எஸ்எஸ்சி எம்டிஎஸ் பணியிடங்களுக்கான விண்ணப்ப பதிவு பிப்ரவரி 17, 2023 வெள்ளிக்கிழமையுடன் முடிவடையவுள்ளது.

எஸ்எஸ்சி எம்டிஎஸ் 2022 : 

ஸ்டாஃப் செலக்ஷன் கமிஷனின் முக்கிய தேர்வுகளில் ஒன்றான எஸ்எஸ்சி எம்டிஎஸ் பணியிடங்களுக்கான விண்ணப்ப பதிவு பிப்ரவரி 17, 2023 வெள்ளிக்கிழமையுடன் முடிவடைகிறது.  எஸ்எஸ்சியின் அதிகாரப்பூர்வ அறிவிப்பின்படி, மல்டி டாஸ்கிங் ஸ்டாஃப் 2022ற்கான காலியிடங்களுக்கான பதிவு செயல்முறை பிப்ரவரி 17 ஆம் தேதி முடிவடைகிறது.  

எஸ்எஸ்சி எம்டிஎஸ் 2022 ஆட்சேர்ப்புக்கு இதுவரை விண்ணப்பிக்காத மற்றும் தகுதியான விண்ணப்பதாரர்கள், எஸ்எஸ்சியின் அதிகாரப்பூர்வ இணையதளமான ssc.  nic.in இல் விண்ணப்பிக்கலாம். 

எஸ்எஸ்சி எம்டிஎஸ் 2022 முக்கிய விவரங்கள்:

எஸ்எஸ்சி எம்டிஎஸ் 2022ல் 12523 பணியிடங்கள் நிரப்பப்படவுள்ளன.  SSC MTS 2022 க்கு விண்ணப்பிப்பதற்கான கடைசி தேதி பிப்ரவரி 17, 2023 மற்றும் ஆன்லைன் கட்டணம் செலுத்துவதற்கான கடைசி தேதி பிப்ரவரி 19 ஆகும்.  விண்ணப்பங்களில் தவறுகளை சரிசெய்ய பிப்ரவரி 23 அன்று முதல் பிப்ரவரி 24, 2023 அன்று வரை இணையதளம் திறந்திருக்கும்.  கணினி அடிப்படையிலான தேர்வு ஏப்ரல் 2023 அன்று நடைபெறும்.
 
விண்ணப்பிப்பது எவ்வாறு?:

கீழே கொடுக்கப்பட்டுள்ள படிகளைப் பின்பற்றுவதன் மூலம் விண்ணப்பதாரர்கள் எஸ்எஸ்சி எம்டிஎஸ் 2022 தேர்வுக்கு விண்ணப்பிக்கலாம்:

• பணியாளர் தேர்வாணையத்தின் அதிகாரப்பூர்வ இணையதளமான ssc.  nic.in இல் சென்று பதிவு செய்ய வேண்டும்.

• எஸ்எஸ்சி எம்டிஎஸ் தேர்விற்கான இணைப்பைக் கிளிக் செய்ய வேண்டும்.

• கேட்கப்பட்டுள்ள விவரங்களை சரியாக பதிவிட்டு தேவையான ஆவணங்களைப் பதிவேற்ற வேண்டும்.

• ssc.  nic.in என்ற அதிகாரப்பூர்வ இணையதளத்தில் தேர்வுக் கட்டணத்தைச் செலுத்தி விண்ணப்ப செயல்முறையை முடிக்கலாம்.

• விண்ணப்பக் கட்டணம் வரைமுறைக்குட்பட்டது.

• பூர்த்தி செய்யப்பட்ட விண்ணப்பத்தை பதிவிறக்கம் செய்து எதிர்கால தேவைக்காக சேமிக்கலாம்.

-நப்பசலையார்

இதையும் படிக்க:   குறைந்த வருமானம்.... பதவி விலகிய சூசன்... சவாலுக்கு மத்தியில் பதவியேற்ற மோகன்...  

10, 12-ம் வகுப்புகளுக்கான சிபிஎஸ்இ பொதுத்தேர்வு  நாடு முழுவதும் இன்று தொடங்கி ஏப்.5-ம் தேதி வரை நடைபெறவுள்ளது.

தொடங்கிய தேர்வு:

சிபிஎஸ்இக்கான 10 மற்றும் 12 -ம் வகுப்பு பொதுத்தேர்வுகள் இன்று தொடங்கின.  10 -ம் வகுப்பு பொதுத்தேர்வு வரும் 21ம் தேதி வரையும், 12ம் வகுப்பு பொதுத்தேர்வு ஏப்ரல் 5-ம் தேதி வரையும் நடைபெற உள்ளது.  பத்தாம் வகுப்பு மாணவர்களுக்கு ஓவியம் உள்ளிட்ட கலைப்படிப்பு பாடங்களுக்கான தேர்வு இன்று தொடங்குகிறது.  12 -ம் வகுப்பு மாணவர்களுக்கு, தொழில் முனைவோர் பாடத்தேர்வு இன்று தொடங்க உள்ளது.

தேர்வு எழுதும் மாணவர்கள்:

10 -ம் வகுப்பு பொதுத் தேர்வை பொறுத்தவரை 12 லட்சத்து 47 ஆயிரத்து 364 மாணவர்களும், 9 லட்சத்து 39 ஆயிரத்து 566 மாணவிகளும், 10 இதர பிரிவினர் என மொத்தம் 21 லட்சத்து 86 ஆயிரத்து 940 பேர் எழுதுகின்றனர்.

12 -ம் வகுப்பு பொறுத்த வரையில் 9 லட்சத்து 51 ஆயிரத்து 332 மாணவர்களும், 7 லட்சத்து 45 ஆயிரத்து 433 மாணவிகள் உட்பட மொத்தம் 16 லட்சத்து 96 ஆயிரத்து 770 பேர் தேர்வெழுதிகின்றனர்.   

தேர்வு மையங்கள்:

நாடு முழுவதும் 24 ஆயிரத்து 491 பள்ளிகளிலிருந்து 7 ஆயிரத்து 240 மையங்களில் மொத்தமாக 76 பாடங்களுக்கு மாணவர்கள் தேர்வெழுதுகின்றனர்.

இதையும் படிக்க:   பயணிகளிடம் பேரம் பேசிய காவல்துறையினர்..... நடவடிக்கை எடுத்த காவல்துறை!!!

தமிழ்நாடு அரசிற்கும் ரெனால்டு நிஸ்ஸான் நிறுவனத்திற்கும் இடையே 3300 கோடி ரூபாய் மதிப்பிலான புரிந்துணர்வு ஒப்பந்தம் சென்னை எம்.ஆர்.சி.நகரில் உள்ள தனியார் நட்சத்திர விடுதியில் முதலமைச்சர் மு.க.ஸ்டாலின் தலைமையில் கையெழுத்தாகியுள்ளது.

ஒப்பந்தம்:

முதலீட்டாளர்களின் முகவரி தமிழ்நாடு என்ற அடிப்படையில்,தெற்கு ஆசியாவில் தொழில் தொடங்க உகந்த மாநிலமாக தமிழ்நாட்டை மாற்ற அரசு பல்வேறு முயற்சிகளை எடுத்து வருகிறது.  அதன் ஒரு பகுதியாக தமிழக அரசுக்கும் ரெனால்டு நிஸ்ஸான் நிறுவனத்திற்குமான 3300 கோடி ரூபாய் மதிப்பிலான புரிந்துணர்வு ஒப்பந்தம் முதலமைச்சர் மு.க.ஸ்டாலின் தலைமையில் கையெழுத்தாகியுள்ளது. 

சென்னை எம்.ஆர்.சி நகர் தனியார் விடுதியில் முதலமைச்சர் தலைமையில் நடைபெற்று வரும் இந்த நிகழ்வில் தொழில்துறை உயர் அதிகாரிகள் பங்கேற்றுள்ளனர்.

விரிவாக்கத்திற்காக:

ஒரகடத்தில் இயங்கி வரும் ரெனால்டு நிஸ்ஸான் நிறுவனத்தின் விரிவாக்கத்திற்காக புரிந்துணர்வு ஒப்பந்தம் இன்று கையெழுத்தானது மூலம் 2000 பேருக்கு புதிய வேலைவாய்ப்பு உருவாகும் எனவும் தெரிவிக்கப்பட்டுள்ளது.

மின்சார வாகனம்:

இந்த புரிந்துணர்வு ஒப்பந்தத்தின் மூலம் விரிவாக்கத்திற்கான பணிகளும் உடனடியாக தொடங்கப்பட்டு 2025ம் ஆண்டில் தனது மின்சார வாகனத்தை ரெனால்டு நிஸ்ஸான் நிறுவனம் அறிமுகப்படுத்த உள்ளது குறிப்பிடத்தக்கது.

இதையும் படிக்க:  ”ஒப்பந்ததாரர்களை கருப்பு பட்டியலுக்கு மாற்றி விடுவேன்....” அமைச்சர் சேகர் எச்சரிக்கை!! பின்னணி என்ன?!!

சீட்டுகட்டு பாடம் நீக்கமா?

ஆன்லைன் விளையாட்டின் மூலமாக இதுவரை 34 பேர் தமிழகத்தில் இறந்த நிலையில் ஆன்லைன் விளையாட்டுகளை தடை செய்வதற்கு தமிழக அரசு சார்பில் அக்.19 தேதி மசோதாக்கள் நிறைவேற்றப்பட்டு ஆளுநருக்கு அனுப்பி வைக்கப்பட்டுள்ளது. தமிழகரசின் பாடப்புத்தகத்தில் சீட்டுக்கட்டு விளையாட்டினை உதாரணமாக காட்டி பாடம் வடிவமைக்கப்பட்டியிருப்பது பெரும் சர்ச்சை ஏற்படுத்தியுள்ளது. 

 இதுகுறித்து பல்வேறு தரப்புகளில் இருந்து எதிர்ப்புகள் எழுந்த நிலையில் தமிழ்நாடு பள்ளிக்கல்வித்துறை அந்த பாடப்பகுதியை நீக்க முடிவு செய்துள்ளது. அதிமுக ஆட்சிக்காலத்தில் புதிய பாடத்திட்டம் கொண்டுவரப்பட்டபோது 6 வகுப்பு பாடப்புத்தகத்தில் பூஜ்யம் , குறை எண்கள் , மிகை எண்கள் ஆகியவற்றின் தொகுப்பு , முழுக்களை உருவாக்கும் கணித முறையை விளக்குவதற்கான இப்பாடம் வைக்கப்பட்டது என்பது குறிப்பிடத்தக்கது.

மத்திய அரசால் சிறுபான்மையராக அறிவிக்கப்பட்டுள்ள இஸ்லாமியர்கள் கிறிஸ்தவர்கள் பார்சிகள் புத்த மதத்தை சேர்ந்த அரசு மற்றும் அரசு அங்கீகாரம் பெற்ற பள்ளிகளில் பத்தாம் வகுப்பு வரை படிக்கும் மாணவ மாணவிகள் மத்திய அரசின் கல்வி உதவித்தொகை திட்டத்திற்கு விண்ணப்பிக்கலாம்.

மேலும் படிக்க | 10,11,12 ஆம் வகுப்புகளுக்கான பொதுத்தேர்வு கால அட்டவணை வெளியீடு..!

அதன்படி தகுதி உடைய விண்ணப்பதாரர்கள் www.scholorship.gov.  in என்ற இணையதளத்தில் விண்ணப்பிக்கலாம் என அறிவிக்கப்பட்டுள்ளது. 15.11.2022 அன்று விண்ணப்பத்தை அனுப்புவதற்கான கடைசி நாளாகவும் அறிவிக்கப்பட்டுள்ளது.

இந்த கல்வி உதவித் தொகைக்காக விண்ணப்பிக்க மாணவர்கள் கூடுதல் உதவி தேவைப்பட்டால் மாவட்ட ஆட்சியர் அலுவலகத்தை அணுகலாம் எனவும் தெரிவிக்கப்பட்டுள்ளது.

மேலும் படிக்க | 10% இட ஒதுக்கீடுக்கான தீர்ப்பு...ராமதாஸ் வெளியிட்ட பரபரப்பு அறிக்கை!