டது.

இந்த வழக்கை விசாரித்த நீதிபதி ஆர்.சுரேஷ்குமார், நிலத்தை கடந்த 1999ம் ஆண்டு வாங்கியதாக கூறும் மாயாஜால் நிறுவனம், அதற்கு பட்டா கோரி விண்ணப்பிக்கவில்லை. மாறாக 2003ம் ஆண்டு நிலத்தை 30 ஆண்டுகளுக்கு குத்தகைக்கு கோரி மாவட்ட ஆட்சியருக்கு விண்ணப்பித்ததால், அந்த நிலம் அரசு நிலமாகவே கருத வேண்டும் எனக் கூறி, நில அளவை மற்றும் நிலவரி திட்ட இயக்குனரின் நடவடிக்கையில் தலையிட எந்த காரணமும் இல்லை என, மாயாஜால் தாக்கல் செய்த வழக்கை தள்ளுபடி செய்து உத்தரவிட்டார். 

மேலும், இந்த நிலத்துக்கு பட்டா வழங்கிய  உத்தரவை ரத்து செய்ததை எதிர்த்த வழக்கில் தற்போதைய நிலையே நீடிக்க வேண்டும் என உச்ச நீதிமன்றம் உத்தரவிட்டுள்ளதால், தாமாக முன்வந்து எடுத்த விசாரணையை தொடர ஏதுவாக உச்ச நீதிமன்றத்தின் ஒப்புதலை பெற அரசு நடவடிக்கை எடுக்க வேண்டும் எனவும் நீதிபதி உத்தரவிட்டுள்ளார்.

இதையும் படிக்க: இசையமைப்பாளர் ஏ. ஆர். ரகுமான் மீது பண மோசடி புகார்!!!

அம்பாசமுத்திரத்தில் பல் பிடுங்கிய விவகாரம் தொடர்பாக காவல்துறை அதிகாரி பல்வீர் சிங் மீதான அடுத்த கட்ட வழக்கு விசாரணைக்கு அனுமதி கேட்டு தமிழக அரசுக்கு சிபிசிஐடி கடிதம் அனுப்பி உள்ளது.

நெல்லை மாவட்டம், அம்பாசமுத்திரம் பகுதியில் விசாரணை கைதிகளின் பற்களை ஏஎஸ்பி பல்வீர் சிங் பிடுங்கிய விவகாரம் பெரும் அதிர்வலைகளை ஏற்படுத்தியது. இந்தச் சம்பவம் தொடர்பாக ஏஎஸ்பி பல்வீர் சிங் பணியிடை நீக்கம் செய்யப்பட்ட நிலையில், மேலும் விசாரணை நடைபெற்று வருகிறது.

ஏஎஸ்பி பல்வீர்சிங் பற்களை பிடுங்கியதாக பாதிக்கப்பட்டவர்கள் அளித்த புகாரின் அடிப்படையில் விசாரணை குழு அமைக்கப்பட்டது. விசாரணை அதிகாரியாக அமுதா ஐஏஎஸ் நியமிக்கப்பட்ட நிலையில் கடந்த மாதம் 10 மற்றும் 17ஆம் தேதிகளில் விசாரணை மேற்கொள்ளப்பட்டது.

உயர்மட்ட குழு விசாரணை குழுவின் பரிந்துரையின் அடிப்படையில் இந்த வழக்கு சிபிசிஐடி விசாரணைக்கு மாற்றப்பட்டது. மேலும், வன்கொடுமை தடுப்பு சட்டத்தின் கீழ் வழக்கு பதிவு செய்யப்பட்டது. அத்துடன் பல்வீர் சிங் மீது மூன்று பிரிவுகளின் கீழ் 4 வழக்குகள் பதிவு செய்யப்பட்டன.

இந்த வழக்கு தொடர்பாக மதுரை, சென்னை உயர்நீதிமன்ற கிளையில் பாதிக்கப்பட்ட அருண்குமார் என்பவர்  அம்பாசமுத்திரம் காவல் நிலையத்தில் மார்ச் 10ஆம் தேதி அன்று எடுக்கப்பட்ட கண்காணிப்புக் கேமராவில் பதிவான காட்சிகளை எனக்கு வழங்க வேண்டும். காவல்துறை அதிகாரி தாக்கியதில் பற்களை இழந்த எனக்கு எஸ்சி/எஸ்டி உட்பிரிவில் வழக்குப்பதிந்து உரிய இழப்பீடு வழங்க வேண்டும். இந்த விவகாரம் தொடர்பாக உயர்மட்ட குழு விசாரணை அதிகாரியான அமுதா மற்றும் திருநெல்வேலி உதவி ஆட்சியர் விசாரணை அறிக்கைகளை எனக்கு வழங்க வேண்டும் என மனு தாக்கல் செய்திருந்தார். 

இந்த வழக்கில் சிபிசிஐடி விசாரணை அதிகாரியான சங்கர் தரப்பிலிருந்து பதில் மனு தாக்கல் செய்யப்பட்டது. ஐபிஎஸ் அதிகாரி பல்வீர் சிங் மீது விசாரணை இறுதி அறிக்கை தாக்கல் செய்யும் பணி விரைவு படுத்தப்பட்டுள்ளது. மேலும் சம்பவம் நடைபெற்றதாக கூறப்படும் காவல்நிலையத்தில் சிசிடிவி காட்சி ஆதாரங்கள் இல்லை என தெரிவிக்கப்பட்டது. விசாரணை அதிகாரி அமுதா ஐஏஎஸ் ன் அறிக்கை தயாரிக்கும் பணி நிறைவடைய உள்ளது. குற்றப்பத்திரிக்கையும், அமுதா ஐஏஎஸ் அதிகாரியின் அறிக்கையும் நீதிமன்றத்தில் விரைவில் சமர்பிக்கப்படும் என தெரிவிக்கப்பட்டது.

சி பி சி ஐ டி விசாரணை முடிக்கப்பட்டு தற்போது அடுத்த கட்ட வழக்கு விசாரணைக்காக தமிழக அரசின் அனுமதி கூறியிருப்பதாக சிபிசிஐடி தரப்பில் தெரிவிக்கப்பட்டுள்ளது. குறிப்பாக பல்வீர் சிங் தகுதிக்காண் காலத்தில் பணிபுரிந்து வருகிற காரணத்தினால் விசாரணைக்கான அனுமதியை தமிழக அரசு மட்டுமல்லாது,  யூ பி எஸ் சி அனுமதி பெறுவதற்கான நடவடிக்கையும் மேற்கொள்ளப்படுவதாக சி பி சி ஐ டி தரப்பில் தெரிவிக்கப்பட்டுள்ளது.

இதையும் படிக்க: இசையமைப்பாளர் ஏ. ஆர். ரகுமான் மீது பண மோசடி புகார்!!!

செங்கல்பட்டு மாவட்டம் திருப்போரூரில் எம்.ஜி.ஆர் சிலைக்கு காவித் துண்டு அணிவிக்கப்பட்டதைக் கண்டித்து அதிமுக தொண்டர்கள் சாலை மறியலில் ஈடுபட்டனர். 

இரு தினங்களுக்கு முன்பு, இரு கட்சிகளுக்கும் உள்ள முரண்பாடுகள் காரணமாக அதிமுக - பாஜக கூட்டணியில் பிளவு ஏற்பட்டதன் காரணமாக, கூட்டணியில் இருந்து பாஜகவை விலக்குவதாக, அதிமுக தலைமை அறிவித்தது. இந்த அறிவிப்பை அதிமுக தொண்டர்கள் கொண்டாடி வரும் நிலையில், பல அரசியல் தலைவர்களும் இது குறித்து கருத்துக்களை தெரிவித்து வருகின்றனர்.

இந்நிலையில், மர்ம நபர்கள் சிலர் நள்ளிரவில், செங்கல்பட்டு மாவட்டம், திருப்போரூர் ரவுண்டானவில் உள்ள எம்ஜிஆர் சிலையின் கழுத்திலும், கையிலும் காவி துண்டு அணிவித்துள்ளனர். விடியற்காலையில், எம்ஜிஆரின் கழுத்திலும், கையிலும் காவி துணியை கண்டதால், அவ்வழியே சென்ற பொதுமக்கள் மற்றும் அதிமுக தொண்டர்கள் கண்டதால் பரபரப்பு ஏற்பட்டது.

இதனை கண்டித்து அதிமுக தொண்டர்கள் சாலை மறியல் ஈடுபடத் தொடங்கினர்.  இந்த தகவலை அறிந்த திருப்போரூர் போலீசார் சம்பவ இடத்திற்கு விரைந்து வந்து சாலை மறியலில் ஈடுபட்ட அதிமுகவினரிடம் பேச்சுவார்த்தையில் ஈடுபட்டு மறியலை கைவிட செய்தனர். 

இதையடுத்து, எம்ஜிஆர் சிலைக்கு காவி துண்டு அணிவித்த நபர்களை கண்டுபிடித்து அவர்கள் மீது உரிய நடவடிக்கை எடுக்க வேண்டும் என தொண்டர்கள் காவல் நிலையத்தில் புகார் கொடுத்தனர். 

அதிமுக-பாஜக கூட்டணி பிரிந்த நிலையில் திருப்போரூரில் உள்ள எம்ஜிஆர் சிலைக்கு காவிதுண்டு அணிவித்திருந்த சம்பவம் அப்பகுதியில் அதிமுகவினுடைய பெரும் பரபரப்பை ஏற்படுத்தியது.

இதையும் படிக்க || "திமுக கூட்டணி அதிமுகவிற்கு வந்துவிடுமோ என ஸ்டாலின் அஞ்சுகிறார்" கே.பி. முனுசாமி!!

சென்னை காவல் ஆணையர் அலுவலகத்தில் இந்திய அறுவை சிகிச்சை மருத்துவ சங்கம் சார்பாக ஏ.  ஆர்.ரகுமான் நிறுவனத்தின் மீது பண மோசடி புகார் அளிக்கப்பட்டுள்ளது. 

இந்திய அறுவை சிகிச்சை மருத்துவ சங்கம் சார்பாக சென்னை காவல் ஆணையர் அலுவலகத்தில் புகார் ஒன்று அளிக்கப்பட்டது. அதில், " தமது சங்கம் சார்பாக கடம்த 2018 ஆம் ஆண்டு டிசம்ப்ர் 26 முதல் 30 வரை தேசிய மாநாடு நடத்த திட்டமிட்டிருந்தோம். அந்த மாநாட்டில் ஏ.  ஆர்.ரகுமான் இசை நிகச்சி நடத்துவதற்காக முன்பணம் 29 லட்சத்து 50 ஆயிரம் ரூபாய் முன்பணம் கொடுக்கப்பட்டது. ஆனால் அரசிடம் இருந்து மாநாட்டிற்கு அனுமதி அளிக்கப்படவில்லை. ஆகையால் கொடுத்த முன்பணம் திருமப வேண்டும் என ஏ.  ஆர். ரகுமான் நிறுவனத்திற்கு இந்திய  அறுவவை சிகிச்சை மருத்துவ சங்கம் சார்பாக கோரிக்கை விடுக்கப்பட்டது" எங்க குறிப்பிடபட்டுள்ளது.

மேழும், "அதற்கு ஏ.  ஆர் ரகுமான் நிறுவனம் சார்பாக பணம் தருவதக ஒப்புக் கொண்டு 29 லட்சத்து 50 ஆயிரம் ரூபாய்க்கான காசோலை வழங்கப்பட்டது. அதனை வங்கியில் செலுத்தும் போது அது பெளன்ஸ் ஆனது. இது குறித்து மீண்டும் ஏ.  ஆர்.ரகுமான் நிறுவனத்திடம் முறையிட்டோம். ஆனால் பணம் கொடுக்காமல் காலம் தாழ்த்தப்பட்டது. 5 வருடமாக அந்த பணத்தை திருப்பித் தர வேண்டும் என கேட்டுக்கொண்டிருக்கிறோம். ஆனால்,  ஏ.  ஆர். ரகுமான் நிறுவனம்  தரவே இல்லை. எனவே பண மோசடி வழக்கு பதிவு செய்து நடவடிக்கை எடுக்க வேண்டும்" என அந்த புகார் மனுவில் குறிப்பிடப்பட்டுள்ளது..

இந்நிலையில், இதற்க்கு பதிலளிக்கும் வகையில், ஏ.  ஆர்.ரஹ்மானின் செயலாளர் செந்தில்வேலன் "3 கோடிக்கு நிகழ்ச்சியை நடத்த திட்டமிட்டதாகவும், அதற்கு முன் தொகையாக இந்த தொகை வழங்கபப்ட்டதாகவும், அவர்களே நிகழ்ச்சியை ரத்து செய்ததாலும், ஒப்பந்தத்தின் படி அந்த பணத்தை திருப்பி தரவில்லை என்றும், நிகழ்ச்சி ஏற்பாட்டாளர்களுக்கு பணத்தை தந்ததாகவும்" தெரிவித்துள்ளார். 

அதே போல ஜிஎஸ்டிக்கான தொகைக்கான கட்டணத்தையே காசோலையாக கொடுத்ததாகவும், அது பணம் இல்லாமல் திரும்பியவுடன் அதற்கான பணத்தை திரும்ப பெற்றுகொண்டதாகவும் தெரிவித்துள்ளார்.

இதையும் படிக்க || தூத்துக்குடி சம்பவம்: தேசிய மனித உரிமைகள் ஆணையம் விளக்கமளிக்க உத்தரவு!!

ஊராட்சி ஒன்றிய பள்ளியில், சாதிய பாகுபாடு பார்த்து, காலை உணவுத் திட்டத்தில் பணியாற்றி வந்த இருவரை, பணியை விட்டு துரத்திய சம்பவம் அரங்கேறியுள்ளது.

கடலூர் மாவட்டம், காட்டுமன்னார்கோயில் வட்டம், மாமங்கலம் ஊராட்சிக்கு உட்பட்ட ஆண்டிப்பளையம் கிராமத்தில் ஊராட்சி ஒன்றிய தொடக்கப்பள்ளி ஒன்று இயங்கி வருகிறது. இந்த பள்ளியில் தமிழக அரசு கொண்டுவந்த காலை சிற்றுண்டி உணவிற்கு, மகளிர் திட்டத்தின் மூலம் அப்பகுதியை சேர்ந்த மூன்று நபர்கள் தேர்வு செய்யப்பட்டுள்ளனர். அதில் ஆண்டிப்பாளையம் அடலின் ரெக்சி , செல்வராணி, பரமேஸ்வரி என மூன்று பேர் காலை உணவு திட்டத்தின் கீழ் சமையல் செய்து கொடுத்து வந்துள்ளனர். 

இந்த நிலையில், நேற்று திடீரென அடலின் ரெக்சி மற்றும் செல்வராணி இருவரையும் பணி செய்ய வேண்டாம் என கூறியதாக அறியப்படுகிறது. இந்த தகவல் அந்தப் பகுதியில்  காட்டுத் தீ போல பரவியது. 
இதனை அறிந்த அந்த பகுதி பொதுமக்கள், ஊராட்சி ஒன்றிய தொடக்கப் பள்ளிக்கு ஒன்று சேர்ந்து வந்து, எங்கள் பகுதியை சேர்ந்தவருக்கு வேலை இல்லை என்றால் எங்கள் குழந்தைகளை இங்கே படிக்க வைக்க மாட்டோம், நாங்கள் வேறு பள்ளியில் படிக்க வைத்துக் கொள்கிறோம் எனக் கூறியதுடன், பள்ளியில் சாதி பாகுபாடு இருப்பதாக கூறி குழந்தைகளை வீட்டிற்கு அழைத்துச் சென்றுள்ளனர்.

தகவல் அறிந்த சோழத்தரம் காவல்துறையினர், மற்றும் கல்வி அதிகாரிகள் வட்டார வளர்ச்சி அதிகாரிகள் சம்பவ இடத்திலிருந்து சென்று அவர்களிடம் பேச்சுவார்த்தை செய்து வருகிறார்கள்.

மேலும் தொடர்ந்து காட்டுமன்னார்கோயில் பகுதியில் ஏற்கனவே குருங்குடி என்ற கிராமத்திலும் சிறுகாட்டூர் என்ற கிராமத்திலும் இதுபோல் சம்பவம் நடந்துள்ளதால், அப்பகுதியில் பெரும் பரபரப்பு காணப்பட்டு வருகிறது.

இதையும் படிக்க || அலட்சிய போக்குடன் உயிர்களில் விளையாடும் ராஜீவ் காந்தி மருத்துவமனை!!