ஆந்திர மாநிலம் அன்னமய்யா மாவட்டத்தில் உள்ள கொத்தப்பேட்டை ராமாபுரத்தை சேர்ந்தவர் சுப்பம்மா. அவருடைய மருமகள் வசுந்தரா. குடும்ப பிரச்சனை காரணமாக சுப்பம்மா, வசுந்தராவின் தலையை வெட்டி, அதனை எடுத்து வந்து காவல் நிலையத்தில் சரணடைந்தார்.

இதனால் சுப்பம்மாவை கைது செய்த போலீசார், அவரிடம் விசாரணை நடத்தி வருகின்றனர். போலீசார் நடத்திய முதற்கட்ட விசாரணையில், குடும்ப பிரச்சினை காரணமாக வசுந்தராவின் குடும்ப உறுப்பினர்கள் வீட்டிற்கு வந்து சுப்பம்மாவை தாக்கியதாக தெரியவந்துள்ளது.

இதனால் ஆத்திரம் அடைந்த சுப்பம்மா நேற்று மாலை யாரும் இல்லாத நேரத்தில், வசுந்தராவிடம் வாக்குவாதத்தில் ஈடுபட்டுள்ளார். அப்போது ஒரு கட்டத்தில் வாக்குவாதம் முற்றவே, வீட்டிலிருந்த கத்தியை எடுத்து வசுந்தராவின் தலையை வெட்டி தனியாக எடுத்த சுப்பம்மா, அந்த  தலையுடன் காவல் நிலையத்திற்கு சென்று சரணடைந்துள்ளார். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

சென்னை அயப்பாக்கம் எழில் நகரை சேர்ந்தவர் கோபிநாத் (வயது 37). இவர், அம்பத்தூர் எஸ்டேட்டில் உள்ள தனியார் நிறுவனத்தில் மனிதவள மேம்பாட்டு துறை அதிகாரியாக பணிபுரிந்து வருகிறார். இவர் ஆவடி போலீஸ் கமிஷனர் அலுவலகத்தில் அளித்துள்ள புகார் மனுவில் கூறி இருப்பதாவது,

எங்கள் நிறுவனத்தில் பெரியார் நகரை சேர்ந்த டைசிகஸ் விவேக் குமார் (32), நாகப்பட்டினத்தை சேர்ந்த குமரவேல் (29), வில்லிவாக்கம் பகுதியை சேர்ந்த தாமோதரன் (29), சுரேஷ் (32), தென்காசி மாவட்டம் ஆலங்குளம் பகுதியை சேர்ந்த செல்வக்குமார் (32), திருவொற்றியூர் பகுதியை சேர்ந்த திலீப் குமார் (32) ஆகிய 6 பேர் மென்பொருள் பணி ஊழியர்களாக பணியாற்றி வந்தனர்.

இவர்கள் எங்கள் நிறுவனத்தில் பணிபுரிவதுபோல் 126 போலி பணியாளர்கள் பட்டியலை தயாரித்து, தங்கள் நண்பர்கள் மற்றும் உறவினர்கள் பெயரில் வங்கி கணக்கு தொடங்கி ரூ.6 கோடியே 95 லட்சம் வரை நிறுவனத்தின் பணத்தை கையாடல் செய்துள்ளனர்.  இவர்கள் மீது நடவடிக்கை எடுக்க வேண்டுமென புகாரில் கூறியிருந்தார்.

இதையடுத்து ஆவடி மாநகர காவல் ஆணையாளர் சந்தீப் ராய் ரத்தோர் உத்தரவின் பேரில் ஆவடி மத்திய குற்றப்பிரிவு காவல் ஆய்வாளர் கீதா வழக்குப்பதிவு செய்து விசாரணை மேற்கொண்டார்.

விசாரணையில் டைசிகஸ், விவேக்குமார், தாமோதரன், குமரவேல், சுரேஷ், செல்வக்குமார் ஆகிய 5 பேரை குற்றத்தை ஒப்பு கொண்டதால் அவர்களை கைது செய்து சிறையில் அடைத்தனர் மேலும் இவ் வழக்கில் தொடர்புடைய ஒருவரை தேடி வருகின்றனர் என்பது குறிப்பிடத்தக்கது.

தூத்துக்குடி மாவட்டம் விளாத்திகுளம் காமராஜர் நகர் பகுதியைச் சேர்ந்த பால்சாமி என்பவரின் மனைவி முத்துலட்சுமி (வயது 52). இவர் கடந்த மாதம் 30ந் தேதி விளாத்திகுளத்திலிருந்து கோவில்பட்டி செல்வதற்காக விளாத்திகுளம் பஸ் நிலையத்திற்கு சென்றார். அங்கிருந்து கோவில்பட்டி செல்வதற்கு வந்த பஸ்சில் ஏராளமான பயணிகள் முண்டியடித்து கொண்டு ஏறினர். அப்போது முத்துலட்சுமியும், பஸ்சில் கூட்ட நெரிசலில் ஏறியுள்ளார். 

இந்த கூட்ட நெரிசலை பயன்படுத்தி, மர்ம நபர்கள் முத்துலட்சுமி வைத்திருந்த ரூ.10ஆயிரம் பணப்பையை திருடிக் கொண்டு தப்பி சென்றனர். பஸ்சிற்குள் சென்ற சிறிது நேரத்தில் பணப்பை திருடப்பட்டதை அறிந்த அவர், விளாத்திகுளம் போலீஸ் நிலையத்தில் புகார் செய்தார். இதன் பேரில் விளாத்திகுளம் போலீசார் வழக்குப்பதிவு செய்து விசாரணை நடத்தினர். இதில், விளாத்திகுளம் பஸ் நிலையத்தில் உள்ள கண்காணிப்பு கேமராக்களில் பதிவான காட்சிகளை ஆய்வு செய்தனர்.

அதில் பதிவான காட்சிகளில் முத்துலட்சுமி பஸ்சில் ஏறும்போது, அவரை பின் தொடர்ந்து கூட்ட நெரிசலைப் பயன்படுத்தி 2 இளம்பெண்கள் பணப்பையை திருடியது தெரிய வந்துள்ளது. 2 இளம்பெண்கள் கைது அந்த காட்சிகளின் அடிப்படையில் போலீசார் தீவிர விசாரணை மேற்கொண்டனர்.

இதில், முத்துலட்சுமியின் பணப்பையை திருடியது தூத்துக்குடி முள்ளக்காடு பகுதியைச் சேர்ந்த சத்யா (வயது 35) மற்றும் சந்தனமாரி (22) என்பது தெரியவந்தது. இதை தொடர்ந்து அந்த 2 இளம்பெண்களையும் போலீசார் கைது செய்தனர். கோர்ட்டில் ஆஜர் செய்யப்பட்ட 2பேரும் சிறையில் அடைக்கப்பட்டனர்.

மும்பை கோவண்டியில் உள்ள கோவிலில் கொள்ளையடித்ததாக 32 வயது நபர் ஒருவர் கைது செய்யப்பட்டார். அக்தர் ஹைதர் அன்சாரி என்று அழைக்கப்படும் சந்தேக நபர், இரண்டு சிலைகளைத் திருடியதாகக் கூறப்படுகிறது. மேலும், அவர் கைது செய்யப்பட்டபோது அவரது வீட்டில் சுவாமி சிலைகள் கண்டுபிடிக்கப்பட்டதாக போலீசார் தெரிவித்தனர்.

காவல்துறை அதிகாரி ஒருவர் இது குறித்து கூறுகையில், கோயில் பராமரிப்பாளர் பிரசாத் படடே புகார் அளித்ததாகத் தெரிவித்தார். “படடே காலியில், சுமார் 6:30 மணியளவில் கதவுகளைத் திறந்தார். பிரகாரத்தை சுத்தம் செய்த பின், 7:30 மணியளவில் புறப்பட்டார். பின், காலை 9:30 மணியளவில் திரும்பி வந்து பார்த்தபோது, ​​தலா 5 கிலோ எடையுள்ள ஆஞ்சநேயர் சிலையும், 7 கிலோ எடையுள்ள துர்க்கை அம்மன் சிலையும் காணாமல் போனதைக் கண்டுபிடித்தார். தெய்வங்களுக்குப் படையலிடப் பயன்படும் 1.  5 கிலோ எடையுள்ள பித்தளை பூஜைத் தட்டும் அங்கு காணவில்லை.

உடனே, படேட் காவல்துறையிடம் சென்று நடந்த சம்பவம் குறித்து சிவாஜி நகர் காவல் நிலையத்தில் புகார் அளித்தார். திருட்டு வழக்கு பதிவாகியதை அடுத்து, கோவிலுக்கு அருகில் உள்ள கேமராக்களில் உள்ள சிசிடிவி காட்சிகளை போலீசார் ஆய்வு செய்தபோது, ​​குற்றவாளிகளை அடையாளம் காண முடியவில்லை என்று அதிகாரிகள் கூறினர்.

கணவ்ன மனைவிக்கிடையே பல வகையான் அதகராறுகள் இருக்கும். சிலவற்றில் சண்டைகள் கூட மூடலாம். ஆனால், ஒரு பெண், தகராறு நடந்த காரணத்தால், கணவரையே கொன்று, தங்களது வீட்டில் புதைத்திருக்கிறார். தகவல்களை வெளியிட்ட காவல் துரையினர் இந்த சம்பவம் அதிர்ச்சி அளிப்பதாகக் கூறிகின்றனர்.

உத்திரபிரதேச மாநிலன் ஷாஜகான்பூரில், காடியா ரங்கன் காவல் நிலையத்திற்கு உட்பட்ட கமாரியா கிராமத்தைச் சேர்ந்த ஷில்பி என்பவர், தனது கணவர் கோவிந்துடன் ஆகஸ்ட் 7ம் தேதி சண்டையிட்டிருக்கிறார். பின், அவரைக் கொன்று, வீட்டில் குழி தோண்டி அங்கேயே புதைத்துள்ளார். ஆனால், தனது கணவர் தற்கொலை செய்து கொண்டதாக அந்த பெண் பொலிஸாரிடம் தெரிவித்துள்ளார். சந்தேகம் அடைந்த போலீசார் தொடர்ந்து விசாரணை நடத்தியதில், உண்மை சம்பவம் வெளிச்சத்திற்கு வந்துள்ளது. 

வீட்டில் இருந்து துர்நாற்றம் வீசத் தொடங்கிய பிறகுதான் விஷயம் தெரிய வந்தது. அதன்பிறகு, நாசிக்கில் வசிக்கும் இறந்தவரின் தாயாருக்கு உள்ளூர்வாசிகள் தகவல் கொடுத்ததாக மகாராஷ்டிர போலீசார் தெரிவித்தனர்.

முதற்கட்ட விசாரணையின் போது, ​​தனது கணவர் குடிப்பழக்கம் உள்ளவர் என்றும், ஞாயிற்றுக்கிழமை அவர்களுக்குள் சண்டை நடந்ததாகவும் அந்த பெண் போலீசாரிடம் தெரிவித்தார். மேலும், வீட்டின் மொட்டை மாடியில் தூங்கச் சென்றதாகவும், கணவர் கீழே தூங்கியதாகவும் அந்த பெண் கூறியுள்ளார். இரவில், அவர் தூக்கிட்டு தற்கொலை செய்து கொண்டார் என்றும், இதனால் பயந்து போய் வீட்டில் குழி தோண்டி உடலை புதைத்ததாக அந்த பெண் கூறியுள்ளார்.

சடலம் பிரேத பரிசோதனைக்காக அனுப்பி வைக்கப்பட்டுள்ளதாகவும், இது தொடர்பாக விசாரணை நடத்தப்பட்டு வருவதாகவும் பொலிஸார் தெரிவித்தனர்.