திருச்சி அருகே 2 பெண் சடலங்கள் மீட்கப்பட்ட சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

திருச்சி மாவட்டம் துறையூர் பெருமாள்மலையில் பாலத்திற்கு அடியில் 2 பெண் சடலங்கள் கிடப்பதாக போலீசாருக்கு தகவல் கிடைத்துள்ளது. தகவலின் பேரில் சம்பவ இடத்திற்கு விரைந்து சென்ற போலீசார், பாலத்திற்கு கீழே இருந்த புதர்களுக்கு மத்தியில் கிடந்த சுமார் 50 வயது மதிக்கதக்க 2 பெண் சடலங்களை மீட்டனர்.

அப்போது, அந்த சடலங்கள் அருகில் கிடந்த ஒரு பையில் ஆதார் அட்டை , குடும்ப அட்டை மற்றும் வங்கி பாஸ்புக் உள்ளிட்டவை இருந்துள்ளது. அவற்றை கொண்டு விசாரணை மேற்கொண்ட போலீசாருக்கு, அவர்கள் இருவரும் துறையூர் அடுத்த பகளவாடி கிழக்குத் தெருவைச் சேர்ந்த சம்பூர்ணம், பெரியம்மா  என்பது தெரிய வந்துள்ளது.

இதையும் படிக்க : பிரீபெய்டு மின் மீட்டர் திட்டத்தில் மிகப்பெரிய ஊழல்...குற்றம் சாட்டிய நாராயணசாமி...!

இதையடுத்து 2 பெண்களின் சடலங்களையும் மீட்ட போலீசார், பிரேத பரிசோதனைக்காக துறையூர் அரசு மருத்துவமனைக்கு அனுப்பி வைத்தனர். மேலும், இந்த 2 பெண்களும் இறந்ததற்கு குடும்பப் பிரச்னையா அல்லது வேறு காரணமா என்பது குறித்து போலீசார் விசாரணை செய்து வருகின்றனர்.

இதைத்தொடர்ந்து, பெருமாள் மலையில் இரண்டு பெண்கள் இறந்து கிடந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

தேனி | பெரியகுளம் அருகே உள்ள சருத்துபட்டி பகுதியில்  தென்கரை காவல் நிலைய எள்கைக்கு உட்பட்ட பகுதியில் வசித்து வருபவர் முனீஸ்வரன் (32). இவருக்கு திருமணம் ஆகி குழந்தைகள் உள்ளது.

இந்நிலையில் அவரின் உறவினரின் வீட்டில் ஒன்பதாம் வகுப்பு படிக்கும் 14 வயது சிறுமியை வீட்டில் தனியாக இருந்த பொழுது பாலியல் பலாத்காரம் செய்து துன்புறுத்தி உள்ளார்.

மேலும் படிக்க | சட்டம் - ஒழுங்கு குறித்து ஆலோசனை...முதலமைச்சர் வழங்கப்போகும் அறிவுரை என்னென்ன?

இது தொடர்பாக பாதிக்கப்பட்ட சிறுமி மற்றும் அவரது பெற்றோர் பெரியகுளம் தென்கரை காவல் நிலையத்தில் கொடுத்த புகாரின் அடிப்படையில் முனீஸ்வரனை காவல்துறையினர் கைது செய்து விசாரணை மேற்கொண்டுள்ளனர். 

மேலும் விசாரணைக்கு பின்  முனீஸ்வரன் மீது போக்கோ  சட்டத்தின் கீழ் வழக்கு பதிவு செய்து பெரியகுளம் சார்பு நீதிமன்ற நீதிபதி முன் நிறுத்தியதை தொடர்ந்து 15 நாட்கள் நீதிமன்ற காவலில் வைக்க நீதிபதி உத்தரவிட்டதை தொடர்ந்து இளைஞரை காவல்துறையினர் சிறையில் அடைத்துள்ளனர்.

மேலும் படிக்க | 14 வயதிற்குட்பட்ட சிறுமிகளை திருமணம் செய்தால்....

தமிழ்நாடு முழுவதும் போதை பொருட்களை ஒழிப்பதற்காக பல்வேறு நடவடிக்கைகள் மேற்கொள்ளப்பட்டு வருகிறது.சென்னை சென்ட்ரல் ரயில் நிலையத்தில் 12 கிலோ கஞ்சா பறிமுதல் செய்யப்பட்டுள்ளது.

போதைப்பொருள் தடுப்பு:

தமிழ்நாடு முழுவதும் போதை பொருட்களை ஒழிப்பதற்காக பல்வேறு நடவடிக்கைகள் மேற்கொள்ளப்பட்டு வருகிறது.  ஏற்கனவே தமிழக பிஜிபி சைலேந்திரபாபு உத்தரவின் பேரில் அந்தந்த மாவட்டத்தில் இருக்கக்கூடிய காவல் துறை அதிகாரிகள் மூலம் போதைப் பொருட்கள் தொடர்பான சோதனைகள் மேற்கொள்ளப்பட்டு பல ஆயிரக்கணக்கான கஞ்சா உள்ளிட்ட போதைப் பொருட்களை பறிமுதல் செய்து அவற்றை கடத்திய நபர்கள் மற்றும் விற்பனை செய்கின்ற நபர்களை அடையாளம் கண்டு அவர்களை கைது செய்து நீதிமன்றத்தில் ஆஜர் படுத்தி சிறையில் அடைத்து வருகின்றனர். 

செண்ட்ரல் நிலையம்:

இந்த நிலையில் நேற்று சென்ட்ரல் ரயில் நிலையத்தில் வழக்கம்போல் ரயில்வே போலீசார் சோதனையில் ஈடுபட்டிருந்தனர் அதில் தன்பாத் விரைவு விரைவில் வந்த பயணியை சோதனை செய்தபோது அவரிடம் 12 கிலோ கஞ்சா பொட்டலங்கள் இருப்பது தெரியவந்தது. 

விசாரணையும் கைதும்:

உடனடியாக அந்த நபரை விசாரணை செய்த ரயில்வே போலீசார் சென்னை மயிலாப்பூர் பகுதியை சேர்ந்த விஜயகுமார் என்பதும் விஜயவாடாவில் இருந்து கஞ்சா பொட்டலங்களை வாங்கி வந்தது விசாரணையில் தெரியவந்தது.  உடனடியாக ரயில்வே காவல் ஆய்வாளர் சசிகலா தலைமையிலான போலீசார் அவரிடம் இருந்த கஞ்சாவை பறிமுதல் செய்து நீதிமன்றத்தில் ஆஜர் படுத்தி சிறையில் அடைத்தனர்.

இதையும் படிக்க:   பாஜகவின் சித்து விளையாட்டு.... ஒன்றிணையுமா அரசியல் கட்சிகள்....

அரியலூர் | தேளூர் கிராமத்தை சேர்ந்தவர் கோவிந்தசாமி. அக்கிராம நாட்டார் ஆன இவர் தன்னுடைய வயலில் ஆர்எஸ்பதி நடவு செய்து இருந்தார். இந்நிலையில் கடந்த 22 ஆம் தேதியன்று தன்னுடைய வயலுக்கு சென்றவர் மாலை நேரமாகியும் வீடு திரும்பாததால் உறவினர்கள் சம்பவ இடத்திற்கு சென்று பார்த்துள்ளனர். 

அங்கு தலையில் அடிப்பட்டு கோவிந்தசாமி உயிர் இழந்து கிடந்துள்ளார். இதனையறிந்த கயர்லாபாத் போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக அரியலூர் அரசு மருத்துவமனைக்கு அனுப்பி வைத்தனர். 

மேலும் படிக்க | ஓட்டல் ஊழியர் அடித்துக் கொலை - இருவர் கைது... 

மேலும் இச்சம்பவம் குறித்து அரியலூர் டிஎஸ்பி சங்கர்கணேஷ், இன்ஸ்பெக்டர் கோபிநாத், எஸ் ராஜவேல் தலைமையிலான தனிப்படை அமைக்கபட்டது. இந்த தனிப்படை போலீசார் வி.கைகாட்டி பகுதியில் அடகுகடைகளில் உள்ள கண்காணிப்பு கேமராவினை ஆய்வு செய்தனர். 

அதில் சந்தேகபடும் அளவிலான நபர் ஒருவர் மோதிரம் ஒன்றை அடகுகடையில் விற்றது சந்தேகத்தை ஏற்படுத்தியது. இதனையடுத்து அந்த மோதிரத்தை பார்த்தபோது அது கோவிந்தசாமி அணிந்திருந்த மோதிரம் என்பது தெரியவந்தது. 

மேலும் படிக்க | எலும்பு கூடுகளாக மீட்கப்பட்ட காணாமல் போன மாணவி... 

இதனையடுத்து மேலும் விசாரணையை தீவிரபடுத்திய போலீசார் கொலை சம்பவத்தில் ஈடுபட்ட விளாங்குடி சிந்தாமணி காலணியை சேர்ந்த ராஜேஷ் என்ற வாலிபரை கைது செய்தனர். 

மேலும் அவரிடம் விசாரணை செய்தபோது கடன்பிரச்சனை மற்றும் குடும்ப வறுமையால் கோவிந்தசாமியை கொலை செய்து அவர் அணிந்திருந்த மோதிரத்தை திருடியது தெரியவந்தது. பின்னர் குற்றவாளியை நீதிமன்றத்தில் ஆஜர்படுத்தி சிறையில் அடைத்தனர். 

மேலும் படிக்க | புதுமணப்பெண் தற்கொலை முயற்சி... போலீசார் விசாரணை... 

சென்னை | போக்குவரத்து அதிகமாக உள்ள சென்னை கோயம்பேடு பிரதான சாலையில் சென்று கொண்டிருந்த கார் ஒன்று திடீரென தீப்பற்றி எரியத் தொடங்கியது.

சுதாரித்துக் கொண்ட ஓட்டுனர் காரை விட்டு வெளியேறிய நிலையில், கார் மளமளவென எரியத் தொடங்கியது. அக்கம் பக்கத்தில் இருந்தவர்கள் தீயை அணைக்க முயற்சித்தனர்.

ஆனால் காற்றில் வேகத்தால் மளமளவென பரவியது. இந்த தீ விபத்தால் பிரதான சாலையில் சுமார் 2 கிலோ மீட்டர் தூரம் வரை போக்குவரத்து நெரிசல் ஏற்பட்டது.   

மேலும் படிக்க | விபத்தில் அக்கா கண் முன்னே தங்கை பலி...