கேரளா: கோழிக்கோடு - பாலக்காடு நெடுஞ்சாலையில் இன்று காலை 9 மணி அளவில் மலப்புரம், முறையூர் பகுதியில் வைத்து பெட்ரோல் நிரப்புவதற்காக வலது பக்கமாக திரும்பிய காரின் மீது மற்றொரு வாகனத்தை முந்தியது. 

பின், அதிவேகத்தில் பின்னால் இருந்து வந்த கார், திரும்ப முயன்ற காரின் பக்கவாட்டு பகுதியில் மோதி ஓட்டுனரின் கட்டுப்பாட்டை இழந்த கார் கவிழ்ந்து விபத்துக்குள்ளாகியுள்ளது. 

மேலும் படிக்க | ஆட்டு கொட்டகையில் தீ விபத்து...! 

இந்த விபத்தில் காருக்குள் இருந்த நான்கு பேர் உடனடியாக மீட்கப்பட்டு படுகாயங்களுடன் சிகிச்சைக்காக அருகில் உள்ள தனியார் மருத்துவமனையில் அனுமதிக்கப்பட்டுள்ளனர். 

தொடர்ந்து இந்த விபத்து குறித்து கொண்டோட்டி போலீசார் விசாரணை நடத்தி வரும் நிலையில் இந்த விபத்தின் பதபதைக்க வைக்கும் சிசிடிவி காட்சிகள் தற்போது வெளியாகி உள்ளன. 

மேலும் படிக்க | விபத்தின் மீது விபத்து..! வேகத்தடையில் கவிழ்ந்த பைக்...! அதன் மீது மோதிய லாரி..! 

கள்ளக்குறிச்சி மாவட்டம் சங்கராபுரம் அருகே உள்ள பிரம்மகுண்டம் கிராமத்தைச் சேர்ந்தவர் குமார் இவர் விவசாய கூலி வேலை செய்து வருகிறார் இவருக்கு இரண்டு ஆண் குழந்தைகளும் ஒரு பெண் குழந்தையும் உள்ளன.

குமாரின் மகன்கள் தமிழ்மாறன் (10) மோகன பிரியன் (7) ஆகிய இருவரும் அதே கிராமத்தைச் சேர்ந்த கபூர் என்பவரது விவசாய கிணற்றில் குளிப்பதற்காக சென்றுள்ளனர். அப்போது தமிழ் மாறனுக்கு நீச்சல் பழக தெரியும் என்பதால் தமிழ்மாறன் மட்டும் கிணற்றில் குளித்துக்கொண்டிருந்தான்.

மேலும் படிக்க | தாயிடம் இருந்து குழந்தையை பிரிப்பது துன்புறுத்தும் செயல்.. உயர்நீதிமன்றம் கருத்து..!

திடீரென நீரில் மூழ்கி படி காப்பாற்றுங்கள் காப்பாற்றுங்கள் என தமிழ்மாறன் சத்தமிட்டான். நீச்சல் தெரியாத மோகன பிரியன் அண்ணனைக் காப்பாற்ற வேண்டும் என்ற நோக்கத்தோடு அவனும் கிணற்றில் குதித்தான்.

இருவருமே கிணற்றில் நீரில் மூழ்கி பரிதாபமாக உயிரிழந்தனர். அண்ணனை காப்பாற்ற கிணற்றில் குதித்த தம்பியும் உயிரிழந்தான். ஒரே குடும்பத்தைச் சேர்ந்த இரண்டு சிறுவர்கள் கிணற்றில் மூழ்கி உயிரிழந்த சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது.

மேலும் படிக்க | ஆன்லைன் சூதாட்டத்தால் மனைவியை இழந்த கணவன்!

தகவல் அறிந்து சம்பவ இடத்திற்கு வந்த சங்கராபுரம் தீயணைப்புத் துறையினர் 5 மணி நேர போராட்டத்திற்கு பிறகு இரண்டு சிறுவர்களையும் சடலமாக மீட்டனர்.  சம்பவம் குறித்து வடப்பொண்பரப்பி போலீசார் வழக்கு பதிவு செய்து விசாரணை மேற்கொண்டு வருகின்றனர்.

சென்னை: பல்லாவரம் அடுத்த பம்மல் பகுதியை சேர்ந்தவர் ஞான செல்வன் (வயது 31). இவரது மனைவி வகிதா (வயது-28). இவர்களுக்கு திருமணம் ஆகிய நான்கு வருடங்கள் ஆன நிலையில் இரண்டு பெண் குழந்தைகள் உள்ளன.

ஞான செல்வன் பம்மல் நாகல்கேணியில் உள்ள சூப்பர் லாபி பிரிண்டிங் கம்பெனியில் பணிபுரிந்து வருகிறார். இந்நிலையில் வேலை முடிந்து வீட்டிற்கு வந்ததும் ஞான செல்வம் தினம் தோறும் இரவு முழுவதும் ஆன்லைனில் ரம்மி சூதாட்டத்தில் ஈடுபட்டுள்ளார்.

மேலும் படிக்க | ஆன்லைன் சூதாட்டத் தடை நீங்கி ஓராண்டு: தடுமாற்றமின்றி அவசரச் சட்டம் பிறப்பிப்பீர்!

ஒருவருடத்திற்கு மேலாக ஆன்லைன் சூதாட்டத்தில் செல்வன் பணம் கட்டி விளையாடி வந்துள்ளார். மாதம் வரும் சம்பளத்தை விட அதிகமாக ஆன்லைன் சூதாட்டம் விளையாடி பணத்தை இழந்து வந்ததால் கணவன் மனைவி இருவருக்கும் சண்டை ஏற்பட்டு வந்துள்ளது .இதனால் மிகுந்த மன உளைச்சலில் வகிதா இருந்துள்ளார்.

நேற்றும் வழக்கம் போல் ஞான செல்வன் ஆன்லைன் சூதாட்டத்தில் விளையாடி1000 ரூபாய் இழந்ததும் இதை அறிந்த வகிதா கணவரிடம் ஆன்லைன் சூதாட்டம் நிறுத்தம் படி கூறினார் .ஆனால் அதை கேட்காமல் இருந்துள்ளார். அதன்பின்னர் இருவருக்கும் இடையில் வாய் தகராறு ஏற்பட்டுள்ளது.

மேலும் படிக்க | ஆன்லைன் சூதாட்டத்தில் ஏற்பட்ட நஷ்டம் : ஈடு செய்ய வாலிபர் எடுத்த முடிவு !!

இந்நிலையில் வாய் தகராறு முற்றிய நிலையில் தான் சொந்த ஊரான திருச்செந்தூருக்கு தன் தாய் வீட்டிற்கு சென்று விடுவதாக கூறிவிட்டு செல்வன் இருந்த அறையினை வெளிப்பக்கமாக தாப்பாள் போட்டு விட்டு பக்கத்து படுகை அறைக்கு சென்று தனது சேலையால் மின்விசிறியில் தூக்கு போட்டு தற்கொலை செய்து கொண்டார்.

சத்தம் கேட்ட செல்வன் கதவை திறக்க முடியாமல் வெளியில் பூட்டி இருந்ததால் ஜன்னல் வழியாக அருகில் இருந்தவர்களை கத்தி கூச்சலிட்டு கூப்பிட்டுள்ளார்.  அக்கம் பக்கத்தினர் வந்து பார்க்கும் பொழுது மெயின் கதவும் உள்பக்கமாக பூட்டப்பட்டிருந்த நிலையில் கதவினை உடைத்துக் கொண்டு உள்ளே சென்று பார்த்ததில் வகிதா தூக்கிட்டு தற்கொலை செய்து கொண்டது தெரிய வந்தது.

மேலும் படிக்க | நான் நடிக்கும் விளம்பரத்தை ஏன் எதிர்க்க வேண்டும்? சரத்குமார் கேள்வி!

உடனடியாக சங்கர் நகர் காவல்துறையினருக்கு தகவல் தெரிவித்து,சம்பவ இடத்திற்கு வந்த போலீசார் உடலை கைப்பற்றி உடல் கூர் ஆய்வுக்காக குரோம்பேட்டை அரசு பொது மருத்துவமனைக்கு அனுப்பி வைத்தார். இதனை தொடர்ந்து சங்கர் நகர் காவல் துறையினர் வழக்கு பதிவு செய்து விசாரணை மேற்கொண்டு வருகின்றனர் அதுமட்டுமின்றி திருமணமாகி நான்கு வருடமே ஆனதால் தாம்பரம் ஆர்டிஓ விசாரணையும் மேற்கொள்ளப்படுகிறது.

ஆன்லைன் சூதாட்டத்தில் ஏற்பட்ட மன உளைச்சலால் இரண்டு குழந்தைக்கு தாயான வகிதா தூக்கு போட்டு தற்கொலை செய்து கொண்ட சம்பவம் பகுதியில் பெரும் சோகத்தை ஏற்படுத்தி உள்ளது.

மேலும் படிக்க | சட்டவிரோத பணப்பரிமாற்றம்....அரிய வகை உயிரினங்கள்...அதிகாரிகளின் சோதனையில் சிக்கிய தொழிலதிபர்!

திருவண்ணாமலை மாவட்ட காவல் கண்காணிப்பாளர் கே.கார்த்திகேயன் உத்தரவின் பேரில் கஞ்சா, கள்ளச்சாராயம், குட்கா, பான்மசாலா உள்ளிட்ட தடை செய்யப்பட்ட போதைப் பொருட்கள் கடத்தப்படுவதை கண்டறிய தனிப்படை அமைத்து போலீசார் தீவிர தேடுதல் வேட்டை நடத்தி வந்தனர். 

இந்நிலையில் மாவட்ட காவல் கண்காணிப்பாளர் கே.கார்த்திகேயன் அவர்களுக்கு கிடைத்த ரகசிய தகவலின் அடிப்படையில் காவல்துறையினர் தீவிர வாகன தணிக்கையில் ஈடுபட்டிருந்தனர், அப்போது அவ்வழியாக சந்தேகத்தின் அடிப்படையில் வந்த காரினை தடுத்து நிறுத்தி சோதனை செய்தனர். அதில் ரூ.50 ஆயிரம் மதிப்பில் 98 பாக்கெட்டுகள் கொண்ட ஹான்ஸ், குட்கா மற்றும் பான்மசாலா உள்ளிட்ட தடை செய்யப்பட்ட போதைப்பொருட்கள் கடத்தி வரப்பட்டது தெரிய வந்தது. அந்த காரில் பயணம் செய்த கணவன், மனைவி ஆகிய இருவரை காவல்துறையினர் கைது செய்து தீவிர விசாரணை மேற்கொண்டனர்.

பின்னர் அவர்களிடம் நடத்திய விசாரணையில், பெங்களூரில் இருந்து தடை செய்யப்பட்ட போதைப் பொருட்களை கடத்தி வந்த கணவன் மனைவி ஆகிய இருவரும், திருவண்ணாமலை அடுத்த சோமசிப்பாடி கிராமத்தை சேர்ந்த ஜான்பாஷா என்பதும் அவரது மனைவி ஹஜீரா என்பதும் தெரியவந்தது, மேலும் மங்கலம் காவல் நிலைய போலீசார் தடை செய்யப்பட்ட போதை பொருட்கள் கடத்தி வந்த கணவன் - மனைவி இருவர் மீதும் வழக்கு பதிவு செய்து தீவிர விசாரணை மேற்கொண்டு வருகின்றனர்.

திருவாரூர் மாவட்டம் மன்னார்குடி அருகே கோரையாறு  சாலையில்  மிகவும் பிரசித்திபெற்ற மகா காளியம்மன் கோவில் அமைந்துள்ளது. இக்கோவிலில் அச்சரகர், நேற்று மாலை வழக்கம் போல் வழிபாடுகளை முடித்துவிட்டு கோவிலை பூட்டிச்சென்றுள்ளார். 

இந்நிலையில், இன்று காலை தரிசனத்திற்கு வந்தவர்கள் கருவறை திறந்து இருப்பதை பார்த்து அதிர்ச்சி அடைந்தனர். இதுகுறித்து உடனடியாக கூத்தாநல்லூர் காவல் நிலையத்திற்கு புகார் அளிக்கப்பட்டது. அந்த புகாரின் பேரில் சம்பவ இடத்திற்கு வந்த காவல்துறையினர் விசாரணை மேற்கொண்டனர். அப்போது விசாரணையில், இரவு மர்ம நபர்கள் கோவில் கதவின் பூட்டை உடைத்து உள்ளே சென்று அம்மன் சிலையில் அணிவிக்கப்பட்டு இருந்த 1 கிலோ மதிப்பிலான வெள்ளி அலங்கார பொருட்கள், சிசிடிவி கேமிரா, ஹார்டு டிஸ்க்  உள்ளிட்டவைகளை திருடிச் சென்றுள்ளது தெரியவந்துள்ளது.

அதேபோல் சித்தாம்பூர் கிராமத்தில் உள்ள ரெத்தின காளியம்மன் கோவில் உண்டியலை உடைத்து மர்ம நபர்கள் ரூ 10 ஆயிரம் பணத்தை திருடி சென்றுள்ளனர். வெவ்வேறு கோவில் திருட்டு சம்பவம் குறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.