பெரம்பலூர் மாவட்டத்தில் வயதான தம்பதியினர் கழுத்தறுத்து கொலை செய்யப்பட்ட சம்பவம் பரபரப்பை ஏற்படுத்தியுள்ளது.

தொண்டப்பாடி கிராமத்தைச் சேர்ந்தவர்கள் மாணிக்கம் - மாக்காயி தம்பதியினர். இவர்களது மூன்று பெண் பிள்ளைகளும் திருமணமாகி சென்று விட்ட நிலையில், இருவரும் வீட்டில் தனிமையில் வசித்து வந்துள்ளனர்.  இந்நிலையில் இன்று காலை மாணிக்கம், மாக்காயி இருவரும் வீட்டில் ரத்த வெள்ளத்தில் கிடப்பதை கண்ட அக்கம்பக்கத்தினர், போலீசாருக்கு தகவல் கொடுத்துள்ளனர். சம்பவ இடத்திற்கு சென்ற போலீசார் உடலை கைப்பற்றி விசாரணை மேற்கொண்டு வருகின்றனர்.

மதுரை மாவட்டத்தில், கடன் தொல்லை காரணமாக தாய், மகன் தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தியுள்ளது. கரிமேடு பகுதியை சேர்ந்த விஜயலட்சுமி அளவுக்கு அதிகமான கடன் வாங்கியதாக கூறப்படும் நிலையில் அதனை திருப்பி கொடுக்க முடியாமல், மன உளைச்சலில் இருந்து வந்துள்ளார். இதனிடயே விஜயலட்சுமி அவரது மகனுடன் விஷம் அருந்தி தற்கொலை செய்து கொண்டார்.  இதுகுறித்து தகவல் அறிந்து சென்ற போலீசார், இருவரின் உடலையும் கைப்பற்றி விசாரணை மேற்கொண்டு வருகின்றனர்.

திருவண்ணாமலை மாவட்டம் ஆரணியில் சுடுகாடு அமைப்பதில் மோதல் ஏற்பட்டதால் காவல் துறையினர் தடியடி நடத்தினர். ஆரணி அடுத்த சேவூர் ஊராட்சியில் உள்ள எஸ்.எல்.எஸ். மில் பகுதியில் வசிக்கும் மக்கள், இறந்தவரின் உடலை அடக்கம் செய்ய ஆரணி - வேலூர் நெடுஞ்சாலை அருகே இடத்தை தேர்வு செய்தனர். 

அப்போது, அங்கு வந்த சேவூர் மற்றும் ரகுநாதபுரம் கிராம மக்கள் சுடுகாடு அமைக்க எதிர்ப்பு தெரிவித்தனர். இதனால், இருதரப்பு மக்களிடையே கைகலப்பு ஏற்பட்ட நிலையில், தகவல் அறிந்து வந்த காவல் துறையினர் லேசான தடியடி நடத்தி கூட்டத்தை கலைத்தனர். மேலும், நெடுஞ்சாலைத்துறைக்கு சொந்தமான இடத்தில் சுடுகாடு அமைக்கக் கூடாது எனக்கூறி வருவாய்த்துறை அதிகாரிகள் பிரச்சனைக்கு முற்றுப்புள்ளி வைத்தனர். 

சென்னை காசிமேடு மீன்பிடி துறைமுகம்  வார்ப்பு பகுதியில் மீன் ஏலம் விடும் பகுதியில் உள்ள கடலில் சுமார் 60 வயதுடைய பெண் இறந்து சடலமாக மிதப்பதாக மீனவர்கள் காசிமேடு மீன்பிடி துறைமுக போலீசாருக்கு தகவல் தெரிவித்தனர்.

மேலும் படிக்க | நகை திருட்டில் ஈடுபட்டு ஓட்டம் பிடித்த 2 பெண்கள்...

தகவலறிந்து சம்பவ இடத்திற்கு விரைந்த போலீசார்  தீயணைப்பு துறையினருக்கு தகவல் தெரிவித்தனர். தகவலறிந்து சம்பவ இடத்திற்கு விரைந்து வந்த இராயபுரம் தீயணைப்பு துறையினர் உடலை கைப்பற்றி பிரேத ப‌ரிசோதனை‌க்காக அரசு ஸ்டான்லி மரு‌த்துவமனை‌க்கு அனுப்பி வைத்தனர். இச்சம்பவம் குறித்து வழக்குப்பதிவு செய்து விசாரணை மேற்கொண்டனர்.

மேலும் படிக்க | பள்ளி விடுதியில் தூக்கு போட்டு தற்கொலை செய்து கொண்ட மாணவி...

விசாரணையில் இராயபுரம் தர்கா காலனி சேக் மேஸ்திரி தெருவைச் சேர்ந்த 60வது வயதுடைய சபிரா பீ என தெரியவந்தது. மனநலம் பாதிக்கப்பட்டு இருந்ததாகவும் கடலில் குதித்து தற்கொலை செய்து கொண்டதாக போலீசாரின் முதற்கட்ட விசாரணையில் தெரிய வந்தது.

மேலும் படிக்க | பெண்ணை அரிவாளால் வெட்டி 16 சவரன் தங்க நகை கொள்ளை அடித்த கொடூரம்...

திருவண்ணாமலை | சென்னை கூடுவாஞ்சேரி பகுதியைச் சேர்ந்தவர் வசீம் மற்றும் இவரது மனைவி அப்ரின் ஆகியோர் குடும்பத்துடன் வந்தவாசிக்கு 148 என்னும் அரசு பேருந்தில் வந்து கொண்டிருந்தனர்.

அப்போது வந்தவாசி அடுத்த தென்னாங்கூர் கிராமம் அருகே அரசு பேருந்து வரும்போது கைக்குழந்தையுடன் வந்த மூன்று பெண்கள் பேருந்தில் அமர்ந்து கொண்டு வசீம் எடுத்து வந்த பேக்கை நைசாக சத்தம் இல்லாமல் திறந்து நகையை திருட முயற்சி செய்தனர்.

இதை கவனித்த வசிமின் மனைவி உடனடியாக சுதாரித்துக் கொண்டு ஏன் என்னுடைய பேக்கை எடுக்கிறீர்கள் என்று கேள்வி கேட்டவுடன் உடனடியாக அந்த பெண்கள் பேருந்தை நிறுத்த கூறி உடனடியாக அங்கிருந்து தப்பி ஓட முயற்சி செய்தனர்.

மேலும் படிக்க | பள்ளி விடுதியில் தூக்கு போட்டு தற்கொலை செய்து கொண்ட மாணவி...

இதனால் வசீம் கொண்டு வந்த பைகளில் 15 சவரன் தங்க நகை தப்பியது. பின்னர் உடனடியாக பேருந்தில் இருந்து இறங்கி மூன்று பெண்களை ஓடி சென்று மடக்கி பிடித்த போது அதிலிருந்து ஒரு பெண் அவ்வழியாக வந்த இருசக்கர வாகனத்தில் ஏறி அங்கிருந்து தப்பி ஓடிவிட்டார்.

இரண்டு பெண்களை பிடித்து வந்தவாசி அனைத்து மகளிர் காவல் நிலையத்தில் ஒப்படைத்தனர். அப்போது போலீசார் விசாரணை செய்த போது பெண்கள் கையில் போலியான ஆதார் கார்டுகள் வைத்திருந்தது தெரியவந்தது.

மேலும் படிக்க | வேலை கிடைக்காத விரக்தியில் இளைஞர் தற்கொலை..!

மேலும் விசாரணையில் திருச்சி பீமா நகர் பகுதியை சேர்ந்த அகிலா என்றும் அவரது சகோதரி ஆரிக்கா என்றும் தெரியவந்தது. மேலும் தப்பி ஓடிய பெண் சரண்யா என்றும் தெரியவந்தது. மேலும் இவர்கள் மீது பல காவல் நிலையங்களில் குற்ற வழக்குகள் நிலுவையில் இருந்து வருவதும் தெரியவந்தது.

மேலும் இவர்கள் கோவில் கும்பாபிஷேகம் திருவிழாக்கள் மற்றும் எங்கே அதிகமாக கூட்டம் இருக்கிறதோ அங்கு இவர்கள் சென்று கூட்டத்துடன் கூட்டமாக நகையை திருடுவது கைவந்த கலையாகும்.

இதையடுத்து போலீசார் இரண்டு பெண்கள் மற்றும் கைக்குழந்தையுடன் கைது செய்து சிறையில் அடைத்தனர்.

மேலும் படிக்க | பெண்ணை அரிவாளால் வெட்டி 16 சவரன் தங்க நகை கொள்ளை அடித்த கொடூரம்...