அடுத்த 20 ஆண்டுகளுக்கு சித்தா கதாபாத்திரம் பேசும்,பெற்றோர்கள் தங்களது குழந்தைகளுடன் திரையரங்கம் வந்து சித்தா திரைப்படத்தை பார்க்க வேண்டும் என்று நடிகர் சித்தார்த் பேசியுள்ளார். 

S.U.அருண்குமார் இயக்கத்தில் சித்தார்த், நிமிஷா சஜயன் நடித்துள்ள சித்தா திரைப்படம் வரும் 28-ம் தேதி திரைக்கு வருகிறது. இந்நிலையில் படத்தின் பிரத்யேக காட்சி சென்னை சத்யம் சினிமாவில் திரையிடப்பட்டது. இதில் திரைபிரபலங்கள்  பலர் கலந்து கொண்டு சித்தா திரைப்படத்தை கண்டு களித்தனர்.

அப்போது பேசிய சித்தா திரைப்படத்தின் இயக்குநர் அருண்குமார், இதுபோன்ற நல்ல திரைப்படங்களை மக்களிடம் கொண்டு செல்வது மிகவும் மகிழ்ச்சியாக உள்ளது என தெரிவித்தார். இந்தப் படத்தில் உழைத்த அத்தனை நபர்களுக்கும் தனது நன்றியை தெரிவித்துக் கொள்கிறேன் என்றும் இந்த திரைப்படத்தை பெற்றோர்கள் குழந்தைகளுடன் வந்து திரையரங்கில் பார்க்க வேண்டும் என அவர் கேட்டுக் கொண்டார்.

பின்னர் சித்தா திரைப்படத்தின் கதாநாயகன் சித்தார்த் பேசுகையில், ஒரு தயாரிப்பாளராக ஒரு நல்ல திரைப்படத்தை எடுத்த திருப்தியை உணர்கிறேன் என கூறினார். இயக்குனர் அருண் மிகச் சிறந்த ஒரு படைப்பாளி. படம் பார்த்த அனைவரும் இந்த ஆண்டின் சிறந்த திரைப்படம் என பாராட்டியுள்ளனர் என தெரிவித்தார். இந்த காலகட்டத்தில் ஒரு திரைப்படத்தை குடும்பமாக வந்து திரையரங்கில் பார்க்க வைப்பது என்பது அவ்வளவு சுலபமான காரியம் அல்ல. 

ஆனால் அந்த எதிர்பார்ப்பை சித்தா திரைப்படம் பூர்த்தி செய்யும் என நம்புகிறேன் என கூறினார். சித்தா ஒரு அருமையான திரைப்படம். நடிகர் கமலஹாசன் திரைப்படத்தை பார்த்து மிகவும் பாராட்டினார். குறிப்பாக புது முகங்களை நன்றாக இயக்கி உள்ளதாக இயக்குனரை பாராட்டினார் என அவர் கூறினார். 

இந்த திரைப்படத்தில் நடித்துள்ள இரண்டு குழந்தைகளின் நடிப்பு தன்னையை ஆச்சரியப்படுத்தி உள்ளது என தெரிவித்தார். இதற்கு முன்பு வரை பாய்ஸ் திரைப்படத்தின் முன்னா கதாபாத்திரத்தை தான் அனைவரும் ரசிப்பார்கள் அடுத்த இரவு 20 ஆண்டுகளுக்கு சித்தா திரைப்படத்தின் கதாபாத்திரத்தை மக்கள் நினைவு வைத்திருப்பார்கள் என கூறினார்.

பெற்றோர்கள் தங்களது குழந்தைகளுடன் தைரியமாக வந்து இந்த திரைப்படத்தை திரையரங்கில் வந்து பார்க்க வேண்டும். இன்றைய காலகட்டத்தில் குழந்தை வளர்ப்பு என்பது எவ்வளவு முக்கியம் என்பதை உணர்த்தும் விதமாக இந்த திரைப்படம் எடுக்கப்பட்டுள்ளது எனது மனதிற்கு மிகவும் நெருக்கமாக உள்ளதாக தெரிவித்தார்

இதையும் படிக்க: உலகின் மிக பெரிய இந்து கோயில் அக்டோபரில் திறப்பு..!

உலகிலேயே மிக பெரிய இந்து கோயில் அமெரிக்காவில் அடுத்த மாதம் திறக்கப்பட உள்ளது.

அட்லாண்டிக் கடற்பகுதியிலிருந்து சுமார் 210 கிலோமீட்டர் தொலைவில் அமெரிக்காவில் உள்ள வடகிழக்கு மாநிலம் நியூ ஜெர்சி சுமார் 183 ஏக்கர் நிலப்பரப்பில் இக்கோவில் கட்டப்பட்டுள்ளது.  

இந்தியாவிலுள்ள போசசன்வாசி ஸ்ரீ அக்ஷர் புருசோத்தம் சுவாமிநாராயன் சன்ஸ்தா எனும் இந்து மத அமைப்பினால் அமெரிக்காவில் உருவாக்கப்பட்டு வரும் அந்நாட்டிலேயே மிக பெரிய இந்து கோயில், வரும் அக்டோபர் 8ம் தேதி திறக்கப்பட இருக்கிறது.

தொடர்ந்து 10 நாட்களுக்கு பிறகு பொது மக்கள் தரிசனம் செய்ய அனுமதிக்கப்படுவார்கள் என்றும் தெரிவிக்கப்பட்டுள்ளது. கோயில் திருப்பணியில் 12 ஆயிரத்து 500க்கும் மேற்பட்ட தன்னார்வலர்கள் பங்கேற்றுள்ளனர். 

இதையும் படிக்க    | ஆட்சியர்கள் பணியிட மாற்றம்..! தலைமைச்செயலாளர் உத்தரவு..!

மாணவர்களுக்காக இரவு பாடசாலை, வீடு இல்லாத மக்களுக்காக வீடுகள், குடிசை வீடுகள் சீரமைப்பு என்று இசையமைப்பாளர் டி இமானின் சமீபத்திய செயல்பாடுகள் நெகிழ்ச்சியை ஏற்படுத்தியுள்ளது . 

இசையமைப்பாளராக தமிழ் சினிமா துறையில் தனக்கென ஒரு தனி தடத்தை பதித்தவர் டி இமான். திறமைசாளிகளை கண்டு பிடித்து அவர்களுக்கு அங்கீகாரம் கொடுப்பதை தவறாமல் செய்து வரும் நபர்களில் இவர் மிகவும் முக்கியமானவர். விசுவாசம் படத்தில் வந்த 'கண்ணான கண்ணே' பாடலை பார்வை திறனற்ற இளைஞர் திருமூர்த்தி பாடி அதனை தனது சமூக வலைதள பக்கத்தில் பதிவிட்டிருந்தார்.

அதனை பார்த்த இமான் அவரை அழைத்து பாராட்டி அவருக்கு இசைப்பயிற்சி கொடுத்து தனது இசைக்குழுவிலும் பணியாற்ற வாய்ப்பளித்தார்.  திருமூர்த்தியை தொடர்ந்து ரயிலில் பாடும் பெண் ஒருவரையும் தேடி வந்தார்.  மேலும் தனது ட்விட்டர் பக்கத்தில் அவரின் கான்டாக்ட் நம்பர் கிடைக்குமா என இமான் கேட்டிருந்தார்.

இவ்வாறாக திரைத்துறையில் பல்வேறு திறமைசாளிகளுக்கு தொடர்ந்து வாய்ப்பளித்து வரும் நிலையில்... இவரின் கல்வி மற்றும் சேவை சார்ந்த சமீபத்திய செயல்பாடுகள் மிகுந்த கவனத்தை ஏற்படுத்தியுள்ளது.

கடலூர் மாவட்டம் நெய்வேலி அருகே உள்ள பெரியாக்குறிச்சி பகுதியில் 20 க்கும் மேற்பட்ட நரிக்குறவர் சமுதாயத்தை சேர்ந்த குடும்பங்கள் வசித்து வருகின்றனர். இந்த நிலையில் அப்பகுதி மக்களுக்காக 2 லட்சம் ரூபாய் மதிப்பீட்டில் ஆறு குடும்பங்களுக்காக  குடிசை வீடுகள், மூன்று வீடுகளுக்கு தார்பாய்கள் , மாணவர்களுக்காக இலவச நோட்டு புத்தகங்கள் மற்றூம் இரவு பாடசாலையை துவங்கி வைத்துள்ளார்.

இந்த விழாவிற்காக வருகை தந்திருந்த இசையமைப்பாளர் டி இமானை அப்பகுதி மக்கள் மணி மாலை அணிவித்து அவருக்கு உற்சாக வரவேற்பு அளித்தனர்.  இந்த நிகழ்ச்சியில் பேசிய அவர்..  "நீங்கள் யார் என்ற அடையாளத்தை மாற்றி சமூகத்தில் உங்களுக்கு மரியாதையை ஏற்படுத்தி தருவது கல்வி தான்", என்றும் தெரிவித்துள்ளார். 

இதனை தொடர்ந்து செய்தியாளர்களை சந்தித்த அவர்.... நான் கிறிஸ்தவ மதத்தை சார்ந்தவன்... நான் மதம் பரப்புவதற்காக இங்கு வரவில்லை என்றும் ஒரு சமூக ஆர்வலராக தான் வந்துள்ளேன் என்றும் தெரிவித்தார். மேலும்  நான் சம்பாதிப்பதில் 10 ல் ஒரு பங்கு இறைபணிக்காக செலவு செய்து வருகிறேன்.. இந்த பணிகளை எல்லாம் இறைபணியாக நினைத்து செய்து வருகிறேன் என்றும் தெரிவித்துள்ளார் 

நடிகர் சூர்யாவின் அகரம் அறக்கட்டளை, விஜய் மக்கள் இயக்கம் சார்பாக விருதுகள், இரவு பாடசாலை என்று கல்வி சார்ந்த செயல்பாடுகள் நடைபெற்று வரும் நிலையில் அவர்கள் வரிசையில் இசையமைபாளர் டி இமானின் கல்வி மற்றும் சேவை சார்ந்த இந்த செயல்பாடுகள் பொதுமக்கள் மத்தியில் நெகிழ்ச்சியை ஏற்படுத்தியுள்ளது. முன்னதாக  கடந்த ஜூன் மாதம் ஆதரவின்றி இறந்த துனை நடிகர் பிரபுவின்  இறுதி சடங்குகளை இமான்  முன் நின்று செய்திருந்தார் என்பது குறிப்பிடத்தக்கது.

இதையும் படிக்க  |  பெண்களுக்கு வழங்கப்படுவது வெறும் டெபிட் கார்டு அல்ல; வாழ்க்கையை மாற்றக்கூடிய துருப்புச் சீட்டு!

தமிழ் திரையுலகின் அடுத்த பிரமாண்டம், இயக்குநர் ஏ ஆர் முருகதாஸ்,  சிவகார்த்திகேயன் கூட்டணியில் உருவாகும் புதிய திரைப்படம் !! 

தமிழ் திரையுலகின் முன்னணி  இயக்குநர் ஏ ஆர் முருகதாஸ், இயக்கத்தில் நட்சத்திர நடிகர் சிவகார்த்திகேயன் நடிக்கவுள்ளார். மிகப்பிரமாண்டமாக உருவாகவுள்ள, இந்த புதிய திரைப்படத்தின் அதிகாரப்பூர்வ அறிவிப்பு தற்போது வெளியாகியுள்ளது. பலகாலமாக ரசிகர்கள் எதிர்பார்த்திருந்த நிலையில், இந்த அறிவிப்பு ரசிகர்களை உற்சாகத்தில் ஆழ்த்தியுள்ளது. 

நடிகர் சிவகார்த்திகேயன் தனது சமூக வலைத்தளப் பக்கத்தில் இயக்குநர் ஏ ஆர் முருகதாஸ் உடன் இருக்கும் புகைப்படத்தை பகிர்ந்து, இருவரும் இணையும் படம் விரைவில் துவங்கவுள்ளதாக தெரிவித்துள்ளார். இந்த அறிவிப்பு தற்போது இணையம் முழுதும் வைரலாகி வருகிறது.

தமிழ் திரையுலகில், தனது திரைப்பயணத்தில் பல ப்ளாக்பஸ்டர் படங்களைத் தந்து,  பிரமாண்ட கமர்ஷியல் படங்களுக்கு புதிய இலக்கணம் தந்தவர் இயக்குநர் ஏ ஆர் முருகதாஸ். பெரிய ஹீரோக்களை வைத்து, இவர் உருவாக்கிய அத்தனை படங்களும்,  ஹீரோக்களுக்கு மட்டுமல்லாமல், படத்தின் அத்தனை கலைஞர்களுக்கும் திருப்புமுனை படங்களாக அமைந்தன. தற்போது சிறிது இடைவேளைக்குப் பிறகு நடிகர் சிவகார்த்திகேயனுடன் இணைகிறார் எனும் செய்தி, ரசிகர்களை உற்சாகத்தில் ஆழ்த்தியுள்ளது.   

தொலைக்காட்சி வழியே அறிமுகமாகி, தமிழக மக்களின் நெஞ்சங்களில் இடம்பிடித்தவர் சிவகார்த்திகேயன். திரையுலகில் அறிமுகமான முதல் படத்திலிருந்து, அவரது தற்போதைய வளர்ச்சி அபாரமானது.  வெறும் கமர்ஷியல் நாயகனாக இல்லாமல்,  புதிய கதைக்களத்தில், வித்தியாசமான படைப்புகளுடன் குழந்தைகள் முதல் பெரியவர்கள் வரை அனைவரையும் தன் நடிப்பால் கட்டிப்போட்டுள்ளார். தனக்கென தனி ரசிகர் வட்டம், மிகப்பெரிய மார்க்கெட் என அசத்தும் சிவகார்த்திகேயன்,  இயக்குநர் ஏ ஆர் முருகதாஸுடன் முதல் முறையாக இணைகிறார். 

இயக்குநர் ஏ ஆர் முருகதாஸ், நடிகர் சிவகார்த்திகேயன் இணையும் இந்தப் புதிய திரைப்படம், இந்திய சினிமாவில் ஒரு புதிய பிரமாண்டமாக,  புதுமையான களத்தில் பிரம்மாண்ட பட்ஜெட்டில், அனைவரும் கொண்டாடும் ஆக்சன் கமர்ஷியல் எண்டர்டெயினராக உருவாகவுள்ளது. 

தற்போது இப்படத்தின் ஆரம்ப கட்டப்பணிகள் துவங்கி நடைபெற்று வருகிறது. மேலும் இப்படத்தில் நடிக்கவுள்ள மற்ற நடிகர்கள் மற்றும் தொழில் நுட்ப கலைஞர்களின் முழு விவரங்கள் விரைவில் அதிகாரப்பூர்வமாக வெளியிடப்படும் என்பது குறிப்பிடத்தக்கது.

யூ-டியூபில் ட்ரெண்டான அன்னபூரணி அரசு அம்மா, நடிகை லட்சுமி ராமகிருஷ்ணனுக்கு கடும் எச்சரிக்கை விடுத்துள்ளார். 

12 வருட திருமண வாழ்க்கைக்கு பிறகு மனைவியை தவிக்க விட்டு வந்த அரசுவும், கணவனுக்கு பட்டை அடித்து விட்டு ஓடி வந்த அன்னபூரணியும் சொல்வதெல்லாம் உண்மை என்ற நிகழ்ச்சியின் மூலமாக தமிழ்நாட்டுக்கே அறிமுகமானார்கள். 

இந்த நிகழ்ச்சிக்கு பிறகு காணாமல் போன கள்ளக்காதல் ஜோடி திடீரென ஆன்மிகத்தில் இறங்கியது. 2016-ம் ஆண்டு திடீரென அன்னபூரணி அரசு அம்மாவாக அவதரித்தவர் குலுங்கி குலுங்கி தம் அருளாசியை காட்டி கல்லா கட்டத் தொடங்கினார். 

தற்போது திருவண்ணாமலை கீழ்பென்னாத்தூர் ராஜா தோப்பு பகுதியில் அன்னபூரணி அரசம்மன் திருக்கோயில் ஒன்றை கட்டி வருவதோடு,  தனி யூ-டியூப் சேனலையும் நடத்தி வருகிறார் அன்னபூரணி.  இந்த கோயிலில் அன்னபூரணியை போல பிரமாண்ட சிலையையும் நிறுவி அதனையும் காட்சிப் பொருளாக்கியுள்ளனர் கோயில் நிர்வாகத்தினர். 

இந்நிலையில் அன்னபூரணி, நடிகை லட்சுமி ராமகிருஷ்ணன் மீது ஒரே அடியாக பாய்ந்து குதறும் விதமாக வீடியோ ஒன்றை வெளியிட்டுள்ளார்.  கடந்த வாரம் நிருபர்களை சந்தித்த நடிகை லட்சுமி ராமகிருஷ்ணன், சொல்வதெல்லாம் உண்மை நிகழ்ச்சியின் மூலம் பல குடும்பங்கள் ஒன்றிணைந்ததாகவும், அந்த நிகழ்ச்சியால் நல்ல பலன் கிடைத்ததாகவும் கூறியிருந்தார். இதனை பார்த்த அன்னபூரணி, இந்த கருத்துக்கு கடும் கண்டனங்களை விடுத்துள்ளார். 

சொல்வதெல்லாம் உண்மை நிகழ்ச்சியால் பாதிக்கப்பட்டவர்கள் பெரும்பாலானோர், அன்னபூரணிக்கு போன் செய்து புலம்பியதாகவும், இன்னும் சிலர் தற்கொலையே செய்து கொண்டதாகவும் கூறியிருக்கிறார். பணம் கொடுத்தால் என்ன வேண்டுமென்றாலும் செய்வது தான் லட்சுமி ராமகிருஷ்ணனின் வேலை என்றும் பணத்துக்காக பலரது வாழ்க்கையை அழித்தவர் என்றும் கரித்துக் கொட்டியிருக்கிறார்.   

தங்கள் காதலின் புனிதத்தை உணர்த்துவதற்காகவும், இதனால் பிரபஞ்சத்தில் ஒரு மாற்றம் நிகழும் என்பதை மனதில் வைத்தே நிகழ்ச்சியில் கலந்து கொண்டதாக குறிபிட்டுள்ளார்.

இதையும் படிக்க || டெண்டர் முறைகேடு வழக்கு... இன்று உச்சநீதிமன்றத்தில் விசாரணை!!