கோவை ஜோஸ் ஆலுக்காஸ் நகைக்கடையில் ஒரு நபர் மட்டுமே புகுந்து கொள்ளையடித்தது உறுதி செய்யப்பட்டுள்ளதாக, கோவை மாநகர காவல்துறை ஆணையர் பாலகிருஷ்ணன் தெரிவித்திருக்கிறார். 

கோவை நூறடி சாலையில் உள்ள ஜோஸ் ஆலுகாஸ் நகைக்கடை, வழக்கம் போல் திறக்கப்பட்டது. அப்போது கடையில் வைத்திருந்த விலை உயர்ந்த சில நகைகள் காணாமல் போயிருந்ததை கண்டு ஊழியர்கள் அதிர்ச்சி அடைந்தனர்.

இதையும் படிக்க : ED அனுப்பிய சம்மனுக்கு இடைக்கால தடை விதிப்பு - உயர்நீதிமன்றம் தீர்ப்பு!

உடனடியாக காவல்துறைக்கு தகவல் தெரிவிக்கப்பட்டதை அடுத்து நிகழ்வு இடத்திற்கு விரைந்து வந்த போலீசார், தடய அறிவியல் துறை அதிகாரிகள், மோப்பநாய் உதவியுடன் ஆய்வு செய்தனர்.  அப்போது கொள்ளையன் நகை கடைக்குள் வந்த வழி கண்டறியப்பட்டது. பின்னர் கடையில் பொருத்தப்பட்டிருந்த சிசிடிவி கண்காணிப்பு கேமராவை ஆய்வு செய்ததில் முகமூடி அணிந்த நபர் நகைகளை கொள்ளையடித்து சென்றது தெரிய வந்தது.

இச்சம்பவம் குறித்து செய்தியாளர்களிடம் பேசிய கோவை மாநகர காவல் துறை ஆணையர் பாலகிருஷ்ணன், இரவு ஒரு மணி அளவில் ஜோஸ் ஆலுக்காஸ் கடைக்கு வந்த ஒரு நபர், ஏசி தட்டு வழியாக உள்ளே புகுந்து கொள்ளையடித்து சென்றதாக தெரிவித்தார். நகைக்கடையில் இருந்து 26 கிலோ எடையுள்ள தங்க நகைகள் கொள்ளையடிக்கப்பட்டுள்ளதாகவும், 5 தனி படைகள் அமைக்கப்பட்டுள்ள நிலையில் விரைவில் குற்றவாளியை பிடித்துவிடுவோம் என்றும் பாலகிருஷ்ணன் உறுதிப்பட தெரிவித்தார். 

அதிமுக ஆட்சி காலத்தில் சுடுகாட்டு கூரை அமைத்ததில் ஊழல் செய்ததாக சிபிஐ பதிவுசெய்த வழக்கில் விதிக்கப்பட்ட 2 ஆண்டுகள் சிறைதண்டனையை எதிர்த்து முன்னாள் அமைச்சர் செல்வகணபதி தாக்கல் செய்த மேல்முறையீட்டு வழக்கில் தண்டனையை ரத்து செய்து சென்னை உயர்நீதிமன்றம் தீர்ப்பளித்துள்ளது.

1991 முதல் 1996 வரையிலான அதிமுக ஆட்சி காலத்தில், 1995 மற்றும் 1996ஆம் ஆண்டுகளில் உள்ளாட்சித் துறை அமைச்சராக பதவி வகித்த T.M.செல்வகணபதி, தமிழகம் முழுவதும் சுடுகாடுகளுக்கு கூரை அமைக்கும் திட்டத்தில் 23 லட்சம் ரூபாய் அரசுக்கு இழப்பு ஏற்படுத்தியதாக சிபிஐ வழக்குப்பதிவு செய்தது.

இந்த வழக்கை விசாரித்த சென்னை சிபிஐ சிறப்பு நீதிமன்றம், செல்வகணபதி, ஐஏஎஸ் அதிகாரிகள் ஜெ.டி.ஆச்சார்யலு, எம்.சத்தியமூர்த்தி உள்பட 5 பேருக்கும் தலா 2 ஆண்டுகள் சிறை தண்டனை விதித்து கடந்த 2014ம் ஆண்டு தீர்ப்பளித்தது. அதேசமயம், கூட்டுச் சதி குற்றச்சாட்டில் இருந்து இவர்களை விடுதலை செய்தும் தீர்ப்பளித்தது.

இந்த தீர்ப்பிற்கு பிறகு, கூட்டுசதி குற்றச்சாட்டில் விடுதலை செய்யப்பட்டதை எதிர்த்து சிபிஐ தரப்பிலும், இரண்டாண்டு சிறை தண்டனையை எதிர்த்து முன்னாள் அமைச்சர் செல்வகணபதி உள்ளிட்டோர் தரப்பிலும் சென்னை உயர் நீதிமன்றத்தில் 2014ஆம் ஆண்டில் மேல்முறையீடு மனுக்கள் தாக்கல் செய்யப்பட்டன.

இந்த வழக்குகள் நீதிபதி ஜி.  ஜெயச்சந்திரன் முன்பு விசாரணைக்கு வந்தது. அப்போது மனுதாரர் (குற்றவாளிகள்) தரப்பில், பணிகள் முடிந்து 3 ஆண்டுகள் கழித்து ஆய்வு செய்யப்பட்டதாகவும், அதன்பின்னர் ஒன்றரை ஆண்டிற்கு பிறகே அறிக்கை தாக்கல் செய்யப்பட்டதாகவும், சுடுகாடுகளுக்கு சுற்றுச்சுவர் இல்லாததாலும், திறந்தவெளி அமைந்திருந்ததாலும், அப்பகுதியில் உள்ளவர்களாலேயே கட்டடங்கள் சேதப்படுத்தப்பட்டதாகவும் வாதிடப்பட்டது. அதேபோல், புகார் அளித்த வழக்கறிஞர் ரவிச்சந்திரனிடம் விசாரிக்கவில்லை என்றும், உரிய ஆய்வு நடத்தாமல் இருந்த சிபிஐ திடீரென அறிக்கை தாக்கல் செய்ததை சிறப்பு நீதிமன்றம்  ஏற்றுக்கொண்டதும், தண்டனை வழங்கியதும் தவறு என்பதால், தீர்ப்பை ரத்து செய்து தங்களை விடுதலை செய்ய வேண்டுமெனவும் வாதம் முன்வைக்கப்பட்டது.

இதையும் படிக்க : ED எதிரான வழக்கில் சென்னை உயர்நீதிமன்றம் இன்று தீர்ப்பு!

தொடர்ந்து சிபிஐ தரப்பில், மத்திய அரசின் திட்ட நிதி தவறாக பயன்படுத்தப்பட்டுள்ளது எனவும், 100 சுடுகாடுகளுக்கு மேற்கூரை அமைக்க ஒப்புதல் அளித்துவிட்டு 96 சுடுகாடுகாடுகளுக்கு மட்டுமே முடிக்கப்பட்டுள்ளது எனவும், அதிலும் தலா 23 லட்சம் ரூபாய் தொகையை பெற்றுக்கொண்டுள்ள நிலையில் 17 லட்ச ரூபாய் அளவிற்கு மட்டுமே பணிகள் மேற்கொள்ளப்பட்டுள்ளதாகவும் ஆய்வில் தெரியவந்துள்ளது என வாதிடப்பட்டது. எனவே சிறப்பு நீதிமன்ற தண்டனையை உறுதிசெய்வதுடன், கூட்டுச்சதி குற்றச்சாட்டிலும் அனைவரையும் தண்டிக்க வேண்டுமெனவும் வாதிடப்பட்டது.

இதனைத்தொடர்ந்து அனைத்து தரப்பு வாதங்களும் கடந்த நவம்பர் 9ஆம் தேதி முடிவடைந்த நிலையில், வழக்குகளின் மீதான தீர்ப்பை நீதிபதி ஜி.ஜெயச்சந்திரன் தேதி குறிப்பிடாமல் தள்ளிவைத்திருந்தார். 

இந்நிலையில், அதிமுக ஆட்சி காலத்தில் சுடுகாட்டு கூரை அமைத்ததில் 23 லட்சம் ரூபாய் ஊழல் செய்ததாக சிபிஐ பதிவுசெய்த வழக்கில் விதிக்கப்பட்ட 2 ஆண்டுகள் சிறைதண்டனையை எதிர்த்து, முன்னாள் அமைச்சர் செல்வகணபதி தாக்கல் செய்த மேல்முறையீட்டு வழக்கில் 2 ஆண்டுகள் சிறை தண்டனையை ரத்து செய்து சென்னை உயர்நீதிமன்ற நீதிபதி ஜெயச்சந்திரன் தீர்ப்பளித்துள்ளார்.

கரூர் மாவட்டம் குளித்தலை அருகே கல்லூரி வேனில் சென்ற மாணவனை சக மாணவர் கத்தியால் கழுத்தை அறுத்த சம்பவம் பரபரப்பை ஏற்படுத்தியுள்ளது.  

திருச்சி மாவட்டம் முசிறி பார்வதிபுரத்தைச் சேர்ந்தவர் நித்தீஷ் குமார். இவர் குளித்தலை அருகே புலியூரில் உள்ள செட்டிநாடு இன்ஜினியரிங் என்ற தனியார் கல்லூரியில் எலக்ட்ரானிக் இன்ஜினியரிங் மூன்றாம் ஆண்டு படித்து வருகிறார். இந்நிலையில் வழக்கம் போல் கல்லூரிக்கு வேனில் சென்ற போது அதே கல்லூரியில் எம்பிஏ படிக்கும் சக மாணவரான அண்ணாமலையிடம், நித்தீஷ்குமார் பேச மறுத்து அமைதியாக இருந்ததாக கூறப்படுகிறது. இதனால் ஆத்திரமடைந்த அண்ணாமலை தான் மறைத்து வைத்திருந்த கத்தியால் நித்தீஷ் குமாரின் கழுத்தை அறுத்துள்ளார்.   

இதையும் படிக்க : திருவாரூரில் சோகம்: மின் தடையால் அரசு மருத்துவமனையில் நோயாளி உயிரிழப்பு!

அலறல் சத்தம் கேட்டு வேனை நிறுத்திய ஓட்டுனர், விரைந்து செயல்பட்டு படுகாயமடைந்த நித்தீஷை மருத்துவமனையில் அனுமதித்தார். அங்கும் மாணவனுக்கு தீவிர சிகிச்சை அளிக்கப்பட்டு கழுத்து பகுதியில் 12 தையல்கள் போடப்பட்டது. பின்னர் போலீசார் மாணவர் அண்ணாமலையை கைது செய்த நிலையில், தன்பாலின ஈர்ப்பு காரணமாக கழுத்தை அறுத்து கொலை செய்ய முயன்றது முதற்கட்ட விசாரணையில் தெரியவந்துள்ளது. 

சென்னை வளசரவாக்கத்தில் போதை மறுவாழ்வு மையத்தில்   சிகிச்சைக்காக வந்த இளைஞர் கடுமையாக தாக்கப்பட்டதில் உயிரிழந்தார்.

சென்னை ஆதம்பாக்கம் அம்பேத்கர் நகரைச் சேர்ந்தவர் விஜய் (வயது 27). இவர் மது போதைக்கு அடிமையாகியுள்ளார். அவரை அவரது அண்ணன் ராஜேஷ் வளசரவாக்கத்தில் உள்ள கிரின் லைப் பவுண்டேசன் போதை மறுவாழ்வு மையத்தில் கடந்த செப்டம்பர் மாதத்தில் சேர்த்துள்ளார்.

இந்தநிலையில், விஜய்-க்கு உடல்நிலை பாதிப்படைந்ததாக கூறி, அவருடைய குடும்பத்தினர் யாருக்கும் தகவல் தெரிவிக்காமல், கீழ்பாக்கம் அரசு மருத்துவம்னையில் சேர்த்துள்ளனர். ஆனால், அங்கு விஜய்   சிகிச்சை பலனின்றி உயிரிழந்துள்ளார்.

இது குறித்து தகவலறிந்த விஜயின் சகோதரர் ராஜேஷ் போதை மறுவாழ்வு மையத்தின் உரிமையாளரிடம் விவரம் கேட்டபோது, விஜய்யின் பிரேதத்தை கூட தர மாட்டோம் என்று மிரட்டியுள்ளார். அதைத் தொடர்ந்து , கீழ்பாக்கம் அரசு மருத்துவமனை சவக்கிடங்கிற்கு  சென்று பார்த்த போது விஜய்யின் கை மற்றும் கால்களில் ரத்தக்கட்டு இருந்துள்ளது.

இதனை அடுத்து விஜய் மரணத்தில் சந்தேகம் இருப்பதாக அவரது குடும்பத்தினர் வளசரவாக்கம் காவல் நிலையத்தில் புகார் அளித்தனர். அதன் அடிப்படையில் வளசரவாக்கம் போலீசார் விசாரணை செய்ததில் போதை மறுவாழ்வு மையத்தில் உள்ள   சி.  சி.டி.வி காட்  சி அழிக்கப்பட்டிருந்தது தெரியவந்துள்ளது.

போதை மறுவாழ்வு மையத்தின் உரிமையாளர் வினோத் குமார் (வயது 41), கணக்காளர் க்ரூஸ் (வயது 34), பணியாளர் அஜய் (வயது 19) ஆகியோரிடம் விசாரணை செய்த போது முன்னுக்கு பின் முரனான தகவலை அளித்துள்ளனர். 

விசாரணையில், மதுப்பழக்கத்தை விட வேண்டும் என்பதற்காக சேர்க்கப்பட்ட வாலிபர் விஜய் மீது   சிகிச்சை என்ற பெயரில் நடத்தப்பட்ட தாக்குதலே உயிரிழப்புக்கு காரணம் என்பது கண்டறியப்பட்டது. போதை மறுவாழ்வு மையத்தில் போலீசார் நடத்திய விசாரணையில் அங்கு   சிகிச்சை என்ற பெயரில் அடித்து உதைதிருப்பது தெரியவந்துள்ளது.

இதனையடுத்து, போதை மறுவாழ்வு மையத்தின் உரிமையாளர் வினோத் குமார், கணக்காளர் க்ரூஸ், பணியாளர் அஜய் ஆகியோர் மீது வளசரவாக்கம் போலீசார் வழக்குப்பதிவு பதிவு செய்து   சிறையில் அடைத்தனர்.

போதை மறுவாழ்வு மையம் என்ற பெயரில் அங்கு   சிகிச்சைக்காக வருபவர்கள் மீது தாக்குதல் நடத்தும் சம்பவம் அடிக்கடி அரங்கேறி வருகிறது. எனவே, சென்னையில் இயங்கிவரும் போதை மறுவாழ்வு மையத்தை கண்காணித்து போலீசார் நடவடிக்கை எடுக்க வேண்டும் என்று பாதிக்கப்பட்டவர்கள் வலியுறுத்தி உள்ளனர்.

கரூர் மாவட்டம் குளித்தலை அருகே கல்லூரி வேனில் சென்ற மாணவனை சக மாணவர் கத்தியால் கழுத்தை அறுத்த சம்பவம் பரபரப்பை ஏற்படுத்தியுள்ளது.  

திருச்சி மாவட்டம் முசிறி பார்வதிபுரத்தைச் சேர்ந்தவர் நித்தீஷ் குமார். இவர் குளித்தலை அருகே புலியூரில் உள்ள செட்டிநாடு இன்ஜினியரிங் என்ற தனியார் கல்லூரியில் எலக்ட்ரானிக் இன்ஜினியரிங் மூன்றாம் ஆண்டு படித்து வருகிறார். 

இந்நிலையில் வழக்கம் போல் கல்லூரிக்கு வேனில் சென்ற போது அதே கல்லூரியில் எம்பிஏ படிக்கும் சக மாணவரான  அண்ணாமலையிடம், நித்தீஷ்குமார் பேச மறுத்து அமைதியாக இருந்ததாக கூறப்படுகிறது. இதனால் ஆத்திரமடைந்த அண்ணாமலை தான் மறைத்து வைத்திருந்த கத்தியால் நித்தீஷ் குமாரின் கழுத்தை அறுத்துள்ளார்.   

அலறல் சத்தம் கேட்டு வேனை நிறுத்திய ஓட்டுனர், விரைந்து செயல்பட்டு, படுகாயமடைந்த நித்தீஷை மருத்துவமனையில் அனுமதித்தார். அங்கும் மாணவனுக்கு தீவிர சிகிச்சை அளிக்கப்பட்டு கழுத்து பகுதியில் 12 தையல்கள் போடப்பட்டது. 

அதன் பின்னர் மாணவர் அண்ணாமலையை  கைது செய்த நிலையில், தன்பாலின ஈர்ப்பு காரணமாக கழுத்தை அறுத்து கொலை செய்ய முயன்றது முதற்கட்ட விசாரணையில் தெரியவந்துள்ளது.