சென்னை | கொளத்தூர் பூம்புகார் நகரை சேர்ந்தவர் கோவிந்தன் இவர் தனியார் கம்பெனியில் பணிபுரிந்து வருகிறார். இவரது 28 வயது மகள் கல்லூரியில் எம்.ஃபில் படித்து வருகிறார். 

அவரது மகள் அதே கல்லூரியில் பயின்று வரும் குருமூர்த்தி என்பவரை காதலித்து வந்ததாக கூறப்படுகிறது . இந்நிலையில்  கடந்த 20 நாட்களுக்கு முன்பு   வீட்டை விட்டு வெளியேறி காதலனுடன்  பெரியார் திடலில் கலப்பு திருமணம் செய்துள்ளார். அதன்பின் இருவரும் பொள்ளாச்சி சென்று குடும்பம் நடத்தி வந்தனர்.

மேலும் படிக்க | சென்னை தலைமை காவலர் செய்த சிறப்பான செயல்...  ! இத்தனை பதக்கங்களா...?

இதனால் அதிர்ச்சி அடைந்த கோவிந்தன் ராஜமங்கலம் காவல் நிலையத்தில்  தனது மகளை  காணவில்லை என்றும் மேலும் வீட்டிலிருந்த 65 சவரன் நகை, ரூ 4 லட்சம் பணத்தை  எடுத்துச் சென்று விட்டதாகவும் கூறியிருந்தார். 

இது குறித்த புகாரின் பேரில் வழக்கு பதிவு செய்த ராஜமங்களம் காவல் நிலைய ஆய்வாளர் கண்ணன்  இந்த வழக்கை சரியாக விசாரிக்காமல் ஒருதலை பட்சமாக செயல்பட்டதால் இதுகுறித்து மீண்டும் சென்னை கமிஷனர் அலுவலகத்தில் புகார் அளித்தார். அதனை தொடர்ந்து ஆய்வாளர் கண்ணனை காவல் கட்டுப்பாட்டு அறைக்கு மாற்ற நேற்று கமிஷனர் சங்கர் ஜிவால் உத்தரவிட்டார்.

மேலும் படிக்க | சாதிப்பெயரை சொல்லி பெண்ணை திட்டிய காவலர் கைது...

திண்டிவனத்தின் பல்வேறு இடங்களில் வெடிகுண்டு நிபுணர்கள் திடீர் சோதனையில் ஈடுபட்ட நிலையில் பெண் ஒருவரை மோப்பநாய் கவ்வி பிடிக்க முயன்றதால்  பரபரப்பு ஏற்ப்பட்டது.

கடந்த சில தினங்களுக்கு முன்பாக கோவையில் கார் சிலிண்டர் வெடிப்பு மற்றும் கர்நாடகா மாநிலம் மங்களூரில் ஆட்டோவில் குக்கர் குண்டு வெடிப்பு நடைபெற்று பரபரப்பு ஏற்படுத்தியது.இதனைத் தொடர்ந்து பல்வேறு இடங்களில் போலீசார் ஐ எஸ் ஐ எஸ் அமைப்பில் தொடர்புடைய நபர்களை கைது செய்தும் ,
பல்வேறு இடங்களில் தீவிர சோதனை நடத்தியும்  வருகின்றனர்.

 இந்த நிலையில் இன்று விழுப்புரம் மாவட்டம் திண்டிவனத்தில் உள்ள கோவில்கள்,மசூதிகள்,
வணிக நிறுவனங்கள்,ரயில் நிலையம்,பேருந்து நிலையம் ஆகிய இடங்களில் வெடிகுண்டு நிபுணர்கள் சப்-இன்ஸ்பெக்டர் ரவி தலைமையிலான குழு மோப்பநாய் ராணி உதவியுடன் மெட்டல் டிடெக்டர் கொண்டு சோதனை செய்தனர்.அப்பொழுது பேருந்து நிலையத்தில் சோதனை செய்துக் கொண்டு இருக்கும்போது மோப்பநாய் ராணி திடீரென அங்கு சாலையோரம் பழ வியாபாரம் செய்துக் கொண்டிருந்த பெண் ஒருவரை கவ்வி பிடிக்க முயன்றது. 

அப்போது அந்தப் பெண்மணி அச்சத்தில் கூச்சலிட்டார்.இதனால்  போலீசார் அந்தப் பெண் இருந்த இடம்   மற்றும் அங்கிருந்து 100 மீட்டர் இடைவெளி  உள்ள கடைகளை மெட்டல் டிடெக்டர் கொண்டு சோதனை செய்தனர்.மேலும் அந்த பெண்ணிடம் போலீசார் தீவிர சோதனையில் ஈடுபட்டதுடன் ,தீவிர விசாரணைக்கு பின்பு அங்கிருந்து சென்றனர். இதனால் சிறிது நேரம் பரபரப்பு ஏற்ப்பட்டது.

உதயநிதி ஸ்டாலினின் பிறந்த நாளை முன்னிட்டு தென் சென்னை முகேஷ் கண்ணன் தலைமையில், சுகாதாரத்துறை அமைச்சர் மா.சுப்ரமணியன் முன்னிலையில் சென்னை அம்பேத்கர் சட்டக் கல்லூரி மற்றும் அதனை சுற்றியுள்ள வட்டார பகுதிகளில் 4500 மரக்கன்றுகள் நடும் விழா நடைபெற்றது.

ஏழு வகையான பூப்பூக்கும் தாவரங்களைக் கொண்ட 4500 மரக்கன்றுகளை நடும் பணியை சுகாதாரத்துறை அமைச்சர் மா சுப்ரமணியன் துவக்கி வைக்க, அவரை தொடர்ந்து மாணவர்களும் கல்லூரி வளாகத்திற்குள் ஆயிரத்திற்கும் மேற்பட்ட மரக்கன்றுகளை நட்டனர்.

இந்நிகழ்ச்சியில் கலந்து கொண்டு உரையாற்றிய அமைச்சர் மா சுப்பிரமணியன், மரக்கன்று நடும் பணியினை துவக்கி வைக்க  என்னை அழைத்தனர், ஆனால் அம்பேத்கர் சட்டப் பல்கலைக்கழக மாணவர்களோடு இணைந்து மரக்கன்று நடும் நிகழ்வாக இருக்கும் என்று எனக்கு தெரியாது. யார் எதிர்காலத்தில் மரங்களை பாதுகாக்க வேண்டுமோ, அவர்கள் முன்னிலையில் இந்த நிகழ்ச்சியை துவக்கி வைப்பது பெருமையாக இருக்கிறது.

ஒரு நாட்டின் பசுமை தரப்பு 33 சதவீதம் இருக்க வேண்டும் ஆனால் நம்மிடம் 23.7% மட்டுமே உள்ளது. எனவே, 9.3% கூடுதலாக  மரம் நட வேண்டும், அதற்கு 260 கோடி மரங்கள்  இருக்க வேண்டும். அதற்காக முன்னரே திமுக அறிக்கையில் குறிப்பிடப்பட்ட 10 ஆண்டுகளில் 260 கோடி மரங்களை நடுவதற்கான நடவடிக்கையை முதலமைச்சர் எடுத்துள்ளார். 

மேலும் படிக்க: நீதிபதிகள் நியமனத்திலும் தலையிடுகிறதா மத்திய அரசு?!! என்ன சொல்கிறது உச்சநீதிமன்றம்..!

இந்த திட்டத்தினை தமிழ்நாடு அரசு கையில் எடுத்திருந்தாலும் கூட இது அரசினால் மட்டுமே சாத்தியப்படாது. ஒவ்வொரு பொது மக்களும் இதனை கையில் எடுத்து எதிர்காலத்தில் நமக்கு வாழ்வு அளித்து கொண்டிருக்கக் கூடிய மண்ணை மலடாக்காமல் பாதுகாப்பது என்பது நம்முடைய கடமை, எனவே ஆளுக்கு ஒரு மரங்களை நட வேண்டும்.

மா.சுப்ரமணியன் என்கிற தனி மனிதனாகிய நான் ஒரு லட்சத்து 6 ஆயிரம் மரங்கள்  நட்டுள்ளேன். நேரம் காலம் இல்லாத ஒரு துறை வழக்கறிஞர் துறை இதை படிக்கும் உங்களுக்கு வாழ்த்துக்கள் தெரிவித்து கொள்கிறேன் என்று தனது உரையை முடித்தார் சுகாதாரத்துறை அமைச்சர் மா.சுப்ரமணியன்.

தூத்துக்குடி மாவட்டம் சாத்தான்குளம் அருகே உள்ள பண்டாரபுரம் கிராமத்தைச் சேர்ந்தவர் அச்சுதன்- லதா தம்பதியரின் மகள் கார்த்திகா 19. இவர்  சாத்தான்குளத்தில் உள்ள மகளிர் கல்லூரியில் மூன்றாம் ஆண்டு படித்து வருகிறார் .

இதே போல சாத்தான்குளம் அருகே உள்ள கொழுந்தட்டு கிராமத்தைச் சேர்ந்தவர் எப்சி 21 இவரும் கார்த்திகாவும் சாத்தான்குளத்தில் உள்ள  கல்லூரியில் மூன்றாம் ஆண்டு படித்து வருகின்றனர். தோழிகளான இவர்கள் இருவரும்   கடந்த 23ஆம் தேதி வங்கிக்கு செல்வதாக கூறிச் சென்றனர். பின்னர் அவர்கள் வீடு திரும்பவில்லை இன்றோடு ஒரு வாரம் ஆகிறது. இந்நிலையில் கார்த்திகாவின் பெற்றோர் மற்றும் எப்சிபாவின் உறவினர்கள் இருவரும் நெல்லையில் உள்ள டி ஐ ஜி அலுவலகத்தில் மாயமான இரண்டு கல்லூரி மாணவிகளையும் மீட்டு தர கோரி மனு அளித்தனர்.காவல் நிலையத்தில் புகாரளித்தும் போலீசார் உரிய விசாரணை நடத்தாமல் கால தாமதம் செய்வதாக குற்றச்சாட்டு வைக்கின்றனர். 

பின்னர் அவர்கள் இருவருமே வீடு திரும்பாததால் பெற்றோர்கள் அதிர்ச்சி அடைந்தனர். இதுகுறித்து இருவரின் பெற்றோரும் காவல் நிலையத்தில் புகாரளித்த நிலையில் போலீசார் சரிவர விசாரணை நடத்தாமல் காலதாமதம் செய்து வருவதாக கூறப்படுகிறது இந்நிலையின் கார்த்திகாவின் பெற்றோர் மற்றும் உறவினர்கள் இன்று நெல்லை ஹைகிரவுண்ட் பகுதியில் உள்ள நெல்லை சரக டிஐஜி அலுவலகத்தில் மாயமான இரண்டு கல்லூரி மாணவிகளையும் மீட்டு தர கோரி மனு அளித்தனர். இதுகுறித்து கார்த்திகாவின் சகோதரர் செய்தியாளர்களுக்கு அளித்த பேட்டியில், கல்லூரியில் தேர்வுக்காக விடுமுறை விட்டுள்ளனர். சம்பவத்தன்று இருவரும் வங்கிக்கு செல்வதாக கூறிவிட்டு சென்றனர், ஆனால் வீடு திரும்பவில்லை காவல் நிலையத்தில் புகாரளித்தபோது மறுநாள் தான் வழக்கே பதிவு செய்தனர்.

இருவரும் மயமாகி ஒரு வாரம் ஆன நிலையில் போலீசார் சரிவர விசாரிக்காமல் காலதாமதம் செய்கின்றனர் .எனவே தற்போது டி ஐ ஜி அலுவலகத்தில் மனு அளித்துள்ளோம் என்று தெரிவித்தார். கல்லூரி மாணவிகள் இருவரும் ஒரே நேரத்தில் மாயமான நிலையில் அது தொடர்பான வழக்கை போலீசார் இழுத்தடிப்பதாக கூறி பெற்றோர்கள் டி ஐ ஜியிடம் முறையிட்டிருப்பது பரபரப்பு ஏற்படுத்தியுள்ளது.

ஆவடி அருகே திருமுல்லைவாயில் பகுதியில் மருத்துவமனை வைப்பதாக சுந்தரமூர்த்தி என்பவர் முதலீடு கோரி விளம்பரம் செய்திருந்தார்.இதனை கண்ட பல்லாவரத்தை சேர்ந்த வைஷாலி என்பவர் 7 லட்சம் முதலீடு செய்ததாக தெரிகிறது. எதிர்பார்த்த அளவிற்கு லாபமோ, முன்பணமோ கிடைக்காததால் கொடுத்த பணத்தை திருப்பி கேட்டுள்ளார்.

நேற்று இரவு திருமுல்லைவாயல் சரஸ்வதி நகரில் ஒரு டீக்கடையில் வைத்து சுந்தரமூர்த்தி அங்கு வரவைத்து வைஷாலி மற்றும் அவரது ஆதரவாளர்கள் பாரதிதாசன், சிவா தேவகுமார் ஆகிய நான்கு பேரும் பணத்தைக் கேட்டு வாக்குவாதத்தில் ஈடுபட்டுள்ளனர்.வாக்குவாதம் முற்றியதை அடுத்து சுந்தரமூர்த்தியை கையால் தாக்கி தாங்கள் வந்த காரில் கடத்திச் சென்றதாக சுந்தரமூர்த்தியின் மகள் விஷ்ணு பிரியா
திருமுல்லைவாயல் காவல் நிலையத்தில் புகார் அளித்தார்.

புகாரை பெற்றுக் கொண்ட திருமுல்லைவாயல் காவல் ஆய்வாளர் விஜயராகவன் தலைமையிலான தனிப்படையினர் மூன்றே மணி நேரத்தில் சுந்தரமூர்த்தியை மீட்டு நான்கு பேரை கைது செய்து திருமுல்லைவாயில் அழைத்து வந்தனர்.