கிருஷ்ணகிரி | சூளகிரியை அடுத்த பேரிகை அருகே அமைந்துள்ள கொரகுறுக்கி கிராமத்தை சேர்ந்தவர் வெங்கடேஷ் (38), இவர் காய்கறிகளை வாங்கி விற்பனை செய்தும் விவசாய பணிகளை மேற்க்கொண்டு வந்துள்ளார்.

இவர் பேரிகை அருகே உள்ள S.தட்டனப்பள்ளி என்னும் கிராமத்தில் சீனிவாசன் என்பவருக்கு சொந்தமான விளைநிலத்தில் பயிரிடப்பட்டிருந்த உருதுளை கிழங்கு வாங்குவதற்காக சென்றுள்ளார்.

மேலும் படிக்க | ஊருக்குள் புகுந்த காட்டு யானைகளை விரட்டிய அதிகாரிகள்...

அப்போது வரப்பில் கால்நடைகளுக்காக புல்லறுத்தபோது தரையில் இருந்த மின் வயரை அரிவாளால் அறுத்தபோது மின்சாரம் தாக்கி தூக்கி வீசப்பட்டவர் சம்பவ இடத்திலேயே பரிதாபமாக உயிரிழந்தார்.

உயிரிழந்த வெங்கடேஷ் என்பவரது உடலை அடக்கம் செய்ய அவரது உறவினர்கள் ஏற்பாடு செய்த நிலையில் தகவலறிந்து சம்பவ இடத்திற்கு சென்ற பேரிகை போலிசார் வெங்கடேஷ் உடலை கைப்பற்றி பிரேத பரிசோதனைக்காக ஓசூர் அரசு மருத்துவமனைக்கு அனுப்பி வைத்து சம்பவ இடத்தில் விசாரித்து வருகின்றனர். 

மேலும் படிக்க | உணவக கழிவு நீரால் விவசாய நிலம் பாதிப்பு... விவசாயிகள் புகார்...

திருப்பூர் | பல்லடம் காரணம்பேட்டை  பகுதியில் கோவை திருச்சி தேசிய நெடுஞ்சாலையில் அமைந்துள்ள 100 ஆண்டுகள் பழமை வாய்ந்த அருள்மிகு ஶ்ரீ கூப்பிட்டு பிள்ளையார் திருக்கோயில் குடமுழுக்கு விழா வெகு விமர்சையாக நடைபெற்றது. 

இந்த குடமுழுக்கு விழாவில் யாகங்கள் வளர்த்து மந்திரங்கள் முழங்க பூஜைகள் செய்தனர். பின்னர் பல்வேறு புனித தளங்களிலிருந்து கொண்டுவரப்பட்ட புனித நீரானது கோபுர கலசத்தில் தெளிக்கப்பட்டது. இந்த குடமுழுக்கு விழாவில் தமிழ் வழியில் வேள்விகள் நடைப்பெற்றன. இந்த குடமுழுக்கு விழாவில் முப்பதாயிரத்திற்கு மேற்பட்ட பக்தர்கள் கலந்து கொண்டனர். 

மேலும் குடமுழுக்கு விழாவில் கலந்து கொண்ட அனைத்து பக்தர்களுக்கும் அன்னாதானம் கோவில் நிர்வாகம் சார்பில் வழங்கப்பட்டது. மேலும் குடமுழுக்கு விழாவிற்கு நூற்றுக்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர்.இவ்விழாவிற்கு வருகை தந்த அனைவருக்கும் மரங்கன்றுகள் பிரசாத பைகள் வழங்கப்பட்டன. 

மேலும் படிக்க | சனி பெயர்ச்சியை முன்னிட்டு இன்று சனி கோவிலில் சிறப்பு பூஜை... 

சேலம் | அம்மாபேட்டை பகுதியை சேர்ந்த சீனிவாசன்(57) என்பவர் தேநீர் தூள் மொத்தமாக வாங்கி வியாபாரம் செய்து வருகிறார். இந்த நிலையில் தனது ஒரு மகள், இரண்டு மகன்கள் குடும்பம் என அனைவருடனும் கூட்டுக் குடும்பமாக ஒரே வீட்டில் வசித்து வருகின்றனர்.

இந்த நிலையில் சீனிவாசன், அம்மாபேட்டை காவல்நிலையத்தில் புகார் ஒன்றை அளித்தார்.அதில், தனது வீட்டில் வைத்திருந்த 132 பவுன் நகைகள் கடந்த 3 மாத காலத்திற்குள் மாயமாகிவிட்டதாக தெரிவித்திருந்தார்.

இதுதொடர்பாக வழக்குபதிவு செய்த அம்மாபேட்டை காவல்துறையினர் வீட்டில் இருந்த தங்க நகைகள் எப்படி மாயமானது? என்பது குறித்து விசாரணை நடத்தி வருகின்றனர். மேலும் வீட்டுக்கு வந்து செல்லும் நபர்கள் மற்றும் வேலையாட்களிடம் தீவிர விசாரணை நடத்தப்பட்டு வருகிறது. 

வீட்டிலிருந்த 132 தங்க நகைகள் மாயமான சம்பவம் சேலத்தில் பரபரப்பை ஏற்படுத்தி உள்ளது.

மேலும் படிக்க | லிஃப்ட் கேட்பது போல நடித்து கொள்ளையடித்த சகோதரர்கள் கைது...

கிருஷ்ணகிரி | தேன்கனிக்கோட்டை அருகே உள்ள தளி வனப்பகுதியில் ஏராளமான காட்டுயானைகள் முகாமிட்டு சுற்றித்திரிந்து வருகிறது. இந்த காட்டுயானைகள் அவ்வப்போது அருகில் உள்ள கிராமங்களுக்குள் புகுந்து விளைபயிர்களை சேதப்படுத்தியும் வருகிறது.

இந்த நிலையில் தளி வனப்பகுதியில் இருந்து வெளியேறிய 5 காட்டு யானைகள் அருகில் உள்ள தேவகானப்பள்ளி கிராமத்துக்குள் புகுந்து அங்கிருந்த தைல மர தோட்டத்திற்குள் அருந்து முகாமிட்டது.

மேலும் படிக்க | தீா்த்தக்குடம் ஊா்வலம்... திரளானோர் பங்கேற்பு...

இதுகுறித்து அறிந்த தளி வனச்சரகர் சுகுமார் தலைமையிலான வனத்துறையினர் மற்றும் வேட்டை தடுப்பு காவலர்கள் அப்பகுதிக்கு சென்று பட்டாசுகள் வெடித்து காட்டு யானைகளை விரட்டினர்.

தேவகானப்பள்ளியில் இருந்து பட்டாசுகள் வெடித்து கிராமப்பகுதிகள் வழியாக தளி வனப்பகுதிக்கு 5 காட்டு யானைகளும் விரட்டி அடிக்கப்பட்டது. இதனால் அப்பகுதி பொது மக்கள் மற்றும் விவசாயிகள் நிம்மதி அடைந்தனர்.

மேலும் படிக்க | மின்வேலியில் சிக்கி விலங்குகள் பலியாவதை தடுக்க உரிய நடவடிக்கை எடுக்கப்படுமா?!!

திருப்பூர் | பல்லடம் கோவை திருச்சி தேசிய நெடுஞ்சாலையில் மாதப்பூர் அருகே வசித்து வருபவர் விவசாயி வாசு. இவர் தனக்கு சொந்தமான 37 ஏக்கர் நிலத்தில் 4 ஏக்கரில் வாழை சாகுபடி செய்தும் கால்நடைகள் வளர்ப்பிலும் ஈடுபட்டு வருகிறார்.

இந்நிலையில் கடந்த சில மாதங்களாகவே இவரது விவசாய நிலத்துக்கு அருகில் குளம் போல் தேங்கிய சாக்கடை கழிவுநீரில் இருந்து மிகுந்த துர்நாற்றம் வீசியதை அடுத்து இந்த கழிவுநீர் எங்கிருந்து வருகிறது என்பதை சக விவசாயிகள் சிலருடன் சென்று பார்த்துள்ளார்.

அப்போது மாதப்பூர் கோவை திருச்சி தேசிய நெடுஞ்சாலையில் அமைந்துள்ள தாராபுரத்தைச் சேர்ந்த கமலக்கண்ணன் என்பவருக்கு சொந்தமான அபூர்வா என்ற ஹோட்டலில் இருந்து வெளியேற்றப்படும் கழிவுநீர் தான் இந்த சூழலுக்கு காரணம் என தெரியவந்துள்ளது. இன்று விவசாயிகள் சங்க நிர்வாகிகள் பலரும் அப்பகுதியில் ஆய்வு நடத்தினர்.

மேலும் படிக்க | சோதனை ஓட்டத்தில் அத்தி கடவு அவினாசி திட்டம் : அமைச்சர் விளக்கம்

இதில் அபூர்வா ஹோட்டலில் இருந்து வெளியேறும் கழிவு நீர் தேசிய நெடுஞ்சாலை பாலத்தின் வழியாக அங்குள்ள நீர் ஆதார ஓடை வழியாக சென்று விவசாயி வாசுவின் விலை நிலத்தின் அருகே குளம் போல் தேங்கி இருப்பதும் அதில் இருந்து துர்நாற்றம் வீசுவதும் தெரியவந்துள்ளது.

மேலும் இந்த கழிவு நீர் தேங்கி இருப்பதன் காரணமாக நிலத்தடி நீர் ஆதாரம் கடுமையாக பாதிப்படைந்து இருப்பதன் காரணமாக கால்நடைகள் தண்ணீர் அருந்த மறுப்பதாகவும் ரசாயனம் கலந்த துர்நாற்றம் வீசுவதாகவும் இதனால் தங்களது கிணற்று நீரை உபயோகப்படுத்த முடியாத நிலை ஏற்பட்டு இருப்பதாகவும் விவசாயிகள் புகார் கூறுகின்றனர்.

இந்த ரசாயனம் கலந்த நீரானது கிணற்றில் இருந்து வெளியில் எடுக்கப்பட்டு வாழை மரங்களுக்கு பாய்ச்சப்படுவதால் மரங்கள் காய்ந்து போவதாகவும் வருத்தம் தெரிவித்த விவாயிகள் சம்பந்தப்பட்ட அபூர்வா ஹோட்டல் உரிமையாளர் கமலக்கண்ணன் மீது உரிய நடவடிக்கை எடுத்து கழிவு நீரை வெளியேற்றாமல் இருக்க நடவடிக்கை எடுக்க வேண்டும் என்று கோரிக்கை வைத்துள்ளனர்.

மேலும் படிக்க | திடீரென உள்வாங்கிய விவசாய நிலம்.... ஆராய்ச்சியில் மூத்த புவியியலாளர்கள்!!