கோபிசெட்டிபாளையம் குள்ளம்பாளையத்தில் உள்ள ஆசிரியர் நகரைச் சேர்ந்தவர் லோகநாதன். இவர் கடந்த சில ஆண்டுகளாக அப்பகுதியில் உள்ள தனியார் நிறுவனம் ஒன்றில் வேலை செய்து வந்துள்ளார். இவருக்கு பத்மாவதி என்ற மனைவியும் 7ம் வகுப்பு படிக்கும் ஹரிகுக விக்னேஷ் என்ற மகனும் இருந்துள்ளனர்.

இந்நிலையில் கடந்த ஒரு மாதத்துக்கு முன்பு ஒரு விபத்தில் சிக்கிய லோகநாதன் படுகாயங்களுடன் சிகிச்சை பெற்று வந்ததாகத் தெரிகிறது. இதனால் பணிக்கு சரியாக செல்ல முடியாததால் குடும்பச் செலவை சமாளிக்க முடியாமல் தத்தளித்து வந்ததாகவும் கூறப்படுகிறது. இதனால் கடந்த சில நாட்களாகவே, லோகநாதன் மனமுடைந்த நிலையில் இருந்து வந்துள்ளார். 

இந்நிலையில் மகனை டியூசனுக்கு தனது இருசக்கர வாகனத்தில் விட்டுவிட்டு வந்த லோகநாதன், திரும்பும் வழியில் வாய்க்கால் சாலையில் உள்ள பூங்காவுக்குச் சென்று விஷம் குடித்ததாகத் தெரிகிறது. தொடர்ந்து மயங்கிய அவரை, அக்கம் பக்கத்தினர் மீட்டு மருத்துவமனையில் அனுமதித்தபோதும், சிகிச்சைப் பலனின்றி லோகநாதன் பரிதாபமாக உயிரிழந்தார். இத்தகவலை அறிந்த அவரது மனைவி பத்மாவதி நீண்ட நேரம் அதிர்ச்சியில் இருந்து மீளவில்லை எனத் தெரிகிறது.

இந்நிலையில், மகனுக்கு விஷ மாத்திரைகளைக் கொடுத்த பத்மாவதி தானும் அதனை உண்டு தற்கொலைக்கு முயன்றுள்ளார். தொடர்ந்து இருவரையும் உறவினர்கள் மீட்டு கோபி அரசு மருத்துவமனைக்கு அனுப்பி வைத்தனர். இதையடுத்து பெருந்துறை அரசு மருத்துவக் கல்லூரி மருத்துவமனைக்கு மேல் சிகிச்சைக்காக அனுமதிக்கப்பட்ட இருவரும் நல்வாய்ப்பாக உயிர் தப்பினர். இருப்பினும் பத்மாவதி கணவர் இறந்த அதிர்ச்சியில் இருந்த வெளிவராத நிலையிலேயே காணப்பட்டார்.

மகனின் கல்விச் செலவை சமாளிக்க முடியாததால், கணவர் தற்கொலை செய்து கொண்டதை தாங்க முடியாமல் மகனோடு சேர்ந்து மனைவியும் தற்கொலைக்கு முயன்ற நிகழ்வு அப்பகுதியில் பெரும் சோகத்தை ஏற்படுத்தியுள்ளது.

இந்தியாவின் தலைநகர் டெல்லி, எதற்கு முன்னொடியாக இருக்கிறதோ இல்லையோ, பெண்களுக்கான பாதுகாப்பின்மை பல ஆண்டுகளாக முன்னிலை வகித்து வருகிறது. இந்தியா மட்டுமல்லாமல், உலகையே உலுக்கிய நிர்பயா, ஜோதி சிங் போன்ற பல வழக்குகள் இன்றும் நம் கண்களில் மரண பயத்தைக் காட்டுகிறது. இந்நிலையில், தற்போது டெல்லி போலீஸ் வெளியிட்ட அறிக்கை, மேலும் ஒரு பெரிய பயத்தை அதிகரித்திருக்கிறது என்றே சொல்லலாம்.

தொடரும் தொந்தரவுகள்:

டெல்லி போலீஸ் சமீபத்தில் வெளியிட்ட அறிக்கையின்படி, இந்த ஆண்டில் மட்டும் பாலியல் வன்புணர்வு வழக்குகள் 6 சதவீதம் அதிகரித்துள்ளதாகவும், பாலையல் தொந்தரவு மற்றும் வன்கொடுமை வழக்குகள் 17 சதவீதம் அதிகரித்துள்ளதாகவும் தகவல்களை வெளியிட்டுள்ளனர். அதாவது, கடந்த ஆண்டு ஜனவரி முதல் ஜூலை 15 வரை, சுமார் 1,244 வழக்குகள் பதிவு செய்யப்பட்ட நிலையில், இந்தாண்டு, 1,480 வழக்குகள் வன்கொடுமை செய்யப்படுவதாகவும், பாலியல் தொந்தரவு செய்யப்படுவதாகவும் புகாரளித்துன்னர்.

சிறுமிகள் முதல் பெரியவர்கள் வரை:

மேலும், சிறுமிகளையும், மகளிரையும் கடத்தும் வழக்குகள் அதிகமாகியுள்ளதாகவும் தெரிவித்துள்ளனர். கடந்த ஆண்டை விட, 20 சதவீதம் அதிகரித்து, சுமார் 2,197 பெண்களைக் கடத்திய வழக்குகள் பதிவாகியுள்ளது. மேலும், பெரும்பானமியான வழக்குகளில், குற்றவாளிகள் பாதிக்கப்பட்டவர்களுக்கு அறிமுகமானவர்களாகவே இருப்பதுதான் கொடூரமாக இருக்கிறது.

கொரோனாக்கு முன், கொரோனாக்கு பின்:

இந்த கொரோனா தடுப்புகள் தளர்த்தப்பட்டதையடுத்து, பாலியல் வன்புணர்வு வழக்குகள் முன்பை விட அதிகமாகியுள்ளது குறிப்பிடத்தக்கது.  ஏன் என்றால், பாலியல் வன்புணர்வு வழக்குகள், கடந்த ஆனு, சுமார் 2,096 வழக்குகள் பதிவாகிய நிலையில், இந்த ஆண்டு, 2,704 குற்றங்கள் பதிவு செய்யப்பட்டுள்ளன. இதில், குடும்ப தகராறு வழக்குகளும் அடங்குவதாக தகவல்கள் கூறுகின்றன.

முன்பு வெளியிடப்பட்ட அறிக்கைகளில், 1.22 சதவீத பாலியல் வன்புணர்வு வழக்குகளில், பாதிக்கப்பட்டவர்களுக்கும், குற்றவாளிகளுக்கும் எவ்வித தொடர்பும் இல்லாததை அடுத்து, வழக்கு பதிவு செய்யப்பட்ட 7-8 நாட்களிலேயே, 60 சதவீத குற்றவாளிகளை போலீசார் கைது செய்துள்ளதாகவும், கடந்த ஆண்டு முதல், இந்த ஆண்டு ஜூலை 15 வரை, 95 சதவீத வழக்குகளில், எஃப்.ஐ.ஆர் பதிவு செய்யப்பட்டுள்ளதாகவும் போலீசார் தெரிவித்துள்ளனர்.

போலீஸ் என்ன கூறுகிறது?

டெல்லி காவல் துறையின், செய்தி தொடர்பாளர் சுமன் நல்வா, இது குறித்து பேசுகையில், இது போன்ற குற்றங்கள், கிரிமினல் மற்றும் சமூக குற்றங்கள் எனக் குறிப்பிடுகிறார். மேலும், இது குறித்த நடவடிக்கைகள் எடுக்க, பெண்கள் மற்றும் குழந்தைகளுக்கான அவசர உதவி குறித்து தெரிந்துக்கொள்ள வேண்டும் என்றும் வலியுறுத்தினார். பெரும்பான்மையான வழக்குகள், மறைமுகமாக நடப்பதால், புகார்கள் எழுந்த பிறகு தான் குற்றங்கள் குறித்த தகவல்கள் வெளிச்சத்திற்கு வருகின்றன என்றும் தெரிவித்த நல்வா, பெண்களின் பாதுகாப்பிற்கு தேவையான அனைத்து வழிமுறைகளையும் தேடி வருவதாகவும் அவர் கூறினார்.

பாதுகாப்பற்ற நாடுகளின் பட்டியலில் இந்தியாவும் இடம்பிடித்த காலம் முதல், தற்போது தங்களுக்கு நடக்கும் அநியாயங்களை எதிர்த்து போராட தயாராகி வரும் குடிமக்கள் மத்தியில் நாம் வாழ்வது ஒரு விதத்தில் பெருமை தந்தாலும், குற்ற அளவு குறையாமல் இருக்கும் நிலை, அவல நிலையாகவே பார்க்கபடுகிறது.

நாகை அருகே பேருந்தில் பிடித்த பாடலை வைக்காததால் ஆத்திரமடைந்த பயணி, ஓட்டுனர் மற்றும் நடத்துனர் மீது கொலைவெறி தாக்குதல் நடத்தியுள்ளார்.

மினி பேருந்தில் ஏறிய பயணி:

நாகப்பட்டினத்தில் இருந்து ஆய்மழை கிராமத்திற்கு செல்லும் தனியார் மினி பேருந்து ஒன்று நாகை கோட்டைவாசல்படி சென்றது. அந்த பேருந்து நிறுத்தத்தில் இருந்து பயணி ஒருவர் ஏறி உள்ளார். 

பாடலை மாற்ற சொன்ன பயணி:

நாகை கோட்டைவாசல் பேருந்து நிறுத்தத்தில் ஏறிய பயணி ஒருவர், மினி பேருந்து சிறிது தூரம் சென்ற நிலையில் பேருந்தில் ஒலித்த பாடலை மாற்றி வேறு பாடல் வைக்குமாறு பேருந்து  ஓட்டுனரிடம் கூறியுள்ளார். 

மேலும் படிக்க: https://malaimurasu.com/posts/tamilnadu/Stalin-is-the-only-Chief-Minister-to-be-asked-to-ban-online-gambling

வேறு பாடலை வைக்க மறுத்த ஓட்டுனர்:

பயணியின் கோரிக்கையை பேருந்து ஓட்டுநர் கேட்கவில்லை. வேறு பாடலை மாற்றுவதற்கு ஓட்டுநர் மறுத்த நிலையில், அந்த நபர் ஓட்டுனருடன் வாக்குவாதத்தில் ஈடுபட்டு விட்டு ”சிக்கல்” பேருந்து நிலையத்திலேயே இறங்கியுள்ளார். 

மீண்டும் நாகை நோக்கி வந்த பேருந்து:

அந்த நபர் பேருந்தை விட்டு இறங்கியவுடன், ஆய்மழை கிராமம் நோக்கி சென்றது. பின் அந்த கிராமத்தை சென்றடைந்த மினி பேருந்து அதே வழியாக மீண்டும் நாகை வந்துள்ளது. 

கூலி படையுடன் நின்றுக்கொண்டிருந்த பயணி:

பேருந்தில் வேறு பாடலை மாற்ற சொல்லியும் ஓட்டுனர் மாற்றாததால் ஆத்திரம் அடைந்த அந்த நபர், பேருந்தின் வருகைக்காக சிக்கல் ரயில்வே கேட் அருகே தனது நண்பர்கள் 7 பேர் கொண்ட கும்பலோடு காத்திருந்தார். அப்போது அந்த பேருந்து சிக்கல் நிறுத்தம் நோக்கி வந்ததை பார்த்த அந்த கும்பல் பேருந்தை மடக்கி நிறுத்தியுள்ளனர். 

மேலும் படிக்க: https://malaimurasu.com/posts/cover-story/A-mega-plan-with-Rajini-Which-path-will-Rajini-choose

சரமாரி தாக்குதல்:

பேருந்தை நிறுத்திய வேகத்தில் பேருந்து ஓட்டுனர் பாரதி மற்றும் நடத்துனர் பாலமுருகன் ஆகிய இருவரையும் பேருந்தில் இருந்து கீழே இறக்கி, அங்குள்ள காட்டுப்பகுதிக்குள் தரதரவென இழுத்துச் சென்று அவர்கள் மீது அந்த கும்பல் சரமாரி தாக்குதல் நடத்தியுள்ளது. இந்த தாக்குதலில் படுகாயமடைந்த ஓட்டுநரும், நடத்துனரும் நாகை அரசு தலைமை மருத்துவமனையில் அனுமதிக்கப்பட்டுள்ளனர். மேலும், இந்த தாக்குதல் தொடர்பாக கீழ்வேளூர் போலிசார் வழக்குப்பதிவு செய்து விசாரணை நடத்தி வருகின்றனர். 

வைரலாகும் வீடியோ காட்சிகள்:

பேருந்தில் பிடித்த பாடலை வைக்காததால் நடத்துநர் மற்றும் ஓட்டுநர் மீது ஒரு கும்பல் தாக்குதல் நடத்தும் வீடியோ காட்சிகளும், நடத்துநர் ரத்த காயங்களுடன் நின்று கொண்டிருக்கும் காட்சிகளும் தற்போது சமூக வலைதளங்களில் வைரலாக பரவி வருகிறது. இந்த வீடியோவை பார்க்கும் நெட்டிசன்கள் யேண்டா டேய்... ஒரு பாட்டு மாற்றவில்லை என்பதற்காகவெல்லாம் அடா அடிப்பிங்க என்று கமெண்ட் செய்து வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

ராணுவ வீரர் மனைவி

தா.பேட்டை அருகே அமைந்துள்ள பேரூர் கிராமத்தைச் சேர்ந்தவர் நீலமேகம் இவரது மனைவி கலைவாணி நீலமேகம். காஷ்மீரில் ராணுவ வீரராக பணியாற்றி வருகிறார். இந்நிலையில் கடந்த 27 .4. 2022தேதி அன்று இரவு வீட்டில் தூங்கிக் கொண்டிருந்த கலைவாணியிடம் கழுத்தில் அணிந்திருந்த தாலி சங்கலியை பறித்துக் கொண்டு மர்ம நபர் தப்பி ஓடினார்.

வீடியோ வெளியிட்ட கலைவாணி

இது குறித்து தகவல் அறிந்த கலைவாணியின் கணவர் நீலமேகம் காஷ்மீரில் இருந்து வாட்ஸப் வாயிலாக தன் குடும்பத்திற்கு பாதுகாப்பு வேண்டும். என பேசி வீடியோ வெளியிட்டு  இருந்தார். இந்த வீடியோ வைரலானது. இதையடுத்து தமிழக காவல்துறை தலைவர் சைலேந்திரபாபு ராணுவ வீரர் நீலமேகம் மற்றும் கலைவாணியிடம் காவல்துறை உரிய பாதுகாப்பு கொடுக்கும், அதே வேலை குற்றவாளி கண்டுபிடிக்கப்பட்டு உரிய நடவடிக்கை மேற்கொள்ளப்படும் என உறுதி அளித்து இருந்தார். 

கைது செய்யப்பட்ட வேறு நபர்

இந்நிலையில் கலைவாணியிடம் தாலிசங்கிலி திருட்டில் ஈடுபட்ட நபர் வேறொரு வழக்கில் கைது செய்யப்பட்டு  மத்திய சிறையில் அடைக்கப்பட்டிருப்பது புலன் விசாரணையில் தெரியவந்தது. இதையடுத்து திருச்சி நீதிமன்றத்தின் வழியாக தஞ்சாவூர் மாவட்டம், வல்லம் எம்ஜிஆர் நகரை சேர்ந்த மணிகண்டன் என்கின்ற கண்ணன்(40) என்பவரை ஜெம்புநாதபுரம் போலீஸ் இன்ஸ்பெக்டர் ராஜேஸ்வரி போலீஸ் காவலில் எடுத்தார்.

பிடிபட்ட குற்றவாளி

பின்னர் காவல் நிலையம் அழைத்து வந்து விசாரணை செய்ததில் மணிகண்டன்(எ) கண்ணன்,பேரூர் கிராமத்தில் ராணுவ வீரர் மனைவி கலைவாணியிடம் தாலி சங்கிலி பறித்துச் சென்றதை ஒப்புக்கொண்டார். பின்னர் தொட்டியத்தில் மணிகண்டனுக்கு சொந்தமான  மற்றொரு வீட்டின் பின்புறம் புதைத்து வைத்திருந்த ஐந்து பவுன் தங்க கட்டியை எடுத்துக் கொடுத்தார். 

தங்கக்கட்டி

தங்க கட்டியின் மதிப்பு ஐந்து பவுன் ஆகும். கலைவாணியிடம் பறித்த தாலி சங்கலியை நாமக்கல் கொண்டு சென்று உருக்கி கட்டியாக மாற்றியதும் தெரிய வந்தது. திருச்சி, தஞ்சை, நாமக்கல், உள்ளிட்ட பல்வேறு இடங்களில் மணிகண்டன் (எ) கண்ணன் மீது வழிப்பறி, திருட்டு, அடிதடி, உள்ளிட்ட பல்வேறு வழக்குகள் நிலுவையில் உள்ளது குறிப்பிடத்தக்கது. நான்கு  மாதங்களுக்கு பின்னர் ராணுவ வீரர் மனைவியிடம் தாலி சங்கிலி பறித்த நபர் பிடிபட்ட  சம்பவம் அப்பகுதியில் பரபரப்பை ஏற்படுத்தி உள்ளது.

கடலூர் மாவட்டம் நெய்வேலி வட்டம்- 4 சேர்ந்த நாராயணன் மகன் சண்முகம்(50). இவரது மனைவி சகிலா. இவர்களுக்கு சித்ரா, பிரியங்கா என   இரண்டு மகள்களும், பிரேம் நாராயணன் என்ற ஒரு மகனும் உள்ளனர்.

சண்முகம் நெய்வேலி என்.எல்.சி சுரங்கம் 1-ல் சொசைட்டி தொழிலாளராக பணியாற்றி வருகிறார். நேற்று இரவு சண்முகத்துக்கும் சகிலாவுக்கும் குடும்பத் தகராறு ஏற்பட்டதாக கூறப்படுகிறது. அப்போது சகிலா வெளியில் உள்ள காரில் படுத்துகொண்டதாகவும், இரவு வீட்டின் உள்ளே சண்முகத்தின் அலறல் சத்தம் கேட்டதாகவும் சொல்லப்படுகிறது. சகிலா கதவை தட்டிபார்த்த போது திறக்கபடாததால், அக்கம் பக்கத்தினர் கதவை உடைத்து உள்ளே சென்று பார்த்தனர். அப்போது சண்முகம் ரத்த வெள்ளத்தில் இறந்து கிடந்துள்ளார். பின்னர் இது குறித்து சகிலா நெய்வேலி டவுன்ஷிப் போலீசாருக்கு தகவல்   கொடுத்துள்ளார்.

இந்த புகாரின் பேரில், நெய்வேலி டவுன்ஷிப் போலீசார் கொலை நடந்த இடத்திற்கு சென்று விசாரணை செய்தனர். மேலும் கடலூரில் இருந்து மோப்ப நாய் கூப்பர் வரவைக்கப்பட்டது. அது கொலை நடந்த இடத்தில் இருந்து வீட்டின் பின்பக்கம் வழியாக வெகு தூரம் ஓடி நின்றது. 

இதனை அடுத்து போலீசார் சண்முகத்தின் உடலை பிரேத பரிசோதனைக்காக, முண்டியம்பாக்கம் அரசு மருத்துவமனைக்கு அனுப்பி வைத்தனர். இருப்பினும் போலீசாருக்கு, சகிலா மேல் ஏற்பட்ட சந்தேகத்தால், அவரிடம் விசாரணை நடத்தினர். அந்த விசாரணையில், " எனது கணவர் சண்முகத்துக்கும் வேறொரு பெண்ணிற்கும் தொடர்பு இருந்ததால், தனக்கும் அவருக்கும் அடிக்கடி பிரச்சனை ஏற்பட்டு வந்தது. மேலும் எனது இரண்டாவது மகள் பிரியங்காவை, நெய்வேலி வட்டம்-9 ஐ சேர்ந்த தங்கப்பன் மகன் தமிழ்வளவன் காதலித்து வந்தார். இது எனது கணவருக்கு பிடிக்கவில்லை. இதை பயண்படுத்திக் கொண்டு, தமிழ்வளவனை தொடர்பு கொண்டேன். என் கணவர் இருக்கும்வரை, என் மகளை நீ திருமணம் செய்ய முடியாது அதனால் நீ சண்முகத்தை கொலை செய்து விடு. நான் என் மகளை உனக்கு திருமணம் செய்து வைக்கிறேன் என்று  கூறினேன்.

அதன் படி, நேற்று இரவு திட்டமிட்டபடி எனக்கும் எனது கணவருக்கும் தகராறு ஏற்பட்டது. நான் வீட்டின் வெளியே உள்ள காரில் படுத்துக்கொண்டு தமிழ்வளவனுக்கு தகவல் கொடுத்தேன். பின்னர் தமிழ்வளவன் மற்றும் அவரது நண்பர், உள்ளே சென்று, என் கணவரை கொலை செய்தனர் " என விசாரணையில் கூறியுள்ளார். மேலும் விசாரணைக்கு பின்னர் சகிலாவையும், தமிழ்வளவனையும் நெய்வேலி டவுன்ஷிப் போலீசார் கைது செய்தனர். இச்சம்பவம் அப்பகுதியில் பெரும் பரபரப்பை ஏற்படுத்தியது.