தேசிய பொறியியல் மற்றும் மருத்துவ நுழைவுத் தேர்வுகளை பொதுப்பல்கலைக்கழக நுழைவு தேர்வில் இணைப்பது குறித்து ஆராய்ந்து வருவதாக பல்கலைக்கழக மானியக்குழு தலைவர்   ஜெகதீஷ் குமார் தெரிவித்துள்ளார்.  இதைக் குறித்த செயல்பாடு வரும் ஆண்டுக்குள் முழுமைப்படுத்தப்படும் எனவும் அவர் கூறியுள்ளார்.

நாட்டில் இதுவரை NEET, JEE, CUET போன்ற நுழைவு தேர்வுகள் நடத்தப்பட்டு வருகின்றன.  இந்த தேர்வுகள் தேசிய தேர்வு முகாமையால் நடத்தப்படுகிறது.  அனைத்து நுழைவு தேர்வுகளையும் இணைத்து ஒரே தேர்வாக நடத்தும் திட்டத்தில் இருப்பதாகவும் தெரிவித்துள்ளனர்.

மேலும் படிக்க: பல்கலைக்கழக நுழைவு தேர்வு தேதி அறிவிப்பு.....

இந்தியாவில் 45 தனியார் பல்கலைக்கழகங்கள் உள்பட 90 பல்கலைக்கழகங்கள் உள்ளன.   அவற்றில் இளங்கலை மாணவர்கள் சேர்க்கைக்காக cuet நுழைவுத்தேர்வு இந்த ஆண்டு தொடங்கப்பட்டது. 1.05 மில்லியன் மாணவர்கள் விண்ணப்பித்துள்ளதாக NTA  தெரிவித்திருந்தது.  NEET தேர்விற்கு 1.8 மில்லியன் மாணவர்கள் தேர்வு எழுதினர்.

தேசிய கல்வி கொள்கை 2020ன் படி ஒரே நாடு ஒரே நுழைவுத்தேர்வு என்ற கருத்து அடிப்படையில் நாடு முழுமைக்கும் ஒரே நுழைவு தேர்வு கொண்டுவரும் திடடத்தில் இருப்பதாக தெரிவித்துள்ளார் ஜெகதீஷ் குமார்.  NEET மற்றும் JEE தேர்வுகளுக்கும் CUET தேர்வுக்கும் ஒரே பாடமுறை என்பதால் CUET நுழைவுத்தேர்வையே வைத்துக்கொள்ளலாம் என தெரிவித்துள்ளனர்.  ஆனால் உடனேயே முடிவு எடுக்கப்படாது எனவும் குழு அமைத்து ஆய்வு செய்து அதன்பின்னர் முடிவு எடுக்கப்படும் எனவும் ஜெகதீஷ் கூறியுள்ளார்.

வரும் ஆண்டுக்குள் இந்தியாவில் மாணவர்களின் சுமையை குறைக்கும் வகையில் ஒரே நுழைவு தேர்வு மேம்படுத்தப்படட முறையில் நடத்தப்படும் எனவும் தெரிவித்துள்ளார்.

இதையும் படிக்க:”ஒரு அடி நீள ஜடை உள்ளவர்கள் அறிவாளியாக முடியாது”- பாஜகவிற்கு பீகார் துணை முதலமைச்சர் பதிலடி

பிஎஸ்சி நர்சிங், பி.பார்ம் உள்ளிட்ட துணை மருத்துவ படிப்புகளுக்கு விண்ணப்பிக்க இன்றே கடைசி நாள் என தெரிவிக்கப்பட்டுள்ளது. 

படிப்பு:

பள்ளி முடித்த மாணவர்கள் எந்த துறையை தேர்ந்தெடுப்பது, எந்த கல்லூரியில் சேர்வது என்பது பெரும் குழப்பமாகவே உள்ள ஒன்றாக உள்ளது. பெரும்பாலான மாணவர்களின் விருப்பம் மருத்துவம் படிக்கச் வேண்டும் என்பதே. எம்.பி.பி.எஸ் என்பது கைகூடாத மாணவர்கள் தங்களின் மருத்துவ விருப்பத்தை நினைவெற்றிகொள்ளவே மருத்துவம் சார்ந்த பல படிப்புகள் உள்ளது.

மருத்துவம் சார்த்த படிப்புகள்:

தமிழகத்தில் 2022 முதல் 2023ம் கல்வியாண்டில் மருத்துவம் சார்ந்த பிஎஸ்சி நர்சிங், பி.பார்ம் உள்ளிட்ட 19 துணை மருத்துவ படிப்புகளில் சேர 16 ஆயிரத்துக்கும் மேற்பட்ட இடங்கள் உள்ளன.  இதேபோல் பெண்களுக்கான செவிலியர் பட்டயப் படிப்பு, மருத்துவம் சார்ந்த பட்டயம் மற்றும் சான்றிதழ் படிப்புகளும் உள்ளன. 

மேலும் படிக்க: பொறியியல் படிப்புகளுக்கான கலந்தாய்வு தேதி அறிவிப்பு..!

விண்ணப்பங்கள்:

இதுவரை 65 ஆயிரத்துக்கும் மேற்பட்டோர் இப்படிப்புகளுக்கு விண்ணப்பித்துள்ள நிலையில், 35 ஆயிரத்துக்கும் மேற்பட்டோர் கட்டணம் செலுத்தியுள்ளனர்.

கடைசி நாள்:

துணை மருத்துவ படிப்புகளுக்கு விண்ணப்பிக்க இன்றே கடைசி நாள் என தெரிவிக்கப்பட்டுள்ளது. இதற்காக வெளியிடப்பட்டுள்ள இணையதளங்களில், ஆவணங்கள் சமர்பிக்காமலும் கட்டணம் செலுத்தாமலும் இருப்பவர்கள் இன்றே அனைத்தையும் சமர்ப்பிக்குமாறு மருத்துவ கல்வி இயக்ககம் அறிவுறுத்தியுள்ளது.

தொழில்நுட்ப கோளாறு காரணமாக ரத்து செய்யப்பட்ட மாணவர்களுக்கான பொதுப் பல்கலைக்கழக நுழைவு தேர்வு (CUET) ஆகஸ்ட் 24 முதல் 28 வரை நடத்தப்படும் என தேசிய தேர்வு முகமை அதிகாரிகள் தெரிவித்துள்ளனர்.

இந்த தேர்வர்களுக்கு புதிய சேர்க்கை அட்டைகள் வழங்கப்படும் எனவும் கூறியுள்ளனர்.

மேலும் படிக்க: ஜூலை 17 முதல் ஆகஸ்ட் 10 வரை க்யூட் இளங்கலை நுழைவுத் தேர்வு !!

ஆகஸ்ட்4 முதல் 6 வரை திட்டமிடப்பட்டிருந்த cuet தேர்வு தொழில்நுட்ப கோளாறு காரணமாக சில தேர்வு மையங்களில் ஒத்தி வைக்கப்பட்டது.  இதற்கு முன்னதாக தேர்வுகள் ஆகஸ்ட் 12 முதல் 14 வரை நடத்தப்படும் என அறிவித்திருந்த நிலையில் தற்போது ஆகஸ்ட் 24 முதல் 28 வரை நடத்தப்படும் எனவும் அறிவிக்கப்பட்டுள்ளது.

ஆகஸ்ட் 12 முதல் 14 வரை பல அரசு விழாக்கள் இருப்பதை காரணம் காட்டி மாணவர்கள் கோரிக்கை வைத்ததால் தேர்வு தள்ளி வைக்கப்பட்டதாக அதிகாரிகள் தெரிவித்துள்ளனர்.

ஆகஸ்ட் 4ம் தேதி முதல் ஷிப்ட் தேர்வு 17 மாநிலங்களின் பல தேர்வு மையங்களில் ரத்து செய்யப்பட்டது.  அதனைத் தொடர்ந்து இரண்டாவது ஷிப்ட் தேர்வுகளும் ரத்து செய்யப்பட்டன.

தேர்வு ரத்து செய்யப்பட்டதைக் குறித்து தேர்வர்களுக்கு குறுஞ்செய்தி அனுப்பப்பட்டது எனவும் அதிகாரிகள் தரப்பில் கூறப்பட்டுள்ளது.

2022ம் ஆண்டின் 12ம் வகுப்பிற்கான தேர்வு முடிவுகளை மத்திய இடைநிலைக் கல்வி வாரியம் (CBSE) வெளியிட்டது. முடிவுகளை cbse.gov.in மற்றும் cbseresults.nic.in ஆகிய அதிகாரப்பூர்வ தளங்களில் தெரிந்துக்கொள்ளலாம். அது மட்டுமின்றி, UMANG செயலி, Digilocker மற்றும், எஸ் எம் எஸ் மூலமும், மாணவர்கள் அறிந்து கொள்ளலாம்.

மிகவும் கடினமான தேர்வாக அறியப்படும் CBSE தேர்வுகள், நடந்து முடிந்த நிலையில், அதன் முடிவுகள் தற்போது வெளியாகியுள்ளது. இந்தாண்டு தேர்வில் தேர்ச்சி பெற்ற மாணவர்களில், 94.54 சதவீத பெண்களாக இருக்கின்றனர். மேலும், ஆண்களில், 91.25 சதவீதமும், திருநர்களில், 100 சதவீதமும் தேர்ச்சிப் பெற்றுள்ளனர்.

அ து மட்டுமின்றி, தேர்வெழுதிய மாணவர்களில், 1,34,797 மாணவர்கள் 90 சதவீதத்திற்கும் மேலான மதிப்பெண்களையும், 33,432 மாணவர்கள் 95 சதவிதத்திற்கும் மேலான மதிப்பெண்களையும் பெற்றுள்ளனர். இந்நிலையில், இரண்டு மாணவிகள், அனைத்து சப்ஜெக்டுகளிலும், நூற்றுக்கு நூறு மதிப்பெண் பெற்றுள்ளனர்.

தானியா சிங், யுவக்ஷி விக் ஆகிய இரண்டு மாணவிகளும், 500 மதிப்பெண்கள் பெற்று, CBSEயின் 12ம் வகுப்பு தேர்வில் முன்னிலை வகித்துள்ளனர்.

உத்திரபிரதேச மாநிலத்தின் புலந்த்ஷார் பகுதியைச் சேர்ந்த தானியா சிங் மற்றும், நொய்டாவைச் சேர்ந்த யுவக்ஷி விக் தான் CBSE தேர்வில் முன்னிலை வகித்து, அனைவரது பாராட்டுகளையும் பெற்று வருகின்றனர்.

பொதுப் பல்கலைக்கழக நுழைவுத் தேர்வின் இறுதி தேர்வு ஒன்று மீதம் இருப்பதாகத் தெரிவித்த நிலையில், யுவக்ஷி விக், டெல்லி பல்கலைக்கழகத்தில் (DU) BA (ஹானர்ஸ்) உளவியல் படிக்க விரும்புகிறார். மேலும், தானியா சிங், குடிமைப் பணிகளுக்காக தயாராக வேண்டுமென்ற முனைப்போடு இருப்பதாக, பத்திரிக்கையாளர்களிடம் தெரிவித்துள்ளார். இவர்களது சாதனையை அனைவரும் பாராட்டி வருகின்றனர்.

JEE முதன்மை தேர்வுகளின் முதல் பாகம் முடிந்தது. அதன் முடிவுகள் இன்று வெளியானது.

தேசியத் தேர்வு முகமை (NTA), JEE முதன்மைத் தேர்வின் முதல் பாக முடிவுகளை இன்று வெளியிட்டது. அதில், 14 தேர்வாளர்கள், 100 சதவீத மதிப்பெண்களைப் பெற்றனர்.

மொத்தம் 8,72,432 வேட்பாளர்கள் இந்த முறை BE /B Tech துறை தேர்வெழுதிய நிலையில், 769589 பேர் தேர்ச்சி அடைந்துள்ளனர். சுமார் 257533 பெண்கள் பதிவு செய்து, அதில் வெறும், 221719 பெண்கள் மட்டுமே, JEE முதன்மைர்த் தேர்வின் முதல் பாகத்தில் கலந்துக் கொண்டனர். அதே போல, 614896 ஆண் மாணவர்களில் 547867 பேர் மட்டுமே இந்த தேர்வில் கலந்துக் கொண்டனர்.

இந்த பட்டியலில் 14 பேர் 300/300 மதிப்பெண்கள் பெற்றுள்ளனர். மேலும், அதில் ஸ்னேஹா பரீக் என்ற மாணவி தான் ஒரே பெண் என்றும், மீதம் 13 பேர் ஆண் மாணவர்கள் என்பது குறிப்பிடத்தக்கது. மேலும், 9 பெண் மாண்வரகள் 99.98 மதிப்பெண்களுக்கு மேலும், 7 பெண்கள் 99.99 மதிப்பெண்களுக்கு மேலும் பெற்றுள்ளனர். இந்த தேர்வில், திருநர் சமூகத்தைச் சேர்ந்த 3 மாணவர்கள் கலந்துக் கொண்டது குறிப்பிடத்தக்கது. 

JEE முதன்மைத் தேர்வுகள் 407 நகரங்களில், 588 தேர்வு மையங்களில் இந்த தேர்வு நடைப்பெற்றது. மேலும், இந்தியாவிற்கு வெளியே, மனாமா, தோஹா, துபாய், காத்மண்டு, முஸ்கேட், ரியாத், ஷார்ஜா, சிங்கப்பூர், குவெயித் நகரம், குவாலா லம்பூர், லாகோஸ்/ அபுஜா, கொலம்போ, ஜகார்டா, வியென்னா, மாஸ்கோ, போர்ட் லூயிஸ் மற்றும் பாங்கோக் ஆகிய 17 நகரங்களிலும் இந்த தேர்வு நடைப்பெற்றது.

தேர்வின் முடிவுகளை கீழ்க்கண்ட இணைய தளங்களில் காணலாம்.

nta.ac.in

ntaresults.nic.in

jeemain.nta.nic.in.