சர்வதேச தொடரில் மிகவும் பிரமாண்டமான மதிப்புமிக்க தொடராக ஒலிம்பிக்ஸ் தொடர் ஜூலை 23ஆம் தேதி தொடங்கியது. முதல் நாளில் பல்வேறு விளையாட்டுப் பிரிவுகளில் இந்தியாவிற்குப் பின்னடைவு ஏற்பட்டாலும், வெள்ளிப் பதக்கம் வென்று ஆறுதல் அளித்தார் மணிப்பூரைச் சேர்ந்த மீரா பாய் சானு. மகளிருக்கான 49 கிலோ பளுதூக்குதல் பிரிவில் இந்தியாவுக்காக கலந்துகொண்ட ஒரே வீராங்கனை மீரா பாய் தான். மொத்தம் 202 கிலோ தூக்கி வெள்ளிப் பதக்கத்தைத் தட்டிச் சென்றார். இந்தியாவுக்காக முதல் பதக்கம் வென்று கொடுத்தவர் என்பதால் இவரை பலரும் பாராட்டி வருகின்றனர்.

இந்த நிலையில், மீரா பாயை பாராட்டும் விதமாக டோமினோஸ் பீட்சா நிறுவனம் பதிவிட்டுள்ள ட்வீட்டில் “மீராபாய் சானு இந்திய நாட்டுக்காக வெள்ளிப்பதக்கம் வென்றதற்கு எங்களது வாழ்த்துகளைத் தெரிவித்துக் கொள்கிறோம். கோடிக்கணக்கான இந்தியர்களின் கனவை நீங்கள் நிறைவேற்றியிருக்கிறீர்கள். உங்கள் வாழ்நாளுக்கும் இலவசமாக பீட்சாகளை வழங்கவில்லை என்றால் எங்களால் நிச்சயம் மகிழ்ச்சியாக இருக்க முடியாது” என்று குறிப்பிட்டுள்ளதூ. இதன் மூலம் மீரா பாய் வாழ்நாள் முழுவதும் இலவசமாக பீட்சா வழங்கவுள்ளதாக அந்த நிறுவனம் தெரிவித்துள்ளது குறிப்பிடத்தக்கது.

முன்னதாக மீரா பாய் வெற்றி பின் வெளியிட்ட வீடியோ ஒன்றில், நான் ஒலிம்பிக் போட்டியில் பதக்கம் வெல்ல வேண்டும் என்பதற்காக எனக்குப் பிடித்த உணவுகளை உண்ணாமல் மிகக் கடுமையான டயட்டில் இருந்தேன். குறிப்பாக எனக்கு மிக மிக பிடித்த பீட்சாவை சாப்பிடுவதற்கு இனிமேலும் என்னால் காத்திருக்க முடியாது என கூறியிருந்தது குறிப்பிடத்தக்கது.

சென்னை பனையூரில் உள்ள பண்ணை வீட்டில் விஜய் மக்கள் இயக்கத்தின் ஆலோசனை கூட்டம் இன்று நடைபெற்றது.

தமிழ் சினிமாவில் முன்னணி நடிகரான விஜய் தற்போது நெல்சன் திலீப்குமார் இயக்கத்தில் பீஸ்ட் என்ற படத்தில் நடித்து வருகிறார்.

இப்படத்தின் இரண்டாம் கட்ட ஷூட்டிங் ஹைதராபாத்தில் முடிந்து முக்கிய காட்சிகள் சென்னையில் படமாக்கப்பட்டு வருகிறது. இந்நிலையில் இன்று பணையூரில் உள்ள விஜயின் பண்ணை வீட்டில் விஜய் மக்கள் இயக்க ஆலோசனை கூட்டம் நடைபெற்றது. இந்த கூட்டத்தில் விஜய் பங்கேற்கவில்லை. 

இதில் 300க்கு மேற்பட்ட ரசிகர்கள் கலந்துகொண்டனர். மேலும் விஜய்க்கு 10 அடியில் வெண்கல சிலை ஒன்றை ரசிகர்கள் திறந்துள்ளனர். மாஸ்டர் படத்தில் JD  கதா பாத்திரத்தில்  நடித்ததற்காக இந்த சிலை அமைக்கப்பட்டுள்ளதாக கூறப்படுகிறது.

ஸ்மார்ட் போன்களில் உள்ள 11 செயலிகளில் ஜோக்கர் மால்வேர் உள்ளதால் அதனை பயன்படுத்த வேண்டாம் என கூகுள் எச்சரித்துள்ளது.

ஸ்மார்ட்போன்களை பாதிக்கும் ஆபத்தான மால்வேர் பரவல் சம்பவங்கள் வேகமாக அதிகரித்துக்கொண்டே வருகின்றன. இந்நிலையில் மோசமான ஜோக்கர் மால்வேர் மீண்டும் தனது வேலையை காட்டியுள்ளது. அதாவது பிளே ஸ்டோரில் மொத்தம் 11 ஆண்ட்ராய்டு ஆப்களில் ஜோக்கர் மால்வேர் பரவியிருப்பதை சைபர் பாதுகாப்பு ஆராய்ச்சியாளர்கள் கண்டுபிடித்துள்ளனர். குறிப்பாக இந்த தகவலை முதலில் வெளியிட்டது ZDNet என்பது குறிப்பிடத்தக்கது. ஜோக்கர் மால்வேர் பொதுவாக பயனர்களின் முக்கியத் தகவலை திருடும். அதாவது தனிப்பட்ட தரவைத் திருடுகின்றன, சாட்கள் மற்றும் பிற பயன்பாடுகளைப் பார்க்கின்றன. மேலும் டெபிட் கார்டு மற்றும் கிரெடிட் கார்டுகளின் விவரங்களை கூட இந்த ஜோக்கர் மால்வேர் திருடும் என்பது குறிப்பிடத்தக்கது.

எனவே Free Affluent Message, PDF Photo Scanner,  delux Keyboard, Comply QR Scanner, PDF Converter Scanner, Font Style Keyboard, Translate Free, Saying Message, Private Message, Read Scanner, Print Scanner ஆகிய 11 ஆப்களில் ஜோக்கர் மால்வேரை கண்டறிந்ததும் கூகுள் நிறுவனம் அதன் பிளே ஸ்டோரில் இருந்து நீக்கியுள்ளதாக தகவல் வெளிவந்துள்ளது என்பது குறிப்பிடத்தக்கது.

சின்னத்திரை நயன்தாரா என ரசிகர்கள் அன்போடு அழைக்கப்படும் வாணி போஜன் ஓ மை கடவுளே படத்தில் மூலம் வெள்ளித்திரையில் ஜொலிக்கத் தொடங்கினார் .

அடுத்ததாக ஜெய்யுடன் ட்ரிபில்ஸ் என்ற வெப் தொடரில் நடித்தார். இந்த தொடர் பெரும் வரவேற்பை பெற்றது.

இதையடுத்து, கேசினோ, பாயும் ஒளி நீ எனக்கு, தாழ் திறவா, பகைவனுக்கும் அருள்வாய், காசிமேடு, சியான் 60 படங்களில் நடித்து வருகிறார்.

விக்ரம் பிரபுவுக்கு ஜோடியாக ஒரு திரைப்படத்தில் நடித்துள்ளார்.

பல்வேறு மாவட்ட நிர்வாகிகளுடன் விஜய் ஆலோசனை நடத்தியுள்ளார். சென்னை அருகே பனையூரில் உள்ள விஜய் தலைமை அலுவலகத்தில் விஜய் தனது மக்கள் இயக்க நிர்வாகிகளுடன் இன்று ஆலோசனை நடக்கவுள்ளார். இதில் கலந்துகொள்ள பனையூர் அலுவலகத்துக்கு வர அனைத்து மாவட்ட நிர்வாகிகளுக்கும் அழைப்பு விடுத்துள்ளார். 

வரும் திங்கட்கிழமை நடிகர் விஜயின் சொகுசு கார் வரி விலக்கு வழக்கில் மேல்முறையீடு மனு நாளை மறுநாள் விசாரணைக்கு வரவுள்ள நிலையில் விஜய் முக்கிய நிர்வாகிகளுடன் ஆலோசனை நடத்தியிருப்பது பரபரப்பாக பேசப்படுகிறது.