போலீஸ் ஸ்டேஷனில் பச்சையா புளுகிய ஜூலி... கொடுத்த காசு, பல்சர் பைக்கை வாங்க சதியாம்...!!

பிக்பாஸ் புகழ் ஜூலி தன் காதலர் தன்னை திருமணம் செய்ய மறுப்பதாகக் கூறி கொடுக்கப்பட்ட புகாரில் ஜூலியே காதலை துண்டித்துள்ளது போலீசார் விசாரணையில் தெரியவந்துள்ளது.

போலீஸ் ஸ்டேஷனில் பச்சையா புளுகிய ஜூலி... கொடுத்த காசு, பல்சர் பைக்கை வாங்க சதியாம்...!!

பிக்பாஸ் என்ற தனியார் தொலைகாட்சி நிகழ்ச்சி மூலம் பிரபலமானவர் ஜூலி (எ) மரியா ஜூலியானா. இவர் தனது பெற்றொருடன் பரங்கி மலை ஈரோப்பியன் லேன் பகுதியில் வசித்து வருகிறார். இந்நிலையில் ஜூலி அண்ணா நகர் அனைத்து மகளிர் காவல் நிலையத்தில் மோசடி புகார் ஒன்றை அளித்தார்.

அந்தப் புகாரில் அண்ணா நகர் 2-வது அவென்யூவில் உள்ள பிரபல அழகு நிலையத்தில் மேலாளராக பணிபுரிந்து வந்த அமைந்தகரை அய்யாவு காலனி பகுதியைச் சேர்ந்த மனிஷ், என்பவர் தன்னை காதலித்து திருமணம் செய்துகொள்வதாகக் கூறி, தன்னிடம் இருந்து பணம், தங்க நகைகள் மற்றும் வீட்டுக்கு தேவையான பொருட்களை வாங்கி கொண்டு ஏமாற்றியதாக குற்றஞ்சாட்டியிருந்தார்.

மேலும், தான் அழகு நிலையத்துக்கு சென்ற போது மேலாளர் மனிஷ் என்பவருடன் பழக்கம் ஏற்பட்டதாகவும் பின்னர் கடந்த 2017- ஆம் ஆண்டு முதல் இருவருக்கும் காதல் ஏற்பட்டு ஒன்றாக நெருக்கமாக வாழ்ந்து வந்ததாகவும் தெரிவித்திருந்தார். மேலும், கடந்த 4 ஆண்டுகளாக காதலித்து வந்த மனிஷ் தன்னை திருமணம் செய்து கொள்வதாகக் கூறி நம்பவைத்த நிலையில், மனிஷுக்கு தான் புதிய இருசக்கர வாகனம், 2 சவரன் தங்க செயின் மற்றும் வீட்டுக்கு தேவையான பிரிட்ஜ், வாஷிங் மெஷின் போன்ற பொருட்களை வாங்கிக் கொடுத்து 2.50 லட்சம் ரூபாய் வரை செலவு செய்ததாக ஜூலி தனது புகாரில் தெரிவித்திருந்தார்.

இந்நிலையில் போலீசார் சம்பந்தப்பட்ட மனிஷை காவல் நிலையம் அழைத்து சென்று விசாரணை மேற்கொண்டனர். விசாரணையில் கடந்த 2017 ஆம் ஆண்டு ஜூலிக்கும் அவரது முன்னாள் காதலருக்கும் பிரச்சனை எழுந்தபோது, கேரளாவைப் பூர்வீகமாகக் கொண்ட மனிஷ் என்பவர் ஜூலிக்கு ஆறுதல் கூறி பேசியதாவும், பின்னர் ஜூலிக்கும் மனிஷூக்கும் இடையில் நட்பு ஏற்பட்டு பின்னர் காதலாக மாறியதாக தெரியவந்தது.

சமீபத்தில் ஜூலி வேறொரு நபருடன் நட்பாகப் பழக, அதனால் இருவருக்கும் பிரச்சனை ஏற்பட்டு மனீஷ் உடனான காதலை ஜூலியே துண்டித்து அவருடன் பேசுவதை தவிர்த்து வந்ததும் தெரியவந்துள்ளது. மேலும், ஜூலியின் இந்த திடீர் காதல் துண்டிப்பை தாங்கிக்கொள்ள இயலாத மனிஷ் ஜூலியை அவரது செல்போனுக்கு தொடர்புகொண்டு, தன்னை பிரிந்து செல்ல வேண்டாம் எனவும் , அவர் இல்லாமல் தன்னால் வாழ இயலாது எனவும் கூறி அழுது அடிக்கடி தொலைபேசி மூலம் தொடர்புகொள்ள முயன்றதும் போலீசார் விசாரணையில் தெரியவந்தது.

அடிக்கடி போன செய்யும் மனீஷின் தொல்லையில் இருந்து விடுபடவும், அவரை மிரட்டுவதற்காகவே ஜூலி காவல் நிலையத்தில் புகார் அளித்துள்ளார் என்பதும் தெரியவந்தது. இதனையடுத்து மனிஷ் தாமாகவே முன்வந்து ஜூலி வாங்கி கொடுத்த தங்க நகை, ஃபிரிட்ஜ் மற்றும் இருசக்கர வாகனத்தை போலீசார் முன்னிலையில் திருப்பி அளித்தார். 

அதனையடுத்து ஜூலியும், மனிஷும் ஒன்றாக சேர்ந்து எடுத்துக்கொண்ட புகைப்படங்களை போலீசார் அழித்துவிட்டு ஜூலி மற்றும் மனிஷ் ஆகிய இருவருக்கும் அறிவுரைக் கூறி வீட்டுக்கு அனுப்பி வைத்துள்ளனர். காதலர் தன்னை திருமணம் செய்துகொள்வதாகக் கூறி மோசடி செய்ததாக ஜூலி புகார் அளித்த நிலையில், ஜூலிதான் காதலைத் துண்டித்து காதலனை தவிர்த்து வந்துள்ளார் என்பது போலீசார் விசாரணை மூலம் அம்பலமாகி அதிர்ச்சியை ஏற்படுத்தியுள்ளது.


ஷாருக்கான் தான் முக்கியமாம்..அல்லுக்கு ஷாக்..புஷ்பா 2-ல் இருந்து விலக என்ன காரணம்?

பாலிவுட்டில் ஜவான் படத்தில் ஷாருக்கானுக்கு வில்லனாக நடித்து வருகிறார் விஜய் சேதுபதி..!

புஷ்பா: அல்லு அர்ஜூன், ராஷ்மிகா மந்தனா நடிப்பில் கடந்தாண்டு வெளியான திரைப்படம் 'புஷ்பா'. தமிழ், தெலுங்கு, மலையாள, ஹிந்தி, கன்னடா என 5 மொழிகளில் பான் இந்தியா படமாக வெளியானது இப்படம். தெலுங்கு மொழியை தவிர்த்து பிற மொழிகளில் ஓரளவு வெற்றி பெற்றது புஷ்பா. குறிப்பாக இந்தப் படத்தில் இடம்பெற்றிருந்த பாடல்கள் அனைத்து மொழிகளிலும் ஹிட் அடித்தது. 

புஷ்பா 2: முதல் பாகத்தின் வெற்றியை தொடர்ந்து புஷ்பா படத்தின் இரண்டாம் பாகத்திற்கு படக்குழு தயாராகினர். சுகுமார் இயக்கத்தில், சீனா, தாய்லாந்து என நாடு நாடாக சென்று படக்குழுவினர் பிரம்மாண்டமாக படப்பிடிப்பை நடத்தி வருகின்றனர். இந்த பாகத்தில் தனது சாம்ராஜ்யத்தை எப்படி புஷ்பா விரிவுபடுத்தினார்? என்பது தான் மையக்கதை எனக் கூறப்படுகிறது. 

வில்லன் விஜய்சேதுபதி: நடிகர் விஜய்சேதுபதி ஹீரோவைக் காட்டிலும் வில்லன் கதாபாத்திரங்கள் தொடர்ந்து ஹிட் அடித்து வருகிறார். 'விக்ரம் வேதா' தொடங்கி, சமீபத்தில் வெளியான 'விக்ரம்' திரைப்படம் வரையிலும் முன்னணி ஹீரோக்களுக்கு வில்லனாய் நடித்து அசரடித்து வருகிறார் விஜய்சேதுபதி.

பிறமொழிகளிலும் வில்லன்: தமிழ் மட்டுமின்றி ஒரு பான் இந்தியா வில்லனாக மாறியிருக்கிறார் விஜய்சேதுபதி. பாலிவுட்டில் தொடங்கி டோலிவுட் வரை அவர் வில்லனாக நடித்தால் தான் நன்றாக இருக்கும் என போட்டி போட்டு அவரது கால்ஷீட்களை புக் செய்து வருகின்றனர். சம்பளம் டபுள் மடங்கு ஏறினாலும் அவரை புக் செய்ய தயாரிப்பாளர்கள் காத்துகிடக்கின்றனர். 

 

புஷ்பா2-க்கு நோ: இந்த நிலையில், அல்லு அர்ஜூனின் புஷ்பா 2- படத்தில் முதலாவதாக விஜய்சேதுபதி தான் வில்லனாக நடிக்க இருப்பதாக கூறப்பட்டது. ஆனால் தற்போது அவர் புஷ்பா 2- படத்திலிருந்து விலகி இருப்பதாக தகவல்கள் இணையத்தில் உலா வருகின்றன. 

ஷாருக்கானுக்கு யெஸ்: புஷ்பா 2-படத்திலிருந்து விஜய் சேதுபதி விலகுவதற்கான காரணம் என்னவாக இருக்கும் என ரசிகர்கள் அசைப் போட்ட நேரத்தில், ஏற்கனவே ஹிந்தியில் ஷாருக்கானின் "ஜவான்" படத்தில் வில்லனாக நடித்துக் கொண்டிருப்பதால், புஷ்பா 2- படத்திற்கு அதே நேரத்தில் கால் ஷீட் கொடுக்க முடியாததால் அப்படத்திலிருந்து விலகியுள்ளதாக விவரம் தெரிந்தவர்கள் கூறியுள்ளனர். 

பெரியார் சிலை குறித்து சர்ச்சைக்குரிய வகையில் பேசிய வழக்கில் ஸ்டண்ட் மாஸ்டர் கனல் கண்ணனுக்கு வரும் 26-ம் தேதி வரை காவல் விதித்து சென்னை எழும்பூர் நீதிமன்றம் உத்தரவிட்டுள்ளது.  

சர்ச்சை பேசிய ஸ்டண்ட் மாஸ்டர்:

சென்னை மதுரவாயலில் கடந்த ஒன்றாம் தேதி, இந்து முன்னணி சார்பில் நடத்தப்பட்ட கூட்டத்தில், பேசிய கனல் கண்ணன் ஸ்ரீரங்கம் ரங்கநாதர் கோவில் எதிரே உள்ள பெரியார் சிலையை உடைக்கும் நாளே, இந்துக்களின் எழுச்சி நாள் என்றார். இது குறித்து பெரியார் திராவிடர் கழகத்தின் சார்பில் அளித்த புகாரின் பேரில் கனல் கண்ணன் மீது சென்னை சைபர் கிரைம் போலீசார் இரண்டு பிரிவுகளின் கீழ் வழக்கு தொடரப்பட்டது.

தலைமறைவான கனல் கண்ணன்:

கனல் கண்ணன் மீது தொடரப்பட்ட வழக்கில் போலீஸ் தேடுவதை அறிந்து கனல் கண்ணன் தலைமறைவானார்.  இதற்கிடையில், இந்த வழக்கில் இருந்து தன்னை விடுவிக்கக் கோரி, கனல்கண்ணன் தொடர்ந்த முன் ஜாமீன் மனுவை, சென்னை முதன்மை அமர்வு நீதிமன்றம் தள்ளுபடி செய்தது.

கைதான கனல் கண்ணன்:

இந்நிலையில், தலைமறைவான ஸ்டண்ட் மாஸ்டர் கனல் கண்ணன் புதுச்சேரியில் பதுங்கியிருப்பதாக தகவல் கிடைத்த நிலையில், சென்னை மத்திய குற்றப் பிரிவு சைபர் க்ரைம் போலீஸார் புதுச்சேரிக்கு  அவரை தேடி சென்றனர்.  இதனையடுத்து, 76 வது சுதந்திர தினவிழாவையொட்டி இன்று புதுச்சேரியில் பதுங்கியிருந்த கனல்கண்ணனை, சென்னை மத்திய குற்றப்பிரிவு சைபர் கிரைம் போலீசார் கைது செய்தனர்.

நீதிமன்றத்தில் ஆஜார்:

இதையடுத்து சென்னை எழும்பூர் நீதிமன்றத்தில் போலீசார் அவரை ஆஜர்படுத்தினர். வழக்கை விசாரித்த நீதிபதி லட்சுமி, வரும் 26-ம் தேதி வரை காவலில் வைக்க உத்தரவிட்டார். பின்னர் புழல் சிறைக்கு கொண்டு சென்ற போது,  கனல் கண்ணன் ஆதரவாளர்கள் வாகனத்தை வழி மறித்து முழக்கமிட்டதால் பரபரப்பு நிலவியது.

செய்தியாளர்களிடம் பேசிய வழக்கறிஞர்:

இதனைத் தொடர்ந்து செய்தியாளர்களிடம் பேசிய கனல் கண்ணன் தரப்பு வழக்கறிஞர் கார்த்திகேயன், ஜாமீன் கேட்டு  மனுத் தாக்கல் செய்துள்ளதாகவும் நாளை மனு விசாரணைக்கு வர உள்ளதாகவும் தெரிவித்தார்.

அது மட்டும் வேணாம்..சிம்பு சொன்ன நோ.. நெகிழ்ச்சியில் ரசிகர்கள்..!

பத்துதல, வெந்து தணிந்தது காடு படங்களில் பிசியாக நடித்து வரும் சிம்பு..!

பிசியாகவுள்ள சிம்பு: நடிகர் சிம்பு தற்போது பத்துதல, வெந்து தணிந்தது காடு உள்ளிட்ட படங்களில் பிசியாக நடித்து வருகிறார். இதற்கிடையில் ஹன்சிகாவின் மஹா படத்திலும் கவுரவத் தோற்றத்தில் நடித்திருக்கிறார். இந்த திரைப்படம் கூடிய விரைவில் வெளியாகவுள்ளது. 

மதுபான விளம்பரமும் சிம்புவின் பதிலும்: இந்த நிலையில், நடிகர் சிம்புவிடம் பிரபல மதுபான நிறுவனம் ஒன்று தங்களது விளம்பரப் படங்களில் நடிக்குமாறு அணுகியுள்ளது. ஆனால் இதற்கு சிம்பு மறுத்துவிட்டதாக கூறப்படுகிறது. 

 

உடல் ஆரோக்கியம் முக்கியம்: கடந்த ஒன்றைரை வருடங்களாக சிம்பு தனது உடல் எடையை குறைக்க பல்வேறு வழிகளில் ஈடுபட்டிருந்தார். உடல் பயிற்சி, யோகா, நடனம் என பல வழிகளில் கடுமையாக உழைத்து தற்போது ஒரு சிறுவன் வயதுக்கு வந்துள்ளார் சிம்பு. இந்த நேரத்தில் மக்களின் ஆரோக்கியத்தை கெடுக்கும் மதுபான விளம்பரத்தில் தான் நடிக்க மாட்டேன் என சிம்பு கூறிவிட்டதாக கோலிவுட் வட்டாரங்கள் தெரிவிக்கின்றன. 

ஒரு நாள் முதல்வனின் 60வது பிறந்தநாள் இன்று!

நாட்டுப் பற்றுக் கொண்ட இந்திய நடிகர்களில் முதன்மை வகிக்கும் அர்ஜுன் சார்ஜாவின் 60 வது பிறந்தநாள் இன்று!

நாட்டுப் பற்று நிறைந்தவர்கள் பலர். ஆனால், அனைவரது மனதில் எடுத்துக் காட்டாக நிலைத்து நிற்கும் பற்றாளர் ஒரு சிலரே. அந்த வகையில், என்றும் மக்கள் மனதில் நிலைத்து நிற்கும் ஒரு நடிகர் யார் என்றால்ம் அது அர்ஜுன் தான். அவரது தேசப்பற்று எந்தளவு என்று கேட்டால், இந்தியா சுதந்திரம் அடைந்த அதே நாளில் தனது பிறந்தநாளையும் கொண்டாடுகிறார் என்றால் பாருங்கள்.

இது வரை 150 படங்களுக்கும் மேல் நடித்திருக்கும் அர்ஜுன் படங்களில், வழக்கமான ஹீரோக்களுக்கு தேவையான காதல், குடும்ப செண்டிமெண்ட் போன்றவை தாண்டி, மக்கள் நலம், தேசப்பற்று ஆகியவையும் நிரைந்திருக்கும். ஆக்‌ஷன் கிங் என்று ரசிகர்களால் ஆசையாக அழைக்கப்படும் அர்ஜுன், முதன் முதலில் தமிழ் திரையுலகிற்கு காலெடுத்து வைத்தது ‘நன்றி’ என்ற படம் மூலமாகத் தான்.

கன்னடத்தில் இருந்து வந்த இவரது தமிழ் வித்தியாசமாக இருந்தாலும், பலரால் ரசிக்கப்பட்டது. அவரது உடலமைப்பு, உடல்கட்டு அனைத்தும் பலரால் ரசிக்கப்பட்டது. ஆனால், அவற்றையெல்லாம் தாண்டி, அவர் ரசிகர்களை குவித்தது, தேசப்பற்று படங்கள் மூலமாகத் தான் என்பது குறிப்பிடத்தக்கது.

ஷங்கர் இயக்கிய ஜெண்டில்மேன் திரைப்படம் மூலம், தான் ஒரு கமெசியல் ஹீரோ தான் என நிரூபித்தார். தொடர்ந்து பல படங்கள் ஆக்‌ஷன் ஹீரோவாகக் கொடுத்து, இந்திய அளவில் பார்வைப் பெற்றது, அதே ஷங்கர் இயக்கத்தில் வந்த ‘முதல்வன்’ படம் தான். ஒரு நாள் முதல்வன் என்ற கதைகளம், மிகவும் வித்தியாசமாக பலராலும் வரவேற்கப்பட்டதைத் தொடர்ந்து, அவரது ரசிகர் கூட்டம் அதிகரித்தது என்றே சொல்லலாம்.

1981இல் தனது சினிமா பயணத்தைத் தொடங்கிய அர்ஜுன், தனது தேசப்பற்றை, சினிமாவில் மட்டுமின்றி நிஜ வாழ்க்கையிலும் வெளிப்படுத்தியிருக்கிறார். தனது கையில், தேசியக்கொடியை பச்சைக் குத்தியிருக்கிறார் ஆக்‌ஷன் கிங் அர்ஜுன்.  இன்று தனது 60வது பிறந்தநாளைக் கொண்டாடி வருகிறார். அவருக்கு பிறந்தநாள் வாழ்த்துகள்.

2023இல் திரையரங்குகளைத் தெரிக்க விட வருகிறது ‘சலார்’!!!

பிரபாஸ் நடிப்பில் பிரசாந்த் நீல் இயக்கும் ‘சலார்’ படமானது, வருகிற 2023ம் ஆண்டு திரையரங்குகளுக்கு வருவதாக, அதிகாரப்பூர்வ தகவல் வெளியாகியுள்ளது.

தென்னிந்திய படங்களுக்கான ஒரு முகப்பாக அமைந்த ‘கே.ஜி.எஃப்’ படத்தின் வெற்றியைத் தொடர்ந்து, அக்குழு அப்படியே இணைந்து உருவாக்கும் புதிய படம் தான் சலார்.

2018ம் ஆண்டு கன்னடத்தில் உருவாகி, தமிழ், தெலுங்கு என ஐந்து மொழிகளில் உலகம் முழுவதும் வெளியான வெற்றித் திரைப்படம் தான் ‘கே.ஜி.எஃப்’. பிரஷாந்த் நீல் இயக்கி, விஜய் கிரகண்டூரின் ஹொம்பாலெ ஃபிலிம்ஸ் தயாரிப்பில் உருவான இந்த படம், இரண்டு பாகங்களாக வெளியானது. அந்த படம் பல நூறு கோடி ஐந்து மொழிகளில் செய்ததோடு, மாபெரும் வசூல் சாதனையும் செய்தது.

இந்நிலையில், படத்தின் மூன்றாம் பாகமும் உருவாக இருப்பதாக திடீரென வந்த அப்டேட், அனைத்து சினிமா ரசிகர்களையும் இன்ப அதிர்ச்சியில் ஆழ்த்தியதோடு, மாபெரும் வரவேற்பும் பெற்றது குறிப்பிடத்தக்கது.  தொடர்ந்து, படத்தில் ஒரு கதாபாத்திரம் சிறிதாக இருந்தாலும், நல்ல வரவேற்புப் பெற்றது. அது தான் சலார்!

அந்த கதாபாத்திரத்திற்கென்று தற்போது ஒஎரு தனி ‘Spin Off' உருவாக இருப்பதாகவும், அந்த கதையின் நாயகனாக, பிரபல பான் இந்தியா நட்சத்திரமான பாகுபலி பிரபாஸ் நடிக்க இருப்பதாகவும் அதிகாரப்பூர்வ தகவல் வெளியாகி பெரும் வரவேற்பு மக்களிடையே வெளியானது. இதனைத் தொடர்ந்து, tஹற்போது, சலார் படம், வருகிற செப்டம்பர் 28ம் தேதி, 2023ம் ஆண்டு வெளியாகவுள்ளதாக, ஹொம்பாலெ ஃபிலிம்ஸ் தயாரிப்பு நிறுவனம், தங்களது அதிகாரப்பூர்வ ட்விட்டர் பக்கத்தில் தகவல் வெளியிட்டுள்ளது. இதனால் ரசிகர்களின் எதிர்பார்ப்பு அதிகரித்துள்ளது என்றே சொல்லலாம்.

இந்த படத்தில், கே.ஜி.எஃப் குழுவுடன், பிரித்விராஜ், ஷ்ருதிஹாசன், ஜகபதிபாபு, சிரியா ரெட்டி, ஆகியோரும் இணைந்துள்ளது குறிப்பிடத்தக்கது.