தமிழ் சினிமாவில் 4,000 மேற்பட்ட பாடல்களில் டான்ஸ் மாஸ்டராக பணிபுரிந்தவர் கலா மாஸ்டர். கமல், ரஜினி, விஜய் போன்ற பல முன்னணி நடிகர்களின் படங்களிலும் இவர் பணிபுரிந்துள்ளார். இவர் தமிழக அரசின் விருதுகள், தேசிய விருது போன்ற பல விருதுகளை பெற்றுள்ளார்.

நடனத்தால் மட்டுமே நமக்கு அறிமுகமான கலா மாஸ்டர் தற்போது ஒரு நடிகையாகவும் வெள்ளித்திரையில் அறிமுகமாக உள்ளார். விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா ஆகியோர் நடிப்பில் உருவாகும் காத்துவாக்குல 2 காதல் திரைப்படத்தில் தான் கலா மாஸ்டர் அறிமுகமாக உள்ளார். 

இந்தப் படத்தில் ஒரு கேரக்டருக்கு கலா மாஸ்டர் தான் பொருத்தமாக இருப்பார் என்று விக்னேஷ் சிவன் நினைத்துள்ளார். அதனால் நயன்தாரா மற்றும் விக்னேஷ் சிவன் இருவரும் கலா மாஸ்டரிடம் இதுபற்றி கூறியுள்ளனர்.

அவர்கள் கேட்டுக் கொண்டதற்காக கலா மாஸ்டரும் இந்த படத்தில் நடிக்க ஒப்புக் கொண்டதாக தெரிகிறது. டான்ஸ் மாஸ்டரான கலா வெள்ளித்திரையில் நடிக்க இருப்பது திரையுலகை ஆச்சரியத்தில் ஆழ்த்தியுள்ளது. 

தென்னிந்திய சினிமாவின் முன்ணனி நடிகராக வலம் வருபவர் பிரபாஸ். பாகுபலி படங்களின் வெற்றி அவரை புகழின் உச்சிக்குக் கொண்டு சென்றுள்ளது. 

படத்திற்கு படம் பிரம்மாண்டம் காட்டுவதில் பிரபாஸ் பட இயக்குனர்கள் அதிகம் கவனம் எடுத்து வருகின்றனர். அந்தவகையில் அடுத்ததாக சுமார் 400 கோடி பட்ஜெட்டில் ராதேஷ்யாம் என்ற படம் உருவாகியுள்ளது. 

காதல் கதைக்கு எதற்கு இவ்வளவு பட்ஜெட் என ஒருபக்கம் கேள்வி எழும்ப சமீபத்தில் வந்த டீசரை பார்க்கும்போது கண்டிப்பாக இது காதல் படம் மட்டும் அல்ல என்பது தெரியவருகிறது.

ரதேஷ்யம் படத்தில் பிரபாஸுக்கு ஜோடியாக பூஜா ஹெக்டே நடித்துள்ளார்.  இன்று பிரபாஸின் பிறந்தநாளை முன்னிட்டு ராதேஷ்யாம் படக்குழுவினர் டீசரை வெளியிட்டு உள்ளனர். 

பார்ப்பதற்கு சாஹோ பட ஸ்டைலில் இருந்தாலும் படத்தில் 400 கோடி செலவு செய்து பிரமாண்டமாக செய்து இருப்பது நன்றாகவே தெரிகிறது. மேலும் பிரபாஸின் தோற்றமும் இந்த படத்தில் முற்றிலும் வித்தியாசமாக உள்ளது.

ராதே ஷ்யாம் தமிழ் தெலுங்கு மலையாளம் கன்னடம் ஹிந்தி என ஐந்து மொழிகளில் ஒரே நேரத்தில் வெளியாக உள்ளது குறிப்பிடத்தக்கது.

கடந்த ஆண்டு கெளதம் கிச்சுலு என்பவரை திருமணம் செய்து கொண்ட காஜல் அகர்வால், அதன்பிறகும் தான் கமிட்டாகியிருந்த ஆச்சார்யா உள்ளிட்ட சில படங்களில் நடித்து வந்தார். 

அதோடு, நாகார்ஜூனாவின் கோஸ்ட் படத்திலும் நடிக்க தயாரானார். ஆனால் தனிப்பட்ட காரணகளால் அப்படத்திலிருந்து விலகினார் காஜல்.

அதன்பிறகு கோஸ்ட் படத்தில் காஜலுக்கு பதில் இலியானா நடிப்பதாக தகவல்கள் வெளியானது.  இந்நிலையில் தற்போது அந்த படத்தில் தமன்னாவை நடிக்க வைக்க போவதாக செய்திகள் வெளியாகியுள்ளன. 

இதுதவிர அஜித்தின் வேதாளம் ரீமேக்கான போலா சங்கர் படத்திலும் சிரஞ்சீவிக்கு ஜோடியாக தமிழில் ஸ்ருதிஹாசன் நடித்த வேடத்தில் நடிக்க தமன்னா கமிட்டாகியிருக்கிறார்.

கண்ட நாள் முதல் படம் மூலம் அறிமுகமான ரெஜினா கசான்ட்ரா தமிழ், தெலுங்கில் முன்னணி நடிகையாக வலம் வருகிறார்.  

தற்போது கார்த்திக் ராஜூ இயக்கத்தில் 'சூர்ப்பனகை' படத்தில் நடித்து வருகிறார்.  

சர்வதேச அளவில் புகழ்பெற்ற பத்திரிக்கையான போர்ப்ஸ் பத்திரிக்கையின் அட்டை படத்திற்காக எடுக்கப்பட்ட போட்டோஷூட்டை புகைப்படங்களை ரெஜினா வெளியிட்டுள்ளார்.  

இந்த புகைப்படங்கள் ரசிகர்களிடையே நல்ல வரவேற்பை பெற்றுள்ளது. சமீபத்தில் நடிகை நயன்தாராவின் படம் போர்ப்ஸ் பத்திரிக்கையின் அட்டை பக்கத்தில் இடம் பெற்றிருந்தது குறிப்பிடத்தக்கது. 

தமிழ், தெலுங்கில் முன்னணி நடிகையாக வலம் வருபவர் தான் ரெஜினா கசான்ட்ரா. இவர் திரைப்படங்கள், சீரிஸ், விளம்பரங்கள் என நடித்து வருகிறார்.

இந்நிலையில் நடிகை ரெஜினா 'விஸ்கி' ஒன்றிற்கான விளம்பரம் ஒன்றை தன்னுடைய இன்ஸ்டாகிராமில் பதிவிட்டுள்ளார். மேலும், “9 வயதில் தொகுப்பாளராக வந்து, பின்னர் விளம்பரப்படங்களில் நடித்து சினிமாவுக்குள் வந்தேன். 

எனது வாழ்க்கையில் இந்தப் பயணம் ஒரு பொக்கிஷம்,” எனக் குறிப்பிட்டு விஸ்கி குறித்து ரொம்ப பெருமையாக தனது பதிவில் பேசியுள்ளார் .