கடந்த நான்கைந்து மாதங்களாக, இரண்டு காட்டு யானைகள், பாலக்கோடு, பாப்பாரப்பட்டி, பென்னாகரம் உள்ளிட்ட சுற்றுவட்டார பகுதிகளில் அவ்வப்போது விளைநிலங்களில் புகுந்து விளைப்பயிர்களை சேதப்படுத்தி வந்தது. 

விவசாயிகள், பொதுமக்கள் அச்சமடைந்திருந்தனர்காட்டு யானைகளை விரட்டியடிக்கும் பணிகளில் வனத்துறையினர் ஈடுபட்டு வந்தனர். இந்த நிலையி்ல் அச்சுறுத்தி வந்த காட்டுயானைகளை பிடிக்க வனத்துறையினர் தி்ட்டமிட்டு, ஆனைமலை யானைகள் முகாமிலிருந்து சின்னதம்பி என்ற பழக்கப்பட்ட கும்கி யானையினை இரண்டு நாட்களுக்கு முன்னர் பாப்பாரப்பட்டிக்கு வரவழைத்து காட்டு யானையினை பிடிக்கும் பணியினை வனத்துறை துவக்கியது. 

மேலும் படிக்க | காட்டு யானைகளை பிடிக்க கும்கி வரவழைப்பு... 

மூன்றாவது நாளான இன்று பெரியூர் அருகே ஈச்சம்பள்ளம் வனப்பகுதியில் சுற்றிதிரிந்த இரண்டு காட்டு  யானைகளில் ஒரு காட்டு யானைக்கு வனத்துறையினர் மயக்க ஊசி செலுத்தியுள்ளனர். 

மயக்கமடைந்துள்ள காட்டு யானையினை கும்கி யானை உதவியுடன் காட்டு யானையினை தயாராக உள்ள வாகனத்தில் ஏற்றி ஆனைமலை  யானைகள் முகாமில் விட்டுவதாக திட்டமிட்டு அதற்கான பணிகளில் வனத்துறையினர் பணிகளை மேற்கொண்டு வருகின்றனர். 

மயக்க ஊசி செலுத்தப்பட்டிருக்கும் காட்டு யானையானது மக்னா யானை என்பது குறிப்பிடத்தக்கது. அதாவது, ஆண் பாலினத்திற்கும், பெண் பாலினத்திற்கும் சேராத மூன்றாம் பாலினத்தை சேர்ந்தது தான் மக்னா யானை. 

மேலும் படிக்க | வனப்பகுதியில் இறந்து கிடந்த பெண் யானை... என்ன ஆனது? 

தென்காசி | இலஞ்சி கொட்டாகுளம் பகுதியில் காதல் திருமணம் செய்து கொண்ட வினீத் - கிருத்திகா தம்பதியினரை பிரித்து கிருத்திகாவை அவரது பெற்றோர்கள் கடத்திச் செல்வது போன்ற சிசிடிவி காட்சிகள் வைரல் ஆனதை தொடர்ந்து, இந்த சம்பவம் குறித்து குற்றாலம் போலீசார் வழக்குப்பதிவு செய்து கிருத்திகாவை வலை வீசி தேடி வருகின்றனர்.

இந்த நிலையில், இந்த வழக்கில் நாளுக்கு நாள் பல்வேறு திருப்பங்கள் அறங்கேறி வரும் சூழலில், கிருத்திகாவை மீட்பதற்காக தனிப்படை போலீசார் தற்போது குஜராத் விரைந்து அங்கு கிருத்திகாவை தேடி வருகின்றனர்.

மேலும் படிக்க | “நூதன முறையில் கொள்ளை அடிக்கிறது இந்து அறநிலைத்துறை” - முன்னாள் ஐஜி பொன்மாணிக்கவேல்...

இந்த சூழலில், குஜராத் பகுதியில் உள்ள ஒரு கோவில் வைத்து கிருத்திகாவுக்கும், அவரது உறவினரான மேத்ரிக் பட்டேல் என்ற நபருக்கும் திருமணம் நடைபெற்றது போன்ற வீடியோ ஆதாரங்கள் மற்றும் ஆவணங்கள் வெளியிடப்பட்டன.

அதனைத் தொடர்ந்து, கிருத்திகா பேசுவது போன்ற ஒரு வீடியோ வெளியிடப்பட்டது. 'அதில் தன் விருப்பப்படியே தனது பெற்றோர் உடன் இருப்பதாக கிருத்திகா தெரிவித்த சூழலில், நேற்று கிருத்திகாவும், வினித்தும் செல்போனில் தொடர்பு கொண்டு பேசுவது போன்ற ஒரு ஆடியோ வெளியானது.

இப்படி, நாளுக்கு நாள் இந்த வழக்கில் பல்வேறு பரப்பரப்புகள் அரங்கேறி வரும் சூழலில், தற்போது மீண்டும் கிருத்திகா ஒரு வீடியோவை பதிவிட்டு அவரது வழக்கறிஞர்கள் மூலமாக வெளியிட்டுள்ளார்.

மேலும் படிக்க | வனப்பகுதியில் மான்களை வேட்டையாடிய 5 பேர் கைது...

அந்த வீடியோவில், வினீத்தின் குடும்பத்தார் என்னை வைத்து எனது தந்தையிடம் பணம் கேட்டு மிரட்டல் விட்டதாகவும், இதை தெரிந்து கொண்ட தான் தனது கணவரான மேத்ரிக் பட்டேல் மூலம் தனது தந்தைக்கு தகவல் தெரிவித்து தன்னை அழைத்துச் செல்லும்படி கோரிக்கை வைத்ததாகவும், அதனால்தான் தனது பெற்றோர்கள் தன்னை அழைத்து சென்றதாகவும் அந்த வீடியோவில் தெரிவித்துள்ளார்.

இந்த வீடியோ தற்போது வெளியாகி உள்ள சூழலில், பணத்திற்காக வினீத் குடும்பத்தினர் தன்னை பயன்படுத்திக் கொண்டதாக கிருத்திகா வீடியோ வெளியிட்டுள்ள சம்பவம் பெரும் பரபரப்பை ஏற்படுத்தியுள்ளது குறிப்பிடத்தக்கது.

மேலும் படிக்க | ஆட்கடத்தல் வழக்கில் அரசு மருத்துவர் கைது...

சென்னை | காசிமேட்டில் மீன்களை வாங்க பொதுமக்கள் பெரிதும் ஆர்வம் காட்டவில்லை நள்ளிரவு இரண்டு மணி முதற்கொண்டு ஏலமுறையில் தொடங்கும்  இந்த வியாபாரத்தில் சிறு பெரு மற்றும்  சுட்றுவட்டார வியாபாரிகள் கலந்து கொள்வர்.

மேலும் படிக்க | தைப்பூசத் திருவிழாவையொட்டி...முருகனின் அறுபடை வீடுகளில் குவிந்த பக்தர்கள்...!

பொதுவாக ஞாயிற்று கிழமை என்றாலே கூட்டத்துடன் காணப்படும் காசிமேடு ஏலக்கூடமானது இன்று தை பூசம் என்பதால் குறைவாக காணப்பட்டது. அதே அளவு குறைந்த அளவிலான விசைப்படகுகளும் விற்பனைக்கு கரைக்கு திரும்பின. கடந்த வாரத்தை காட்டிலும் இந்த வாரம் மீன்களின் விலை குறைந்தே காணப்பட்டது.

மேலும் படிக்க | நானே உன் மகன்.... தைப்பூச தீர்த்தவாரி.... வரலாறு!!

வங்கக்கடலில் உருவாகிய காற்றழுத்த தாழ்வு மண்டலம்  காரணமாக மீனவர்கள் கடலுக்கு மீன் பிடிக்க செல்லக்கூடாது என கடந்த 30ம்தேதி மீன்வளத்துறை மூலம் எச்சரிக்கை விடுக்கப்பட்டது.

இதனால் நாகப்பட்டினம் மாவட்டத்தில் உள்ள அக்கரைப்பேட்டை நாகூர், பட்டினச்சேரி நம்பியார்நகர், செருதூர் காமேஷ்வரம். விழுந்தமாவடி ஆறுகாட்டுதுறை, கோடியக்கரை உள்ளிட்ட  25 மீனவ கிராமங்களில் உள்ள 700 விசை படகுகள் 3000 பைபர் படகுகள் கடலுக்கு மீன்பிடிக்க செல்லவில்லை.

மேலும் படிக்க | வங்கக்கடலில் காற்றழுத்தத் தாழ்வு மண்டலம்... மீனவர்களுக்கு எச்சரிக்கை...

மேலும் நாகப்பட்டினம் துறைமுகத்தில் 1ம் எண் புயல் எச்சரிக்கை கூண்டு ஏற்றப்பட்டு இருந்தது. காற்றழுத்த தாழ்வு மண்டலம் கரையை கடந்ததை தொடர்ந்து நாகப்பட்டினம் துறைமுகத்தில் 1ம் எண் புயல் எச்சரிக்கை கூண்டு இறக்கப்பட்டு கடல் சீற்றம் குறைந்த நிலையில் 5 நாட்களுக்குப் பிறகு மீன் பிடிக்க மீன்வளத் துறையினர் அனுமதித்துள்னர்.

மேலும், மீன்வளத்துறை மூலம் படகுகளுக்கு வழங்கப்படும் டோக்கன்கள் வழங்கப்பட்டு இன்று அதிகாலை நாகப்பட்டினம் மீன்பிடித் துறைமுகத்தில் இருந்து 700 விசைப்படகுகள் 3000 பைபர் படகுகள் மீன்பிடிக்க சென்றனர். நீண்ட நாட்களுக்குப் பிறகு மீன்பிடிக்கச் செல்லும் மீனவர்கள் அதிக அளவில் மீன் கிடைக்கும் என மகிழ்ச்சியில் சென்றுள்ளனர்

மேலும் படிக்க | மனநலம் பாதிக்கப்பட்ட பெண் கடலில் குதித்து தற்கொலை...

நாகப்பட்டினம் | பெய்த கனமழை காரணமாக நாகப்பட்டினம் மாவட்டம் வடுகச்சேரி,ஆலங்குடி, மூங்கில்குடி, செம்பியன்மகாதேவி, இருக்கை, மகாதானம் சுக்கானூர் உள்ளிட்ட இடங்களில் சுமார் 5ஆயிரம் ஏக்கர் நிலப்பரப்பில் சம்பா சாகுபடி செய்யப்பட்டுள்ளது. 

கடந்த 4 நாட்களாக பெய்த தொடர் கனமழையால்  வயல்களை மழைநீர் சூழ்ந்தது. மேலும் மழை பெய்து 2 நாட்கள் ஆகியும் வயல்களில் வடியாத மழைநீரால் நடவு செய்யப்பட்டு அறுவடைக்கு 10 தினங்களில் தயாராக இருந்த 5000 ஏக்கர் சம்பா நெற்பயிர்கள் மழை நீரில் மூழ்கி நெல் மணிகள்முளைத்து சேதமடைந்துள்ளது. 

சேதமடைந்த சம்பா பயிர்கள் அழுகி துர்நாற்றம் வீசி வருகிறது. இதுவரை வேளாண் துறை அதிகாரிகள் பார்வையிடவே இல்லை எனவும் உடனடியாக தொடர் மழையால் பாதிக்கப்பட்ட விளைநிலங்களை முறைப்படி கணக்கெடுத்து பாதிக்கப்பட்ட அனைத்து விவசாயிகளுக்கும் உரிய நிவாரணம் வழங்க வேண்டும் என அரசுக்கு விவசாயிகள் கோரிக்கை விடுத்துள்ளனர். 

மேலும் படிக்க | 19 சதவீதத்திலிருந்து 22 சதவீதம் உயர்த்த விவசாயிகள் கோரிக்கை...!