வித்தியாசமான கெட்டப்பில் மிரட்டும் அட்டகத்தி தினேஷ் !!
Tamil Selvi Selvakumar
அட்டகத்தி திரைப்படத்தின் பிரம்மாண்ட வெற்றிக்கு பிறகு இயக்குநர் பா ரஞ்சித் உடன் மீண்டும் இணைந்து நடிக்கவுள்ளார் அட்டகத்தி தினேஷ். இந்த படத்திற்கான, தினேஷின் புதிய லுக் ரசிகர்களிடம் பெரும் வரவேற்பை பெற்று வருகிறது.
பிரபல இயக்குநர் பா.ரஞ்சித் இயக்கத்தில் அட்டகத்தி திரைப்படம் மூலம் நாயகனாக அறிமுகமானவர் தினேஷ். அட்டகத்தி படத்தின் பிரமாண்ட வெற்றியால் அந்தப்படத்தின் பெயர் அவர் பின்னால் ஒட்டிக்கொண்டது. தொடர்ந்து மாறுபட்ட கதைகளங்கள் கொண்ட படங்களில் நடித்து தமிழ் மக்களின் நெஞ்சங்களில் இடம் பிடித்தவர், தற்போது மீண்டும் இயக்குநர் பா ரஞ்சித் படத்தில் நடிக்கவுள்ளார்.
அட்டகத்தி தினேஷ் தனது கடின உழைப்பு மற்றும் திறமையால் தமிழ் சினிமாவின் முன்னணி இளம் நட்சத்திரமாக வளர்ந்தார். உலக அளவில் பாராட்டுக்களை குவித்த விசாரணை, குக்கூ மற்றும் தமிழுக்கு எண் ஒன்றை அழுத்தவும், திருடன் போலீஸ், இரண்டாம் உலகப்போரின் கடைசி குண்டு முதலான படங்களில் தன் நடிப்பு திறமையால் அனைவரையும் திரும்பி பார்க்க வைத்தார். அனைத்து ஹீரோக்களும் கமர்ஷியல் ரூட் பிடிக்கும் நிலையில், ஒவ்வொரு படத்திலும் வித்தியாசமான கதைக்களங்களில் தன்னை பொருத்திகொண்டு மிளிர்பவர் அட்டகத்தி தினேஷ்.
இதையும் படிக்க : பாமகவினர் வன்முறை : கைதான 28 பேருக்கு 15 நாள் நீதிமன்றக் காவல் !
ஒவ்வொரு படத்திலும் வித்தியாசமான வேடம் ஏற்கும் தினேஷ் தற்போது, ஜே பேபி, தண்டாகாரன்யம் படங்களில் நடித்து முடித்துள்ளார். மேலும் கருப்பு பல்ஸர், லப்பர் பந்து படங்களின் இறுதிக்கட்ட படப்பிடிப்பில் நடித்து வருகிறார்.
இந்நிலையில் தற்போது ரசிகர்களை உற்சாகப்படுத்தும் விதமாக, அட்டகத்தி மூலம் பிரமாண்ட வெற்றி கொடுத்த இயக்குநர் பா ரஞ்சித் உடன் மீண்டும் இணைந்து தினேஷ் நடிக்கவுள்ளார். இப்படத்திற்காக மிக வித்தியாசமான கெட்டப்பில் தன்னை மாற்றிக்கொண்டிருக்கும் நடிகர் தினேஷின், இந்த புதிய லுக் ரசிகர்களிடம் பெரும் வரவேற்பை பெற்று வருகிறது.
