சென்னை சைதாப்பேட்டையில் செல்போன் திருடிய வழக்கில் 4 சிறுவர்களை போலீசார் கைது செய்து சிறையில் அடைத்தனர்.

சைதாப்பேட்டை ரெட்டிக்குப்பம் பகுதியைச் சேர்ந்த கார்த்திகேயன், தனது வீட்டின் வாசலில் நின்று செல்போனில் பேசிக் கொண்டிருந்துள்ளார்.அப்போது இரு சக்கரவாகனத்தில் வந்த இரண்டு பேர் கண்ணிமைக்கும் நேரத்தில் செல்போனை பறித்துச் சென்றனர். இதுகுறித்து வழக்குபதிவு செய்த போலீசார்.  சிசிடிவி காட்சிகளை கைப்பற்றி விசாரணை மேற்கொண்டனர்.

இந்த சம்பவத்தில் ஈடுப்பட்டது சைதாப்பேட்டை பகுதியை சேர்ந்த 4 சிறுவர்கள் என்பது தெரியவந்ததை அடுத்து, அவர்களை கைது நீதிபதி முன்பு ஆஜர் படுத்தி, சிறார் சிறையில் அடைத்தனர்.

கோவை மாவட்டத்தை சேர்ந்த சிந்துஜா(34) தொழிலதிபரான இவர் முன்னாள் எம்.எல்.ஏ கோவை தங்கத்தின் மருமகனான அருண் பிரகாஷ், கோவை தங்கம் உட்பட 5 நபர்கள் மீது டிஜிபி அலுவலகத்தில் புகார் அளித்தார்.பின்னர் செய்தியாளர்களிடம் பேசிய சிந்துஜா கோவை நவஇந்தியா அருகே சாக்லேட் பேக்டரி வைத்து நடத்தி வருவதாகவும், கடந்த 2014 ஆம் ஆண்டு பி.எஸ்.ஜி நிறுவன உரிமையாளருடன் தனக்கு திருமணம் நடந்து விவகாரத்து ஆகியிருப்பதாக அவர் கூறினார்.

 முன்னாள் கணவரின் அலுவலகத்தில் பணிப்புரிந்த அருண் பிரகாஷ் என்பவர் திருமணம் செய்து கொள்வதாக கூறி தன்னுடன் பழகி வந்ததாகவும், நாளடைவில் தனியாக குடும்பம் நடத்தி இருவருக்கும் ஆண் குழந்தை ஒன்று பிறந்ததாக அவர் கூறினார். இதனை நம்பி அருண் பிரகாஷிற்கு சுமார் 7 கோடி ரூபாய் வரை செலவு செய்ததாகவும், 3 கார்கள் தனது பெயரில் லோன் வாங்கி கொடுத்தேன் என தெரிவித்தார்.

நாளடைவில் அருண்பிரகாஷ் திருமணம் செய்து கொள்ளாமல் காலம் தாழ்த்தி வந்ததால் தனக்கு சந்தேகமடைந்து வாக்குவாதத்தில் ஈடுபட்ட போது முன்னாள் எம்.எல்.ஏ கோவை தங்கத்தின் மருமகன் எனக்கூறி மிரட்டி வெளியே சொன்னால் தனது ஆபாச படத்தை சமூகவலைதளத்தில் பதிவிட்டு வருவதாகவும் அருண் பிரகாஷ் மிரட்டினார். மேலும் கோவை தங்கம், அவரது மகள், அருண் பிரகாஷ் ஆகியோர் அடியாட்களுடன் வந்து தன்னையும் தனது குடும்பத்தினரையும் தாக்கிவிட்டு சென்றதாக அவர் புகார் அளித்துள்ளார்.

இது குறித்து  புலியகுளம் காவல் நிலையத்தில் தான் புகார் அளித்த போது அருண் பிரகாஷை வரவழைத்து விசாரணை நடத்திய போது தான் செய்ததை ஒப்புகொண்டு தனக்கு 1.5 கோடி ரூபாயை 1வருடத்தில் தருகிறேன் என ஒப்புகொண்டார்.

 இதனையடுத்து அடுத்த நாளே கோவை தங்கம் தனது அடியாட்டுகளுடன் வழக்கை வாபஸ் வாங்குமாறு தன்னை மீண்டும் கொலை செய்துவிடுவதாக மிரட்டி சென்றனர்.இதனால் கொலை செய்துவிடுவதாக மிரட்டிய கோவை தங்கம், அருன் பிரகாஷ், உட்பட 5 நபர்கள் மீது நடவடிக்கை எடுத்து தனக்கு பாதுகாப்பு அளிக்ககோரி புகார் அளித்துள்ளதாக அவர் கூறினார்.