சென்னை புதுவண்ணாரப்பேட்டை அருகே, மனைவியின் சகோதரி உட்பட பல்வேறு பெண்களை ஆபாசமாக வீடியோ எடுத்த நபரை போலீசார் கைது செய்தனர். 

புதுவண்ணாரப்பேட்டை அருகேயுள்ள மார்க்கெட் பார்ம் பகுதியில் சேகர்-பிரித்திகா தம்பதி வசித்து வருகின்றனர். இந்நிலையில் சேகர் ஒரே குடியிருப்பில் வசித்து வரும் அவரது "மனைவியின்" சகோதரியை ஆபாசமாக வீடியோ எடுத்துள்ளார்.

இதை தெரிந்து கொண்ட மனைவியின் சகோதரி பிரித்திகாவிடம் கூறவே, அவர் சேகரின் செல்போனை அவருக்கே தெரியாமல் ஆராய்ந்துள்ளார்.  அதில் தனது சகோதரியின் வீடியோ மட்டுமல்லாது அக்கம் பக்கத்தில் வசிக்கும் பெண்களின் சில முகம் சுளிக்கும் வீடியோக்களும் இருப்பதை கண்டு அதிர்ச்சி அடைந்ததாக தெரிகிறது. 

உடனடியாக பிரித்திகா திருவொற்றியூர் அனைத்து மகளிர் காவல் நிலையத்தில் புகார் அளிக்கவே, புகாரை பெற்று கொண்ட காவல் ஆய்வாளர் ஷீலா மேரி   வழக்கு பதிவு செய்து நீதிமன்ற விசாரனைக்கு பின்  குற்றவாளி சேகரை சிறையில் அடைத்தனர். ஆபாச வீடியோ எடுத்த கணவன் மீது தைரியமாக  புகார் கொடுத்த மனைவியை காவல் நிலையத்தில் சிலர் வெகுவாக பாராட்டி வந்தனர்.

வடசென்னை புதுவண்ணாரப்பேட்டை பகுதியில் வசித்து வருபவர்  பிரித்திகா. இவருடைய கணவரான சேகர்  தனியார் நிறுவனத்தில் ஊழியராக" பணிபுரிந்து வருகிறார். இந்நிலையில் சேகர் ஒரே குடியிருப்பில் வசித்து வரும் அவரது"மனைவியின்"சகோதரியான லட்சுமி என்பவரை ஆபாசமாக வீடியோ எடுத்துள்ளார் 

இதை தெரிந்து கொண்ட லட்சுமி தனது சகோதரி பிரித்திகாவிடம் இது குறித்து கூறியுள்ளார். ஆத்திரமடைந்த மனைவி பிரித்திகா கணவர் சேகரின் செல்போனை அவருக்கு தெரியாமல் எடுத்து ஆராய்ந்துள்ளார்.  அதில் தனது சகோதரியின் வீடியோ மட்டுமல்லாது, அக்கம் பக்கத்தில் வசிக்கும் பெண்களின் சில வீடியோக்களும் இருப்பதை கண்டு அதிர்ச்சி அடைந்ததாக தெரிகிறது

பின்னர் பிரித்திகா இது குறித்து  திருவொற்றியூர் அனைத்து மகளிர் காவல் நிலையத்தில் புகார் அளித்துள்ளார்.  புகாரை பெற்று கொண்ட காவல் ஆய்வாளர் ஷீலா மேரி சேகரை கைது செய்து நீதிமன்றத்தில் ஆஜர் படுத்தி சிறையில் அடைத்தனர். ஆபாச வீடியோ எடுத்த கணவன் மீது தைரியமாக  புகார் கொடுத்த மனைவியை காவலர்கள் சிலர் வெகுவாக பாராட்டினர். 

சென்னை கேகே நகர் பகுதியை சேர்ந்தவர் நவீன், இவர் அப்பகுதியில், பாரத் பெங்களூரு புட்பால் கிளப் என்கின்ற தனியார் நிறுவனம் நடத்தி வருகிறார்.  தனது டிரஸ்ட் மூலமாக குறைந்த விலையில் டொயோட்டா கம்பெனி கார்களை வாங்கி தருவதாக குமாரவேல் என்பவரிடம் நவீன் கூறியுள்ளார். இதனை உண்மை என நம்பிய குமாரவேல் மற்றும் அவரது நண்பர்கள் மொத்தம் 19 பேர் கார்களை வாங்குவதற்காக முன்பதிவு செய்துள்ளனர்.

இதுதொடர்பாக 2.  15 கோடி ரூபாய் பணத்தை நவீன் வங்கி கணக்கிற்கு குமாரவேல் மற்றும் அவரது நண்பர்கள் செலுத்தியுள்ளனர். அதன்பிறகு நவீன் தெரிவித்தபடி கார்களை வாங்கி தராமலும் பணத்தை திரும்பி தராமலும் ஏமாற்றி வந்துள்ளார்.

ஒருகட்டத்தில் சந்தேகமடைந்த குமாரவேல் மற்றும் அவரது நண்பர்கள் சென்னை காவல் ஆணையர் அலுவலகத்தில் உள்ள மத்திய குற்றப்பிரிவில் புகார் அளித்ததன் அடிப்படையில், சென்னை மத்திய குற்றப்பிரிவு போலீஸார் தனிப்படை அமைத்து பெங்களூருவில் தலைமறைவாக இருந்த நவீனை கைது செய்து பின்பு சைதாப்பேட்டை நீதிமன்றத்தில் ஆஜர்படுத்தி சிறையில் அடைத்தனர். 

பண்ருட்டி அருகே கீழக்கொல்லை கிராமத்தை சேர்ந்த செந்தில்நாதன்- தனலட்சுமி தம்பதியின் இரண்டாவது மகன் அஸ்வித், நேற்று மாலை தனது வீட்டருகே விளையாடிக் கொண்டிருந்தபோது திடீரென்று காணாமல் போயுள்ளார். 4 வயது சிறுவனான அஸ்வித்தை அவரது பெற்றோர் உள்ளிட்ட உறவினர்கள் பல இடங்களில் தேடியும் கிடைக்காததால் இதுகுறித்து முத்தாண்டிகுப்பம் காவல் நிலையத்தில் புகார் அளித்தனர்.

இந்த நிலையில் இன்று அதிகாலை அதே கிராமத்தைச் சேர்ந்த தண்டபாணி என்பவருக்கு சொந்தமான முந்திரி தோப்பில் சிறுவன் அஸ்வித் தலை மற்றும் உடம்பில் பலத்த காயங்களுடன் உயிரிழந்த நிலையில் சடலமாக கிடந்துள்ளார். இதைப்பார்த்த அப்பகுதி மக்கள் உடனடியாக முத்தாண்டிகுப்பம் போலீசாருக்கு தகவல் கொடுத்ததன் பேரில் விரைந்து வந்த அவர்கள் சிறுவனின் சடலத்தை மீட்டு மருத்துவமனைக்கு அனுப்பி வைத்தனர்.   

தொடர்ந்து சந்தேகத்தின் அடிப்படையில் சிறுவன் அஸ்வித் வீட்டருகே வசிக்கும் ரஞ்சிதா என்பவரை பிடித்து விசாரித்த போது, ரஞ்சிதா சில நாட்களாக மனநலம் பாதிக்கப்பட்டவர் போல் நடித்ததும், சிறுவனை அடித்து கொன்றதும் தெரியவந்தது. மேலும் கொலைக்கான காரணத்தை போலீசார் தீவிரமாக விசாரித்து வருகின்றனர். சிறுவன் உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.

மாணவி விஷம் அருந்திய நிலையில் மருத்துவமனையில் சிகிச்சையில் இருக்கும்போது பேசிய வீடியோ ஒன்று தற்போது புதிதாக வெளியாகி அதிர்ச்சியை ஏற்படுத்தி உள்ளது. அதில் மாணவி விடுதியில் எட்டாம் வகுப்பிலிருந்து தங்கி படிப்பதாகவும், நான்கு ஆண்டுகளாக முதல் மதிப்பெண் எடுத்த நிலையில், கடைசி ஆண்டு குடும்ப சூழ்நிலை காரணமாக பள்ளிக்கு தாமதமாக சென்றதாகவும், ஹாஸ்டலில் உள்ள சிஸ்டர் சகாயமேரி கணக்கு வழக்கு பார்க்க சொல்லியதாகவும், தாமதமாக வந்ததால் கணக்கு வழக்கு தனக்கு புரியாது எனவும், பிறகு எழுதி தரன்னு தெரிவித்தும்,  கணக்கு வழக்கு பார்த்து விட்டு பிறகு உன் வேலையை பாரு என்று தெரிவித்ததாக மாணவி அந்த வீடியோவில் தெரிவித்துள்ளார்.

மேலும் கணக்கு வழக்கு சரியாக எழுதி கொடுத்தபோதும் தப்பா இருக்கு என சொல்லி தொடர்ந்து ஒரு மணி நேரம் உட்கார வைத்து விடுவார்கள் இதனால் என்னால் படிப்பில் கவனம் செலுத்த இயலவில்லை. இதனால் 12ஆம் வகுப்பில் மதிப்பெண் குறைந்து விடும் என நினைத்து விஷம் குடித்ததாக மாணவி அந்த வீடியோவில் தெரிவித்துள்ளார். 

இதனையடுத்து, வீடியோ எடுத்த நபர் பொட்டு வைக்கக்கூடாது என்று ஹாஸ்டலில் உள்ளவர்கள் எதாவது தெரிவித்தார்களா என கேட்டபோது அதற்கு மாணவி அப்படி எல்லாம் எதுவும் தெரிவிக்கவில்லை என கூறியுள்ளார். மேலும் பள்ளி நிர்வாகத்தில் வேறு யாரேனும் உன்னை தொந்தரவு செய்தார்களா என கேட்டபோது அதற்கு மாணவி இல்லை என மறுப்பு தெரிவித்துள்ளார்.

இதற்கிடையில் ஏற்கனவே மதம் மாறச் சொன்னதால் தான் நான் விஷமருந்தினேன் என மாணவி சொன்னதுபோல் ஒரு வீடியோ வெளியான நிலையில், தற்போது அதற்கு மாறாக மற்றொரு வீடியோ வெளியாகியுள்ளது மாணவி தற்கொலையில் மேலும் குழப்பத்தை ஏற்படுத்தி உள்ளது.