பெரம்பலூரில் உள்ள பிரபல நகைக்கடை (ஆனந்த் ஜூவல்லரி மற்றும் ஆனந்த் ரெடிமேட் ஷோரூம்) உரிமையாளரான கருப்பண்ணன் -65. இவருக்கு பெரம்பலூர் சங்குப்பேட்டை அருகேயுள்ள சர்ச் ரோட்டில் பூர்வீக வீடு உள்ளது. அதே போல எளம்பலூர் சாலையில் உள்ள ஜூவல்லிரியின் மாடியிலும் ஒரு வீடு உள்ளது. சங்குப்பேட்டை வீட்டில் கருப்பண்ணன் மட்டும் இரவு தங்கியுள்ளார். இவரது மகள் ரேணுகா(32) மனைவி பரமேஸ்வரி (55) ஆகியோர் எளம்பலூர் சாலையில் நகை கடையின் மேல் உள்ள வீட்டில் தங்கியுள்ளனர். இவரது மகன் ஆனந்த் வேலை விஷயமாக திருச்சி சென்று விட்டார்.

இந்நிலையில் மகன் வந்துவிடுவதாக கூறியதால், கருப்பண்ணன் தனது வீட்டின் கதவை திறந்து வைத்திருந்ததாக கூறப்படுகிறது. இரவு 11மணியளவில் முகமூடி அணிந்த நிலையில் காரில் வந்து, உள்ளே சென்ற மர்ம நபர்கள் 3 பேர், அப்போது வீட்டில் தனியாக இருந்த கருப்பண்ணனின் கழுத்தில் கத்தியை வைத்து மிரட்டியுள்ளனர். அவரிடம் இருந்து பீரோ சாவியை வாங்கி, அதனை திறந்து பீரோவில் இருந்த நெக்லஸ், செயின், மோதிரம் உள்ளிட்ட 105 சவரன் தங்க நகைகளையும், 9 கிலோ வெள்ளி பொருட்களையும் கொள்ளையடித்துள்ளனர். 

மேலும் சத்தம் போடக்கூடாது என்று மிரட்டிய கொள்ளையர்கள், கருப்பண்ணனின் வீட்டு வாசலில் நின்றிருந்த சொகுசு காரில் ஏறி தப்பிச்சென்றுள்ளனர். இதுகுறித்து கருப்பண்ணன் கொடுத்த புகாரின் பேரில் பெரம்பலூர் நகர போலீசார் நேரில் சென்று விசாரணை மேற்கொண்டு வருகின்றனர். கைரேகை பரிசோதனையும், மோப்பநாய் சோதனையும் செய்யப்பட்டுள்ளது.

வீட்டில் இருந்த சிசிடிவி கேமரா பழுதாகி விட்டநிலையில், சாலையில் உள்ள கட்டடத்தில் உள்ள சிசிடிவி கேமரா காட்சிகள் மூலமாக காவல்துறை உயர் அதிகாரிகள் தீவிர விசாரணை செய்து வருகின்றனர். மாவட்ட காவல் கண்காணிப்பாளர் மணி நேரில் வந்து விசாரணை நடத்தினார். கொள்ளைபோன பொருட்களின் மதிப்பு சுமார் ரூ.60 லட்சம் இருக்கும் என்று கூறப்படுகிறது.

வீடுகள் மிகவும் நெருக்கமாகவும், 24 மணி நேரமும் பொதுமக்கள் நடமாட்டம் உள்ள நகரின் மையப் பகுதியில், நடந்த இந்த கொள்ளை சம்பவத்தினால் பெரம்பலூரில் பொதுமக்களிடையே அச்சமும் பீதியும் ஏற்பட்டுள்ளது.

கன்னியாகுமரி மாவட்டம் தக்கலை பகுதியில் தனியாருக்கு சொந்தமான முந்திரி ஆலையில் இருந்து 8 டன் எடை கொண்ட 1.10 கோடி  மதிப்பிலான  முந்திரி லோடு ஏற்றி ஜப்பான் நாட்டிற்கு கொண்டு செல்வதற்காக தூத்துக்குடி துறைமுகத்தை நோக்கி டிரைவர் ஹரி லாரியை ஓட்டிச் சென்றுள்ளார். அப்போது தூத்துக்குடி மாவட்டம் புதுக்கோட்டை அருகே அடையாளம் தெரியாத மர்ம நபர்கள் கத்தியை காட்டி லாரியை மடக்கி உள்ளனர்.

பின்னர் ஓட்டுநர் ஹரி கத்தியை காட்டி மிரட்டி லாரியை கடத்திச் சென்றதாக மாலையில் மேலாளர் ஹரிகரனிடம் தகவல் தெரிவிக்கவே விரைந்து வந்த ஹரிகரன் புதுக்கோட்டை காவல் நிலையத்தில் புகார் மனுவை அளித்தார். இதனை பெற்றுக் கொண்ட தூத்துக்குடி துணை காவல் கண்காணிப்பாளர் சந்தீஸ்குமார் தலைமையிலான 10க்கும் மேற்பட்ட காவல்துறையினர் லாரியை தீவிரமாக தேடி வந்தனர்.இந்தநிலையில் மர்ம கும்பல் லாரியில் உள்ள GPS கருவியை நீக்கிவிட்டு லாரியை  ஓட்டிச் சென்றுள்ளனர்.  பின்னர் தூத்துக்குடியில் இருந்து லாரி நாமக்கல் நோக்கி செல்வதாக  தனிப்படையினர் அறிந்துள்ளனர்.பின்னர் லாரியை காவல்துறையினர் பின்தொடர்வதை தெரிந்த மர்ம கும்பல்  நாமக்கல் மாவட்டம் ராசிபுரம் அடுத்த மேட்டுக்காடு பகுதியில் லாரியை மர்ம கும்பல் நிறுத்தி விட்டு தப்பிச் சென்றனர்.

இந்த நிலையில் நாமக்கல் மாவட்ட எல்லை பகுதியில் திம்மநாயக்கன்பட்டி பகுதியில் சந்தேகத்திற்கு   இடமாக சாலையில் நின்ற காரை காவல்துறையினர் விசாரித்தபோது கடத்தலில் ஈடுபட்ட முன்னாள்   அமைச்சர் செல்லபாண்டியன் மகன் ஜெபசிங், உள்ளிட்ட 7 பேரை காவல்துறையினர் கைது செய்து விசாரணை மேற்கொண்டு வருகின்றனர். மேலும் கடத்தலில் ஈடுபட்ட கார் மற்றும் லாரியை தூத்துக்குடி மாவட்ட துணை காவல் கண்காணிப்பாளர் சந்தீஸ்குமார் தலைமையிலான காவல்துறையினர் புதுக்கோட்டை காவல் நிலையத்திற்கு எடுத்துச் சென்றனர்.

சென்னை, வளசரவாக்கத்தைச் சேர்ந்த காந்தா என்பவரின் மகனுக்கு Airportல் Immigration ஆபிசர் வேலை வாங்கி தருவதாக கூறி ஆழ்வார் திருநகரில் Mass Manpower Consultancy என்ற நிறுவனம் நடத்திவரும் தம்பதிகளான சசிப்ரியா(43) அவரது கணவர் ரவிச்சந்திர பிரபு(51) மற்றும் இவர்களது மகளான அக்ஷதா ஆகியோர் கடந்த 2010ஆம் ஆண்டு ரூபாய் 20 லட்சம் பணம் வாங்கிக் கொண்டு வேலையும் வாங்கித் தராமல் பணத்தையும் திருப்பித் தராமல் ஏமாற்றி வந்துள்ளனர்.

இதனால் காந்தா என்பவர் மத்திய குற்றப்பிரிவு -  வேலைவாய்ப்பு மோசடி தடுப்பு பிரிவில் புகார் அளித்தார். அதன்பேரில் கணவன் மனைவி மற்றும் அவர்களது மகள் ஆகிய மூன்று நபர்கள் மீதும் போலீசார் மோசடி மற்றும் நம்பிக்கை மோசடி ஆகிய பிரிவுகளின் கீழ் வழக்குப்பதிவு செய்து தேடி வந்தனர். 

இந்த நிலையில் சசிப்ரியா மற்றும் அவரது கணவரான ரவிச்சந்திரன் ஆகியோரை போலீசார் கைது செய்து விசாரணை மேற்கொண்டனர். விசாரணையில் கடந்த 2016 ம் ஆண்டிலிருந்து இருந்து சுமார் 60 நபர்களுக்கு மேல் கல்வித்துறையில் ஆசிரியர் பணி, என்.எல்.சி.யில் காண்டிராக்டர், இன்ஜினியர் வேலை. சுகாதாரத் துறையில் Nurse, நீதிமன்றங்களில் OA, JA, Airportல் Immigration வேலை, மின்சார துறையில் OA, JE, AE வேலை, அறநிலையத் துறையில் வேலை, என பல்வேறு அரசு துறைகளில் உயர் பதவிகள் வாங்கி தருவதாக கூறி ஏமாற்றி வந்துள்ளனர் என்பது தெரியவந்தது. 

ஒவ்வொரு நபரிடமும் லட்சக்கணக்கில் ஏமாற்றி இதுவரை 4 கோடிக்கும் மேல் கணவன் மனைவி மற்றும் இவர்களது மகள் ஆகிய மூவரும் சேர்ந்து மோசடி செய்திருப்பது தெரியவந்தது. குறிப்பாக NLCயில் பொறியாளர் வேலைக்கு ரூ.16 லட்சம்,  நீதிமன்ற வேலைக்கு ரூ 40 லட்சம், விமான நிலைய அதிகாரி வேலைக்கு ரூ.  20 லட்சம், செவிலியர் பணிக்கு ரூ.8 லட்சம் என ஒவ்வொரு வேலைக்கும் குறிப்பிட்ட லட்சங்களை நிர்ணயித்து மோசடி செய்து வந்துள்ளனர் என்பது தெரிய வந்தது.

இந்த மோசடிக்கு மூளையாக இருந்து செயல்பட்டது பன்னிரண்டாம் வகுப்பு வரை மட்டுமே படித்து நுனி நாக்கு ஆங்கிலம் பேசி வரும் சசி பிரியா என்பது தெரியவந்தது. இவர் தன்னை பட்டதாரியாகக் காட்டிகொண்டு அரசு அதிகாரிகள் மற்றும் அரசியல்வாதிகள் தனக்கு பழக்கம் எனக் கூறி மோசடியில் ஈடுபட்டு வந்தது கண்டு பிடிக்கப்பட்டு உள்ளது. 

எம்எஸ்சி பட்டதாரியான அக்ஷதா தனது தாய் சசி பிரியாவுக்கு கணினி மற்றும் தொழில்நுட்பங்கள் சொல்லிக் கொடுத்து வந்துள்ளார் என்பதும் தெரியவந்தது. இந்த வழக்கில் சசி பிரியா அவரது கணவர் ரவிச்சந்திர பிரபு ஆகியோரை மத்திய குற்றப்பிரிவு வேலை வாய்ப்பு மோசடி தடுப்பு பிரிவு போலீசார் கைது செய்துள்ளனர். மேலும் தலைமறைவாக உள்ள இவர்களது மகளான அக்ஷதா தீவிரமாக தேடி வருகின்றனர். 

கைது செய்யப்பட்ட தம்பதிகளிடமிருந்து போலி அரசு கடிதங்கள், போலியான பணி நியமன ஆணைகள், 10 செல்போன்கள் மற்றும் 2 லேப்டாப்கள் பறிமுதல் செய்யப்பட்டது. மேலும் இந்த சம்பவம் குறித்து போலீசார் தீவிர விசாரணை மேற்கொண்டு வருகின்றனர்.

மேலும், பொதுமக்கள் யாரும், இதுபோன்ற போலியாக ஏமாற்றும் நபர்களிடம் பணத்தை கொடுத்து ஏமாற வேண்டாம் எனவும் வேலைக்காக முயற்சி செய்பபவர்களிடம் அரசாங்கமோ அல்லது தனியார் நிறுவனங்களோ எவ்வித முறையிலும் பணத்தை பெற்றுக்கொண்டு வேலை வழங்கி வருவதில்லை எனவும், வேலைக்காக முயற்சி செய்பவர்கள் முன்பின் தெரியாத நபர்களிடம், வங்கியின் மூலமாகவோ, மின்னஞ்சல் மூலமாக பண பரிமாற்றம் செய்ய வேண்டாம் எனவும் சென்னை காவல்துறை அறிவுரை வழங்கியுள்ளது.

தமிழ்நாட்டில் ஆன்லைன் ரம்மி விளையாடி பலர் லட்சக்கணக்கான பணத்தை இழந்துள்ளனர். கடன் வாங்கிய பணத்தை இதில் விரயமாக்கியதால், வட்டி கட்ட வழியின்றி சிலர் தற்கொலை செய்து கொள்வது தொடர்கதையானது. ஆன்லைன் ரம்மிக்கு முடிவு கட்டும் விதமாக கடந்த ஆண்டு இறுதியில் அப்போதைய அ.தி.மு.க அரசு, சட்டமன்றத்தில் புதிய சட்டம் நிறைவேற்றி தமிழகத்தில் ஆன்லைன் ரம்மிக்கு தடை செய்தது. ஆனால் கடந்த ஆகஸ்டு 3-ம் தேதி தமிழக அரசின் ஆன்லைன் ரம்மி தடை சட்டம் செல்லாது என்று சென்னை உயர்நீதிமன்றம் உத்தரவிட்டது. 

ஆன்லைன் ரம்மி இதனை தொடர்ந்து தமிழ்நாட்டில் ஆன்லைன் ரம்மி மீண்டும் தலைதூக்க ஆரம்பித்து விட்டது. இதனால் இதற்கு அடிமையாகி பணத்தை இழந்து தற்கொலை செய்து கொள்பவர்களின் எண்ணிக்கையும் அதிகரித்துள்ளது. இந்த நிலையில் ஆன்லைன் ரம்மியால் தமிழகத்தில் மீண்டும் ஒரு உயிரிழப்பு ஏற்பட்டுள்ளது. இது பற்றிய விவரம் பின்வருமாறு:-

பனியன் நிறுவன ஊழியர் திருப்பூர் பழையகாடு ராஜமாதா நகரை சேர்ந்தவர் சுரேஷ். இவரது மனைவி மீனா. இந்த தம்பதிக்கு 6 மற்றும் 8 வயதில் இரண்டு பெண் குழந்தைகள் உள்ளனர். கணவன்-மனைவி இருவரும் திருப்பூரில் உள்ள பனியன் நிறுவனத்தில் பணியாற்றி வந்தனர்.  வீடு கட்டுவதற்காக இருவரும் சிறுக. சிறுக 5 லட்சம் ரூபாயை சேமித்து வைத்திருந்தனர். ஆனால் இந்த பணத்தை வைத்து சுரேஷ் ஆன்லைனில் ரம்மி விளையாடி வந்துள்ளார். இதனை மனைவி அடிக்கடி கண்டித்து வந்துள்ளார். ஆனாலும் சுரேஷ் தொடர்ந்து ஆன்லைன் ரம்மி விளையாட்டை தொடர்ந்துள்ளார்.

வீடு கட்டுவதற்காக வைத்திருந்த சேமிப்பு பணம் ரூ.5 லட்சத்தையும் ஆன்லைன் ரம்மியில் அவர் இழந்துள்ளார். இதனால் அவர் கடும் மன உளைச்சலில் இருந்துள்ளார். இந்த நிலையில் வீட்டில் அனைவரும் உறங்கிய நிலையில், சுரேஷ் தூக்குப்போட்டு தற்கொலை செய்துகொண்டார்.

இது பற்றி தகவல் அறிந்து சென்ற திருப்பூர் வடக்கு போலீசார், உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் சுரேஷ் எழுதி வைத்த தற்கொலை கடிதத்தை போலீசார் கைப்பற்றினார்கள். மேலும், இதுபற்றி வழக்குப்பதிவு செய்து விசாரித்து வருகின்றனர்.

விழுப்புரம் மாவட்டம் செஞ்சி அடுத்த ஆலம்பூண்டி இந்திராநகர் பகுதியை சேர்ந்தவர் தட்சணாமூர்த்தி. இவரது மனைவி பெயர் அபிதா. இவர்களுக்கு திருமணமாகி ஒரு வருடம்தான் ஆகிறது. இவர்களுக்குள் தொடர்ந்து கருத்து வேறுபாடு காரணமாக பிரச்சனை இருந்து வந்ததாக கூறப்படுகிறது. இதனால் கடந்த 2 மாதங்களுக்கு முன்பு அபிதா தன்னுடைய ஆனத்தூர் கிராமத்தில் உள்ள தன்னுடைய அம்மா வீட்டிற்கு வந்துவிட்டார்.

இந்நிலையில், நேற்று முன்தினம் கணவர் தட்சணாமூர்த்தி வீட்டிற்கு மறுபடியும் வந்துள்ளார். ஆனால், நேற்று மாலை அபிதா தூக்கு போட்டு தற்கொலை செய்து கொண்டதாக, தட்சிணாமூர்த்தி குடும்பத்தினர், அபிதா வீட்டிற்கு தகவல் தந்துள்ளனர். புகார் கணவர் வீட்டிற்கு போய் ஒரே நாளில் மகள் தற்கொலை என்ற செய்தியை கேட்டதும், அபிதா குடும்பத்தினர் அதிர்ச்சி அடைந்தனர். அலறியடித்துக்கொண்டு ஆலம்பூண்டிக்கு விரைந்து சென்று மகளின் சடலத்தை பார்த்து கதறி கதறி அழுதனர். 

பின்னர் சத்தியமங்கலம் போலீஸ் ஸ்டேஷனுக்கு சென்று, தங்களின் மகள் மரணத்தில் சந்தேகம் இருப்பதாகவும், அதற்கு காரணம், தட்சிணாமூர்த்தி குடும்பத்தினர் வரதட்சணை கேட்டு கொடுமைப்படுத்தியதுதான் என்றும் அபிதாவின் பெற்றோர் புகார் கொடுத்தனர். வரதட்சணை திருமணம் ஆனதில் இருந்தே அபிதாவுக்கு வரதட்சணை கொடுமைதான் நடந்ததாம்.  கணவர் தட்சிணாமூர்த்தி, மாமனார் ஆறுமுகம், கணவரது அக்கா முத்துலட்சுமி, மாமியார் மல்லிகா, கணவரது சகோதரி பாக்கியலட்சுமி, மாமனாரின் அண்ணன் முருகன் இவர்கள் எல்லாருமே வரதட்சணை கேட்டு அபிதாவை டார்ச்சர் செய்தனர் என்று அந்த புகாரில் அபிதாவின் பெற்றோர் தெரிவித்ததன் பேரில் சத்தியமங்கலம் போலீசார் விசாரணையில் இறங்கினர். அபிதாவின் சடலத்தை கைப்பற்றி போஸ்ட் மார்ட்டம் செய்வதற்காக செஞ்சி அரசு மருத்துவமனைக்கு அனுப்பி வைத்தனர்.

கல்யாணமாகி ஒருவருடம்தான் ஆகிறது என்பதால், கோட்டாட்சியர் விசாரணைக்காக வைக்கப்பட நேர்ந்தது. ஆனால், கோட்டாட்சியர் அமித் அங்கு வருவதற்கு காலதாமதம் ஆனதால், பெண்ணின் சடலம் நேற்றெல்லாம் போஸ்ட் மார்ட்டம் செய்யப்படாமல், அந்த மார்ச்சுவரியிலேயே வைக்கப்பட்டிருந்தது. சாலை மறியல் இதனால் ஆத்திரமடைந்த அபிதாவின் உறவினர்கள் செஞ்சி அரசு மருத்துவமனை எதிரே புதுச்சேரி- கிருஷ்ணகிரி தேசிய நெடுஞ்சாலையில் சாலை மறியலில் ஈடுபட்டனர்

இதையடுத்து, திண்டிவனம் கோட்டாட்சியர் அமீத், செஞ்சி அரசு மருத்துவமனை பிணவறையில் வைக்கப்பட்டிருந்த அபிதாவின் உடலை மருத்துவக் குழுவினர்களுடன் ஆய்வு செய்து விசாரணை மேற்கொண்டார். பின்னர் அபிதாவின் சடலம் முண்டியம்பாக்கம் அரசு மருத்துவக்கல்லூரி மருத்துவமனைக்கு உடற்கூறு ஆய்வுக்காக அனுப்பி வைக்கப்பட்டது. இறுதியில் தட்சிணாமூர்த்தியை போலீசார் கைது செய்துள்ளனர். தற்கொலைக்கு தூண்டியதாகவும் அவர் மீது வழக்குப் பதிவு செய்தனர். இப்போது தட்சிணாமூர்த்தி ஜெயிலில் உள்ளார்.