கேரள மாநில லாட்டரியை மையமாகக் கொண்ட 'பம்பர்' என்ற தமிழ் திரைப்படத்தில் ‘8 தோட்டாக்கள்’ மற்றும் ‘ஜீவி’ புகழ் வெற்றி கதாநாயகனாக நடிக்கிறார். வேதா பிக்சர்ஸ் பேனரில் சு. தியாகராஜா தயாரிக்கும் இப்படத்தை இயக்குநர்கள் மீரா கதிரவன் மற்றும் ‘கொம்பன்’ முத்தையா உள்ளிட்டவர்களிடம் பணியாற்றிய அனுபவமுள்ள எம். செல்வக்குமார் இயக்குகிறார். 

பம்பர் படத்தின் படப்பிடிப்பு முழுவதும் நிறைவடைந்த நிலையில் போஸ்ட் புரொடக்ஷன் பணிகள் தற்போது இறுதிகட்டத்தை எட்டியுள்ளன. இப்பணிகளும் விரைவில் நிறைவடைந்து படம் ரிலீசுக்கு தயாராகிவிடும் என்று இயக்குநர் தெரிவித்தார்.  தூத்துக்குடி, திருவனந்தபுரம், புனலூர் மற்றும் சபரிமலை உள்ளிட்ட பகுதிகளில் பம்பர் படப்பிடிப்பு நடைபெற்றது. படம் மிகவும் சுவாரசியமான முறையில் தயாராகி உள்ளது என்று குழுவினர் தெரிவிக்கின்றனர். 

இப்படத்தில் துப்பாக்கி பாண்டியன் எனும் முற்றிலும் வித்தியாசமான வேடத்தில் சமூக வலைதளங்களில் தனக்கென தனி ரசிகர் பட்டாளத்தை வைத்திருக்கும் ஜி பி முத்து நடிக்கிறார். அவர் வரும் காட்சிகள் ரசிகர்களுக்கு உற்சாகத்தை ஊட்டும் என்று படக்குழுவினர் நம்பிக்கை தெரிவித்தனர். 'பம்பர்' படத்திற்கு கோவிந்த் வசந்தா இசையமைக்க கார்த்திக் நேத்தா பாடல்களை இயற்றுகிறார்.

இப்படத்தின் முதல் கட்ட படப்பிடிப்பு எருமேலியில் இருந்து சபரிமலைக்கு செல்லும் பெருவழிப்பாதை மற்றும் அதனை சுற்றியுள்ள பகுதிகளில் கேரள அரசின் உரிய அனுமதியுடன் நிறைவடைந்தது நினைவிருக்கலாம். 'பம்பர்' படத்தின் கதாநாயகியாக ஷிவானி நாராயணன் நடிக்கிறார். சுவாரசியமான கதாபாத்திரம் ஒன்றை தங்கதுரை ஏற்றுள்ளார். படத்தை பற்றி பேசிய இயக்குநர் செல்வக்குமார், “கேரள பம்பர் லாட்டரி தான் இப்படத்தின் கதைக்களமாகும். வெற்றி கதாநாயகனாகவும், அதற்கு இணையான கதாபாத்திரத்தில் நடிகர் ஹரீஷ் பேரடியும் நடிக்கின்றனர்,” என்றார்.

படத்தின் ஒளிப்பதிவை நெடுநல்வாடை, எம்ஜிஆர் மகன், ஆலம்பனா மற்றும் கடமையை செய் ஆகிய திரைப்படங்களின் ஒளிப்பதிவாளர் வினோத் ரத்தினசாமி கையாள்கிறார். படத்தொகுப்புக்கு மு.காசிவிஸ்வநாதன் பொறுப்பேற்றுள்ளார். ‘8 தோட்டாக்கள்’ புகழ் வெற்றி நடிக்கும் ‘பம்பர்’ திரைப்படத்தை சு. தியாகராஜா தயாரிக்க எம். செல்வக்குமார் இயக்குகிறார்.

மும்பையின் ஒரு சீரியலில் தனது திரைப்பயணத்தைத் தொடங்கிய மாதவன், பல படங்களில் நடித்திருக்கிறார். அலைபாயுதே படத்தில் என்றென்றும் புன்னகை பாடலுக்கு சாக்லெட் பாயாக, கோலிவுட்டிற்கு அறிமுகமான மாதவன், இன்று வரை தனது தனித்துவமான நடிப்பால் அனைத்து வயது ரசிகர்களையும் கவர்ந்து வருகிறார். தான் ஒரு நடிகர் மட்டுமல்ல, ஒரு நல்ல சினிமாக்காரன் என நிரூபிக்கும் வகையில், ‘Rocketry: The Nambi Effect’ என்ற படத்தை, எழுதி இயக்கி தயாரித்தும் இருக்கிறார்.

விண்வெளி ஆராய்ச்சியாளர் டாக்டர் நம்பி நாராயணன் அவர்களின் கதையை சுய சரிதை படமாக உருவாக்கிய மாதவன், நம்பியாகவே நடித்திருக்கிறார். மறைந்த டாக்டர் ஏ பி ஜே அப்துல் கலாமிற்கும் மேலாக் போற்றப்பட வேண்டிய நம்பி நாராயணன், தேச துரோகி என பட்டம் சூட்டப்பட்டு மோசமான முறையில் நடத்தப்பட்டார் என்பதனை மிக அருமையாக எடுத்துக் காட்டி அவருக்கு நடந்த அநீதிகளை வெட்ட வெளிச்சம் போட்டுக் காட்டியிருக்கிறார் மாதவன். தனது முதல் படமே, இப்படிப்பட்ட மிகவும் கடினமான கதையை எடுத்து அதனை வெற்றி அடைய வைத்திருக்கிறார் மாதவன்.

இது வரை ஒரு போட்டோ கூட எடுக்கத் தெரியாத நான், ராக்கெட்ரி என்ற ஒரு படத்தையே எப்படி எடுத்தேன் எனத் தெரியவில்லை என ஒரு பேட்டியில் கிண்டலாக பேசிய மாதவன், தற்போது வெளியாகி நல்ல வரவேற்பு பெற்று வரும் படத்திற்கு குவியும் பாராட்டுகளால் நெகிழ்ச்சியில் உள்ளார்.

இந்த படத்தை கொரோனா காலத்திற்கு முன் எடுத்த நிலையில், இரண்டு வருடமாக உருவான அனைத்து வகையான கடும் எதிர்ப்புகளை அடுத்து ‘Rocketry: The Nambi Effect’ படத்தை வெற்றிகரமாக உருவாக்கி இருக்கிறார். இதனை, சமீபத்தில் நடந்த கேன்ஸ் சரவதேச திரைப்பட விழாவில் திரையிட்டார். படம் முடிந்த பிறகு, சிறப்பாக உருவாக்கப்பட்ட இந்த படத்தைப் பார்த்த பார்வையாளர்கள், பத்து நிமிடங்கள் வரை எழுந்து நின்று கரகோஷங்களைக் கொடுத்துள்ளனர்.

தன்னிடன் இருந்தகடைசி பணம் வரை பயன்படுத்தியும், தனது மனைவியின் பணத்தைப் பயன்படுத்தியும் உருவாக்கிய இந்த படம், இந்திய அரசை எதிர்ப்பதாக இருக்கிறது என ஒரு சில எதிர்ப்புகள் உருவானது அனைவரும் அறிந்ததே. பல கஷ்டங்களைத் தாண்டி, தனி ஆளாக இந்த படத்தை உருவாக்கிய மாதவனுக்கு இந்த 10 நிமிட கரகோஷமெல்லாம் சிறிய பாராட்டுதான் என இணைய வாசிகள் கமெண்ட் செய்து வருவதோடு, மாதவனுக்கு வாழ்த்துகளையும் பாராட்டுகளையும் இணையத்தில் பதிவிட்டு வருகின்றனர்.

மேலும், இந்த படத்தில் சிறப்பு தோற்றத்தில் வந்த நடிகர் சூரியா மற்றும் நடிகர் ஷாருக்கான், நட்பு ரீதியாக மட்டுமே நடித்து ஒரு ரூபாய் கூட வாங்கமல் இருந்தது குறித்து பெருமை பேசிய மாதவன், இருவருக்கும் மனமார்ந்த நன்றிகளைத் தெரிவித்தார். நேற்று ஏவப்பட்ட ISROவின் PSLV C 53 வெற்றிகரமாக விண்ணைத் தொட்ட நிலையில், அந்த ராக்கெட்டில் பயன்படுத்தப்பட்ட பெரும்பான்மையான எஞ்சின்கள் நம்பி அவர்களால் தயாரிக்கப்பட்டது என்பது குறிப்பிடத்தக்கது.

தமிழ் சினிமாவில் பிரபல நடிகையாக வலம் வரும் நடிகை மீனாவின், கணவர் வித்யாசாகர் கடந்த ஜூன் 28 ஆம் தேதியன்று இரவு காலமானார். 48 வயதாகும் இவருக்கு சில தினங்களுக்கு முன் திடீரென நுரையீரல் பாதிப்பு ஏற்பட்டதால் தனியார் மருத்துவமனையில் அனுமதிக்கப்பட்டிருந்தார். நுரையீரலில் தொற்று பாதிப்பு அதிகமானதால், நுரையீரல் மற்றும் இதயம் செயலிழந்ததால்  உறுப்பை மாற்ற வேண்டிய சூழல் ஏற்பட்டது. ஆனால் அவருக்கு உறுப்பு கிடைக்காததால், ஒவ்வொரு உறுப்புகளும் செயலிழந்து சிகைச்சை பலனின்றி வித்யாசாகர் உயிரிழந்தார்.

ஆனால் வித்யாசாகர் கொரோனாவால் உயிரிழந்தாரா? இல்லை வேறு எதாவது காரணமா என்று அவருடைய மரணம் குறித்து பல்வேறு வதந்திகள் இணையத்தில் பரவி வந்தது. 

இந்நிலையில், நடிகை மீனா தற்போது தன் கணவர் இறப்பு குறித்து பரவி வரும் வதந்தியை கண்டித்து தனது சமூக வலைதளபக்கத்தில் உருக்கமான பதிவு ஒன்றை பதிவிட்டிருக்கிறார். அந்த பதிவில், நான் என் கணவரின் இறப்பினால் ஆழ்ந்த சோகத்தில் உள்ளேன். ஊடகத்தினர் இந்த சூழ்நிலையில் எங்கள் தனியுரிமையை மதிக்க வேண்டும் என கேட்டுக் கொள்கிறேன்.

இந்த விஷயத்தில் மேலும் தவறான செய்திகளை பரப்புவதை தயவு செய்து நிறுத்துங்கள். இந்த கடினமான சூழலில் என்னுடன் இருந்த நல் உள்ளங்களுக்கு நன்றியை தெரிவித்துக் கொள்கிறேன் என பதிவிட்டுள்ளார். நடிகை மீனாவின் இந்த பதிவு தற்போது இணையத்தில் வைரலாகி வருகிறது.

யோகி பாபு, கருணாகரன் நடிப்பில் உருவாகியுள்ள பன்னிக்குட்டி படத்தின் ட்ரெயிலர் தற்போது வெளியாகியுள்ளது. காமெடி கலாட்டா படமாக உருவாகியுள்ள இந்த படத்தின் வெளியீட்டிற்காக ரசிகர்கள் படு ஆவலாக காத்து வருகின்றனர்.

காமெடியனாக இருந்து ஹீரோவாக மாறும் பலருக்கு நடுவில், இவரெல்லாம் ஹீரோவா எனக் கேள்விக் கேட்டவர்கள் தான் அதிகம். அப்படிப்பட்ட எதிர்ப்புகளையும் தகர்த்தெரிந்து, இன்று தனக்கென்று ஒரு ரசிகர் கூட்டம் வைத்திருப்பவர் தான் யோகி பாபு. தனது வித்தியாசமான தோற்றம், மற்றும் எதார்த்த நடிப்பை வைத்து எந்த வித சீனாக இருந்தாலும் அதனை நகைச்சுவையாக மாற்றி, ரசிகர்களிடம் கைத்தட்டு வாங்கி விடுவார் அவர்.

‘வாடா வாடா பன்னி மூஞ்சி வாயா’ என கண்ணாடி முன் அழைக்கப்பட்ட யோகி பாபு, இன்று பன்னிக் குட்டி என்ற படத்தில் ஹீரோவாக நடித்திருக்கிறார். அவருடன் திரையுலகிற்கு வருகைத் தந்த நடிகர் கருணாகரனும், இந்த படத்தில் முதன்மை கதாபாத்திரத்தில் நடித்திருக்கிறார்.

கிருமி படத்தின் மூலம் திரையுலகில் தனக்கென்று ஒரு இடத்தைப் பிடித்துக் கொண்ட இயக்குனர் அனுசரண், சமீபத்தில் வெளியான சிறப்பு வெப்சீரியசான சுழல்- ஐ இயக்கினார்.  அவரது அடுத்த படைப்பான இந்த பன்னி குட்டி படத்தின் ட்ரெயிலர் தற்போது வெளியாகியுள்ளது.

சூப்பர் டாக்கீஸ் தயாரிப்பில் உருவாகியுள்ள இந்தப் படம் வருகிற ஜூலை 8 ஆம் தேதி வெளியாகும் என அறிவிக்கப்பட்டுள்ளது. முகமூடி, யுத்தம் செய், கிருமி, ஆண்டவன் கட்டளை போன்ற படங்களின் இசையமைப்பாளர் கே தான் இந்தப் படத்திற்கும் இசையமைத்துள்ளார். சதிஷ் முருகன் ஒளிப்பதிவு செய்துள்ளார்.

இந்த படத்தில் யோகி பாபு, கருணாகரனுடன், லக்ஷ்மி பிரியா, சிங்கம் புலி, திண்டுக்கல் லியோனி, தங்கதுறை போன்ற பலரும் நடித்துள்ளனர். ஒரு சிறிய வெள்ளை பன்னிக்குட்டியை மையமாக வைத்து எடுக்கப்பட்ட இந்த காமெடி படம் பலரது கவனத்தையும் ஈர்த்துள்ளது.

மேலும், “காரியத்த முடிச்சுட்டு வாங்க; காணிக்கையை அப்பறம் வாங்கிக்கிறேன்” என லியோனியின் குரலில் முடியும் இந்த ட்ரெயிலர் இறுதி காட்சி வரை சிரிக்க வைப்பதாக ரசிகர்கள் கூறி வருகின்றனர்.

விஜய் தேவரகொண்டாவின் முகத்தை தனது முதுகில் பச்சைக் குத்திய ரசிகையை விஜய் தேவரகொண்டா நேரில் சந்தித்து கட்டியணைத்துக் கொண்ட வீடியோ இணையத்தில் வைரலாகி வருகிறது. சினிமாவில் எத்தனையோ விஷயங்கள் மாறினாலும், நடிகர்களின் மீதான பாசமும், விருப்பமும் இன்று வரை மாறாமல் இருந்து வருகிறது. எந்த அளவுக்கு என்றால் இந்த நடிகர் நாளை நமது மாநிலத்தை ஆள மாட்டாரா என ஏங்கும் அளவிற்கு. 

அதேபோல, தனக்கு பிடித்த நடிகர்களின் உருவத்தை தனது உடம்பில் பச்சைக்குத்திக் கொள்ளும் ரசிகர்களும் இங்கு இருக்கத் தான் செய்கிறார்கள். அந்த வகையில் இங்கு ஒரு இளம் பெண் தெலுங்கு நடிகரான விஜய் தேவரகொண்டாவின் உருவத்தை தனது முதுகில் பச்சைக் குத்தியுள்ளார். தெலுங்கில் முன்னணி நடிகராக இருந்து வருபவர் நடிகர் விஜய் தேவரகொண்டா. தமிழிலும் இவருக்கு மிகப்பெரிய ரசிகைகள் பட்டாளம் உள்ளது. அப்படி ஒரு ரசிகை விஜய் தேவரகொண்டாவை நேரில் பார்க்கும் வாய்ப்பை பெற்றுள்ளார். அப்படி நேரில் சந்தித்த போது, தனது முதுகில் குத்தியிருந்த டாட்டூவை காண்பித்துள்ளார். இதனை கண்டு மிகவும் நெகிழ்ந்து போன விஜய் தேவரகொண்டா, அந்த ரசிகையை ஆரத்தழுவிக் கொண்ட வீடியோ இணையத்தில் வைரலாகி வருகிறது. 

Congrats @DrCherry19 finally met @TheDeverakonda & fullfilled ur lifetime dream