எல்லைகளை வரையறுக்கவே மாநிலங்கள் பிரிக்கப்பட்டது. அதை தவிர்த்து. நாம் அனைவரும் ஒன்று என்பதை ஞாபகத்தில் வைத்துக் கொள்ள வேண்டும் என நடிகர் ஆதி பேட்டியளித்துள்ளார்.

சென்னை மெரினா கடற்கரையில் அப்பல்லோ சிறப்பு மருத்துவமனை சார்பில் பொதுமக்களிடையே இதயம் குறித்து விழிப்புணர்வு ஏற்படுத்தும் வகையில் உலக இதய தினத்தை  முன்னிட்டு 300 பேர் இணைந்து இதய வடிவ மனித சங்கிலி அமைத்து பொதுமக்களிடையே விழிப்புணர்வு ஏற்படுத்தினர். 

இந்த நிகழ்ச்சிக்கு நடிகர் ஆதி மற்றும் நடிகை நிக்கி கல்ராணி கலந்து கொண்டு பொதுமக்களிடையே இதயம் குறித்து கலைந்துரையாடினர். இதைத் தொடர்ந்து செய்தியாளர்களிடம் பேசிய நடிகர் ஆதி, உலக இதய தினத்தை முன்னிட்டு பொதுமக்களிடையே ஒரு விழிப்புணர்வு ஏற்படுத்துவதற்காக இந்த நிகழ்ச்சியில் கலந்து கொண்டோம். நம்முடைய உடல் ஆரோக்கியமாக இருக்க தினமும் உடல் பயிற்சி செய்ய வேண்டும் எனக் கூறினார். 

எல்லோரும் சாதிக்க வேண்டும் என நினைப்பார்கள்.  அதற்காக எல்லோரும் கடினமாக உழைக்கிறார்கள். ஆனால் அவற்றிற்காக, வாழ்க்கையில் அதிகமாக மன அழுதத்தை எடுத்துக் கொள்ளக் கூடாது என்றார்

மேலும், கர்நாடகாவில் நடிகர் சித்தார்த் செய்தியாளர் சந்திப்பின்போது அவமதிக்க பட்டது குறித்த கேள்விக்கு,  நாம் எல்லோரும் ஒன்று தான் என்பதை எல்லோரும் ஞாபகத்தில் வைத்துக் கொள்ள வேண்டும். எதற்காக தமிழ் நாடு, கர்நாடகம் என்று பார்டர் பிறிக்கிறார்கள் என்று தெரியவில்லை. தவறு என்பது யார் செய்தாலும் தவறுதான் என்று தெரிவித்தார். நம் நாட்டை நேசிப்பது மட்டுமில்லாமல், நம்மை நேசிப்பவர்களையும் நன்றாக பார்த்துக் கொள்ள வேண்டும் என்றும் கூறினார்.

இதையும் படிக்க: குன்னூர் விபத்து பிரதமர் குடியரசுத் தலைவர் இரங்கல்!

கோவை குற்றாலத்தில் வெள்ளப் பெருக்கு ஏற்பட்டதன் காரணமாக தற்காலிகமாக மூடப்பட்டுள்ளதாக வனத்துறை அறிவித்துள்ளது.

கோவையின் முக்கிய சுற்றுலா தளமாக விளங்கும் கோவை குற்றாலத்தில் ஏற்பட்டிருக்கும் வெள்ளப் பெருக்கின் காரணமாக  தற்காலிகமாக மூடப்படுகிறது என வனத் துறையினர் தெரிவித்து உள்ளனர்.

மேற்கு தொடர்ச்சி மலைப் பகுதியில் கடந்த இரண்டு நாட்களாக மழை பெய்து வருகிறது. குறிப்பாக பூண்டி, வெள்ளியங்கிரி, கோவை குற்றாலம் ஆகிய பகுதிகளில் அவ்வப் போது மழை பெய்து வருகிறது. இந்நிலையில் திடீரென நீரின் வரத்து அதிகமாகி வெள்ளப் பெருக்கு ஏற்பட்டது. 

இதன் காரணமாக கோவை குற்றாலத்தில் சுற்றுலாப் பயணிகள் குளிப்பதற்கு தடை விதிக்கப்பட்டு தற்காலிகமாக மூடப்படுவதாக வனத் துறையினர் தெரிவித்து உள்ளனர்.  நீரின் வரத்து குறைந்து இயல்பான நிலைக்கு திரும்பியவுடன்  மீண்டும் சுற்றுலாப் பயணிகள் அனுமதிக்கப்படுவார்கள் என தெரிவித்தனர், குறிப்பாக காலாண்டு தேர்வு விடுமுறை விடுபட்டதை தொடர்ந்து வார விடுமுறையும் கழிக்க வரும் சுற்றுலா பயணிகளுக்கு  ஏமாற்றத்தை தந்துள்ளது.

இப்பகுதியில் பெய்த மழையின் காரணமாகவும், கோவை குற்றாலத்தில் ஏற்பட்ட வெள்ளப்பெருக்கு காரணமாகவும், சிறுவாணி நீர் பகுதி, நொய்யல் ஆறு, பகுதியில் உள்ள குளம், குட்டைகள் ஆகியவை வேகமாக நிரம்பி என்று விவசாயிகளும் பொதுமக்களும் எதிர்பார்ப்பு வருகின்றனர்.

இதையும் படிக்க: குன்னூர் விபத்து பிரதமர் குடியரசுத் தலைவர் இரங்கல்!

நடிகர் திலகம் செவாலியே சிவாஜி கணேசனின் 96-வது பிறந்தநாள் இன்று ரசிகர்களால் கொண்டாடப்படுகிறது. தன் அசாத்திய நடிப்பின் மூலம் தமிழ்த் திரையுலகில் தனிப்பெரும் ஆளுமையாக விளங்கிய கலைத்தாயின் தவப்புதல்வனாக நடிகர் சிவாஜி கணேசன் கொண்டாடப்படுகிறார். 

1928-ம் ஆண்டு விழுப்புரத்தில் பிறந்த வி.சி.கணேசன், ஏழாவது வயதில் பெற்றோருக்கு தெரியாமல் வீட்டை விட்டு வெளியேறி திருச்சியில் முகாமிட்டிருந்த மதுரை ஸ்ரீபாலகானசபா என்ற நாடகக் குழுவில் சேர்ந்தார்.

சிறுவனாக மேடையில் ஏறியவர், பெண் வேடம் உள்பட பல்வேறு வேடங்களில் நடித்தவரை கலைத்தாயின் கருணைக் கரங்கள் பற்றியது. 1946-ம் ஆண்டு திராவிடர் கழக மாநாட்டில் பேரறிஞர் அண்ணா எழுத்தில் உருவான சிவாஜி கண்ட இந்து ராஜ்ஜியம் என்ற நாடகத்தல் கணேசனின் நடிப்பு அங்கிருந்த பெரியாரை வெகுவாக கவர்ந்தது.

அப்போது மேடையில் ஏறியவர் வி.சி.கணேசனுக்கு சிவாஜி கணேசன் என்ற பெயரிட, அந்த பெயரே காலத்துக்கும் நிலைத்து நின்றது. இதைத் தொடர்ந்து நாடக உலகில் இருந்து வெள்ளித்திரைக்கு அறிமுகமான சிவாஜி கணேசனுக்கு நல்ல தொடக்கமாகவே அமைந்தது பராசக்தி. 

தன் ஒவ்வொரு படத்திலும் தன்னுடைய கதாபாத்திரம் வித்தியாசமாக இருக்க வேண்டும் என்பதில் தனிகவனம் செலுத்திய சிவாஜி அதற்கேற்றவாறு உடல்மொழி, ஒப்பனை, நடை, நடிப்பு இவற்றையும் மாற்றியமைத்து ரசிகர்களை இன்பக் களிப்பில் மூழ்கடித்தார்.  

பிற நடிகர்களைப் பொறுத்தவரை அதிகபட்சம் அவர்களது கண்கள் நடிக்கும், ஆனால் சிவாஜியை பார்த்தவர்களுக்குத்தான் தெரியும், அவரது கன்னமும், தலைமுடியும் நடிக்கும் என்று.

சிவாஜி கணேசன் என்ற ஒரு நடிகர் இல்லையென்றால் கப்பலோட்டிய தமிழன், ராஜராஜசோழன், வீரபாண்டிய கட்டபொம்மன், ஏன்? இதிகாசத்தில் வந்த திருமால், கர்ணன், சிவபெருமானின் உருவமே அறியாமல் போயிருக்கலாம் என்று கூட கூறலாம்.

தமிழ், இந்தி, தெலுங்கு ஆகிய மொழிகளில் சுமார் 300-க்கும் மேற்பட்ட படங்களில் நடித்தார்.  சிவாஜி கணேசன் போல எந்த நடிகரும் நடித்துப் பார்ப்பதற்கு முயற்சிக்கலாமே தவிர, இன்னொரு சிவாஜி என்றைக்குமே உருவாகி விட முடியாது என்பதை தமிழ் சினிமா அறிந்திருக்கும்.  சிவாஜி எனும் நட்சத்திரம் திரைவானில் என்றென்றும் ஜொலித்துக் கொண்டிருக்கும்.

இதையும் படிக்க: வலுப்பெரும் எடப்பாடி கூட்டணி

நடிகர் திலகம் சிவாஜி கணேசனின் 95-வது பிறந்தநாளை ஒட்டி தமிழ்நாடு அரசு சார்பில் மரியாதை செலுத்தப்பட்டது.

நடிகர் திலகம் சிவாஜி கணேசனின் 95-வது பிறந்தநாளை ஒட்டி சென்னை அடையாறில் உள்ள நடிகர் திலகம் சிவாஜி கணேசன் மணி மண்டபத்தில் உள்ள அவரின் திருவுருவ சிலைக்கு முதலமைச்சர் மு.க.ஸ்டாலின் மாலை அணிவித்து மரியாதை செலுத்தினார்.

இதையும் படிக்க : வணிகப் பயன்பாட்டு சிலிண்டர் விலை உயர்வு...!

பின்பு, அங்கே வைக்கப்பட்டிருந்த  சிவாஜியின் படத்திற்கு மலர் தூவி மரியாதை செலுத்தினார். அப்போது அமைச்சர்கள் சேகர்பாபு, துரைமுருகன், நடிகர் சங்கத் தலைவர் நாசர் மற்றும் சிவாஜி கணேசன் குடும்பத்தினர் உடனிருந்தனர்.

பின்னர் செய்தியாளர்களைச் சந்தித்த நடிகர் பிரபு, தமிழ்நாடு முதலமைச்சரின் அன்பிற்கு நடிகர் திலகத்தின் ரசிகர்கள் சார்பாக நன்றி சொல்ல கடமைப்பட்டிருப்பதாக கூறினார்.

இயக்குநர் தனா இயக்கத்தில், விஜய் ஆண்டனி நடிக்கும்  “ஹிட்லர்” படத்தின் ஃபர்ஸ்ட் லுக் வெளியானது !! 

விஜய் ஆண்டனியின் கோடியில் ஒருவன் திரைப்படத்தை தயாரித்து வெற்றிகண்ட Chendur film international தங்களது 7வது படத்தின் அறிவிப்பை வெளியிட்டுள்ளது. D.ராஜா வழங்கும், T.D.ராஜா, D.R.சஞ்சய் குமார் தயாரிப்பில், இயக்குநர் தனா இயக்கத்தில், நடிகர் விஜய் ஆண்டனி நடிப்பில் உருவாகியுள்ள பரபரப்பான த்ரில்லர் திரைப்படமான “ஹிட்லர்” படத்தின் முதல் பார்வையை படக்குழு மோஷன் போஸ்ட்டராக வெளியிட்டுள்ளது. 

முற்றிலும் மாறுபட்ட வகையில், வித்தியாசமாக அமைந்திருக்கும் ஃபர்ஸ்ட் லுக் போஸ்டர் மற்றும் விஜய் ஆண்டனி தோற்றம் ரசிகர்களிடம் பெரும் வரவேற்பைப் பெற்றுள்ளது. படைவீரன், வானம் கொட்டட்டும் படத்தை இயக்கிய தனா இப்படத்தினை எழுதி இயக்கியுள்ளார். விஜய் ஆண்டனி தன் முந்தைய படங்களிலிருந்து விலகி முற்றிலும் மாறுபட்ட கதாபாத்திரத்தில் நடித்துள்ளார். ரியா சுமன் நாயகியாக நடித்துள்ளார். 

ஹிட்லர் திரைப்படத்தை ஆக்‌ஷன் திரில்லர் வகையில் ஒரு கமர்ஷியல் திரைப்படமாக உருவாக்கியுள்ளார் இயக்குநர் தனா. பரபரப்பு திருப்பங்களுடன் பறக்கும் திரைக்கதையில், ஒரு அழகான காதலும் இப்படத்தில் இடம்பெற்றுள்ளது. அனைவரும் ரசிக்கும் வண்ணம் ஒரு மாறுபட்ட அனுபவமாக இப்படம் இருக்கும்.  

இதையும் படிக்க : மத்திய, மாநில அரசுகளைக் கண்டித்து நாம் தமிழர் கட்சியினர் கண்டன ஆர்ப்பாட்டம்...  !

ஹிட்லர் ஒரு மனிதனாக இருக்கலாம். ஆனால், இன்று வரலாற்றில் அந்தப் பெயர் சர்வாதிகாரத்தின் அடையாளம். அதன் காரணமாகவே இப்படத்திற்கு ஹிட்லர் என பெயரிடப்பட்டுள்ளது. 

இப்படத்தில் விஜய் ஆண்டனி, ரியா சுமன் முதன்மை பாத்திரத்தில் நடிக்கிறார்கள். நீண்ட இடைவெளிக்குப் பிறகு  நடிகர் சரண்ராஜ் இப்படத்தில் ஒரு முக்கியமான கதாபாத்திரத்தில் கலக்கியுள்ளார். நாயகனுக்கு அடுத்த முக்கிய பாத்திரத்தில் இயக்குநர் கௌதம் மேனன் நடித்துள்ளார். இவர்களுடன் ரெடின் கிங்ஸ்லி, விவேக் பிரசன்னா, ஆடுகளம் நரேன், இயக்குநர் தமிழ் ஆகியோர் இணைந்து நடித்துள்ளனர். 

இசையமைப்பாளர்  விவேக் மெர்வின் இசையமைக்க, ஒளிப்பதிவு பணிகளை கன்னடத்தின் வெற்றிப் படமான மப்டி படத்தின் ஒளிப்பதிவாளர் நவீன்குமார் செய்துள்ளார். கலை இயக்கத்தை உதயகுமார் செய்துள்ளார். Chendur film international  சார்பில் T.D.ராஜா, D.R.சஞ்சய் குமார் இணைந்து பிரம்மாண்ட பொருட்செலவில் இப்படத்தை தயாரித்துள்ளனர். 

படத்தின் படப்பிடிப்பு முழுமையாக முடிந்த நிலையில், போஸ்ட் புரொடக்சன் பணிகள் தற்போது தீவிரமாக நடைபெற்று வருகிறது. படத்தின் டீசர், டிரெய்லர் பற்றிய அறிவிப்புகள் விரைவில் அதிகாரப்பூர்வமாக அறிவிக்கப்படும் என கூறப்படுகிறது.