நாகப்பட்டினம்: ரூ200 கள்ளநோட்டுகளை அச்சடித்து திருவிழாவில் புழங்கவிட்ட மாணவர்கள்!

நாகப்பட்டினம்  வேதாரண்யம் அடுத்துள்ள தென்புலம் பகுதியில் அம்மன் கோவில் ஒன்றில் திருவிழா சீரும் சிறப்புமாக நடந்து வந்துள்ளது. திருவிழாவில், ஊர்மக்கள் அனைவரும் கலந்துக்கொண்டுள்ளனர். 

அந்த விழாவில் சிறுவர்கள் மூன்று பேர் ஆரவாரமாக சுற்றி திரிந்துள்ளனர். அவர்கள், திருவிழாவிற்காக போடப்பட்டுள்ள கடைகளில் சென்று தங்களுக்கு பிடித்த தின்பண்டங்களை வாங்கி  உண்டுள்ளனர். அதற்காக கடைக்காரர்களிடம் 200ரூ கொடுத்துவிட்டு சென்றுள்ளனர். 

அவர்கள் கொடுத்துவிட்டது சென்ற 200ரூ நோட்டை பார்த்த கடைக்காரர்களுக்கு சந்தேகம் வந்துள்ளது. காரணம், சிறுவர்கள் கொடுத்த நோட்டுக்கும் மற்ற 200ரூ நோட்டுகளுக்கும் அதிகளவில் வித்தியாசங்கள் இருந்ததை காணமுடிந்துள்ளது.

இதில் அதிக சந்தேகமடைந்த கடைக்காரர்கள், உடனடியாக போலீசாருக்கு தகவல் கொடுத்து வரவழைத்துள்ளனர். அங்கு வந்த போலீசார், வேதாரண்யம் சுற்றுவட்டாரப் பகுதிகளில் ஆய்வு மேற்கொண்டனர். 

இந்த தேடுதல் வேட்டையில், மருதூர் வடக்குத்தெருவைச் சேர்ந்த பத்தாம் வகுப்பு மாணவர்கள் 3 பேர் பிடிபட்டனர்.  அவர்களை விசாரித்ததில், அவர்கள் கள்ளநோட்டு தயாரித்தது தெரியவந்துள்ளது.

தற்போது பள்ளி விடுமுறை என்பதால், உறவினரின் ஸ்டுடியோவில் வேலை பார்த்து வந்த 3 சிறுவர்களுள் ஒருவன், 200ரூ நோட்டை கலர் ஜெராக்ஸ் அச்சடித்து, கள்ளநோட்டு தயாரித்துள்ளார். தான் தயாரித்த கள்ளநோட்டுகளை, மற்ற 2 நண்பர்களிடம் காண்பித்தது மட்டுமல்லாமல், திருவிழாக் கடைகளில் புழக்கத்திலும் விட்டுள்ளார். 

மேலும் விசாரணையில், முதலில் 2000ரூ நோட்டுகளை தான் அச்சடிக்க திட்டமிட்டதாகவும், ஆனால் சமீபத்தில் 2000ரூ நோட்டுகள் திரும்ப பெறப்படுவதாக மத்திய அரசு அறிவித்ததால், 200ரூ நோட்டுகளை அச்சடித்ததாக கூறியுள்ளனர்.

விசாரணைக்குப் பின், காவல்துறையினர் 3 சிறுவர்களையும் கைது செய்து சிறுவர் சீர்த்திருத்த பள்ளியில் சேர்த்தனர். 

சிறுவர்களின் இச்செயல், திருவிழாவில் பரபரப்பை ஏற்படுத்தியுள்ளது.

இதையும் படிக்க: "ஆபாசம் வேறு, நிர்வாணம் வேறு": கேரள நீதிமன்றத்தின் சிந்திக்க வைக்கும் தீர்ப்பு!

மாணவிகளுக்கு பாலியல் தொல்லை அளித்தாக கைது செய்யப்பட்ட கலாஷேத்ரா கல்லூரி உதவி பேராசிரியர் ஹரி பத்மனுக்கு சென்னை சைதாப்பேட்டை நீதிமன்றம் ஜாமீன் வழங்கியுள்ளது.

சென்னை திருவான்மியூரில் உள்ள கலாஷேத்ரா அறக்கட்டளை வளாகத்தில் உள்ள ருக்மணி அருண்டேல் கல்லூரியில் படித்தபோது பாலியல் தொல்லைக்கு உள்ளானதாக முன்னாள் மாணவி அளித்த புகாரின் அடிப்படையில் வழக்குப்பதிவு செய்த அடையாறு அனைத்து மகளிர் போலீசார், கல்லூரியின் நடன துறை உதவி பேராசிரியர் ஹரி பத்மனை  ஏப்ரல் 3ம் தேதி கைது செய்தனர்.

இந்த வழக்கில் ஜாமீன் கோரி ஹரி பத்மன் தாக்கல் செய்த மனு சைதை மாஜிஸ்திரேட் நீதிமன்றம், சென்னை முதன்மை அமர்வு நீதிமன்றம் ஆகியவற்றால் தள்ளுபடி செய்யப்பட்ட நிலையில், மே முதல் வாரம் சென்னை உயர் நீதிமன்றத்தில் ஜாமீன் மனு தாக்கல் செய்திருந்தார்.

அந்த மனு விசாரணைக்கு வந்தபோது, ஜாமீன் வழங்க காவல்துறை எதிர்ப்பு தெரிவிக்கப்பட்டது.  தமிழ்நாடு மகளிர் ஆணையம் தரப்பில், 103 மாணவிகளிடம் விசாரித்து அரசிடம் அறிக்கை தாக்கல் செய்துள்ளதாக தெரிவித்திருந்தது.

இதையடுத்து, நீதிபதி இளந்திரையன், ஜாமீன் மனு மீதான விசாரணையை ஜூன் மூன்றாவது வாரத்திற்கு தள்ளிவைத்ததால், தன் மனுவை ஹரி பத்மன் வாபஸ் பெற்றார்.

இந்நிலையில் கடந்த வாரம் சென்னை சைதாப்பேட்டை நீதிமன்றத்தில் ஜாமீன் கோரி ஹரி பத்மன் தாக்கல் செய்த வழக்கை விசாரித்த சைதாப்பேட்டை நீதிமன்றம், அவருக்கு ஜாமீன் வழங்கி ஜூன் 3ஆம் தேதி உத்தரவிட்டுள்ளது.

இதையும் படிக்க     | 

கர்நாடக மாநிலம் ராம்நகர் மாவட்டத்தில் சுங்கசாவடி ஊழியரை அடித்து கொலை செய்த நான்கு பேரை போலீசார் தீவிரமாக தேடி வருகின்றனர்.

கர்நாடக மாநிலம் ராம்நகர் மாவட்டம் பிடதி நகரில் பெங்களூரு மைசூரு தேசிய நெடுஞ்சாலையில் சுங்கச்சாவடி உள்ளது. கடந்த ஞாயிற்றுக்கிழமை இரவு 10 மணி அளவில்  பெங்களூருவில் இருந்து நான்கு பேர் ஒரு காரில் இந்த சுங்கச்சாவடி வழியாக சென்றபோது, அங்கு செயலி மூலமாக பணம் வசூல் ஆன பிறகும் வாகனங்கள் கடந்து செல்ல காலதாமதம் ஆகி உள்ளது. 

இதனால் காரில் இருந்த நான்கு பேர் சுங்கச்சாவடி ஊழியர்களிடம் வாக்குவாதத்தில் ஈடுபட, இரு தரப்பும் இடையே கைகலப்பு ஏற்பட்டுள்ளது. அப்பொழுது அங்கு கூடியிருந்த உள்ளூர் மக்கள் சுங்கச்சாவடி ஊழியர்களுக்கு ஆதரவாக காரில் வந்த நான்கு பேரை கடுமையாக தாக்கி விரட்டி உள்ளனர். 

இதனால் ஆத்திரம் அடைந்த நபர்கள் சுங்கச்சாவடி அருகே சுமார் 200 மீட்டர் தொலைவில் தங்களது வாகனத்தை நிறுத்திவிட்டு சுங்கச்சாவடி ஊழியரான பவன் குமார் மற்றும் மஞ்சுநாத் ஆகியோர் தங்கள் பணியை முடித்துவிட்டு வெளியே வர காத்திருந்தனர். நள்ளிரவு சுமார் 12 மணி அளவில் பவன் குமார் மற்றும் மஞ்சுநாத் ஆகிய இருவரும் உணவு இடைவேளைக்காக சுங்கச்சாவடியில் இருந்து வெளியே வந்த போது, அங்கு மறைவில் காத்திருந்த நான்கு பேர்களும் தங்கள் கைகளில் வைத்திருந்த ஆயுதங்களைக் கொண்டு இருவரையும் கடுமையாக தாக்கி விட்டு அங்கிருந்து தப்பி சென்றனர். 

இதில் பவன் குமார் சம்பவ இடத்திலேயே உயிரிழந்த நிலையில், மஞ்சுநாத் தீவிர காயங்களுடன் மருத்துவமனையில் சிகிச்சை பெற்று வருகிறார். சுங்கச்சாவடி சிசிடிவி கேமராவில் பதிவான காட்சிகளைக் கொண்டு கொலையாளிகளின் காரின் எண்ணை கண்டுபிடித்துள்ள காவல் துறையினர் நான்கு பேரை கைது செய்ய தீவிர தேடுதல் வேட்டையில் ஈடுபட்டு வருகின்றனர்.

இதையும் படிக்க   | விபரீதத்தில் முடிந்த பிறந்தநாள் கொண்டாட்டம்; காதலன் கொலை!

கோவை: கோவையில் காதலியின் பிறந்தநாளை கொண்டாட சென்ற காதலன் கொலை.

கோவையில் உள்ள சுந்தராபுரம் காந்திநகர் பகுதியை சேர்ந்தவர் விஜயகுமார். இவரது மகன் பிரசாந்த் (21), ஒரு தனியார் நிறுவனத்தில் சுமை தூக்கும் தொழிலாளியாக பணிபுரிகிறார்.

பிரசாந்தும், செட்டிப்பாளையம் வசந்தம் நகர் பகுதியை சேர்ந்த தன்யாவும் (19)   கடந்த மூன்று ஆண்டுகளாக காதலித்து வந்துள்ளதாக தெரிகிறது. தொடக்கத்தில் இவர்களின் காதலுக்கு மறுப்பு தெரிவித்த  இருவீட்டாரும், பின்பு இவர்களின் காதலுக்கு சம்மதம் தெரிவித்து, அடுத்த ஆண்டு திருமணம் செய்து வைப்பதாக உறுதி அளித்ததாக கூறப்படுகிறது.

இந்நிலையில், நேற்று திங்கள்கிழமை தன்யாவின் பிறந்தநாள் என அறியப்படுகிறது. அதனால், தனது காதலிக்கு வாழ்த்துக் கூற, தனது நண்பர்கள் மூவருடன், நள்ளிரவில் காதலியின் வீட்டிற்கு சென்றுள்ளார் பிரசாந்த். 

இரவு 12 மணி அளவில் பிரசாந்தின் காதலியின் வீட்டு கதவை தட்டியபோது, தன்யாவின் தந்தை மகாதேவன்(41) மற்றும் உறவினரும் டாக்ஸி ஓட்டுனருமான விக்னேஷ் (29) இருவரும் கதவை திறந்துள்ளார்கள். அப்போது, பிரசாந்த் மற்றும் அவரது நண்பர்கள் மதுபோதையில் இருப்பது தெரியவந்துள்ளது.

அப்போது, பிரஷாந்துக்கும் விக்னேஷுக்கும் வாக்குவாதம் ஏற்பட்டு கைகலப்பாக மாறியது.  இதில் பிரசாந்த், விக்னேஷை கட்டையால் தாக்கியுள்ளார். இதனால் ஆத்திரம் அடைந்த விக்னேஷ், அங்கிருந்த கத்தியால் பிரசாந்தை குத்தியுள்ளார். இதில், பிரசாந்துக்கு காயம் ஏற்பட்டது. 

இதையடுத்து, பிரசாந்தின் நண்பர்கள், அவர்கள் வந்த இருசக்கர வாகனத்திலேயே மருத்துவமனை அழைத்துச் சென்றுள்ளனர். செல்லும் வழியில், வாகனம் எரிபொருள் இல்லாமல் நிற்கவே, அவசர ஊர்தியை அழைத்து, அதில் ஏற்றி அனுப்பியுள்ளனர். மருத்துவமனையில், பிரசாந்தை பரிசோதித்த மருத்துவர்கள், அவர் வரும் வழியிலேயே இறந்துவிட்டதாக தெரிவித்தனர். இதையடுத்து, அவரது உடல் பிரேத பரிசோதனைக்காக அனுப்பிவைக்கப்பது.

மேலும், இச்சம்பவம் தொடர்பாக வழக்கு பதிவு செய்துள்ள போலீசார், உறவினர் விக்னேஷ் மற்றும் தன்யாவின் தந்தை மகாதேவனை கைதுசெய்து விசாரித்து வருகின்றனர். 

காதலியின் பிறந்தநாளை கொண்டாட சென்ற காதலனுக்கு ஏற்பட்ட விபரீதச் சம்பவம் பரபரப்பை ஏற்படுத்தியுள்ளது.

வாளாடி அருகே ரயில்வே பாதையில் கடந்த 2ம் தேதி டயர் வைக்கப்பட்ட விவகாரத்தில், இதுவரை 5 தனிப்படை அமைத்து  குற்றவாளிகளை பிடிக்க முயன்றதில் தொய்வு ஏற்பட்டதால் மேலும் ஒரு  தனிப்படையை அமைத்து மோப்ப நாய் உதவியுடன் குற்றவாளிகளை தேடி வருகின்றனர்.

கன்னியாகுமரியில் இருந்து திருச்சி மார்க்கமாக கடந்த 2ஆம் தேதி சென்னைக்கு கன்னியாகுமரி எக்ஸ்பிரஸ் சென்றபோது 2ம் தேதி நள்ளிரவு ஒரு மணி அளவில் திருச்சி மாவட்டம் நம்பர் 1 டோல்கேட்டை அடுத்து பிச்சாண்டார் கோவில் - வாளாடி இடையே உள்ள ரயில் தண்டவாளத்தின் நடுவே படுக்க வாக்கில் ஒரு லாரி டயரும், நடுவே நின்றவாக்கில் ஒரு லாரி டயர் என என இரண்டு டயர்கள் இருந்துள்ளது. 

இதனைப் பார்த்த ரயில் ஓட்டுநர் சாமர்த்தியமாக செயல்பட்டு உடனடியாக ரயிலில் வேகத்தை குறைத்தார். ஆயினும் டயர் ரயில் இன்ஜினில் மாட்டியதால் மின் ஒயர் கேபிள் துண்டானது இதனால் நான்கு பெட்டிகளின் மின்விளக்குகள் மற்றும் விசிறிகள் இயங்கவில்லை. இதனை சரி செய்து 1.45 மணிக்கு அதாவது 40 நிமிடம் தாமதமாக ரயில் புறப்பட்டு சென்றது.

இதுகுறித்து ரயில் இன்ஜின் ஓட்டுனர் கொடுத்த புகாரின் பேரில் விருத்தாச்சலம் இருப்பு பாதை காவல் நிலைய சிறப்பு உதவி ஆய்வாளர் மணிவண்ணன் விசாரணை மேற்கொண்டு வந்தார். இச்சம்பவம் நடந்த இடத்தில் கடந்த மூன்றாம் தேதி திருச்சி மாவட்ட காவல்துறை கண்காணிப்பாளர் சுஜித் குமார் நேரில் சென்று விசாரணை செய்தார். இந்த சதி செயலில் ஈடுபட்ட குற்றவாளிகளை பிடிப்பதற்காக டிஎஸ்பி அஜய் தங்கம் தலைமையில் இரண்டு தனிப்படைகளும், ரயில்வே போலீசார் சார்பில்  இரண்டு தனிப்படைகளும் ரயில்வே பாதுகாப்பு படை சார்பில் ஒரு தனிப்படை என மொத்தம் ஐந்து தனிப்படைகள் அமைக்கப்பட்டு விசாரணை செய்து வந்தனர்.

இந்த தனிப்படை போலீசார் விசாரணை நடத்தி கடந்த 3ஆம் தேதி முன்னாள் ஊராட்சி மன்ற தலைவர் மகன் உள்ளிட்ட அவரது நண்பர்கள் மூன்று பேரிடம் சந்தேகத்தின் பேரில் விசாரணை செய்தனர். விசாரணையில் அவர்களுக்கு இச்சம்பவத்தில் தொடர்பு இல்லை என்று தெரிய வந்தது. இதனைத் தொடர்ந்து இந்த டயர் யாருக்க சொந்தமானது? என விசாரணை செய்த போது ரயில் தண்டவாளம் அருகே வசிக்கும் கலையரசன் என்பவருக்கு சொந்தமானது என்று தெரியவந்தது. இதனையடுத்து கலையரசனை போலீசார் விசாரணை செய்தததில் கலையரசனுக்கும் இச்சம்பவத்திற்கும் தொடர்பு இல்லை என்றும் இவருடைய டயரை யாரோ மர்ம நபர்கள் திருடி உள்ளார்கள் என்பதும் தெரியவந்துள்ளது. 

இதனை அடுத்து நேற்று நான்காம் தேதி மாலை டிஎஸ்பி அஜய் தங்கம் தலைமையிலான தனிப்படை போலீசார் செல்போன் டவரில் வரும் நம்பரின் சிக்னல்  வைத்து எட்டு பேரை சந்தேகத்தின் பேரில் அழைத்துச் சென்று விசாரணை செய்தனர். பின்னர் அவர்களுக்கும் தொடர்பு இல்லை என வீட்டிற்கு அனுப்பி வைத்தனர்.

இந்த நிலையில் மூன்று நாட்கள் ஆகியும் லாரி டயரை வைத்த மர்ம நபர்களை கண்டுபிடிக்க முடியாத சூழ்நிலையில் தொய்வும் சிக்கலும் ஏற்பட்டதால், மத்திய ரிசர்வ் படை தலைமையில் மேலும் ஒரு தனிப்படை அமைத்து குற்றவாளி பிடிப்பதற்கு தேடி வருகின்றனர். ஒரு தனிப்படைக்கு ஒரு காவல் ஆய்வாளர் மூன்று உதவி காவல் ஆய்வாளர்கள் மற்றும் ஆறு காவலர்கள் என 10 பத்து பேர் கொண்ட குழுவாக ஆறு தனிப்படை அமைத்து 60 காவலர்களை கொண்டு குற்றவாளிகளை பிடிக்கும் பணியில் ஈடுபட்டு வருகின்றனர். 

இந்த நிலையில் இன்று காலை ஆறு தனிப்படை போலீசார்கள் மற்றும் மோப்ப நாய் லில்லி வரவழைக்கப்பட்டு சம்பவ இடத்தை ஆய்வு செய்தனர். லாரி டயரை மோப்பம் பிடித்த லில்லி சிறிது தூரம் ரயில்வே இருப்பு பாதையில் ஓடியது. மீண்டும் அருகில் உள்ள கோவிலில் போய் நின்றது. இதனால் குற்றவாளிகளை கண்டறிய இயலாமல் காவல்துறையினர் திணறி வருகின்றனர்.

இதுகுறித்து அப்பகுதி உள்ள சமூக ஆர்வலர் கூறும் போது, "ரயில் விபத்து நடந்து மூன்று நாட்கள் ஆகியும் 5 தனிப்படைகள் அமைத்தும் குற்றவாளிகளை பிடிப்பதில் ஏன் இவ்வளவு தொய்வு ஏற்படுகிறது?  ஸ்காட்லாந்து போலீசுக்கு அடுத்தபடியாக தமிழக போலீஸ் உள்ளார்கள் என்று தெரிவிக்கிறார்கள் ஆனால் இதுவரை கண்டுபிடிக்க முடியாமல் இன்று ஆறாவதாக ஒரு தனிப்படை அமைத்துள்ளனர். இதனால் குற்றவாளிகளை பிடிப்பார்களா?" என்ற கேள்வி எழுந்துள்ளதாக கூறினார்.

இதையும் படிக்க:திருச்சியில் ரயில் பாதையில் டயர் கிடந்த விவகாரம்; 8 பேர் கைது...!