சென்னை: செம்மஞ்சேரி பகுதியில் பள்ளிக்கரணை மதுவிலக்கு போலீசார் கண்காணிப்பில் ஈடுபட்டு வந்தபோது செம்மஞ்சேரி தனியார் கல்லூரி எதிரில் இரண்டு இருசக்கரவாகனத்தில் சந்தேகத்திற்கிடமாக வந்த நான்கு நபர்களை மடக்கிப்பிடித்து விசாரித்தனர். 

அப்போது அவர்கள் முன்னுக்கு பின் முரனாக பேசியதால் சந்தேகமடைந்த போலீசார் அவர்கள் வைத்திருந்த பையை சோதனை செய்ததில் அதில் போதை மாத்திரைகள், ஊசிகள்  இருந்ததை கண்ட போலீசார் இவர்கள் போதை மாத்திரைகளை விற்கும் கும்பல் என்பதல் நான்கு பேரையும் செம்மஞ்சேரி காவல் நிலையத்தில் ஒப்படைத்தனர். 

மேலும் படிக்க | மும்மொழித் திட்டமா? காங்கிரஸ் எதிர்ப்பு! 

பின்னர் அவர்களிடம் விசாரணை மேற்கொண்டதில் சென்னை சோழிங்கநல்லூரை சேர்ந்த 22-வயதான அரிஹரசுதன், குன்றத்தூரை சேர்ந்த 25-வயதான வினோத், பழைய பெருங்களத்தூரை சேர்ந்த 20-வயதான சஞ்சய், சென்னை சைதாபேட்டையை சேர்ந்த 25-வயதான அரவிந்த் என்பது தெரியவந்துள்ளது. 

இவர்களிடமிருந்து ரூபாய் மதிப்பிலான 1100 போதை மாத்திரைகள் (Nitravet tablets), 30 ஊசிகள் மற்றும் 4 செல்போன்கள் ஆகியவற்றை போலீசார் பறிமுதல் செய்தனர். மேலும் தொடர்ந்து நடைபெற்ற விசாரணையில் பணத்தை அனுப்பி ஆன்லைனில் ஆர்டர் செய்தால் டெல்லியில் இருந்து சென்னைக்கு போதை தரக்கூடிய வலி நிவாரணி ணேணாத்திரை மற்றும் ஊசிகள் வரும் என கூறியதாக போலீசார் தெரிவித்தனர். 

பின்னர் நான்கு பேர் மீதும் வழக்கு பதிவு செய்த செம்மஞ்சேரி போலீசார் அவர்களை நீதிமன்றத்தில் ஆஜர்படுத்தி சிறையில் அடைத்தனர். 

மேலும் படிக்க | பொய் வழக்கில் கைது செய்த போலீசுக்கு 3 லட்சம் அபராதம்... 

நீலகிரி மாவட்டத்தை சேர்ந்த தொழிலதிபர் உஸ்மான், கூடலூர் பஞ்சாயத்தின் 12வது வார்டு கவுன்சிலராகவும் இருந்து வருகிறார். கடந்த 2019ம் ஆண்டு தனது நண்பரின் வாகனத்தில் தொழிலாளர்களுடன் கேரளாவில் இருந்து நீலகிரி திரும்பியுள்ளார். அப்போது, தேவாலா காவல் நிலைய எல்லைக்குட்பட்ட பகுதியில் வாகன சோதனையின் போது அவரது காரை காவல்துறையினர் சோதனை நடத்தியுள்ளனர். 

அப்போது உஸ்மான் வாக்குவாதத்தில் ஈடுபட்டதாக குற்றம்சாட்டி, அரசு அதிகாரிகளை பணி செய்ய விடாமல் தடுத்தல், ஆபாசமாக திட்டுதல் உள்ளிட்ட பிரிவுகளில் வழக்கு பதிவு செய்த போலீசார், அவரை கைது செய்து சிறையில் அடைத்தனர்.

மேலும் படிக்க | சாலைகளில் படையெடுக்கும் யானைகள் கூட்டம்...! பொதுமக்கள் அச்சம்...!

இந்நிலையில், முன்விரோதம் காரணமாக பொய் வழக்கில் தன்னை கைது செய்து துன்புறுத்தியதாகவும், இதற்கு காரணமான கூடலூர் காவல் நிலைய அப்போதைய உதவி ஆய்வாளர் ஜெயபிரகாஷ் , தேவாலா காவல் நிலைய முன்னாள் கான்ஷ்டபிள் செல்லப்பாண்டி ஆகியோர் மீது நடவடிக்கை எடுக்கக்கோரி மாநில மனித உரிமைகள் ஆணையத்தில் புகாரளித்தார். 

இந்த புகாரை விசாரித்த ஆணையம், காவல்துறையினருக்கு எதிராக உஸ்மான் கூறிய குற்றச்சாட்டுகள் நிரூபிக்கப்பட்டுள்ளதாக கூறி, உஸ்மானுக்கு இழப்பீடாக மூன்று லட்சம் ரூபாயை நான்கு வாரங்களில் வழங்க தமிழக அரசுக்கு உத்தரவிட்டுள்ளார். இந்த தொகையை சம்பந்தப்பட்ட காவலர்களிடம் இருந்து வசூலிக்கவும் உத்தரவிட்டார்.

மேலும் படிக்க | படுகர் இன மக்களை பழங்குடியினர் பட்டியலில் சேர்க்க வலியுறுத்தல்...! விழிப்புணர்வு நடை பேரணி...!

வடசென்னை காசிமேடு மீன்பிடி துறைமுக பகுதிக்கு உட்பட்ட இடத்தில் கள்ளச்சந்தையில் மதுவிற்பனை செய்வதாக காசிமேடு துறைமுக போலீசாருக்கு ரகசிய தகவல் கிடைத்தது. அந்த தகவலின் பேரில் போலீசார்  புதுவண்ணாரப்பேட்டை அண்ணா நகர் பகுதியில் பரமேஸ்வரி என்ற பெண்ணின் வீட்டை பரிசோதனை செய்ததில் அரசு மதுபாட்டில்கள் பதுக்கிவைக்கப்பட்டு, கள்ளச்சந்தையில் விற்கபட்டது தெரியவந்துள்ளது

இதனையடுத்து  பரமேஸ்வரியையும் (60), அவருக்கு உடந்தையாக இருந்த இந்திராவையும்(65) பிடித்து நீதிமன்ற விசாரணைக்கு பின் சிறையில் அடைத்தனர். மேலும் அவர்களிடமிருந்து சுமார் 25 மது பாட்டில்கள் பறிமுதல் செய்யப்பட்டது.

சென்னையில் போதை தடுப்புகான நடவடிக்கை மூலம் கஞ்சா மற்றும் போதைப் பொருட்கள் கடத்தல் மற்றும் விற்பனையில் ஈடுபட்டு வரும் நபர்கள் மீது சென்னை காவல்துறையினர் கடும் நடவடிக்கைகளை எடுத்து வருகின்றனர்.

அந்த வகையில் ஐஸ் ஹவுஸ் காவல் துறையினருக்குக் கிடைத்த ரகசிய தகவலின் அடிப்படையில் ஐஸ் ஹவுஸ் பகுதியில் உள்ள குதரத் மக்கான் தெரு மற்றும் லாயிட்ஸ் காலனி பகுதியில் உள்ள இருவேறு வீடுகளை தீவிரமாக கண்காணித்தனர்.

மேலும் படிக்க | பதுங்கி இருந்த 6 பேர் கைது! அதிரடியில் போலீஸ்...

அப்போது அவ்விரு வீடுகளிலும் கஞ்சா விற்பனை நடைபெறுவது தெரியவந்ததை அடுத்து கஞ்சா விற்பனையில் ஈடுபட்டு வந்த ஐஸ் ஹவுஸ் பகுதியைச் சேர்ந்த வினோத் (25) மற்றும் ராயப்பேட்டையைச் சேர்ந்த அன்பரசு (24) ஆகிய இருவரை போலீசார் கைது செய்தனர். 

அவர்களிடமிருந்து 1.275 கிலோ கஞ்சாவும் பறிமுதல் செய்யப்பட்டுள்ளது. விசாரணையில் வினோத் மீது கஞ்சா வழக்கு ஒன்றும், அன்பரசு மீது திருட்டு, வழிப்பறி உள்ளிட்ட 12 வழக்குகளும் நிலுவையில் உள்ளது தெரியவந்தது. பின்னர் கைது செய்யப்பட்ட இருவரும் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.

மேலும் படிக்க | ஆப்ரேசன் கஞ்சா வேட்டை 2.0: தமிழக காவல்துறை சொல்வது என்ன?

திருவண்ணாமலை மாவட்டம் ஆரணி அடுத்த மொழுகம்பூண்டி கிராமத்தை சேர்ந்த சின்னபையன் என்பவருடைய மகன் வெற்றிவேல் (42). இவர் கடந்த 2001 ஆண்டு இந்திய ராணுவத்தில் சேர்ந்து பணிபுரிந்தார். 2005 ஆம் ஆண்டு கண்ணமங்கலம் அடுத்த ஒண்ணுபுரம் கிராமத்தைச் சேர்ந்த ரேவதி என்பவரை திருமணம் செய்துள்ளார். இந்த தம்பதியருக்கு பிரியதர்ஷினி, லிங்கேஸ்வரன், நீதர் உள்ளிட்ட ஒரு மகள் மற்றும் இரு மகன்கள் உள்ளனர். வெற்றிவேல் கடந்த 2021 ஆம் ஆண்டு ராணுவ பணியில் இருந்து ஓய்வு பெற்று வீடு திரும்பி உள்ளார். இவர்கள் ஆரணி வி.ஏ.கே நகர் தேனருவி பகுதியில் இடம் வாங்கி வீடு கட்டி குடும்பம் நடத்தி வந்துள்ளனர்.

இந்நிலையில் கணவன் மனைவி இடையே கருத்து வேறுபாடு ஏற்பட்டு கடந்த ஆறு மாதமாக ரேவதி, கணவனை பிரிந்து தனது தாய் வீடான ஒண்ணுபுரம் கிராமத்தில் குழந்தைகளுடன் வசித்து வந்துள்ளார். கடந்த நான்காம் தேதி வெற்றிவேல் வாகன விபத்தில் காயமடைந்து சிகிச்சை பெற்றுள்ளார். 

அந்த தகவல் அறிந்து வந்த மனைவி ரேவதி தனது குழந்தைகள் மற்றும் உறவினரின் மகன் விக்னேஸ்வரன் ஆகியோர் காயமடைந்த வெற்றிவேலை வேலூர் தனியார் மருத்துவமனையில் இருந்து சிகிச்சை அளித்து பின்னர் வீடு திரும்பி உள்ளனர். பின்னர் வீடு திரும்பிய ரேவதி பிள்ளைகளுடன் கணவரை அழைத்துக் கொண்டு ஆரணியில் உள்ள தனது வீட்டில் இரவு தங்கி உள்ளனர்.

இந்நிலையில் இன்று ரேவதி, அவரது உறவினர் மகனுக்கு தொடர்புகொண்டு, வெற்றிவேல் மயங்கி விழுந்துள்ளதாக கூறியுள்ளார். பின்னர் வீட்டிற்கு வந்த விக்னேஸ்வரன், வெற்றிவேல் இறந்து கிடப்பதை கண்டு அதிர்ச்சி அடைந்தார். மேலும், அவரை ஆரணி மருத்துவமனை கொண்டு சென்று மருத்துவர்கள் பரிசோதனை செய்ததில் அவர் ஏற்கனவே இறந்து விட்டதாக தெரிவித்தனர்.

இந்த தகவல் வெற்றிவேலின் பெற்றோருக்கு தகவல் தெரிவிக்கப்பட்டது. இந்த தகவல் அறிந்த அவரது தந்தை, தனது மகன் இறப்பில் சந்தேகம் உள்ளதாக கூறி   ஆரணி காவல் நிலையத்தில் புகார் அளித்துள்ளார். மேலும் தனது மகன் ராணுவத்தில் பணிபுரிந்த போது மருமகள் ரேவதி வேறு சிலருடன் தொடர்பில் இருந்ததாகவும், அதனால் அடிக்கடி குடும்பத்திற்குள் தகராறு ஏற்பட்டதால் பிரிந்து வாழ்ந்தார்கள் எனவும் எனவே தான் தனது மகன் இறப்பில் சந்தேகம் உள்ளதாகவும் கூறி காவல் நிலையத்தில் புகார் அளித்துள்ளார்.

அந்த புகாரின் பேரில் ஆரணி டிஎஸ்பி ரவிச்சந்திரன் தலைமையில் போலீசார், இறந்த ராணுவ வீரரின் உடலை கைப்பற்றி வேலூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். அதனை தொடர்ந்து ராணுவ வீரர் வெற்றிவேலின் மனைவி ரேவதியிடம் போலீசார் தீவிர விசாரணை நடத்தினர். அவர்கள் நடத்திய முதற்கட்ட விசாரணையில் முன்னாள் ராணுவ வீரர் வெற்றிவேலின் இறப்பில் ரேவதி முன்னுக்கு பின் முரணாக பதில் அளித்து வந்துள்ளார்.

முதலில், தனது வீட்டில் திருடர்கள் மூவர் உள்ளே நுழைந்ததாகவும் அவர்களிடம் இருந்து எங்களை காப்பாற்ற கணவர் முயற்சித்த போது அடித்து விட்டு சென்று விட்டதால் கணவர் இறந்து விட்டதாக தெரிவித்தார். மேலும் தனது கணவர் பெற்ற மக்களிடமே தவறாக நடக்க முற்பட்டார் அதனால், தானே அடித்து விட்டேன் என்றும் முன்னுக்குப் பின் முரணாக பதில் அளித்ததால் முன்னாள் ராணுவ வீரரின் இறப்பு குறித்து போலீசார் விசாரணையை தீவிரப்படுத்தி உள்ளனர்.