ராமநாதபுரம் மாவட்டம் பரமக்குடி அருகே சத்திரக்குடியில்  அரசு மேல்நிலைப்பள்ளி இயங்கி வருகிறது. இந்த பள்ளியில் வரலாற்று பாடப்பிரிவு ஆசிரியர்களாக பரமக்குடியை சேர்ந்த மலர்விழி,  நாகாச்சி கிராமத்தை சேர்ந்த சந்திரன் ஆகியோர் பணியாற்றி வருகின்றனர்.

இதற்கிடையில் ஆசிரியர் சந்திரன் பெண் ஆசிரியை மலர்விழிக்கு ஆபாச குறுந்தகவல் மற்றும் செல்போன் மூலமாக பாலியல் தொந்தரவு செய்துள்ளார். இதனையடுத்து மலர்விழி சத்திரக்குடி காவல் நிலையத்தில் புகார் அளித்துள்ளார். 

புகாரின் பேரில் வழக்குபதிவு செய்த சத்திரக்குடி போலீசார், ஆசிரியர் சந்திரனை கைது செய்து சிறையில் அடைத்தனர். இச்சம்பவம் அப்பகுதியில் சம்பவம் பரபரப்பை ஏற்படுத்தியுள்ளது.

சென்னையைச் சேர்ந்த தனியார் கல்லூரி மாணவி கடந்த 30- ஆம் தேதி அவருடைய உறவினர் வீட்டு குளியல் அறையில் தூக்கிட்டு தற்கொலை செய்து கொண்டார். இது தொடர்பாக டி.பி சத்திரம் போலீசார் வழக்குப்பதிவு செய்து விசாரணை நடத்தி வந்தனர். போலீசார் மாணவியின் செல்போனை ஆய்வு செய்தபோது அதில் அவருடன் கல்லூரியில் படிக்கக்கூடிய ஸ்ரீராம் என்பவருடன் நெருக்கமான புகைப்படங்கள் இருந்துள்ளன.

மேலும், ஸ்ரீராமும் தற்கொலை செய்துகொண்ட சிறுமியும் காதலித்து வந்ததாகவும், அப்போது திடீரென  மாணவியை விட்டுவிட்டு ஸ்ரீராம் வேறொரு பெண்ணுடன் நெருங்கி பழகி வந்ததும் போலீசார் விசாரணையில் தெரியவந்தது. மேலும், ஸ்ரீராம் அந்த பெண்ணுடன் நெருக்கமாக இருக்கும் புகைப்படங்களையும் காதலிக்கு அனுப்பி அவருக்கு மன உளைச்சலை ஏற்படுத்தியதாக கூறப்படுகிறது. இதனால் மனமுடைந்த காதலி தனது சாவிற்கு நீ தான் காரணம் என ஸ்ரீராமுக்கு குறுஞ்செய்தி அனுப்பி விட்டு தற்கொலை செய்து கொண்டிருப்பது கண்டறியப்பட்டது.   

இதனைத் தொடர்ந்து இது தொடர்பாக நடவடிக்கை எடுக்கக் கோரி மாணவியின் பெற்றோர் டி.பி சத்திரம் காவல் நிலையத்தை முற்றுகையிட்டு ஆர்ப்பாட்டம் நடத்தினர். பின்னர் இந்த வழக்கானது கீழ்ப்பாக்கம் அனைத்து மகளிர் காவல் நிலையத்திற்கு மாற்றப்பட்டு அங்கு விசாரணையில் மாணவியிடன் ஸ்ரீராம் நெருங்கிப் பழகியதும், சிறுமியை ஏமாற்றியதும் தெரியவந்தது. அதனைதொடர்ந்து ஸ்ரீராம் மீது தற்கொலைக்கு தூண்டுதல் பிரிவின் கீழ் வழக்குப்பதிவு செய்த போலீசார், அவரை கைது செய்து விசாரணை மேற்க்கொண்டன்ர்.   

இந்நிலையில்  தற்கொலை செய்துகொண்ட மாணவியை காதலிப்பதாக ஏமாற்றி அவருடன் பாலியல் உறவில் ஸ்ரீராம் ஈடுபட்டதும் நிரூபணம் ஆனதையடுத்து அவர் மீது போலீசார், போக்சோ சட்டத்தின் கீழ் போலீசார் வழக்குப்பதிவு செய்துள்ளனர். மேலும், அவரை நீதிமன்றத்தில் ஆஜர்படுத்தி சிறையில் அடைக்கும் நடவடிக்கைகளை போலீசார் மேற்கொண்டு வருகின்றனர்.

சேலம் மாவட்டம் எடப்பாடி நகராட்சிக்குட்பட்ட கவுண்டம்பட்டி சக்தி நகர் பகுதியைச் சேர்ந்தவர் பிரவு. இவரது மனைவி சாந்தி, இவர்களுக்கு நான்கு குழந்தைகள் உள்ளனர். லாரி ஓட்டுநராக இருக்கும் பிரபு அடிக்கடி மனைவியிடம் தகராறு செய்து வந்ததாக கூறப்படுகிறது.

அதேபோல் நேற்று மாலை வீட்டிற்கு வந்த பிரவு வழக்கம்போல் ,மனைவியிடன் தகராறு செய்துள்ளார். தகராறு முற்றியநிலையில் இருவருக்கும் இடையே பலத்த சண்டை உருவாகியுள்ளது. இதனை கண்ட பக்கத்துவிட்டு மூதாட்டியான கண்ணம்மா, தடுக்கமுயன்றபோது ஆத்திரமடைந்த பிரபு மறைத்து வைத்திருந்த அரிவாளால் கண்ணம்மாள் தலையில் வெட்டியுள்ளார். 

ரத்த வெள்ளத்தில் சரிந்த கண்ணாமாளை அங்கிருந்தவர்கள் மீட்டு எடப்பாடி அரசு மருத்துவமனைக்கு அனுப்பி வைத்தனர். அங்கு சிகிச்சையில் இருந்த அவரை மருத்துவர்கள் தீவிர சிகிச்சைக்காக சேலம் மருத்துவமனைக்கு அனுப்பி வைத்தனர். தகவலறிந்து வந்த போலீசார், மூதாட்டியை வெட்டிய பிரவுவை கைது செய்து விசாரித்து வருகின்றனர். இச்சம்பவம் அப்பகுதியில் பரபரப்பை ஏற்படுத்தியுள்ளது.

திருப்பத்தூர் மாவட்டம் கெஜல்நாயக்கன்பட்டி பகுதியை சேர்ந்த சங்கர்.   இவர் கிருஷ்ணகிரி மாவட்டம் போச்சம்பள்ளி அருகே உள்ள விளங்காமுடி அடுத்த நொறுக்குபாறை பகுதியில் சந்தியா என்ற பெண்ணை திருமணம் செய்துகொண்டார். இவர்களுக்கு சாதனா என்ற மகள் உள்ளார்.

கடந்த 2012-ம் ஆண்டு மனைவி சந்தியா இறந்துவிட்டநிலையில், அவரது மகள் சாதனா விளங்காமுடியில் உள்ள பாட்டி வீட்டில் தங்கி அரசு பள்ளியில் 5 ஆம் வகுப்பு படித்து வருகிறார். மனைவி இறந்த துக்கம் தாளாமல் இருந்த கணவர் சங்கர் சரியாக வேளைக்கு செல்லாமல் பல கிராமங்களுக்கு சென்று சாலையில் சிதறி இருக்கும் காகிதம் மற்றும் மது பாட்டிகளை எடுத்து விற்று பிழைப்பு நடத்தி வந்தார். 

இந்தநிலையில் போச்சபள்ளி அருகே உள்ள அரசம்பட்டி இருந்து பாரூர் செல்லும் சாலையில் உள்ள பழனம்பாடி என்ற இடத்தில் இருந்த நிழல் கூடத்தில் அருகே படுத்திருந்த சங்கரை, மர்மநபர்கள் கத்தியால் குத்தி கொலை செய்துவிட்டு தப்பி சென்றுள்ளனர்.

இது தொடர்பாக பாரூர் போலீசாருக்கு தகவல் அளிக்கப்பட்டது, தகவலின்பேரில் வந்த போலீசார், இறந்து கிடந்த சங்கரின் உடலை கைப்பற்றி உடற்கூறு ஆய்விற்காக போச்சம்பள்ளி அரசு மருத்துவமனைக்கு அனுப்பி வைத்தனர்.

அதன்பின்னை கொலை சம்பவம் நடந்த இடத்தில் பொருத்திவைக்கப்பட்டிருந்த கண்காணிப்பு கேமிராவை போலீசார் கைப்பற்றி ஆய்வு செய்துவருகிறனர். மேலும்  இது தொடர்பாக வழக்குபதிவு செய்த போலீசார், சங்கரை கொலை செய்து விட்டு தப்பியோடிய மர்மநபர்களை தீவிரமாக தேடி வருகின்றனர்.

நாமக்கல் மாவட்டம் நாமகிரிப்பேட்டை பகுதியை சேர்ந்தவர் சுப்பிரமணி. 74 வயது முதியவரான இவருக்கு, சேலம் மாவட்டம் ஆத்தூர் அருகே உள்ள சிவகங்கைபுரம் என்ற கிராமத்தில் 7 ஏக்கர் சொந்த நிலம் உள்ளது. இந்த நிலத்தை,  அதே பகுதியை சேர்ந்த சக்திவேல் என்பவர் ஒரு கோடியே இருபது லட்சம் ரூபாய்க்கு விலை பேசி வாங்கியதாக கூறப்படுகிறது. இந்த நிகழ்விற்கு பிறகு சுப்பிரமணியை காணவில்லை என கூறப்படுகிறது. இந்நிலையில் இதுகுறித்து சுப்பிரமணியின் உறவினரான கனகம்  என்பவர் அளித்த புகாரின்பேரில் வழக்குப்பதிவு செய்த போலீசார், அவரை தேடிவந்தனர்.   

இந்நிலையில், ஆத்தூர் அருகே உள்ள செல்லியம்பாளையம் பகுதியை சேர்ந்த ராமதாஸ், குமார், அறிவழகன் ஆகியோருடன் சேர்ந்து சக்திவேல், பெருமாள் ஆகியோர் முதியவர் சுப்பிரமணியை அடித்து கொலை செய்தது தெரியவந்தது. இதில் ராமதாஸ், குமார் ஆகிய இருவரும் பிடிபட்ட நிலையில், அவர்களிடம் நடத்தப்பட்ட விசாரணையில், ஆத்தூர் அருகே சிவகங்காபுரத்தில் உள்ள சக்திவேலுவுக்கு சொந்தமான  நிலத்தின் அருகே முதியவர்  சுப்பிரமணி உடல் புதைக்கப்பட்டு இருப்பது தெரிய வந்துள்ளது. இதனை தொடர்ந்து அப்பகுதிக்கு விரைந்துள்ள போலீசார், சம்பவ இடத்தில் புதைக்கப்பட்ட சடலத்தை தோண்டி எடுக்கும் பணியில் ஈடுபட்டுள்ளனர்.  மேலும் இந்த வழக்கில் சம்பந்தப்பட்ட பெருமாள், சக்திவேல், அறிவழகன் உள்ளிட்ட 3 பேரை போலீசார் தேடி வருகின்றனர்.