தென்காசியை சேர்ந்த குமார்- தனலட்சுமி தம்பதியருக்கு இரண்டு மகன்கள் உள்ள நிலையில் கடந்த 5 மாதங்களுக்கு முன்பு திருப்பூர் வஞ்சிபாளையம் சாலை ஜே.ஜே.நகர் பகுதியில் வாடகை வீட்டில் குடியேறி வசித்து வந்துள்ளனர். குமார் சரக்கு வாகன டிரைவராகவும், தனலட்சுமி பனியன் நிறுவனத்திலும் பணியாற்றி வந்துள்ளனர்.

இந்நிலையில் தனலட்சுமி தனக்கு துரோகம் செய்து தென்காசியில் உள்ள மற்றொரு நபருடன் தொடர்பு வைத்துள்ளதாக சந்தேகமடைந்து அவ்வப்போது தகராறு செய்து வந்துள்ளார் கணவர் குமார்.  இதற்கிடையில் நேற்றிரவு நடந்த வாக்குவாதம் முற்றியதில் வீட்டில் வைத்திருந்த அரிவாளை கொண்டு தனலட்சுமி கழுத்தை குமார் அறுத்து உள்ளார்.

இதில் தனலட்சுமி ரத்த வெள்ளத்தில் துடிதுடித்து உயிரிழந்தார். தகவலறிந்து சம்பவ இடத்திற்கு வந்த போலீசார்,  குமாரை கைது செய்து தனலட்சுமியின் உடலை கைப்பற்றி பரிசோதனைக்காக திருப்பூர் அரசு மருத்துவமனைக்கு அனுப்பி வைத்தனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.

செங்குன்றம் காமராஜ் நகர் நேரு தெருவை சேர்ந்தவர் அமுதவல்லி.  சில ஆண்டுகளுக்கு முன்பு இவரது கணவர் உடல்நிலை சரியில்லாத காரணத்தால் உயிரிழந்ததாக சொல்லப்படுகிறது. இவர்களுக்கு லோகேஸ்வரன் என்ற மகன் உள்ளார். மகன் லோகேஸ்வரன் சாலிகிராமத்தில் உள்ள தனது தாய் மாமா வீட்டில் தங்கியபடி அருகிலுள்ள அரசு பள்ளியில் 7 ஆம் வகுப்பு படித்து வந்தார்.

பள்ளி விடுமுறை என்பதால் கடந்த வாரம் தனது தாயாரின் வீட்டிற்கு வந்த தங்கிய லோக்கேஸ்வரன், இன்று காலை அமுதவல்லி வேலைக்கு செல்லும்போது தனது மகனிடம் செல்போனை பார்த்து கொண்டே இருக்ககூடாது என கண்டிப்புடன் சொல்லிவிட்டு சென்றதாக கூறப்படுகிறது.

அதன்பின்னர் வீட்டிற்கு வந்த அவர், மகன் மின்விசிறியில்  தூக்கில் தொங்கிய நிலையில் இருப்பதை கண்டு அதிர்ச்சி அடைந்து கதறி அழுதுள்ளார்.  அவரது அலறல் சத்தம் கேட்டு ஓடி வந்த அக்கம் பக்கத்தினர் லோகேஸ்வரனை மீட்டு அருகில் இருந்த மருத்துவமனைக்கு கொண்டு சென்றனர். அவரை பரிசோத்த மருத்துவர்கள் ஏற்கனவே மாணவன் லோகேஸ்வரன் இறந்து விட்டதாக தெரிவித்தனர்.

இச்சம்பவம் குறித்து செங்குன்றம் காவல்நிலையத்திற்கு தகவல் தெரிவிக்கப்பட்டதன்பேரில் வந்த போலீசார் இறந்தவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இது தொடர்பாக வழக்குபதிவு செய்த போலீசார் விசாரணை செய்து வருகின்றனர்.

கேரள மாநிலம் கோட்டயம் மாவட்டம், கீழூர் அருகே வசித்து வருபவர்கள் ஓய்வு பெற்ற ராணுவ வீரரான மாத்தியூ-  சூசாம்மா தம்பதி. இவர்களுக்கு சோனா என்ற மகள் உள்ளார். அவர் திருமணம் ஆகி பெரம்பலூரில் கணவருடன் வசித்துவருகிறார். என்னதான் கணவருடன் வசித்து வந்தாலும் வீட்டில் வயதான  தனது தாய் தந்தையர்  இருப்பதால் சோனா தனது வீட்டை சுற்றிலும் கேமராக்களை வைத்து இடையிடையே மொபைல் போன் மூலம் வீட்டைகண்காணித்து வந்தார்.

இந்நிலையில் நேற்று வழக்கம்போல் சிசிடிவி காட்சிகளை கண்காணித்து கொண்டிருந்தபோது, வீட்டின் மாடி பகுதியில் நைட்டி அணிந்துகொண்டு ஒரு ஆண் நிற்பது தெரியவந்தது.  இதனைக்கண்டு அதிர்ச்சியடைந்த சோனா அவனை திருடன் என்று நினைத்து  உடனடியாக போலீசாரிடம் தகவல் தெரிவித்தார். 

அதனடிப்படையில் சம்பவ இடத்திற்கு விரைந்து வந்த போலீசார், வீட்டை சுற்றிலும் போலீஸ் படிஅயை நிறுத்தி மாடியில் பதுங்கியிருந்த திருடனை சுற்றி வளைத்து பிடித்தனர். பின்னர் இது குறித்து வழக்குப்பதிவு செய்த போலீசார் விசாரணை நடத்தினர். விசாரணையில், நைட்டி அணிந்திருந்த திருடன் பெயர் ராபின்சன் என்பதும், இவன் கோட்டயம் கீழூர் பகுதியைச் சேர்ந்தவன் என்பதும், தற்போது வாடகைக்கு ஆலப்புழா மாவட்டம் அரூர் அருகே வசித்து வருவதும் தெரியவந்தது.

இதனையடுத்து இது குறித்து தகவல் தெரிவித்த போலீசார், இவன் பிரபல கிரிமினல் என்றும், பகல் நேரங்களில் முதியவர்கள் தனியாக வசிக்கும் வீடுகளை குறிவைத்து  இதுபோல வீடுகளின் மாடியில் பதுங்கியிருந்து நள்ளிரவு வீட்டில்  முதியவர்கள் உறங்கும் போது அவர்களை தாக்கி பணம் மற்றும் நகைகளை கொள்ளை அடிப்பதை வழக்கமாக கொண்டுள்ளான் என்று தெரிவித்துள்ளான்.

கன்னியாகுமரி மாவட்டம் மார்த்தாண்டம் அருகே உள்ள உண்ணாமலைக்கடை பகுதியை சேர்ந்த தம்பதி ஒருவர் திக்குறிச்சி கல்லுவிளை பகுதியில் உள்ள ரவிச்சந்திரன் என்பவரின் வீட்டு பக்கத்தில் புதிய வீடு கட்டுவதற்காக ஆயத்தப் பணிகள் மேற்கொண்டு வருகின்றனர். இந்த தம்பதிக்கு 4 வயதில் ஒரு மகள் உள்ளார்.

இந்நிலையில் நேற்று முன்தினம் சிறுமியை அழைத்துக் கொண்டு பெற்றோர் புது வீடு கட்டும் பகுதிக்கு சென்றுள்ளார். அப்போது பக்கத்து வீட்டிற்கு சென்று தண்ணீர் வாங்கி வருமாறு ஒரு பாட்டிலை கையில் கொடுத்து அனுப்பியுள்ளார்.

இதனையடுத்து தண்ணீர் வாங்க சென்ற சிறுமியிடம் இருந்து ரவிச்சந்திரன் பாட்டிலை வாங்கி தனது மருமகளிடம் தண்ணீர் பிடித்து வருமாறு அனுப்பி வைத்துள்ளார்.  இந்த சந்தர்ப்பத்தை தனக்கு சாதகமாக பயன்படுத்தி கொண்ட 70 வயதான கிழவர் சிறுமிக்கு பாலியல் தொல்லை கொடுத்துள்ளார்.  

அப்போது சிறுமிக்கு வலி ஏற்பட்டு அழுதுகொண்டே தாயிடம் சென்று கூறியுள்ளார். இந்த சம்பவத்தை தொடர்ந்து சிறுமியை உறவினர்கள் உதவியுடன் மருத்துவமனையில் சிகிச்சைக்காக கொண்டு சென்றனர். பின்னர் இது குறித்து சிறுமியின் பெற்றோர் அளித்த புகாரின்பேரில் போலீசார் ரவிச்சந்திரனை கைது செய்து போக்சோ சட்டத்தின் கீழ் வழக்குப்பதிவு செய்து விசாரணை  மேற்கொண்டு வருகின்றனர். 

திருவள்ளூர் மாவட்டம் பூந்தமல்லியில் பெண் தற்கொலை செய்து கொண்ட வழக்கில் காதலன் கைது செய்யப்பட்டார்.

பூந்தமல்லியை சேர்ந்த கற்பகம் என்பவர் கணவரை பிரிந்து தனது மகளுடன் தந்தையுடன் வசித்து வந்துள்ளார். இதற்கிடையே துணிக்கடையில் வேலை பார்த்த போது ஆகாஷ் என்பவருடன் ஏற்பட்ட பழக்கத்தால் கற்பகம் அவருடன் ஒன்றாக வாழ்ந்து வந்துள்ளார்.

இவர்களுக்கு அண்மையில் குழந்தையும் பிறந்த நிலையில், கற்பகம் திடீரென கடந்த டிசம்பர் மாதம் 30-ம் தேதி தற்கொலை செய்துகொண்டார்.  இதனை தற்கொலை வழக்காக பதிவு செய்து போலீசார் வழக்கை முடித்தனர்.

இந்த நிலையில் உயிரிழந்த கற்பகத்தின் செல்போனை அவரது தந்தை ஆய்வு செய்ததில், அண்மையில் பிறந்த குழந்தை தனக்கு பிறக்கவில்லை என ஆகாஷ் தகராறில் ஈடுபட்டதும், இதனால் மனமுடைந்த கற்பகம் தற்கொலை செய்ததும் தெரியவந்தது.  இதுகுறித்து அளித்த புகாரின் பேரில், போலீசார் காதலன் ஆகாஷை கைது செய்தனர்.