சென்னை | கொரட்டூர் அடுத்துள்ள தில்லை நகர் பகுதியில் தொடர்ந்து இருசக்கர வாகனத்தை திருடி செல்லக்கூடிய மர்ம நபர்களை சிசிடி காட்சிகள் வெளியாகி இருக்கிறது.

இந்த நிலையில் தில்லை நகர் பகுதியில் அருகில் நிறுத்தி வைக்கப்பட்டிருந்த மற்றொரு இரு சக்கர வாகனத்தை மர்ம நபர் ஒருவர் வண்டியின்  பூட்டை உடைத்து விட்டு திருட முயன்ற போது வண்டியின் சக்கரத்தில் சங்கிலியால் கொண்டு பூட்டப்பட்டிருந்தது திருட முடியாமல் அந்த திருடன் அங்கிருந்து தப்பிச் சென்றுள்ளார்.

இதனைத் தொடர்ந்து அருகில் இருந்த கே டி எம் இருசக்கர வாகனத்தையும் காலால் உடைத்து திருடக்கூடிய காட்சிகளும் பதிவாகி இருக்கிறது அந்த காட்சிகள் தற்போது வைரல் ஆகி வருகிறது.

மேலும் படிக்க | மினி வேன் மீது கன்டிடெய்னர் லாரி மோதி 11 பேர் படுகாயம்..

ராமநாதபுரம் | பரமக்குடியில் மருத்துவருக்கு கொலை மிரட்டல் விடுத்து மருத்துவமனை மீது கற்களை வீசி தாக்கிய மூன்று இளைஞர்களை போலீசார் கைது செய்தனர். ராமநாதபுரம் மாவட்டம் பரமக்குடியைச் சேர்ந்த ராஜகோபால் மகன் பிரசாந்த் 20. 

இவர் டூவீலரில் சென்றபோது மாடு குறுக்கே வந்ததால் கீழே விழுந்து காயம் ஏற்பட்டுள்ளது. சிகிச்சைக்காக பரமக்குடி பேருந்து நிலையம் அருகில் உள்ள தனியார் மருத்துவமனைக்கு ( செல்வா மருத்துவமனை) சிகிச்சைக்கு சென்றுள்ளார். 

மேலும் படிக்க | புறாக்களை கொன்று சிக்கன் என விற்ற நபர்கள்... மும்பையில் நடந்த அவலம் அம்பலம்... 

அப்போது தாமதமாக சிகிச்சை அளித்ததாக கூறி பிரசாந்த் அவரது நண்பர்கள் டாக்டர் விக்னேஷை அசிங்கமாக பேசி கொலை மிரட்டல் விடுத்துள்ளனர். தொடர்ந்து மருத்துவமனை மீது கற்களை வீசி தாக்குதல் நடத்தியதில் மருத்துவமனையின் முன்புற கண்ணாடி சேதுமடைந்துள்ளது. 

இதுகுறித்து மருத்துவர் விக்னேஷ் புகாரின்பேரில் பரமக்குடியை சேர்ந்த பிரசாந்த் 20,. கணேஷ்பாண்டியன் 25. ராமநாதபுரத்தை சேர்ந்த சிவசங்கரன், 22. ஆகிய மூன்று இளைஞர்களை பரமக்குடி டவுன் போலீசார் கைது செய்து சிறையில் அடைத்தனர். 

மேலும் படிக்க | என்னடா பொசுக்குன்னு கொளுத்திப்புட்ட? இவரல்லவா உயிர் நண்பன்? 

அரியலூர் | ஜெயங்கொண்டம் அடிப்பள்ளத்தெருவைச் சேர்ந்தவர் உவைஸ் அகமது. 19 வயதான இவர் படித்து முடித்து வேலை தேடி வந்த நிலையில் இவர் கே.டி.எம். 390 எனும் விலைஉயர்ந்த பைக் ஒன்றை வாங்கினார்.

சுமார் 3 லட்சம் ரூபாய் விலை மதிப்புள்ள இந்த பைக்கை வாங்கிய உவைஸ் அகமது ஊரில் பந்தாவாக ஓட்டிக் சென்றுள்ளார். இதனை வியாழக்கிழமையன்று எதேச்சையாக பக்ருதீன், அந்த கே.டி.எம். பைக்கை ஓட்டிப் பார்ப்பதற்கு ஆசை கொண்டார்.

ஆனால் பக்ருதீன் ஏற்கெனவே பைக் திருட்டு, ஆடு திருட்டு, குடிபோதையில் தகராறு செய்ததன் காரணமாக பல்வேறு வழக்குகள் அவர் மீது நிலுவையில் இருந்ததால் பைக்கை அளிப்பதற்கு மறுத்து விட்டார் அகமது. 

மேலும் படிக்க | “என்னையா கேள்வி கேக்கற?”- காவலரை தாக்கிய போதை ஆசாமிகள் கைது...

இதனால் ஆத்திரமடைந்த பக்ருதீன், அன்றைய நாள் இரவில் மற்றொரு நண்பனுடன் மதுஅருந்திக் கொண்டிருந்தார். போதை தலைக்கேறியவுடன், அங்கே காத்திருந்து, நள்ளிரவு சுமார் 1 மணியளவில் உவைஸ் அகமதுவின் வீடு பக்கம் சென்றார். 

தெருவில் அனைவரும் நன்றாக உறங்கிக் கொண்டிருந்த நேரத்தில் அமைதியாக சென்ற பக்ருதீன், பெட்ரோலை பைக் மீது ஊற்றி தீயை வைத்தார். மேலும் அதன் அருகே நின்றிருந்த உவைஸ் அகமதுவின் நண்பருக்கு சொந்தமான பல்சர் பைக்கையும் எரித்து விட்டு தப்பியோடினார்.   

சுமார் 3 லட்சம் மதிப்புள்ள கே.டி.எம். பைக் பற்றி எரிந்ததைத் தொடர்ந்து உள்ளே இருந்து உரிமையாளர் உவைஸ் அகமது மற்றும் குடும்பத்தார் அலறியடித்துக் கொண்டு ஓடி வந்தனர். 

மேலும் படிக்க | தலை தீபாவளி அன்று பெண்ணின் தலையில் பெட்ரோல் ஊற்றி கொளுத்திய குடும்பம்...

இதையடுத்து தண்ணீரை அடித்து தீயை அணைத்தவர்கள் இதுகுறித்து ஜெயம்கொண்டம் காவல்துறையினருக்கு தகல் தெரிவித்தனர். சம்பவ இடத்துக்கு விரைந்து வந்த போலீசார் சி.சி.டி.வி ஆதாரத்தைக் கொண்டு, பக்ருதீனை கைது செய்து சிறையில் அடைத்தனர். 

நண்பனின் பைக்கை ஓட்டிப் பார்க்க வேண்டும் என அனைவருமே நினைப்பதுண்டு. ஆனால் பைக்கை தர மறுத்ததால் பெட்ரோல் ஊற்றி கொளுத்திய சம்பவம், பைக் எரிச்சலைக் காட்டிலும் வயிற்றெரிச்சலே அதிகமுள்ளது என்பதுதான் வெளிப்படையாக புலனாகிறது. 

மேலும் படிக்க | கடன் திருப்பிக் கொடுக்க முடியாத தந்தையை தீ வைத்து எரித்த மோசக்காரர்கள்!

நில அபகரிப்பு வழக்கில் முன் ஜாமீன் பெற்றதாக நீதிமன்றத்தில் போலி ஆவணங்கள் சமர்ப்பித்த திமுக பெண் கவுன்சிலர் மற்றும் அவரது கணவர் திமுக வட்ட செயலாளர் ஆகியோர் கைது செய்யப்பட்டுள்ளனர்.

நில அபகரிப்பு செய்த திமுக பெண் கவுன்சிலர்:

சென்னை சோழிங்கநல்லூர் பகுதியைச் சேர்ந்த நகைக்கடை தொழிலதிபர் அமர்ராம் என்பவரை மிரட்டி, கடந்த செப்டம்பர் மாதம் 16 ஆம் தேதி சென்னை மெரினா கடற்கரைக்கு வரவழைத்த மர்மநபர்கள் சிலர், அங்கிருந்து அவரை காரில் கடத்தி சென்று திருப்போரூர் சார் பதிவாளர் அலுவலகத்திற்கு அழைத்துச் சென்றனர்.  பின்னர், அங்கு தொழிலதிபருக்கு சொந்தமான 3 கோடி மதிப்பிலான நிலத்தை ரூ. 60 லட்சத்துக்கு எழுதி வாங்கியுள்ளனர்.

தீவிர விசாரணை:

இது தொடர்பாக, தொழிலதிபர் அளித்த புகாரில் விசாரணை மேற்கொண்ட மெரினா போலீசாருக்கு, சென்னை மாநகராட்சி 124 வது வார்டு திமுக பெண் கவுன்சிலர் விமலா மற்றும் அவரது கணவரான மயிலாப்பூர் பகுதி திமுக வட்ட செயலாளரான கிருஷ்ணமூர்த்தி இருவரும் இணைந்து தொழிலதிபரை கடத்திச் சென்று அவரது சொத்தை எழுதி வாங்கியது என தெரிய வந்தது. 

இதையும் படிக்க: ஆதரவாளர்களுடன் திடீர் ஆலோசனையில் ஈடுபட்ட ஓபிஎஸ்...!காரணம் இதுதானாம்...!!

தலைமறைவாகிய குற்றவாளிகள்:

இதனையடுத்து அவர்கள் இருவரையும் கைது செய்வதற்காக போலீசார் சென்றபோது, திமுக கவுன்சிலரான விமலாவும், அவரது கணவரான திமுக வட்டச் செயலாளர் கிருஷ்ணமூர்த்தியும் தலைமறைவாகியுள்ளனர். அதன்பின் இருவரும் இந்த வழக்கில் இருந்து தப்பிக்க சென்னை உயர் நீதிமன்றத்தை நாடி முன்ஜாமீன் வாங்கியுள்ளனர்,

போலி ஆவணங்கள்:

இந்நிலையில் நேற்று இருவரும் தாங்கள் பெற்ற முன் ஜாமீன் ஆவணங்களை சமர்பிக்க எழும்பூர் நீதிமன்றத்திற்கு வந்துள்ளனர். அப்போது முன் ஜாமீன் வழங்கிய ஆர்டரை நீதிபதி சரிபார்த்தபோது, முன் ஜாமீன் காலாவதியானதும், அந்த ஆர்டரை போலவே தேதி மாற்றி போலியாக ஒரு ஆர்டரை தயார் செய்து கொடுத்ததும் தெரிய வந்தது. 

நீதிபதி உத்தரவு:

இதனையடுத்து போலி ஆவணங்களைச் சமர்பித்ததாகக் கூறி திமுக கவுன்சிலர் விமலா மற்றும் அவரது கணவர் கிருஷ்ணமூர்த்தி ஆகிய இருவரையும் கைது செய்ய நீதிபதி உத்தரவிட்டார். இதனைத் தொடர்ந்து எழும்பூர் போலீசார் அவர்கள் இருவரையும் கைது செய்து தீவிர விசாரணை மேற்கொண்டனர். விசாரணையில், கைதான கிருஷ்ணமூர்த்தியின் சகோதரிக்கு சொந்தமான இடத்தை போலி ஆவணங்கள் மூலம் கிருஷ்ணமூர்த்தி அபகரித்ததும், இது குறித்த வழக்கு பதிவு நிலுவையில் இருப்பதும் தெரியவந்தது. இதையடுத்து போலீசார் அவர்களிடம் தீவிர விசாரணை மேற்கொண்டு வருகின்றனர்.

இருப்பினும், காலாவதியான முன் ஜாமீன் ஆவணங்களை போலியாக உருவாக்கி அதனை நீதிமன்றத்தில் கொடுத்த திமுக கவுன்சிலர் விமலா மற்றும் அவரது கணவர் கிருஷ்ணமூர்த்தி ஆகியோர் கைது செய்யப்பட்டுள்ள சம்பவமானது பரப்பரப்பை ஏற்படுத்தியுள்ளது.

லிவ்-இன் பார்ட்னரின் துன்புறுத்தலால் சோர்வடைந்துள்ளதாக புகார் அளித்த பெண்.  விருப்பப்படி செயல்படாவிட்டால் 70 துண்டுகளாக வெட்டிவிடுவேன் என மிரட்டல்.

அஃதாப் -ஷ்ரத்தா:

மகாராஷ்டிராவில் வசித்து வந்த ஷ்ரத்தா  அவரது லிவ்-இன் துணையான அஃப்தாப் அமீன் பூனாவாலாவால் கொடூரமான முறையில் கொலை செய்யப்பட்டு 35 துண்டுகளாக வெட்டப்பட்டார்.  இந்தப் படுகொலையானது தற்போது அனைவராலும் மிரட்டலுக்குப் பயன்படுத்தப்பட்டு தவறான முன்னுதாரணமாக மாறி வருகிறது. 

மிரட்டல்:

டெல்லியில் ஷ்ரத்தா வாக்கரின் இதயத்தை உலுக்கும் கொலையில் இருந்து பாடம் கற்பதற்குப் பதிலாக, சிலர் அதை அவர்களுக்கு சாதகமாக பயன்படுத்தும் சூழல் உருவாகி வருகிறது.   இதை உறுதிப்படுத்தும் விதமாக தற்போது மகாராஷ்டிர மாநிலம் துலேயில் வசிக்கும் ஒரு பெண்,  லிவ்-இன் துணையால் கொலை மிரட்டல் விடப்படுவதாக கூறியுள்ளார்.   

நடந்தது என்ன?:

மகாராஷ்டிராவின் துலே போலீசில் பாதிக்கப்பட்ட பெண் அளித்த புகாரில், அர்ஷத் என்ற நபர் தன்னை துன்புறுத்தியதாக குற்றம் சாட்டியுள்ளார்.  மேலும் இருவரும் ஜூலை 2021 முதல் ஒன்றாக வாழ்ந்து வருவதாகவும் தெரிவித்துள்ளார்.  

அந்த பெண் ஏற்கனவே திருமணமாகி ஒரு குழந்தைக்கு தாய் என்பது அவரது வாக்குமூலத்திலிருந்து தெரிகிறது.  அதனுடன் அவரது கணவர் விபத்து ஒன்றில் இறந்த பிறகு அர்ஷத் நபருடன் வாழ்ந்து வருவதாகவும் புகாரில் கூறியுள்ளார்.

மிரட்டலுடன் தொடங்கிய உறவு:

இவர்கள் இடையேயான உறவு மிகவும் சுமூகமான முறையில் தொடங்கவில்லை.   துலேயில் உள்ள லாலிங் கிராமத்தில் உள்ள காட்டுப்பகுதிக்கு புகார் அளித்த பெண்ணை அர்ஷத்அழைத்துச் சென்று பாலியல் பலாத்காரம் செய்ததாக அந்த பெண் கூறியுள்ளார்.   மேலும் அதை வீடியோ எடுத்து வைத்திருந்த அர்ஷத் அதை வைத்து மிரட்டல் செய்ய தொடங்கியுள்ளார்.  

இதையடுத்து இருவரும் ஒன்றாக சேர்ந்து வாழ முடிவு செய்ததாகவும் அவர் கூறியுள்ளார்.   அது முதல் ஜூலை 2021லிருந்து இருவரும் மகாராஷ்டிராவின் அமல்னருக்குச் சென்று, அங்கு லிவ்-இன் உறவில் வாழ்வதற்கான உறுதிமொழிப் பத்திரத்தைத் தயாரித்து ஒன்றாக வாழ தொடங்கியுள்ளனர்.

கட்டாய மத மாற்றம்:

குழப்பத்திலும் மிரட்டலிலும் தொடங்கிய இவர்களது உறவு சுமுகமாக செல்லவில்லை.  பல இன்னல்களை அனுபவித்த பாதிக்கப்பட்ட பெண் குற்றம் சாட்டப்பட்ட அர்ஷத் தன்னை வலுக்கட்டாயமாக மதம் மாற்றியதாக கூறியுள்ளார்.  மகனையும் மதம் மாற்ற முயன்றதாகவும் அப்போது எழுந்த சண்டையில்  'ஷ்ரத்தா 35 துண்டுகளாக தான் வெட்டப்பட்டாள் ஆனால் நான் உன்னை 70 துண்டுகளாக வெட்டுவேன்' என்று தான் அந்த நபரால் மிரட்டியதாக காவல் நிலையத்தில் அளித்த புகாரில் கூறியுள்ளார்.

-நப்பசலையார்

இதையும் படிக்க:    26/11 தாக்குதல்...உண்மையில் நடந்தது என்ன...வாயை திறந்த அப்போதைய செயலாளர்!!!