தென்காசி மாவட்டத்தில் கடந்த சில தினங்களாக வெயிலின் தாக்கம் இருந்து வந்த நிலையில் நேற்று பிற்பகல் முதல் மாவட்டத்தின் பல்வேறு பகுதிகளில் இதமான சாரல் மழை பெய்தது. இதனைத் தொடர்ந்து இரவு முழுவதும் மாவட்டத்தின் பல்வேறு பகுதிகளில் கன மழை பெய்தது.

இதே போன்று மேற்குத் தொடர்ச்சி மலை வனப்பகுதிகளிலும் இரவு முழுவதும் கனமழை பெய்தது. இதனால் குற்றால அருவிகளில் வெள்ளப் பெருக்கு ஏற்பட்டதுடன், அருவி நீருடன் கல் மற்றும் மரக்கட்டைகள் விழத் தொடங்கின.

மேலும் படிக்க | கார்த்திகை 2-வது சோமவாரத்தில் புனித நீராடிய சுமங்கலிகள்...

மேலும் குற்றாலம் மெயின் அருவியில் அபாய வளைவை கடந்தும், பழைய குற்றால அருவியில் தடாகம் வரையில் வெள்ளநீர் பாய்வதால் சுற்றுலா பயணிகள் மற்றும் ஐய்யப் பக்தர்களின் பாதுகாப்பை கருத்தில் கொண்டு சுற்றுலா பயணிகள் குளிப்பதற்கு மாவட்ட நிர்வாகம் தடை விதித்துள்ளது.

மேலும் அருவிகளில் புனித நீராடுவதற்காக வருகை தந்த ஐய்யப்ப பக்தர்கள் ஏமாற்றத்துடன் திரும்பிச் சென்றனர். 

இப்பகுதியில் தொடர்ந்து பெய்து வரும் மழையால் மாவட்டத்திற்கு உட்பட்ட நீர்த்தேக்கங்கள் மற்றும் சிற்றாறு, அரிஹர நதி, அனுமன் நதி, குண்டாறுகளில் வெள்ளப் பெருக்கு ஏற்பட்டுள்ளதால் மாவட்டத்தில் பிசான சாகுபடியில் ஈடுபட்டுள்ள விவசாயிகள் மகிழ்ச்சி அடைந்துள்ளனர்.

மேலும் படிக்க | 2000 கன அடியாக உயர்ந்த அணையின் நீர்வரத்து...!

கடலூர் மாவட்டத்தில் நகராட்சி நிர்வாகம் மற்றும் குடிநீர் வழங்கல் துறை மாநகராட்சி, நகராட்சி மற்றும் பேரூராட்சியில் நடைபெற்று வரும் அரசு திட்ட பணிகள் குறித்து துறை சார்ந்த அலுவலர்களுடன் ஆய்வு கூட்டம் கடலூர் மாவட்ட ஆட்சியர் அலுவலகத்தில் நடைபெற்றது.

இந்த ஆய்வு கூட்டத்திற்கு நகராட்சி நிர்வாகம் மற்றும் குடிநீர் வழங்கல் துறை அமைச்சர் கே.  என்.நேரு, வேளாண் மற்றும் உழவர் நலன் துறை அமைச்சர் எம் ஆர் கே பன்னீர்செல்வம், தொழிலாளர் நலன் மற்றும் திறன் மேம்பாட்டு துறை அமைச்சர் சி.வே. கணேசன் ஆகியோர் கலந்து கொண்டனர்.

மேலும் படிக்க | ரசாயனம் தெளித்து வாழைப்பழங்களை பழுக்க வைக்கும் அவலம்...

இந்த ஆய்வுக் கூட்டத்தில் மாவட்டத்தில் மேற்கொள்ளும் திட்டப்பணிகள் மற்றும் மாவட்டத்திற்கு தேவையான பணிகள் குறித்து ஆலோசிக்கப்பட்டது. தொடர்ந்து செய்தியாளர்களிடம் பேசிய அமைச்சர் கே.  என்.நேரு,கடலூர் மாநகராட்சி மற்றும் விருதாச்சலத்தில் புதிய பேருந்து நிலையம் பணிகள் துவங்க நடவடிக்கை மேற்கொள்ளப்பட்டுள்ளது.

மாநகராட்சி, நகராட்சி பேரூராட்சி அதிகாரிகள் வரி வசூல் மற்றும் வருவாய் குறித்து எந்த இடத்தில் தவறு நடந்தாலும் நடவடிக்கை எடுக்க உத்தரவிடப்பட்டுள்ளது   என்றார்.கடலூர் மாநகராட்சியில் கூட்டுக் குடிநீர் திட்டத்தில் பயன்பெறும் வகையில் நீர் ஆதாரம் கிடைக்கும் பகுதிகளை கண்டறிந்து அதற்கான திட்டம் துவங்கப்பட உள்ளதாகவும், கடலூர் மாநகராட்சியில் மழைநீர் வடிகால் திட்டப் பணிகளை விரைந்து முடிக்க அனைத்து நடவடிக்கையும் எடுக்கப்பட்டு வருகிறது என தெரிவித்தார்.

கடலூர் மாநகராட்சியில் குப்பை கிடங்கு அமைப்பதற்கு 40 ஏக்கரில் இடம் தேர்வு செய்யப்பட்டு அதற்கான பாதை வழங்குவதற்கு 40 கோடி ரூபாய் நிதி ஒதுக்கீடு செய்யப்பட்டு பணிகள் நடைபெற்று வருவதாகவும் அமைச்சர் கே.  என்.நேரு தெரிவித்தார்.

மேலும் படிக்க | இழப்பீடு கொடுக்காத காரணத்தால், பேருந்து ஜப்தி...

கலை திருவிழாவில் தவில், பறை இசை வாசித்து அசத்திய மாணவர்கள். திருவாரூர் மாவட்டம் திருத்துறைப்பூண்டி அரசினர் மேல்நிலைப்பள்ளியில் தமிழ்நாடு அரசு பள்ளி கல்விதுறை சார்பில் கலைத்திருவிழா நடைப்பெற்றது. 

இதில் திருத்துறைப்பூண்டி சுற்றியுள்ள அரசு பள்ளி மாணவ மாணவிகள் குழு நடனம் ஆடியும், மாணவர்கள்- தவில், நாதஸ்வரம், பறை இசை வாசித்தும் தங்கள் திறமையை வெளிப்படுத்தினர். 

இதில் திருத்துறைப்பூண்டி சட்டமன்ற உறுப்பினர் மாரிமுத்து திருத்துறைப்பூண்டி நகர்மன்ற தலைவர் கவிதாபாண்டியன் சிறப்பு விருந்தினராக கலந்துகொண்டனர். 

மேலும் படிக்க | சிறப்பு வாய்ந்த இந்நிகழ்ச்சியில் பங்கேற்பது எனக்கு கிடைத்த பாக்கியம் - அமைச்சர் நெகிழ்ச்சி உரை 

தேனி அருகே உள்ள மாரியம்மன் கோவில்பட்டியை சேர்ந்தவர் வைரவன் இவர் கடந்த 28ஆம் தேதி மாலை மனைவி அமுதா மற்றும் இரண்டாவது மகன் யாதேஷ் உடன் பழனிசெட்டிபட்டி செல்வதற்காக திண்டுக்கல் குமுளி பைபாஸ் சாலையை கடக்க முயற்சித்துள்ளார்.

அப்பொழுது  பைபாஸ் சாலையை  திரும்பிய வெள்ளை நிற போலிரோ வாகனம் இருசக்கர வாகனத்தில் மோதியதாவும்  இதில் வைரவன் அவரது மனைவி மகன் மூவரும் காயமடைந்த நிலையில் மோதிய வாகனம் நிற்காமல் சென்று விட்டதாகவும் கூறப்படுகிறது.

மேலும் படிக்க | குழியை மூட குழியிலேயே இறங்கி நூதன போராட்டம் செய்த வீட்டுப் பெண்கள்...

இதில் வைரவன் மனைவி அமுதா பலத்த காயத்துடன் தற்போது வரை கா.நா. வழக்கு அரசு மருத்துவமனையில் சிகிச்சை மேற்கொண்டு வருகிறார்.

இது தொடர்பாக பழனி செட்டிப்பட்டி காவல் நிலையத்தில் புகார் அளித்து மூன்று நாட்களாகியும் இதுவரை எந்த நடவடிக்கை எடுக்காத காரணத்தினால் ஆத்திரமடைந்த மாரியம்மன் கோவில் பட்டியைச் சேர்ந்த 50க்கும் மேற்பட்ட கிராம மக்கள்  இந்த நான்கு முனை சந்திப்பில் சாலை மறியலில் ஈடுபட்டனர்.

சுமார் ஒரு மணி நேரத்திற்கு மேல் கிராம மக்கள் சாலை மறியலில் ஈடுபட்டனர் இதன் காரணமாக சபரிமலைக்கு செல்லும் ஐயப்ப பக்தர்கள் அரசு மற்றும் தனியார் அலுவலகங்களுக்கு சென்ற பணியாளர்கள் மிகவும் சிரமம் அடைந்தனர்.

மேலும் படிக்க | நாணயங்களை விழுங்கிய முதியவர்...  ! அறுவை சிகிச்சை மூலம் அகற்றிய சம்பவம்...!

காவல்துறையினர் விரைந்து நடவடிக்கை எடுப்பதாக கிராம மக்களிடம் உறுதி அளித்து அவர்களிடம் பேச்சுவார்த்தை நடத்தி கலைந்து செல்ல வைத்தனர்.

வைரவன் மனைவி அமுதா மிகவும்  கா.நா விளக்கு அரசு மருத்துவமனையில் மிகவும் ஆபத்தான நிலையில் சிகிச்சையில் மேற்கொண்டு வரும் நிலையில் அவரது உயிருக்கு ஆபத்து ஏற்பட்டால் மிகப்பெரிய அளவில் கிராம மக்கள் போராட்டத்தில் ஈடுபடுவோம் என எச்சரித்து கலைந்து சென்றனர்.

மேலும் படிக்க | சுரங்கப்பாதை அமைக்க கோரிய மக்கள்...! சாலை மறியல் போராட்டம்...!

நீலகிரி மாவட்டத்தில் கடந்த சில நாட்களாக பல பகுதிகளில் சிறுத்தைகள் நடமாட்டம் அதிகரித்துள்ளது.

இந்நிலையில் உதகை அடுத்துள்ள எம்.பாலடா கல்லக்கொரை கிராமத்தில் அரசு பள்ளி அருகே கோபிநாத் என்பவரின் வீட்டு வளாகத்திற்குள் கடந்த 28.11.2022 அன்றும் நேற்று இரவு சிறுத்தை வந்து நாயை விரட்டும் காட்சி அங்குள்ள சிசிடிவி கேமராவில் பதிவாகியுள்ளது.

இது அங்குள்ள மக்களுக்கு அச்சத்தை ஏற்படுத்தியுள்ளது. ஏற்கனவே கடந்த திங்கட்கிழமை அன்று 2 நாயை அடித்து இழுத்து சென்றதாக கூறப்படுகிறது. 

இது குறித்து வனத்துறையினர் இப்பகுதியில் சுற்றி திரியும் சிறுத்தையை கூண்டு வைத்து பிடித்த அடர்ந்த வனப்பகுதிக்கு விட  உடனடியாக வனத்துறையினர் நடவடிக்கை எடுக்க வேண்டுமென அப்பகுதி மக்கள் கோரிக்கை விடுத்துள்ளனர்.

மேலும் படிக்க | நம்பி போய்டாதீங்க.. இது பறவை குரல்... மனிதன் போல மிமிக்ரி செய்யும் பறவைகள்...