புதுச்சேரியில் நாளுக்கு நாள் கஞ்சா விற்பனை மற்றும் அதன் பயன்பாடு அதிகரித்து வருகிறது. பல்வேறு இடங்களில் தினந்தோறும் கஞ்சா விற்பனையில் ஈடுப்பட்டு வருபவர்களை காவல்துறையினர் கைது செய்து வருகின்றனர்.

இந்நிலையில் புதுச்சேரிக்கு பல்வேறு மாநிலங்களில் இருந்து ரயில் மூலம் கஞ்சா கொண்டு வரப்படுவதாக காவல்துறையினருக்கு கிடைத்த தகவலை தொடர்ந்து வெளிமாநிலங்களில் இருந்து ரயில்களில் வரும் பயணிகளை சோதனை செய்து வருகின்றனர். 

இந்நிலையில், புவனேஸ்வரில் இருந்து புதுச்சேரிக்கு வந்த ரயிலில் தனிப்படை போலீசார் மற்றும் ரயில்வே போலீசார், பயணிகள் உடமைகளை தீவிரமாக சோதனை செய்தனர். தொடர்ந்து ரயில் முழுவதும் சோதனை செய்ததில் தடை செய்யப்பட்ட புகையிலைப் பொருட்களை வைத்திருந்த 5 பயணிகளை பிடித்து விசாரணை மேற்கொண்டு வருகின்ற்னர்.

ஈரோடு மாநகர் பகுதியில் கடந்த சில நாட்களாக தொடர் கொள்ளை சம்பவங்கள் நடந்தன. இதுதொடர்பாக போலீசார் கொள்ளையர்களை வலைவீசி தேடி வந்தனர். இந்தநிலையில் ஈரோடு தாலுகா போலீசார் நேற்று ரங்கம்பாளையம் பகுதியில் ரோந்து சென்றனர். அங்கு சந்தேகப்படும்படி நின்றிருந்த ஒரு வாலிபரை போலீசார் பிடித்து விசாரணை நடத்தினார்கள். 

விசாரணையில் அவர் வெளிமாநிலத்தை சேர்ந்தவர் என்பது தெரியவந்தது. ஆனால் போலீசாரின் கேள்விகளுக்கு அவர் முன்னுக்கு பின் முரணமாக பதில் அளித்தார். இதனால் அவர் மீது போலீசாருக்கு சந்தேகம் எழுந்தது. இதையடுத்து அந்த நபரை போலீசார் ஈரோடு தாலுகா போலீஸ் நிலையத்துக்கு அழைத்து சென்று விசாரணை நடத்தினார்கள்.   

விசாரணையில் அந்த வாலிபர் தெலுங்கானா மாநிலம் அனுமன் கொண்டவாரங்கல் பகுதியை சேர்ந்த விஜயகுமாரின் மகன் செட்டி சூர்யா (வயது 26) என்பதும், அவா் தனது மனைவி மற்றும் மேலும் 2 தம்பதிகளுடன் சேர்ந்து பூட்டிய வீடுகளை நோட்டமிட்டு கொள்ளை சம்பவத்தில் ஈடுபட்டு வந்ததும் தெரியவந்தது. இதைத்தொடர்ந்து சூர்யா, அவரது மனைவி பாரதி (24), தெலுங்கானா மாநிலம் காசிபுக்கர் பகுதியை சேர்ந்த தேவேந்திரனின் மகன் மணி (38), அவரது மனைவி மீனா (28), அதே பகுதியை சேர்ந்த விஜய் (38), அவரது மனைவி லட்சுமி (38) ஆகியோரை போலீசார் கைது செய்தனர். அவர்களிடம் இருந்து 40 பவுன் நகையும், ரூ.75 ஆயிரமும் மீட்கப்பட்டது.

இந்த 3 தம்பதிகளும் வேறு மாவட்டங்களில் கைவரிசை காட்டி உள்ளனரா? அவர்கள் எவ்வாறு திட்டமிட்டு திருட்டு சம்பவங்களில் ஈடுபட்டனர்? என்பது தொடர்பாக போலீசார் தொடர்ந்து விசாரணை நடத்தி வருகிறார்கள். கொள்ளை சம்பவத்தில் ஈடுபட்ட 3 தெலுங்கானா தம்பதிகள் பிடிபட்ட சம்பவம் ஈரோடு மாவட்டத்தில் பரபரப்பை ஏற்படுத்தி உள்ளது.

காரைக்கால், வள்ளலார் நகரை சேர்ந்த நவாஸ்கான் என்பவர், குடிநீர்  கேன் வினியோகிக்கும் நிறுவனத்தில் டெலிவரி மேனாக  பணிபுரிந்து வருகிறார். இவர் காரைக்கால் பகுதியில் அமைந்துள்ள ஒரு வீட்டில் வாட்டர் கேன் டெலிவரி செய்ய சென்றுள்ளார்.

அப்போது அந்த வீட்டில் தனியாக இருந்த சிறுமியிடம் பாலியல் துன்புறுத்தலில் ஈடுபட்டுள்ளார்.  இதுகுறித்து அறிந்த சிறுமியின் பெற்றோர் காவல் நிலையத்தில் புகாரளித்தனர். அதன்பேரில் தீவிர விசாரணை மேற்கொண்ட போலீசார் தலைமறைவாக இருந்த நவாஸ்கானை போக்சோ சட்டத்தின் கீழ் சிறையில் அடைத்தனர்.

சென்னை புளியந்தோப்பு பகுதியைச் சேர்ந்த சித்ரா, மூன்று ஆண்டுகளுக்கு முன்பு சிறுக சிறுக 5 லட்ச ரூபாய் பணத்தை, அதே பகுதியைச் சேர்ந்த ரங்கநாயகி என்பவரிடம் கடனாகப் பெற்றுள்ளார்.

ஒரு கட்டத்தில், 35 லட்சம் கட்ட சொல்லியும், வீட்டை தனது பெயருக்கு எழுதி வைக்குமாறும், ரங்கநாயகி, அவரது கணவர் சேகர் மற்றும் மகன் சுரேஷ் உள்ளிட்டோர் கூட்டாக சேர்ந்து சித்ராவையும், அவரது இரு மகள்களையும் மிரட்டி உள்ளனர்.

இதனால், மனமுடைந்த சித்ரா கடந்த 7ஆம் தேதி உடலில் மண்ணெண்ணெய் ஊற்றிக்கொண்டு தீக்குளித்தார். தகவல் அறிந்து சென்ற போலீசார், சித்ராவை மீட்டு கீழ்ப்பாக்கம் அரசு மருத்துவமனையில் அனுமதித்தனர்.  இந்த நிலையில், நேற்றிரவு 10 மணியளவில் சித்ரா சிகிச்சை பலனின்றி உயிரிழந்தார்.

இந்த சம்பவம் தொடர்பாக பேசின் பிரிட்ஜ் போலீஸார் ஏற்கனவே ரங்கநாயகி மற்றும் அவரது கணவர் சேகர் ஆகிய இருவரையும் கைது செய்து சிறையில் அடைத்துள்ளனர் என்பது குறிப்பிடத்தக்கது.

சென்னை ஓட்டேரி போலீசார் நேற்று காலை ரோந்து பணியில் ஈடுபட்டுக் கொண்டிருந்தபோது ஓட்டேரி மங்களபுரம் பகுதியில் மூன்று பார்சலுடன் நின்றுகொண்டிருந்த இருவரை மடக்கிப் பிடிக்க முற்பட்டபோது ஒருவர் தப்பித்து ஓடிவிட மற்றொருவர் பிடிபட்டார்.  மூன்று பார்சல்களில் இருந்து 44 கிலோ கஞ்சா பறிமுதல் செய்யப்பட்டது.

கைது செய்யப்பட்ட நபர் சேலம் மாவட்டத்தைச் சேர்ந்த தினேஷ் 24. என்பது தெரியவந்தது. மேலும் இவர்கள் சேலத்திலிருந்து ஒரு குழுவாக வந்து ரயில் மூலம் ஆந்திராவில் இருந்து வந்த கஞ்சாவை வாங்கிக்கொண்டு சேலத்திற்கு காரில் செல்ல இருந்தது. போலீசாரின் விசாரணையில் தெரியவந்தது தினேஷ் பிடிபட்ட நிலையில் காரில் வந்த மர்ம நபர்கள் தப்பி ஓடிவிட்டனர்.   

இதனையடுத்து ஓட்டேரி போலீசார்  சேலத்திற்கு செல்லும் வழியில் உள்ள  அனைத்து சுங்க சாவடி மற்றும் சோதனைச் சாவடிகளுக்கு சொகுசு காரின் பதிவு எண் மற்றும் தினேஷ் இடமிருந்து அவரது செல்போனில் பதிவாகியிருந்த மற்றவர்களின் புகைப்படம் உள்ளிட்டவற்றை அனுப்பிவைத்தார். இதனையடுத்து நேற்று மதியம் வந்தவாசி சோதனைச்சவடியில் கஞ்சா கடத்தலுக்கு பயன்படுத்தப்பட்ட காரை வந்தவாசி போலீசார் மடக்கி பிடித்தனர். 

காரில் இருந்த எம்கேபி நகர் பகுதியைச் சேர்ந்த மோகன் வயது 23 என்ற நபரை கைது செய்த வந்தவாசி போலீசார் இதுகுறித்து ஓட்டேரி போலீசாருக்கு தகவல் தெரிவித்தனர். இதனையடுத்து அப்பகுதிக்கு சென்று  ஓட்டேரி போலீசார் மோகனை கைது செய்தனர் அவரிடம் நடத்திய விசாரணையில், போலீசார் தங்களை பின்தொடர்வதை அறிந்து என்னுடன் வந்த யோகராஜ் பிரகாஷ் இந்துமதி ஆகிய 3 பேரையும் வந்தவாசி பைபாஸில் இறக்கி விட்டுவிட்டு அவர்களை பேருந்தில் செல்லும்படி அறிவுறுத்திவிட்டு நான் ஊருக்குள் புகுந்து சென்று விடலாம் என்று வந்து போலீசில் மாட்டி கொண்டதாக வாக்குமூலம் அளித்துள்ளார்.

கைது செய்யப்பட்ட மோகன் மீது வழக்கு பதிவு செய்த ஓட்டேரி போலீசார் அவரை நீதிமன்றத்தில் ஆஜர்படுத்தி சிறையில் அடைத்தனர் மேலும் இந்த வழக்கில் தொடர்புடைய சிலரை தேடிவருகின்றனர்.