கள்ளக்குறிச்சி | ரிஷிவந்தியம் அருகே உள்ள வாணாபுரம்,ஏந்தல், மையனூர், கடம்பூர் உள்ளிட்ட பத்துக்கும் மேற்பட்ட கிராமத்தைச் சார்ந்த நூற்றுக்கும் மேற்பட்ட பள்ளி மாணவர்கள் பகண்டை கூட்டுச்சாலை பேருந்து நிலையத்திலிருந்து தினமும் அரியலூர் அரசு மேல்நிலைப்பள்ளிக்கு சென்று வருகின்றனர். 

ஆனால் போதிய பேருந்து வசதி இல்லாமல் மாணவர்கள் தவித்து வருகின்றனர். 

மேலும் சென்னை, விழுப்புரம், திருக்கோவிலூர் ஆகிய பகுதிகளிலிருந்து சங்கராபுரம் செல்லும் அரசு பேருந்துகளில் பள்ளி மாணவர்களுக்கு பயண கட்டணம் கேட்பதால் கட்டணம் செலுத்த முடியாமல் சுமார் நான்கு கிலோமீட்டர் தூரம் கொளுத்தும் வெயிலில் தினசரி நடந்தே செல்லும் அவல நிலை ஏற்பட்டுள்ளது. 

எனவே மாவட்ட நிர்வாகம் தலையிட்டு பள்ளி மாணவர்களுக்கு கூடுதல் பேருந்து வசதி ஏற்படுத்தி தர வேண்டும் என பெற்றோர்கள் கோரிக்கை விடுத்துள்ளனர். 

மேலும் படிக்க |  மாணவர்களை தகாத வார்த்தைகளால் திட்டி அடித்த பரபரப்பு சம்பவம்... 

நீலகிரி மாவட்டத்தில் 65 ஆயிரம் சிறு மற்றும் குறு தேயிலை விவசாயிகள் உள்ளனர். இவர்கள் பறிக்கும் பச்சை தேயிலையை கூட்டுறவு தொழிற்சாலை மற்றும் தனியார் தொழிற்சாலைகளில் விற்பனைக்கு வழங்கி வருகின்றனர். கடந்த சில மாதங்களாக பச்சை தேயிலைக்கு உரிய விலை கிடைக்காததால் விவசாயிகள் பெறும் பாதிப்பு அடைந்து வருகின்றனர். 

ஆனால் க்ரீன் டீ, சில்வர் டீ, ஒயிட் டீ போன்ற டீ தூளில் அதிக லாபம் கிடைத்து வருகிறது. இந்த நிலையில் ஆர்கானிக் ஹோம் மேட் க்ரீன் டீ தயாரிப்பில் சிறு தொழிலாளர்கள் அதிக ஆர்வம் காட்டி வருகின்றனர். இரண்டு இலையுடன் கூடிய அரும்பு  சேகரிப்பு செய்யப்படுகிறது. 

மேலும் படிக்க | உதகையில் நாளை முதல் படப்பிடிப்பு நடத்த தடை...! 

அதனை வெப்ப நீராவி மூலம் உலர்த்த படுகிறது. பின்னர் அதனை சுமார் 6 மணி நேரம் காய வைக்கப்படுகிறது. பின்னர் கைகளால் அவற்றை தேய்த்து 17 டிகிரி வெப்பநிலையில் மீண்டும் பதப்படுத்தப்படுகிறது. பின்னர் அவற்றை விற்பனை செய்யப்படுகிறது. 

ஒரு ஏக்கர் பரப்பளவில் சுமார் 5 கிலோ வரை தேயிலை சேகரிக்கப்படுகிறது. இந்த ஆர்கானிக் ஹோம் மேட் க்ரீன் டீ ஒரு கிலோ 5000 ரூபாய்க்கு விற்பனை செய்யப்படுகிறது. சாதாரண தேயிலைக்கு விலை இல்லாத நிலையில் இது போன்ற க்ரீன் டீ க்கு சந்தையில் மவுசு அதிகமாக உள்ளதாக வியாபாரிகள் தெரிவிக்கின்றனர். 

மேலும் படிக்க | மலைகளின் அரசியின் கோடை கால விழா எப்போது தெரியுமா? 

கடந்த 2003 ஆம் ஆண்டு கேரள மாநிலம் இடுக்கி மாவட்டம் மூணாறு பகுதிகளில் குப்பைகள் கொட்டப்படுவதை தடுக்கும் விதமாக அந்த குப்பைகளை சேகரித்து மூணார் அடுத்துள்ள கல்லார் பகுதியில் குப்பைகளை தரம் பிரித்து உரம் தயாரிப்பதும் மற்றும் பிளாஸ்டிக் கழிவுகளை வைத்து மறுசுழற்சி செய்வது உட்பட பலவிதமான திட்டங்களை செயல்படுத்தி வந்தது 

இப்படிபட்ட நிலையில் கடந்த சில ஆண்டுகளாக மூணாறு பகுதியிலிருந்து சேகரிக்கப்படும் குப்பைகள் மற்றும் இறைச்சி கழிவுகள் அப்பகுதியில் கொட்டப்பட்டு மலை போல் தேங்கி கிடக்கும் அபாயம் உருவானது.

மேலும் படிக்க | உதயநிதி ஒரு கத்து குட்டி அவருக்கு எதுவும் தெரியாது!!! ஆவேசத்தில் ஜெயக்குமார்

இதனால் அப்பகுதியில் அடிவாரத்தில் கல்லார் எஸ்டேட் பகுதியில் சுமார் 400 குடும்பங்களைச் சேர்ந்த 2000 க்கும் மேற்பட்ட மக்களுக்கு மார்பக புற்றுநோய், ஆஸ்துமா ,மூச்சு குழாய் பிரச்சனை, கல்லீரல் பாதிப்பு, உள்பட பலவித நோய்கள் உருவாக காரணமாகின்றன. 

இதனால்  அப்பகுதியில் உள்ள பெண்கள், பொதுமக்கள் மூணாறு பஞ்சாயத்து நிர்வாகத்தை கண்டித்து குப்பை கிடங்கு அருகில் போராட்டம் நடத்தினர். உடனே சம்பவ இடத்திற்கு வந்த மூனாறு பஞ்சாயத்து செயலாளர்  லஞ்சம் வாங்கி கொண்டு போராட்டத்தில் ஈடுபடுவதாக பொதுமக்கள் மீது குற்றஞ்சாட்டினார்.

மேலும் படிக்க | சுங்க கட்டண உயர்வு கண்டித்து சிஐடியு ஆர்ப்பாட்டம்...

இதனால் கொதிதெழுந்த மக்கள் தாங்கள் யாரிடமும் லஞ்சம் பெறவில்லை எனவும் இது போல் கூறிய பஞ்சாயத்து செயலாளர் மன்னிப்பு கேட்டால் மட்டுமே அவரை இப்பகுதியில் இருந்து செல்ல அனுமதிப்போம் என்று கூறி சாலையில் அமர்ந்து போராட்டத்தில் ஈடுபட்டனர். 

இதனையடுத்து தாம்  கூறியது  தவறு எனவும் இதற்கு முழுமையாக முழு மனதோடு மன்னிப்பு கேட்பதாகவும் பஞ்சாயத்து தலைவர் கூறியதை தொடர்ந்து பொதுமக்கள் போராட்டத்தை கைவிட்டனர்.  இதனால் இப்பகுதியில் பெரும் பரபரப்பு ஏற்பட்டது. 

மாலைமுரசு செய்திகளுக்காக செய்தியாளர் சுதிர் ரகவேந்திரா

மேலும் படிக்க | 73 ஆண்டு விவசாய நிலங்களுக்கு நிரந்தர பட்டா வேண்டி மனு...

தூத்துக்குடி | கோவில்பட்டி அருகேயுள்ள இனாம்மணியாச்சி கிராமத்தில் புகழ்பெற்ற செல்லியரம்மன், காளியம்மன், துர்க்கையம்மன் திருக்கோவில் உள்ளது. இந்த திருக்கோவிலில் நடைபெறும் வைகாசி திருவிழா வெகுவிமர்சையாக நடைபெறும். 

இந்நிலையில் இந்த கோவிலில் மஹா கும்பாபிஷேக விழா இன்று காலை வெகு சிறப்பாக நடைபெற்றது. இதனை முன்னிட்டு காலையில் கணபதி பூஜை, யாகசாலை பூஜைகள் நடைபெற்றன. 

மேலும் படிக்க | திரௌபதி அம்மன் கோவில் திருவிழாவில் ஏராளமானோர் பங்கேற்பு... 

இதனை தொடர்ந்து மேள தளத்துடன் வேதமந்திரங்கள் முழங்க, புனித நீர் எடுத்துச்செல்லப்பட்டு செல்லியரம்மன், காளியம்மன், துர்க்கையம்மன் மூலவர் விமான கோபுரங்களுக்கு புனித நீர் தெளிக்கப்பட்டது. இதையெடுத்து, சிறப்பு தீபாரதனை நடைபெற்றது. 

தொடர்ந்து செல்லியரம்மன், காளியம்மன், துர்க்கையம்மனுக்கு சிறப்பு அபிஷேக அலங்கார தீபாரதனை நடைபெற்றது. இதில் ஆயிரக்கணக்கான பக்தர்கள் கலந்து கொண்டு அம்பாள் தரிசனம் செய்தனர். 

மேலும் படிக்க | ராம நவமியை முன்னிட்டு 2000 லிட்டர் பால் அபிஷேகம்... 

தூத்துக்குடி | திருச்செந்தூர் அருகே உடன்குடியில் சுமார் பத்து ஆயிரம் கோடி மதிப்பில் 660 மெகாவாட் இரண்டு அலகுகள் கொண்ட  அனல் மின் நிலையம் அமைக்கும் பணி இரவு பகலாக மும்மரமாக நடைபெற்று வருகிறது. 

இந்த அனல் மின் நிலையம் கட்டுமான பணிகளுக்காக பல்வேறு பகுதிகளிலிருந்து டிப்பர் லாரிகள் மூலம் தினமும் நூற்றுக்கு மேற்பட்ட லாரிகள் மூலம் கற்கள் கொண்டுவரப்படுகிறது. 

மேலும் படிக்க | இயற்கை பேரிடர் குறித்த விழிப்புணர்வு ஒத்திகை நிகழ்ச்சி...
 

இந்த நிலையில் கூடங்குளத்திலிருந்து அனல் மின் நிலையத்திற்கு டிப்பர் லாரி மூலம்  ராட்சத பாறை கற்களை கொண்டுவரப்படுகிறது. இதில் பரமன்குறிச்சி சமத்துவபுரத்தைச் சேர்ந்த முத்து (43). என்பவர் டிப்பர் லாரியை ஓட்டி வந்தார். 

அனல் மின் நிலையம் அருகே வந்த போது அதிவேகமாக வந்த இந்த டிப்பர் லாரியானது ஓட்டுனரின் கட்டுப்பாட்டை இழந்து சாலையின் வலது பக்கம் உள்ள பெட்ரோல் பங்க் தடுப்பு சுவரில் மோதி கவிழ்ந்தது. 

இதில் லாரியில் இருந்த ராட்சத பாறைக்கற்கள் சாலையில் விழுந்து சிதறியது. அதிர்ஷ்டவசமாக ஓட்டுநர் சிறிய காயத்துடன் உயிர் தப்பினார். இந்த சம்பவம் குறித்து குலசேகரன் பட்டினம் போலீசார் விசாரணை நடத்தி வருகின்றனர். 

மேலும் படிக்க | தண்ணீர் தேடி சென்ற மான் வாகனத்தில் மோதி பலி...