நடிகர் ரஜினிகாந்த், தனது பேரனுடன் அமர்ந்து, அண்ணாத்த படத்தை பார்த்து ரசித்த அனுபவங்களை பகிர்ந்து கொண்டுள்ளார்.

ஹூட்டே என்ற சமூக வலைத் தளத்தை தொடங்கியுள்ள ரஜினிகாந்த், அதில் குரல் பதிவு ஒன்றை வெளியிட்டுள்ளார். 

அதில், தனது பேரனுடன் அமர்ந்து அண்ணாத்த படத்தை பார்த்ததாகக் கூறியுள்ளார்; படம் முடிந்ததும், தனது பேரன் தன்னைக் கட்டிப் பிடித்துக் கொண்டு 3 முதல் 4 நிமிடங்கள் அப்படியே இருந்ததாகவும், படம் சூப்பராக இருந்தது என்று கூறியதாகவும் ரஜினி தெரிவித்துள்ளார். 

பிரபல பாடலாசிரியரான கவிஞர் வைரமுத்து, தாதாசாகேப் பால்கே விருது பெற்ற நடிகர் ரஜினிகாந்துக்கு வாழ்த்து தெரிவித்துள்ளதோடு, மத்திய அரசுக்கு வேண்டுகோள் ஒன்றையும் வலியுறுத்தி டுவிட் செய்துள்ளார்.

டெல்லியில் கடந்த திங்கட்கிழமை அன்று நடைபெற்ற தேசிய விருது வழங்கும் விழாவில்,மத்திய அரசின் மிக உயரிய விருதான தாதாசாகேப் பால்கே விருது, நடிகர் ரஜினிகாந்துக்கு வழங்கப்பட்டுள்ளது. திரையுலகில் ரஜினிகாந்த் நிகழ்த்தியுள்ள வாழ்நாள் சாதனைக்காக, துணை ஜனாதிபதி வெங்கையா நாயுடு, மிக உயரிய  பால்கே விருதினை ரஜினிகாந்துக்கு வழங்கினார். இதையடுத்து,தாதாசாகேப் பால்கே விருது பெற்ற ரஜினிகாந்துக்கு ரசிகர்களும், திரையுலக பிரபலங்களும் தங்களது வாழ்த்துக்களை தெரிவித்து வருகின்றனர்.

அந்த வகையில், கவிஞர் வைரமுத்து, தனது டுவிட்டரில் பக்கத்தில் நடிகர் ரஜினிகாந்துக்கு வாழ்த்து தெரிவித்துள்ளதோடு, கமல்ஹாசன் மற்றும் இளையராஜாவுக்கும் பால்கே விருது வழங்க வேண்டும் என மத்திய அரசுக்கு வேண்டுகோள் ஒன்றையும் விடுத்துள்ளார்.  அதில்,“பால்கே விருது பெற்றதில் கலை உலகுக்கே பெருமை சேர்த்துள்ளார் நண்பர் ரஜினிகாந்த். ஊர்கூடி வாழ்த்துவோம். கமல்ஹாசன் - பாரதிராஜா - இளையராஜா என்று பால்கே விருதுக்குத் தகுதிமிக்க பெருங்கலைஞர்கள் தமிழ்நாட்டில் மேலும் திகழ்கிறார்கள் என்பதையும் ஒன்றிய அரசின் கண்களுக்குக் காட்டுவோம்” என்று அவர் பதிவிட்டுள்ளார்.

தென்னிந்திய திரையுலகில் பிசியாக வலம் வரும் நடிகை சமந்தா தொடர்ந்த மானநஷ்ட வழக்கை விசாரணை செய்த நீதிபதி அதிரடியான உத்தரவினை பிறப்பித்துள்ளார். தெலுங்கு பிரபலம் நாகர்ஜீனாவின் மகனும்,பிரபல நடிகருமான நாகஷைத்தன்யாவை நடிகை சமந்தா காதலித்து திருமணம் செய்து கொண்டார்.சமீபத்தில் ஏற்பட்ட கருத்து வேறுபாடு காரணமாக இருவரும் பிரிய போவதாக தங்களது அதிகாரப்பூரவ விவகாரத்து அறிவிப்பை முகநூல் பக்கத்தில் வெளியிட்டனர். அதற்கு பிறகு நடிகை சமந்தாவின் விவாகரத்து பற்றிய அவதூறான தகவல்கள் இணையத்தில் பரவி வந்தது. இதன் காரணமாக நடிகை சமந்தா தங்களுடைய விவகாரத்து அறிவிப்பு குறித்து தன்னைப்பற்றி அவதூறு தகவல்களை பரப்பியதாக  சில யூ-டியூப் சேனல்கள் மீது நஷ்டஈடு கேட்டு ஐதராபாத்தில் உள்ள கூகட்பள்ளி நீதிமன்றத்தில் வழக்கு தொடர்ந்து வந்தார்.  இவருடைய சார்பில் ஐகோர்ட்டு வக்கீல் பாலாஜி மானநஷ்ட வழக்கு மனுவை தாக்கல் செய்து, வலைத்தளங்களில் அவதூறாக செய்திகள் வெளியிட்டவர்கள் மீது நடவடிக்கை எடுக்கக்கோரி மனுவில் குறிப்பிட்டிருந்தார்.

இந்த வழக்கு நேற்று விசாரணைக்கு வந்த நிலையில்,வழக்கை விசாரித்த நீதிபதி நடிகை சமந்தாவின் சொந்த வாழ்க்கை சம்பந்தப்பட்ட விஷயங்கள் எதையும் சமூக வலைதளங்களில் ஒளிபரப்பக்கூடாது என உத்தரவிட்டார்.மேலும்,ஏற்கனவே யூ-டியூப் சேனல்களில் இடம்பெற்றுள்ள சமந்தாவின் சொந்த வாழ்க்கை சம்பந்தப்பட்ட அனைத்து செய்திகளையும் நீக்கிவிட வேண்டும் எனவும் உத்தரவிட்டார். அதேபோல நடிகை சமந்தாவும் தனது சொந்த வாழ்க்கை குறித்த பதிவுகளை சமூக வலைத்தளத்தில் வெளியிட வேண்டாம் எனவும்  அதிரடியாக உத்தரவிட்டுள்ளார்.

சமந்தா நாகசைதன்யா விவாகரத்து குறித்து அவதூறு பரப்பிய மருத்துவர் வெங்கட் ராவ் தனது கருத்துக்கு மன்னிப்பு கோரியுள்ளார்.

சமந்தாவும், நாக சைதன்யாவும் பிரிவதாக அறிவித்தவுடன் அவர்களது பிரிவுக்கான காரணம் என பல்வேறு வதந்திகள் பரவத் துவங்கியது.

இந்தநிலையில் ஐதராபாத்தை சேர்ந்த மூத்த மருத்துவர் வெங்கட் ராவ் என்பவர் சமந்தாவின் தவறான தொடர்புதான் அவரது விவாகரத்துக்கு காரணம் என பகீர் குற்றச்சாட்டு தெரிவித்திருந்தார்.

இது சமந்தா ரசிகர்களிடையே அதிர்ச்சியை ஏற்படுத்தியிருந்தது.  இதனையடுத்து தன்னைப் பற்றி தவறான தகவல்கள் பகிர்ந்த யூடியூப் சேனல்கள் மீதும், வெங்கட் ராவ் மீதும் நீதிமன்றத்தில் அவதூறு வழக்கு தொடர்ந்தார் சமந்தா.

இந்த நிலையில் சமந்தா தனது பேத்தி போன்றவர் என்றும் சமூக வலைதளங்களில் பரவிய தகவல்களை அடிப்படையாகக் கொண்டே அவ்வாறு பேசியதாவும் விளக்கமளித்துள்ளார்.

2019ம் ஆண்டுக்கான 67 வது தேசிய திரைப்பட விருதுகள் வழங்கும் விழா இன்று டெல்லியில்  நடைபெற்றது. இதில் துணை குடியரசு தலைவர்  வெங்கைய்யா நாயுடு கலந்து கொண்டு விருதுகளை வழங்கினார். விழாவில் மத்திய அமைச்சர்கள் அனுராக் தாக்கூர், எல். முருகன் ஆகியோர் கலந்து கொண்டனர். இதில் சிறந்த தமிழ் படத்திற்கான விருது இயக்குனர் வெற்றிமாறன் இயக்கிய அசுரன் படத்திற்கு வழங்கப்பட்டது. இந்த விருதை  தயாரிப்பாளர் கலைபுலி தாணு பெற்றுக்கொண்டார். இந்த படத்தில் நடித்த தனுஷ் சிறந்த நடிகருக்கான விருதினை பெற்றார். இது இவர் பெறும் இரண்டாவது தேசிய விருது ஆகும்.   

சிறந்த துணை நடிகருக்கான விருது சூப்பர் டீலக்ஸ் படத்தில் நடித்த விஜய் சேதுபதிக்கு வழங்கப்பட்டது. விஸ்வாசம் படத்திற்கு இசை அமைத்த டி.இமானுக்கு, சிறந்த இசை அமைப்பாளருக்கான விருது வழங்கப்பட்டது. பார்த்திபன் இயக்கிய ‘ஒத்த செருப்பு’ திரைப்படத்திற்கு இரண்டு விருதுகள் வழங்கப்பட்டன. சிறப்பு திரைப்படத்துக்கான விருதினை நடிகர் பார்த்திபனும், அப்படத்தின் சிறந்த ஒலிக்கலவைக்கான விருதினை ரசூல் பூக்குட்டியும் பெற்றுக்கொண்டனர். சிறந்த குழந்தை நட்சத்திரத்துக்கான விருது கருப்புதுரை படத்தில் நடித்த நாகவிஷாலுக்கு அறிவிக்கப்பட்ட நிலையில், அவரே அதனை  குடியரசு துணை தலைவர் கையால் பெற்றுக்கொண்டார்.