கார்த்திக் நரேன் இயக்கத்தில் தற்போது தனுஷ் புதிய படத்தில் நடித்து வருகிறார். அந்தப் படத்திற்கு D43 என்று தலைப்பு வைக்கப்பட்டுள்ளது. நடிகை மாளவிகா மோகனன் அந்தப் படத்தில் கதாநாயகியாக நடிக்கிறார். 

ஜி.வி.பிரகாஷ் இசையமைக்கிறார். இப்படத்தில் தனுஷ் பாடல் வரிகள் எழுதியுள்ளதாகவும் பாடல் பாட இருப்பதாகவும் கூறப்படுகிறது.  இந்தப் படத்தில் தனுஷ் மற்றும் மாளவிகா இருவரும் பத்திரிகை நிருபர்களாக நடித்து வருவதாகக் கூறப்படுகிறது. இப்படத்தின் இறுதி கட்ட படப்பிடிப்பு ஹைதராபாத்தில் விறுவிறுப்பாக நடைபெற்று வருகிறது. 

இன்று தனுஷ் தனது பிறந்தநாளைக் கொண்டாடுகிறார். அதையடுத்து அவருக்கு திரைத்துறை பிரபலங்கள் மற்றும் ரசிகர்கள் வாழ்த்துக்கள் தெரிவித்து வருகின்றனர். இந்நிலையில் இன்று தனுஷ் பிறந்தநாளை முன்னிட்டு D43 படத்தின் பர்ஸ்ட் லுக்கை வெளியிட இருப்பதாக படக்குழுவினர் அறிவித்திருந்தனர். 11 மணிக்கு பர்ஸ்ட் லுக் வெளியாக உள்ளது.

கடந்த 20 ஆண்டுகளாக கதாநாயகியாகவே நடித்துக் கொண்டிருக்கும் நடிகைகளில் ஒருவர் திரிஷா.

கன்னடத்தில் இது த்வித்வா என்கிற படத்தில் புனித ராஜ்குமாருக்கு ஜோடியாக நடிக்க ஒப்பந்தமாகிறார்.

கன்னடத்தில் இதுவரை 'பவர்' என்கிற ஒரே ஒரு படத்தில் மட்டுமே நடித்துள்ளார் த்ரிஷா.

அந்தப்படத்திலும் புனித ராஜ்குமாருக்கு ஜோடியாகத்தான் நடித்திருந்தார். அந்தகையில் ஏழு ஆண்டுகளுக்கு பிறகு கன்னடத்தில் ரீ என்ட்ரி கொடுக்கிறார் த்ரிஷா. யு டர்ன் படத்தை இயக்கிய பவன் குமார் தான் இந்தப்படத்தை இயக்குகிறார்.

RRR திரைப்படத்தின் முதல் பாடல் வெளியாகும் தேதியை படக்குழு அறிவித்துள்ளது.

பாகுபலி இயக்குனர் ராஜமௌலி இயக்கத்தில் தயாராகிவரும் RRR படத்தில் ராம்சரண், ஜூனியர் என்.டி.ஆர், அஜய்தேவ் கான் உள்ளிட்டோர் நடிக்கின்றனர்.

படத்தின் இறுதிகட்ட பணிகள் நடைபெற்று வரும் நிலையில் முதல் பாடலை ஆகஸ்ட் 1-ம் தேதி வெளியிட படக்குழு திட்டமிட்டுள்ளது.

கீரவாணி இசையில் நட்பை மையப்படுத்தி தெலுங்கு, இந்தி உள்ளிட்ட 5 மொழிகளில் உருவாகியுள்ள இந்த பாடலை தமிழில் அனிருத் பாடியுள்ளார்

நியூசிலாந்தில் சின்னஞ்சிறு குழந்தையிடம் இருந்த ஆப்பிள் பழத்தை முயல் ஒன்று அபகரித்து செல்லும் வீடியோ காட்சி வைரலாகி வருகிறது.

நியூசிலாந்தின் கிறிஸ்ட்சர்ச் நகரில் சின்னஞ்சிறு குழந்தை ஒன்று, வீட்டில் அமர்ந்தவாறு ஆப்பிள் பழத்தை சாப்பிட்டு கொண்டிருந்தது. அப்போது, அதன் அருகாமையில் வந்த முயல், குழந்தையின் கையில் இருந்த ஆப்பிளை அபகரித்துக் கொண்டு, அங்கிருந்து ஓட்டம்பிடித்தது. இணையத்தில் வைரலாகி வரும் இந்த காட்சி காண்போரை நகைப்புள்ளாக்கியுள்ளது.

சிவகார்த்திகேயன் நடிக்கும் புதிய படத்தில் நடிகை ரஷ்மிகா மந்தான்னா கதாநாயகியாக நடிக்கவுள்ளதாக தகவல் வெளியாகியுள்ளது.

சிவகார்த்திகேயன் தெலுங்கு இயக்குனர் அனுதீப் உடன் கூட்டணி அமைக்க இருப்பதாகக் கூறப்படும் நிலையில், தெலுங்கில் நவீன் பொலிசிட்டி நடிப்பில் வெளியான ஜதிரத்னலு திரைப்படம் சூப்பர் ஹிட் வெற்றி பெற்றது. அந்தப் படத்தை அனுதீப் தான் இயக்கியிருந்தார். தற்போது சிவகார்த்திகேயன் இயக்குனர் அனுதீப் உடன் புதிய படத்தில் கூட்டணி அமைக்க இருப்பது உறுதியாகியுள்ளது. அந்தப் படம் தமிழ் மற்றும் தெலுங்கு என இரு மொழிகளில் உருவாக இருப்பதாகவும் ஏசியன் சினிமாஸ் நிறுவனத்தின் நாராயன் தாஸ் நாரங் தயாரிக்க இருப்பதாகவும் கூறப்படுகிறது.

இது ஒருபுறம் இருக்க நடிகர் சிவகார்த்திகேயனுக்கு ஜோடியாக ரஷ்மிகா மந்தான்னா நடிக்கவுள்ளதாக தகவல் வெளியாகியுள்ளது.  இதுதொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.