கரூர் | அரவக்குறிச்சி சட்டமன்ற தொகுதிக்கு உட்பட்ட கொடையூர் உள்ள அருள்மிகு ஸ்ரீ குங்கும காளியம்மன் கோவிலில் மகா கும்பாபிஷே விழா வரும் 01.02.2023 அன்று நடைபெற உள்ளது.

முன்னதாக கும்பாபிஷேக விழா முதல் கால யாக பூஜைகளுடன் துவங்க உள்ள நிலையில் இன்று கொடுமுடி காவேரி கரையில் இருந்து புனித தீர்த்தம் கொண்டு வரும் நிகழ்ச்சி நடைபெற்றது.

மேலும் படிக்க | விமர்சையாக நடைபெற்ற ‘குட்டி குடி’ திருவிழா...

இந்நிகழ்ச்சி கரூர் பசுபதீஸ்வரர் ஆலயத்தில் இருந்து கொடையூர் கோவில் வரை தேவராட்டம், ஒயிலாட்டம், நாதஸ்வர இசை பல்வேறு மேல தாளங்கள் முழங்க சுமார் ஆயிரத்திற்கும் மேற்பட்டோர் ஊர்வலமாக நகரில் முக்கிய வீதிகள், ஜவகர் பஜார், பேருந்து நிலையம் ரவுண்டானா, திருக்காம்புலியூர் வழியாக புனித நீரை எடுத்துச் சென்றனர்.

மேலும் படிக்க | அருணாசலேஸ்வரர் கோயில் குவிந்த பக்தர்கள் கூட்டம்...

குமரி | குற்றாலம் என்று அழைக்கபடும் திற்பரப்பு அருவியில் இன்று வாரத்தின் கடைசி  விடுமுறை நாள் என்பதால் காலை முதலே ஏராளமான சுற்றுலாப் பயணிகள் குவிந்து வருகின்றனர்.

தமிழகம் மட்டுமல்லாமல் அண்டை மாநிலமான கேரளாவில் இருந்தும் ஏராளமான சுற்றுலாப் பயணிகள் வந்த வண்ணம் உள்ளனர். தற்போது குமரியில் வெயிலின் தாக்கம் அதிகரித்துள்ளதால் அருவியில் கொட்டும் தண்ணீரும் குறைந்துள்ளது.

மேலும் படிக்க | பிளாஸ்டிக் குப்பைகளை சேகரித்த வெளிநாட்டு தம்பதியினர்..!

எனினும் இங்கு வரும் சுற்றுலாப் பயணிகள் நீண்ட நேரம் குறைந்த நீரில் நீராடி மகிழ்ந்து வருகின்றனர். அது போல நீச்சல் குளத்தில் நீராடுவது மட்டுமல்லாமல் சிறுவர்களுடன் பூங்காவில் விளையாடி மகிழ்ந்து வருகின்றனர்.

மேலும் அருவியின் மேற்பகுதியில் உள்ள சுற்றுலா படகு துறையிலும் ஏராளமான பயணிகள் குவிந்து , படகு சவாரி செய்து இயற்க்கை அழகை ரசித்தும் வருகின்றனர்,.

மேலும் படிக்க | சுத்துவதற்கு முன்பே...கழன்று விழுந்த போல்ட்...பிறகு நடந்தது என்ன?

திருச்சி | மண்ணச்சநல்லூர் செங்குந்தர் வகையறா ஸ்ரீ பகவதி அம்மன் திருக்கோயில் திருவிழாவானது கடந்த 17ம் தேதி முகூர்த்தக்கால் நிகழ்வுடன் தொடங்கியது.

தொடர்ந்து கொள்ளிடம் ஆற்றில் கரகம் பாலித்து தீர்த்த குடத்துடன் வருதல் நிகழ்வும் நடைபெற்றது.

மேலும் படிக்க | தமிழகத்தில் ஆங்காங்கே நடைபெற்ற கும்பாபிஷேக விழா...பக்தர்கள் மீது தெளிக்கப்பட்ட புனித நீர்!

இன்று ஸ்ரீ பகவதி அம்மன் மலர் அலங்காரத்தோடு சிறப்பு பூஜைகளுடன் தீபாரதனையும், நித்யபடி அபிஷேகம், கூழ் அபிஷேகம் நடைபெற்றது. இதனையடுத்து கருப்பு கோயிலிருந்து மருளாளி அருளுடன் வந்த பின் பக்தி பரவசத்துடன் மருளாளி குட்டி குடித்தல் நிகழ்வு நடைபெற்றது.

ஆடு, கோழிகளை குட்டி குடித்த போது பக்தர்களை பரவசமடைய செய்தது. தொடர்ந்து மஹா தீபாரதனை நடைபெற்றது. இந்த குட்டி குடித்தல் திருவிழாவில் பெருந்திரளான பக்தர்கள் கலந்து கொண்டு தரிசனம் செய்தனர்.

மேலும் படிக்க | அருணாசலேஸ்வரர் கோயில் குவிந்த பக்தர்கள் கூட்டம்...

ஞாயிற்றுக்கிழமை விடுமுறை தினம் என்பதால் திருவண்ணாமலை நகரில் உள்ள உலகப் பிரசித்தி பெற்ற பஞ்சபூத ஸ்தலங்களில் அக்னி ஸ்தலமாகவும், நினைத்தாலே முக்தி தரும் ஸ்தலமாகவும் விளங்கக்கூடிய அருள்மிகு அருணாசலேஸ்வரர் திருக்கோயிலில் அதிகாலை முதல் 10 ஆயிரத்துக்கும் மேற்பட்ட பக்தர்கள் நீண்ட வரிசையில் மூன்று மணி நேரத்துக்கு மேலாக காத்திருந்து சாமி தரிசனம் செய்து வருகின்றனர். 

மேலும் படிக்க | தமிழகத்தில் ஆங்காங்கே நடைபெற்ற கும்பாபிஷேக விழா...பக்தர்கள் மீது தெளிக்கப்பட்ட புனித நீர்! 

அருள்மிகு அருணாசலேஸ்வரர் கோவில் இன்று அதிகாலை 4.30 மணிக்கு நடை திறக்கப்பட்டு உண்ணாமுலை அம்மன் உடனாகிய அண்ணாமலையாருக்கு சிறப்பு அபிஷேக ஆராதனைகள் செய்யப்பட்டது. 

அதனை தொடர்ந்து அதிகாலை முதல் பக்தர்கள் கிழக்கு திசையில் அமைந்துள்ள ராஜகோபுரம் நுழைவு வாயில் வழியாக வந்து நீண்ட வரிசையில் நின்று அண்ணாமலையார் மற்றும் உண்ணாமலை அம்மனை சுவாமி தரிசனம் செய்துவிட்டு பின்னர் திருமஞ்சன கோபுரம் வழியாக வெளியே செல்கின்றனர். 

மேலும் படிக்க | 16 ஆண்டுகளுக்குப் பிறகு...நாளை நடைபெறவுள்ள முக்கிய நிகழ்வு...ஆராவாரம் கொண்ட பக்தர்கள்...! 

அருள்மிகு அருணாசலேஸ்வரர் திருக்கோயிலின் இரண்டாம் பிரகாரத்தில் அமைந்துள்ள பெரிய நாயகருக்கு சிவாச்சாரியார்கள் வேதமந்திரங்கள் முழங்க மகா தீபாராதனை நடைபெற்றது. 

வழக்கமாக அருள்மிகு அருணாச்சலேஸ்வரர் திருக்கோவிலில் சனி மற்றும் ஞாயிறு மட்டுமல்லாமல் விடுமுறை தினங்களில் உள்ளூர் மற்றும் வெளியூர் பக்தர்கள் அதிக அளவில் வருகை புரிவது தற்போது அதிகரித்துள்ளது குறிப்பிடத்தக்கது. 

மேலும் படிக்க | சீனிவாச பெருமாள் கோவிலில் பிரம்மோற்சவ நிகழ்ச்சி... 

ஈரோடு | அந்தியூர் வனச்சரகத்திற்கு உட்பட்ட வரட்டுபள்ளம் அணை, அந்தியூர் பெரிய ஏரி, கெட்டிசமுத்திரம்  ஏரி உள்ளிட்ட நீர்நிலைப் பகுதிகளில் வனச்சரகர் உத்ராசாமி தலைமையில் பறவைகள் கணக்கெடுக்கும் பணி இன்று காலை தொடங்கியது.

இன்று காலை மட்டும் வரட்டு பள்ளம் அணைப்பகுதியில் பாம்புண்ணி கழுகு, தடித்த அழகு மீன்கொத்தி, வானம்பாடி, ஊசிவாள் வாத்து, மஞ்சள் மூக்கு ஆள்காட்டி, தேன் பருந்து குக்ருவாள், இருவாச்சி, செந்நீல கொக்கு, மரகத புறா உள்ளிட்ட 50-க்கும் மேற்பட்ட பறவைகள் தென்பட்டன.

மேலும் படிக்க | வனவிலங்குகள் கணக்கெடுக்கும் பணி தொடக்கம்...!

குறிப்பாக இமயமலை பகுதியில் இருக்கும் வெர்டிட்டர் பிளைட் கேட்ச்சர் பறவை அந்தியூர் வனப்பகுதியிலும் இருப்பது உறுதி செய்யப்பட்டுள்ளது. மேலும் நூற்றுக்கணக்கான பறவைகள் அந்தியூரின் நீர்நிலை மற்றும் வனப்பகுதியில் இருப்பது உறுதி செய்யப்பட்டுள்ளது.

தொடர்ந்து இன்று ஒரு நாள் முழுவதும்  பறவை ஆர்வலர்கள் உடன் இணைந்து வனத்துறையினர் பறவைகள் கணக்கெடுக்கும் பணியினை மேற்கொள்ள உள்ளனர்.

மேலும் படிக்க | 1500 குழந்தைக்கள் பள்ளிக்கு செல்வதே இல்லை ஆய்வில் தகவல் - பக்கத்துல ஸ்கூல் இல்ல அதுனால் அனுப்பல்ல நரிக்குறவ பெற்றோர்கள்