சர்வதேச திரைப்பட விழா

கோவா தலைநகர் பனாஜியில் நடைபெற்ற  53வது சர்வதேச திரைப்பட விழாவில் ‘தி காஷ்மீர் ஃபைல்ஸ்‘ திரைப்படம் திரையிடப்பட்டது. இப்படத்தை பற்றி பேசிய அவ்விழாவின் நடுவர், இது பிரச்சாரம் செய்யும் வகையில் உருவாக்கப்பட்ட நாகரிகமற்ற திரைப்படம் என்று விமர்சித்துள்ளார்.

நடிகர் சிரஞ்சீவிக்கு விருது

கடந்த நவம்பர் 20ஆம் தேதி தொடங்கிய கோவா திரைப்பட விழா நேற்றுடன் முடிவடைந்தது. மொத்தமாக 9 நாட்கள் நடைபெற்ற இத்திரைப்பட விழாவில் 79 நாடுகளைச் சேர்ந்த 280க்கும் மேற்பட்ட திரைப்படங்கள் திரையிடப்பட்டன. இவ்விழாவில் இந்த ஆண்டிற்கான இந்தியத் திரைப்பட ஆளுமை விருது தெலுங்கு சூப்பர் ஸ்டார் நடிகர் சிரஞ்சீவிக்கு வழங்கப்பட்டது.

ஐ ஹேவ் எலக்ட்ரிக் ட்ரீம்ஸ்

இந்த விழாவில் ஸ்பானிஷ் மொழி திரைப்படமான 'ஐ ஹேவ் எலக்ட்ரிக் ட்ரீம்ஸ்' சிறந்த திரைப்படமாகத் தேர்ந்தெடுக்கப்பட்ட நிலையில், "நோ எண்ட்" படத்தின் இயக்குநர் நடேர் சேவருக்கு சிறந்த இயக்குநருக்கான சில்வர் பீக்காக் விருது வழங்கப்பட்டது. அதே படத்தில் நடித்த வாகித் மொபாசெரிக்கு சிறந்த நடிகருக்கான விருது அறிவிக்கப்பட்டது.

தி காஷ்மீர் பைல்ஸ்

கோவாவில் நடைபெற்ற இத்திரைப்பட விழாவில் தி காஷ்மீர் ஃபைல்ஸ் திரைப்படமும் திரையிடப்பட்டது. இந்நிலையில் "தி காஷ்மீர் பைல்ஸ்" திரைப்படம் குறித்து திரைப்பட விழாவின் கடைசி நாளான நேற்று பேசிய தேர்வுக்குழு தலைவர் நடாவ் லாபிட், இப்படத்தின் மீது கடும் அதிருப்தியை வெளிப்படுத்தினார். 

தேர்வுக்குழு தலைவர் அதிருப்தி

தொடர்ந்து பேசிய நடாவ் லாபிட், இத்திரைப்படம் வெறுப்புணர்வைத் தூண்டுகிறது, இது ஒரு இழிவான திரைப்படம். இது திரைப்பட விழாவுக்கு ஏற்ற திரைப்படம் இல்லை என்று அவர் காட்டமாக தெரிவித்தார். மேலும், பெரு மதிப்புமிக்க சர்வதேச திரைப்பட விழாவில் "தி காஷ்மீர் ஃபைல்ஸ்" திரையிடப்பட்டது மிகவும் அதிர்ச்சி அளிக்கிறது.

மேலும் படிக்க: 26 கோடி ரூபாய் மதிப்பிலான நலத்திட்ட உதவிகளை வழங்கினார் முதலமைச்சர்..!

இந்தத் திரைப்படம் எங்கள் அனைவருக்கும் அதிர்ச்சியையும், மன உளைச்சலையும் தருகிறது. இந்தத் திரைப்படம் திரையிடப்பட்டதற்கு நாங்கள் வெளிப்படையாகவே அதிருப்தியைத் தெரிவித்துக் கொள்கிறோம் என்று தேர்வுக்குழு தலைவர் நடாவ் லாபிட் பேசியுள்ளார்.

தென்னிந்திய நடிகர் சங்கத்தின் முன்னோடி கலைவாணர் என்.எஸ்.கிருஷ்ணன் அவர்களின் 114 வது பிறந்தநாளை முன்னிட்டு தி.நகர், ஜி.என்.செட்டி சாலையில் அமைந்துள்ள அவரது திருவுருவ சிலைக்கு இன்று  காலை நடிகர் சங்கத்தினர் மாலையிட்டு மரியாதையை செலுத்தினர்.

கலைவாணர் என். எஸ். கிருஷ்ணன்   :

கலைவாணர் என். எஸ். கிருஷ்ணன்  என அழைக்கப்படும் நாகர்கோயில் சுடலைமுத்துப்பிள்ளை கிருஷ்ணன்  தமிழ்த் திரைப்பட நகைச்சுவை நடிகரும் ,பாடகரும் ஆவார்.நாகர்கோயில் அருகே ஒழுகினசேரியில் 1908 நவம்பர் 29 இல் சுடலைமுத்துப்பிள்ளை, இசக்கி அம்மாள் தம்பதியருக்கு மகனாக பிறந்தார். இவர் தந்தை அப்போதைய ஆங்கிலேயர்கள் ஆட்சியில் நடத்தி வந்த தபால் அலுவலகத்தில் தபால்களை கொண்டு செல்லும் வாகன ஓட்டுநராகப் பணிபுரிந்து வந்தார். இவர் தாயார் இசக்கி அம்மாள் கணவரின் வருமானம் குறைவென்பதால் அவர் குடும்ப வறுமையை சமாளிக்க தனது வீட்டிலே சிற்றுண்டி செய்து விற்று வந்தார்.

திரைத்துறையில் கால் பதித்த கலைவாணர் :

 இந்த வறுமையான குடும்பத்தில் கிருஷ்ணன் பிறந்தாலும் தனது ஆசையான நடிப்பில் கால்பதிக்க அவர் முதலில் நாடகக் கொட்டகைகளில் சோடா விற்கும் ஏழை சிறுவனாக தனது திரை வாழ்க்கையை இளமைப் பருவத்திலே தொடங்கினார். பின் சாதாரண வில்லுப்பாட்டுக் கலைஞராக தனது கலையுலக வாழ்வை துவங்கினார். பின்னர் நாடக துறையில் நுழைந்தார். சொந்தமாக நாடகக் கம்பெனியையும் நடத்தினார்.  திரைப்படத் துறையில் இவர் அறிமுகமான திரைப்படம் 1936களில் வெளிவந்த சதிலீலாவதி ஆகும். 

பெரும்பாலும் சொந்தமாக நகைச்சுவை வசனங்களை எழுதி அதையே நாடகத்திலும், திரைப்படங்களிலும் பயன்படுத்துவதை வழக்கமாகக் கொண்டிருந்தார். நகைச்சுவை மூலமாக கருத்துகளை பரப்பினார். ஏறத்தாழ 150 படங்களில் நடித்தார்.இவரது மனைவி மதுரமும் பிரபலமான நடிகை என்பதால் இருவரும் இணைந்தே பல படங்களில் நடித்தனர். நகைச்சுவையை சினிமா காட்சிகளாக மட்டுமின்றி பாடல்களாகவும் அமைக்க முடியும் என நிரூபித்தவர். சொந்த குரலில் பல பாடல்களை பாடியுள்ளார். 

மரியாதை செலுத்திய நடிகர் சங்கம் :

இத்தகைய பல அற்புதங்களை திரை உலகிற்கு அளித்த  முன்னோடி கலைவாணர் என்.எஸ்.கிருஷ்ணன் அவர்களின் 114 வது பிறந்தநாளை முன்னிட்டு தி.நகர், ஜி.என்.செட்டி சாலையில் அமைந்துள்ள அவரது திருவுருவ சிலைக்கு இன்று  காலை நடிகர் சங்கத்தினர் மாலையிட்டு மரியாதையை செலுத்தினர்.துணைத் தலைவர் பூச்சி எஸ்.முருகன், செயற்குழு உறுப்பினர்கள் ராஜேஷ், அஜய் ரத்னம், பிரகாஷ் உள்ளிட்ட நிர்வாகிகள் மரியாதை செலுத்தினார்கள். நடிகர் சங்க மேலாளர் தாம்ராஜ் உடன் இருந்தார்.

பிரபல திரைப்பட நடிகர் ரோபோ ஷங்கரின் 22வது  திருமண நாளை ஒட்டி அவருக்கு சர்ப்ரைஸ் பரிசாக சூப்பர் ஸ்டார் ரஜினிகாந்த் அவர்களை சந்தித்து வாழ்த்து தெரிவித்துள்ளார்.

விஜய் தொலைக்காட்சியின் கலக்கப்போவது யாரு நிகழ்ச்சியின் மூலம் பிரபலமடைந்தவர் ரோபோ ஷங்கர். தற்போது தமிழ் சினிமாவில் பிசியான காமெடி நடிகராக வலம் வந்து கொண்டிருக்கிறார். இவரது மனைவி பிரியங்காவும் தற்போது தொலைக்காட்சி நிகழ்ச்சிகள் மற்றும் திரைப்படங்களில் நடித்துக் கொண்டிருக்கிறார்.

இவர்களது மகள் இந்திரஜாவும் தளபதி விஜயின் பிகில் படத்தில் பாண்டியம்மாவாக நடித்து தற்போது பல திரைப்படங்களில் நடித்துக் கொண்டிருக்கிறார்.  கலைக்குடும்பமாக வலம் வரும் ரோபோ ஷங்கருக்கு இன்று 22வது திருமண நாள். இதனை முன்னிட்டு சூப்பர் ஸ்டாரை சந்தித்து வாழ்த்து பெற அனுமதி கேட்டு இருந்த நிலையில்  சூப்பர் ஸ்டாரிடம் இருந்து அழைப்பு வர குடும்பத்துடன் சென்று வாழ்த்து பெற்றனர். கிழக்கு கடற்கரை சாலையில் ஜெயிலர் படத்தின் படப்பிடிப்பில் இருந்த சூப்பர் ஸ்டார் ரஜினிகாந்த் ரோபோ ஷங்கரின் குடும்பத்திற்கு இந்த சர்ப்ரைசை அளித்து மகிழ்ச்சியில் ஆழ்த்தியுள்ளார்.

தெலுங்கு இயக்குநருடன் நடிகர் தனுஷ் இணைந்திருக்கும் புதிய படத்தின் பணிகள் பூஜையுடன் இன்று தொடங்கியுள்ளது.இது தொடர்பான புகைப்படத்தை படக்குழு சமூக வலைத்தளங்களில் வெளியிட்டுள்ளது. 

மேலும் படிக்க | ரீ எண்ட்ரீ கொடுக்கவுள்ள பாபா...டப்பிங் கொடுத்த சூப்பர் ஸ்டார்...!

தெலுங்கு இயக்குநர் வெங்கி அட்லூரி இயக்கத்தில் தனுஷ் நடிப்பில் விரைவில் ‘வாத்தி’ படம் திரைக்கு வர உள்ளது. பைலிங்குவலாக உருவாகும் இப்படம் தெலுங்கில் ‘சார்’ என தலைப்பில் வெளியாகிறது. இதையடுத்து அருண் மாதேஷ்வரன் இயக்கத்தில் தனுஷ் ‘கேப்டன் மில்லர்’ படத்தில் நடித்து வருகிறார். இந்தப் படங்களைத் தொடர்ந்து மீண்டும் தெலுங்கு இயக்குநருடன் கைகோத்துள்ளார் தனுஷ்.கடந்த 2017-ம் ஆண்டு தெலுங்கில் வெளியான ‘ஃபிடா’ (Fidaa), 2021-ம் ஆண்டு வெளியான ‘லவ் ஸ்டோரி’ படங்களை இயக்கி புகழ் பெற்றவர் சேகர் கம்முலா.

மேலும் படிக்க | ”வாரிசு” படத்துக்கு வரிசை கட்டும் பிரச்னைகள்...டென்ஷனில் படக்குழுவினர்!

இவரது இயக்கத்தில் நடிகர் தனுஷ் அடுத்ததாக புதிய படம் ஒன்றில் நடிக்க ஒப்பந்தமாகியுள்ளார். காதல் கதையை அடிப்படையாக கொண்டு உருவாகும் இப்படம் பான் இந்தியா முறையில், தமிழ், தெலுங்கு, இந்தி மொழிகளில் வெளியிட படக்குழு திட்டமிட்டுள்ளது.இந்நிலையில், ஸ்ரீ வெங்கடேஸ்வரா சினிமாஸ் நிறுவனம் தயாரிக்கும் இப்படத்தின் பூஜை ஹைதராபாத்தில் இன்று நடைபெற்றது. இதில் தனுஷ் உள்ளிட்ட படக்குழுவினர் கலந்துகொண்டனர். மேலும் இந்தப்படம் குறித்து மற்ற தகவல்கள் எதுவும் இதுவரை வெளியாகவில்லை.

மீண்டும் திரையில் வெளியாக உள்ள பாபா படத்தின் புதிய காட்சிகளுக்கு ரஜினிகாந்த் டப்பிங் செய்துள்ளார்.

பாபா ரீரிலீஸ்:

சூப்பர் ஸ்டார் ரஜினிகாந்த் நடிப்பில் கடந்த 2002 ஆம் ஆண்டு வெளியான பாபா திரைப்படத்தை மீண்டும் திரையரங்கில் வெளியாக இருப்பதாக செய்தி இணையத்தில் பரவியதில் இருந்து கடந்த ஒரு வாரமாக ரசிகர்கள், ஊடகங்கள், விநியோகஸ்தர்கள் மற்றும் திரையரங்கு உரிமையாளர்கள் மத்தியில் வரலாறு காணாத  தாக்கத்தை ஏற்படுத்தியுள்ளது. 

வெளியிட தீவிரம்:

சமீப காலமாக, சமூக ஊடகங்களில் உருவாகியுள்ள எதிர்பார்ப்பு மற்றும் வரவேற்பு மிகவும் ஆச்சரியம் ஏற்படுத்தும் வண்ணம் அமைந்துள்ளது. சூப்பர் ஸ்டார் ரஜினிகாந்தின் பிறந்தநாளன்று ஒரே ஒரு காட்சியாக திரையிட திட்டமிட்ட குழுவினர் , படத்திற்கு ஏற்பட்டிருக்கும் பெரும் எதிர்பார்ப்பினை கண்டு  தமிழகம் மட்டுமின்றி பிற மாநிலங்கள் மற்றும் வெளிநாடுகளிலும் பல திரையரங்குகளில் வெளியிட தீவிரமாக யோசித்து வருகின்றனர். 

கோரிக்கை வைத்த ஏ ஆர் ரஹ்மான்:

DI, மிக்ஸிங் போன்ற தொழில்நுட்ப மாற்றங்கள் புதுப்பிக்கப்பட்டுள்ளன. இதுதவிர, படத்தின் இசையமைப்பாளர் ஏ ஆர் ரஹ்மான், படத்தின் முன்னோட்டத்தை தான் முதலில் பார்வையிடுவதற்கு கோரிக்கை வைத்துள்ளார். இதன் மூலம், தன்னால் படத்தின் இசையினை மேலும் மேம்படுத்த இயலுமா? என்பதனை அவர் பார்வையிட உள்ளார். 

டப்பிங் கொடுத்த சூப்பர் ஸ்டார்:

இந்நிலையில் பாபா படத்தின் புதிய காட்சிகளுக்கு சூப்பர் ஸ்டார் ரஜினிகாந்த் டப்பிங் பேசியிருக்கிறார். அப்போது, பாபாவின் மறுவெளியீட்டுக்கான ஹைப் மற்றும் அற்புதமான வரவேற்பினை கண்டு சூப்பர் ஸ்டார் ரஜினிகாந்தும், இயக்குனர் சுரேஷ் கிருஷ்ணா இருவரும் மிகுந்த மகிழ்ச்சியையும் உற்சாகத்தையும் வெளிப்படுத்தியுள்ளனர்.