சேலம் அரசு பொறியியல் அரசு கல்லூரியில் படித்த முன்னாள் மாணவர்கள் 32 ஆண்டுகளுக்கு பின்னர் புதுச்சேரியில் ஒன்று கூடி தங்களின் கல்லூரி நினைவுகளை தங்களது குடும்பத்தினருடன் பகிர்ந்து கொண்டாட்டம்

சேலம் அரசு பொறியியல் கல்லூரியில் கடந்த 1986 ஆம் ஆண்டு முதல் 1990 ஆம் ஆண்டு வரை படித்த முன்னாள் மாணவர்கள் பல்வேறு வெளிநாடு மற்றும் பல்வேறு மாநிலங்களில்  இருந்து தொழில் ரீதியாக பணி புரிந்து வருகின்றனர்.இந்நிலையில் கல்லூரி மாணவர்கள் அனைவருக்கும் மீண்டும் சந்திக்கும் வகையில் வாட்ஸ் அப் குழு அமைத்து அதன் மூலம் அமெரிக்கா, சிங்கப்பூர் போன்ற வெளிநாடுகள் மற்றும் வெளி மாநிலத்தில் இருந்த முன்னாள் மாணவர்கள் ஒன்றினைந்து அவர் அவர் குடும்பகளுடன் இன்று புதுச்சேரியில் உள்ள தனியார் விடுதியில் 100 க்கும் மேற்பட்ட முன்னாள் மாணவர்கள் ஒன்றிணைந்து கேக் வெட்டி கொண்டாடி உள்ளனர். 

 மேலும் தங்களது குடும்பத்தினருடன் இணைந்து பழைய கல்லூரி நியாபகங்களை பகிர்ந்துக்கொண்டு ஆடி பாடி மகிழ்ந்தனர்.32 வருடங்களுக்கு பின் இவ்வாறு அனைத்து நண்பர்களையும்,  ஒன்றாக படித்த மாணவர்களையும் பார்ப்பது மனதிற்கு மிகவும் ஆனந்தமாக இருப்பதாக தெரிவித்துள்ளனர்.மேலும் இப்போது நிலவும் இந்த கடுமையான வாழ்க்கை முறையில் இத்தகைய வாய்ப்பு கிடைத்தது மிக பெரிய பொக்கிஷம் என கூறியுள்ளனர்.விழாவில் பழங்கால நினைவுகளை நியாபகம் கூறும் வகையில் பரதநாட்டியம் அரங்கேறியது .

திருவள்ளூர் | திருத்தணி அருகில் உள்ள பொதட்டூர்பேட்டை பேரூராட்சியில், புராதான திருக்கோயிலான அருள்மிகு ஸ்ரீ பொன்னியம்மன் திருக்கோயிலில். ஜுர்ணோத்தாரன அஷ்டபந்தன மஹா கும்பாபிஷேக விழா டிசம்பர்-2 அன்று நடைபெற்றது. 

திருக்கோயில் வளாகத்தில் சகல தேவதா அனுக்ஞை, விக்னேஷ்வரர் பூஜை, புதிய சுவாமிகள் கரிகோலம் வருதல் மஹா சங்கல்பம், கணபதி, லஷ்மி, நவக்கிரக ஹாமம், கோபூஜை, பூர்ணாஹுதி,  மஹா தீபாராதனை அனைத்தும் நல்ல படியாக நடந்தது. 

இதனைத் தொடர்ந்து இன்று நான்காம் கால யாகசாலை பூஜை, மஹா பூர்ணா ஹீதி, யாத்ராதானம், கலசங்கள் புறப்பாடு கோபுரம் மூலவர் மற்றும் பரிவார மூர்த்திகளுக்கு மகா கும்பாபிஷேகம் நடைபெற்றது. 

பின், பொன்னியம்மனுக்கு சிறப்பு மஹா தீபாராதனை நடைபெற்றது இந்நிகழ்ச்சியில் ஆயிரக்கணக்கான பக்தர்கள் சாமி தரிசனம் செய்தனர். திருக்கோயில் சார்பில் 3000 - அன்னதானங்கள் வழங்கப்பட்டது. 

மேலும் படிக்க | கார்த்திகையில் விமர்சையாக நடந்த முருகன் கோவில் கும்பாபிஷேகம்... 

புதுக்கோட்டை | திருமயம் அருகே உள்ள விராச்சிலை அருள்மிகு வள்ளி தெய்வானை உடனுறை கல்யாண முருகன் திருக்கோவில் மகாகும்பாபிஷேகம் விமர்சையாக நடைபெற்றது. மங்கல இசையுடன் தொடங்கிய கும்பாபிஷேக விழாவில் தொடர்ந்து கணபதி ஹோமம், லட்சுமி ஹோமம், நவக்கிரக ஹோமம், வாஸ்து சாந்தி ஹோமம் உள்ளிட்ட பல்வேறு ஹோமங்கள் நடைபெற்றதோடு, விக்னேஸ்வரர் பூஜை லட்சுமி பூஜை, கோ பூஜை, உள்ளிட்ட பல்வேறு பூஜைகளும் நடைபெற்றன.

மேலும் படிக்க | ஆஞ்சநேயர் கோயிலில் அஷ்டபந்தன மஹா கும்பாபிஷேக விழா...

தொடர்ந்து ஆறு கால யாகசாலை பூஜைகளும் நடைபெற்றன. பல்வேறு புனித தலங்களில் இருந்து கொண்டுவரப்பட்ட புனித நீர் கலசங்களில் அடைக்கப்பட்டு யாகசாலையில் வைத்து பூஜிக்கப்பட்டது. அதனை தொடர்ந்து மங்கல இசை வாத்தியங்கள் முழங்க சிவாச்சாரியார்கள் பூஜிக்கப்பட்ட புனிதநீரை தலையில் சுமந்து கோவிலை சுற்றி வலம் வந்து விமானத்தில் புனித நீரை ஊற்றினர்.

இந்நிகழ்வில் தமிழக சட்டத்துறை அமைச்சர் ரகுபதி கலந்து கொண்டார்.இந்நிகழ்வில் சுற்றுவட்டார பகுதியை சேர்ந்த 2000க்கும் மேற்பட்ட பொதுமக்கள் கலந்து கொண்டனர். பாதுகாப்பு ஏற்பாடுகளை பனையப்பட்டி காவல் துறையினர் ஏற்பாடு செய்திருந்தனர்.

மேலும் படிக்க | மழையாய் இருந்தால் என்ன? மஹா கும்பாபிஷேகத்தில் குவிந்த பக்தர் கூட்டம்...

தனியார் நிதி நிறுவன கம்பெனியை போலி ஆவணங்கள் மூலம் ஏமாற்றி நான்கு லட்சம் ரூபாய் வரை கடன் பெற்ற நபர் கைது

புகார் மனு :

சென்னை கொடுங்கையூர் பகுதியைச் சேர்ந்தவர் ராஜேஷ் என்கின்ற ராஜ் . இவர் பல்வேறு போலியான ஆவணங்களை தயார் செய்து தனியார் நிதி நிறுவனம் மூலமாக கடன் பெற்று வீட்டுக்கு தேவையான பொருட்களை வாங்கி, கடன் தொகையை முறையாக கட்டாமல் இருந்துள்ளார்.  அண்ணா சாலையில் உள்ள அந்த தனியார் நிதி நிறுவன மேலாளர் கொடுங்கையூர் காவல் நிலையத்தில் சம்பந்தப்பட்ட ராஜேஷ் மீது நடவடிக்கை எடுக்க கோரி புகார் மனு அளித்துள்ளார்.

காவல்துறை விவசாரணை :

 கொடுங்கையூர் போலீசார் தனியார் நிதி நிறுவனம் கொடுத்த முகவரிக்கு சென்று ஆய்வு செய்தபோது அப்படிப்பட்ட நபர் அந்தப் பகுதியில் இல்லை என்பது தெரிய வந்தது .  இதனை அடுத்து பல்வேறு ஆவணங்களை ஆராய்ந்து நேற்று ராஜேஷ் என்பவரை கொடுங்கையூர் போலீசார் கைது செய்து விசாரணை செய்ததில் , விசாரணையில் தனியார் நிறுவனம் மூலம் அவர் 4 லட்சம் ரூபாய் வரை கடன் பெற்று பொருட்கள் வாங்கியது தெரியவந்துள்ளது. அது மட்டும் இல்லாமல் இவர் மீது ஏற்கனவே தண்டையார்பேட்டை மற்றும் மத்திய குற்றப்பிரிவில் வழக்குகள் உள்ளதும் தெரிய வந்தது. இதனை அடுத்து போலி ஆவணங்களை வைத்து தனியார் நிதி நிறுவனத்தை ஏமாற்றி கடன் பெற்ற காரணத்திற்காக அவர் மீது வழக்கு பதிவு செய்து கொடுங்கையூர் போலீசார் தொடர்ந்து அவரிடம் விசாரணை மேற்கொண்டு வருகின்றனர்.

தீப திருநாளையொட்டி 8000 அகல் மின் விளக்குகள் ஒளிவெள்ளத்தில் ஜொலிக்க போகும் வடபழனி ஆண்டவர் திருக்கோயில்.

8000 மின் விளக்குகள் :

  சென்னையில் புகழ் பெற்ற வடபழனி பழனி ஆண்டவர் திருக்கோயிலில் ஒவ்வொரு வருடமும் கார்த்திகை தீபத்திருவிழா  மிகவும் கோலாகலமாக விளக்குகள் ஏற்றி ஜெகஜோதியாக கொண்டாடப்படும்.அதேபோல் இந்த வருடமும்  வரும் டிசம்பர் 5, 6, 7ஆம் தேதிகளில் மூலவர் சந்நிதி சுற்றுச்சுவர் முழுவதிலும் அகல் விளக்குகளை போன்று 8 ஆயிரம் மின் விளக்குகளை கொண்டு சிறப்பு அலங்காரம் செய்யப்பட உள்ளது . இதற்காக மின் விளக்குகள் பொருத்தும் பணிகள் கோயிலில் உற்சாகத்துடன் துவங்கி உள்ளது.

செண்பக மலர்களால் அலங்காரம் :

அதேபோல் வள்ளி தேவசேனா சந்நிதி எதிரில் 108 குத்து விளக்குகள்  அலங்காரம் ஏற்றப்பட உள்ளது.தீபத்திருநாளன்று மூலவர் பழனி ஆண்டவருக்கு சிறப்பு  அபிஷேக வழிபாடுகள் செய்யப்பட்டு செண்பக மலர்களால் அலங்கரிக்கப்பட்ட திருக்கோலத்தில் பழனி ஆண்டவர் பக்தர்களுக்கு அருள்பாலிக்க உள்ளார்.தீபத்திருநாளை முன்னிட்டு வடபழனி ஆண்டவர் கோயில் விழா கோலம் பூண்டுள்ளது.

பத்தர்களுக்கு வேண்டிய குடிநீர் உள்ளிட்ட அடிப்படை வசதிகளும் செய்து தரப்பட்டுள்ளது. விழா ஏற்பாடுகளை கோவில் தக்கார் எல்.ஆதிமூலம், துணை ஆணையர் முல்லை உள்ளிட்ட செய்து வருகின்றனர்.