கோவை மாவட்டம் வடவள்ளி அருகே முதியவரைக் கட்டிப்போட்டு கொள்ளை முயற்சியில் ஈடுபட்ட காதல் ஜோடியைப் பொதுமக்கள் பிடித்து போலீசாரிடம் ஒப்படைத்தனர்.

வீட்டில் தனியாக வசிக்கும் வயதான் தம்பதி:

வடவள்ளி அருகே பொம்மணாம்பாளையம் பகுதியில் குடியிருப்பவர் பெரிய ராயப்பன் - ராஜம்மாள் தம்பதி. இவர்களுக்கு ஒரு மகன் மட்டும் ஒரு மகள் உள்ளனர். மகன் சென்னையில் சாப்ட்வேர் இன்ஜினியராக பணியாற்றி வருகிறார். மகள் திருமணமாகி பெரிநாயக்கன்பாளையம் பகுதியில் கணவருடன் வசித்து வருகிறார். அதனால், வயதான தம்பதிகள் இருவரும் தனியாக வசித்து வருகின்றனர். சம்பவ நாளன்று மூதாட்டி மருத்துவமனைக்குச் சென்ற நிலையில், ராயப்பன் மட்டும் வீட்டில் இருந்துள்ளார்.

முதியவரிடம் தண்ணீர் கேட்ட காதல் ஜோடிகள்:

முதியவரான ராயப்பன் தனியாக இருப்பதை நோட்டமிட்ட காதல் ஜோடிகள், சுமார் 2 மணியளவில் ராயப்பனிடம் தண்ணீர் கேட்டு உள்ளனர். தவித்த வாய்க்கு தண்ணீர் கொடுப்பது நன்மை என்று எண்ணி தண்ணீர் எடுத்து வர உள்ளே சென்ற முதியவரை பின் தொடர்ந்து, வீட்டிற்குள் சென்ற இருவரும் அவரை மடக்கி பிடித்து இருகைகளையும் கட்டி , வாயில் பிளாஸ்டரை சுற்றி சமையல் அறையில் தள்ளி விட்டு உள்ளனர்.

சரியான நேரத்தில் எண்ட்ரீ கொடுத்த மருமகள்:

அதை தொடர்ந்து, வீட்டை உலா வந்த ஜோடிகள், பீரோ மற்றும் பல இடங்களில் வைத்திருந்த நகை, பணம் ஆகியவற்றை சுருட்டி விட்டு வீட்டின் பின் வழியாக தப்பிக்க முயன்றுள்ளனர். அந்த சமயம் பார்த்து, வீட்டிற்கு வந்த மருமகள், யார் அது? வீட்டின் பின்புறத்தில் இருந்து வருகிறார் என சந்தேகப்பட்டு, அவர்களிடம் நீங்கள் யார் என கேட்டுள்ளார்.

ஊர் மக்களிடம் மாட்டிக்கொண்ட காதல் ஜோடிகள்:

இது என்ன சோதனையா இருக்கு என நினைத்து கொண்டிருந்த ஜோடிகள்.. மருமகள் சங்கீதாவிடம் முன்னுக்கு பின் முரணாக பதில் அளித்து அங்கிருந்து நழுவ முற்பட்டு உள்ளனர். அவர்கள் மீது சந்தேகம் அடைந்த சங்கீதா அவர்களை பிடிக்க முற்பட்டு உள்ளார்.  ஆனால், அவர்கல் சங்கீதாவை தள்ளிவிட்டு அங்கிருந்து தப்பிக்க முயன்றனர். தொடர்ந்து, சங்கீதாவின் கூச்சல் சத்தம் கேட்டு உடனடியாக வந்த அக்கம் பக்கத்தினர், இருவரையும் விரட்டி பிடித்தனர். 

தர்ம அடி:

காதல் ஜோடிகளை விரட்டி பிடித்த ஊர்மக்கள், இருவருக்கும் சரியான தர்ம அடி கொடுத்தனர். பின்னர், திருட்டில் ஈடுபட்டது குறித்து வடவள்ளி காவல் துறைக்கு தகவல் கொடுக்கப்பட்டது. தகவலின் பேரில், சம்பவ இடத்திற்கு விரைந்து வந்த போலீசார் இருவரையும் காவல்நிலையத்திற்கு அழைத்துச் சென்றனர்.

போலீசார் விசாரணை:

போலீசார் நடத்திய விசாரணையில் திருச்சியை சேர்ந்த சென்பகவள்ளி என்பதும், கிருஷ்ணகிரி பகுதியை சேர்ந்த தினேஷ்குமார் என்பதும் தெரியவந்தது. இவர்கள் இருவரும் கடந்த ஆறு மாதங்களுக்கு முன் இன்ஸ்டாகிராம் மூலம் பழகி வந்து உள்ளனர்.  நேரில் சந்தித்து தங்களது காதலை வளர்த்து வந்துள்ளனர். இவர்கள் இருவருக்கும் சொகுசு வாழ்க்கை வாழவும் , பல இடங்களுக்கு சுற்றவும் பணம் தேவைப்பட்டுள்ளது. அதனால் இவர்கள் கிராம பகுதியை தேர்வு செய்து புத்தகம் விற்பனை செய்வது போல் வீட்டில் இருக்கும் நபர்களை கண்காணித்து வந்து குறிப்பிட்ட வீடுகளில் புகுந்து கொள்ளை அடித்து வந்து உள்ளனர்.

யூடியூபை பயன்படுத்தி கொள்ளை:

அதுமட்டுமல்லாமல், இவர்கள் இருவரும்  யூடியூபை பார்த்து கொள்ளை அடிப்பதற்காக சுத்தி ,கயிறு ,பிளாஸ்டர் , உலி , திருப்புலி போன்று சில ஆயுதங்களை வைத்து கொள்ளை அடித்து வந்தது தெரியவந்துள்ளது. குறிப்பாக பொம்மணம்பாளையம் பகுதியில் உள்ள முத்துமாரியம்மன் கோவில் வீதியில் வசித்து வந்துள்ள பெரிய ராயப்பன்‌ வீட்டை ஒரு வாரத்திற்கு முன்பாக திருட குறி வைத்து இருந்தது தெரியவந்து உள்ளது.

சந்தேகம்:

இவர்களிடம் இருந்து கைப்பற்றப்பட்ட இருசக்கர வாகனம், இரண்டுக்கும் மேற்பட்ட நம்பர் பிளேட் மற்றும் கூர்மையான ஆயுதங்களை கைப்பற்றி போலீசார் விசாரணை நடத்தி வருகின்றனர். மேலும் கோவை மாநகர்‌ பகுதியில் இது போன்ற திருட்டு சம்பவத்தில் இவர்கள் இருவரும்  ஈடுபட்டு உள்ளனரா ?  என்ற கோணத்தில் விசாரணை மேற்கொண்டு உள்ளனர்.

ஆந்திர மாநிலம் அன்னமய்யா மாவட்டத்தில் உள்ள கொத்தப்பேட்டை ராமாபுரத்தை சேர்ந்தவர் சுப்பம்மா. அவருடைய மருமகள் வசுந்தரா. குடும்ப பிரச்சனை காரணமாக சுப்பம்மா, வசுந்தராவின் தலையை வெட்டி, அதனை எடுத்து வந்து காவல் நிலையத்தில் சரணடைந்தார்.

இதனால் சுப்பம்மாவை கைது செய்த போலீசார், அவரிடம் விசாரணை நடத்தி வருகின்றனர். போலீசார் நடத்திய முதற்கட்ட விசாரணையில், குடும்ப பிரச்சினை காரணமாக வசுந்தராவின் குடும்ப உறுப்பினர்கள் வீட்டிற்கு வந்து சுப்பம்மாவை தாக்கியதாக தெரியவந்துள்ளது.

இதனால் ஆத்திரம் அடைந்த சுப்பம்மா நேற்று மாலை யாரும் இல்லாத நேரத்தில், வசுந்தராவிடம் வாக்குவாதத்தில் ஈடுபட்டுள்ளார். அப்போது ஒரு கட்டத்தில் வாக்குவாதம் முற்றவே, வீட்டிலிருந்த கத்தியை எடுத்து வசுந்தராவின் தலையை வெட்டி தனியாக எடுத்த சுப்பம்மா, அந்த  தலையுடன் காவல் நிலையத்திற்கு சென்று சரணடைந்துள்ளார். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

சென்னை அயப்பாக்கம் எழில் நகரை சேர்ந்தவர் கோபிநாத் (வயது 37). இவர், அம்பத்தூர் எஸ்டேட்டில் உள்ள தனியார் நிறுவனத்தில் மனிதவள மேம்பாட்டு துறை அதிகாரியாக பணிபுரிந்து வருகிறார். இவர் ஆவடி போலீஸ் கமிஷனர் அலுவலகத்தில் அளித்துள்ள புகார் மனுவில் கூறி இருப்பதாவது,

எங்கள் நிறுவனத்தில் பெரியார் நகரை சேர்ந்த டைசிகஸ் விவேக் குமார் (32), நாகப்பட்டினத்தை சேர்ந்த குமரவேல் (29), வில்லிவாக்கம் பகுதியை சேர்ந்த தாமோதரன் (29), சுரேஷ் (32), தென்காசி மாவட்டம் ஆலங்குளம் பகுதியை சேர்ந்த செல்வக்குமார் (32), திருவொற்றியூர் பகுதியை சேர்ந்த திலீப் குமார் (32) ஆகிய 6 பேர் மென்பொருள் பணி ஊழியர்களாக பணியாற்றி வந்தனர்.

இவர்கள் எங்கள் நிறுவனத்தில் பணிபுரிவதுபோல் 126 போலி பணியாளர்கள் பட்டியலை தயாரித்து, தங்கள் நண்பர்கள் மற்றும் உறவினர்கள் பெயரில் வங்கி கணக்கு தொடங்கி ரூ.6 கோடியே 95 லட்சம் வரை நிறுவனத்தின் பணத்தை கையாடல் செய்துள்ளனர்.  இவர்கள் மீது நடவடிக்கை எடுக்க வேண்டுமென புகாரில் கூறியிருந்தார்.

இதையடுத்து ஆவடி மாநகர காவல் ஆணையாளர் சந்தீப் ராய் ரத்தோர் உத்தரவின் பேரில் ஆவடி மத்திய குற்றப்பிரிவு காவல் ஆய்வாளர் கீதா வழக்குப்பதிவு செய்து விசாரணை மேற்கொண்டார்.

விசாரணையில் டைசிகஸ், விவேக்குமார், தாமோதரன், குமரவேல், சுரேஷ், செல்வக்குமார் ஆகிய 5 பேரை குற்றத்தை ஒப்பு கொண்டதால் அவர்களை கைது செய்து சிறையில் அடைத்தனர் மேலும் இவ் வழக்கில் தொடர்புடைய ஒருவரை தேடி வருகின்றனர் என்பது குறிப்பிடத்தக்கது.

தூத்துக்குடி மாவட்டம் விளாத்திகுளம் காமராஜர் நகர் பகுதியைச் சேர்ந்த பால்சாமி என்பவரின் மனைவி முத்துலட்சுமி (வயது 52). இவர் கடந்த மாதம் 30ந் தேதி விளாத்திகுளத்திலிருந்து கோவில்பட்டி செல்வதற்காக விளாத்திகுளம் பஸ் நிலையத்திற்கு சென்றார். அங்கிருந்து கோவில்பட்டி செல்வதற்கு வந்த பஸ்சில் ஏராளமான பயணிகள் முண்டியடித்து கொண்டு ஏறினர். அப்போது முத்துலட்சுமியும், பஸ்சில் கூட்ட நெரிசலில் ஏறியுள்ளார். 

இந்த கூட்ட நெரிசலை பயன்படுத்தி, மர்ம நபர்கள் முத்துலட்சுமி வைத்திருந்த ரூ.10ஆயிரம் பணப்பையை திருடிக் கொண்டு தப்பி சென்றனர். பஸ்சிற்குள் சென்ற சிறிது நேரத்தில் பணப்பை திருடப்பட்டதை அறிந்த அவர், விளாத்திகுளம் போலீஸ் நிலையத்தில் புகார் செய்தார். இதன் பேரில் விளாத்திகுளம் போலீசார் வழக்குப்பதிவு செய்து விசாரணை நடத்தினர். இதில், விளாத்திகுளம் பஸ் நிலையத்தில் உள்ள கண்காணிப்பு கேமராக்களில் பதிவான காட்சிகளை ஆய்வு செய்தனர்.

அதில் பதிவான காட்சிகளில் முத்துலட்சுமி பஸ்சில் ஏறும்போது, அவரை பின் தொடர்ந்து கூட்ட நெரிசலைப் பயன்படுத்தி 2 இளம்பெண்கள் பணப்பையை திருடியது தெரிய வந்துள்ளது. 2 இளம்பெண்கள் கைது அந்த காட்சிகளின் அடிப்படையில் போலீசார் தீவிர விசாரணை மேற்கொண்டனர்.

இதில், முத்துலட்சுமியின் பணப்பையை திருடியது தூத்துக்குடி முள்ளக்காடு பகுதியைச் சேர்ந்த சத்யா (வயது 35) மற்றும் சந்தனமாரி (22) என்பது தெரியவந்தது. இதை தொடர்ந்து அந்த 2 இளம்பெண்களையும் போலீசார் கைது செய்தனர். கோர்ட்டில் ஆஜர் செய்யப்பட்ட 2பேரும் சிறையில் அடைக்கப்பட்டனர்.

மும்பை கோவண்டியில் உள்ள கோவிலில் கொள்ளையடித்ததாக 32 வயது நபர் ஒருவர் கைது செய்யப்பட்டார். அக்தர் ஹைதர் அன்சாரி என்று அழைக்கப்படும் சந்தேக நபர், இரண்டு சிலைகளைத் திருடியதாகக் கூறப்படுகிறது. மேலும், அவர் கைது செய்யப்பட்டபோது அவரது வீட்டில் சுவாமி சிலைகள் கண்டுபிடிக்கப்பட்டதாக போலீசார் தெரிவித்தனர்.

காவல்துறை அதிகாரி ஒருவர் இது குறித்து கூறுகையில், கோயில் பராமரிப்பாளர் பிரசாத் படடே புகார் அளித்ததாகத் தெரிவித்தார். “படடே காலியில், சுமார் 6:30 மணியளவில் கதவுகளைத் திறந்தார். பிரகாரத்தை சுத்தம் செய்த பின், 7:30 மணியளவில் புறப்பட்டார். பின், காலை 9:30 மணியளவில் திரும்பி வந்து பார்த்தபோது, ​​தலா 5 கிலோ எடையுள்ள ஆஞ்சநேயர் சிலையும், 7 கிலோ எடையுள்ள துர்க்கை அம்மன் சிலையும் காணாமல் போனதைக் கண்டுபிடித்தார். தெய்வங்களுக்குப் படையலிடப் பயன்படும் 1.  5 கிலோ எடையுள்ள பித்தளை பூஜைத் தட்டும் அங்கு காணவில்லை.

உடனே, படேட் காவல்துறையிடம் சென்று நடந்த சம்பவம் குறித்து சிவாஜி நகர் காவல் நிலையத்தில் புகார் அளித்தார். திருட்டு வழக்கு பதிவாகியதை அடுத்து, கோவிலுக்கு அருகில் உள்ள கேமராக்களில் உள்ள சிசிடிவி காட்சிகளை போலீசார் ஆய்வு செய்தபோது, ​​குற்றவாளிகளை அடையாளம் காண முடியவில்லை என்று அதிகாரிகள் கூறினர்.