இசையுலகின் மேஸ்ட்ரோ என புகழப்படும் இளையராஜா இன்று 80-வது பிறந்தநாளைக் கொண்டாடி வருகிறார். திரையுலக பிரபலங்கள், ரசிகர்கள் தங்கள் வாழ்த்துக்களை தெரிவித்து வருகின்றனர்.  

இன்பம், துன்பம், தனிமை, அழுகை, பிரிவு, இறப்பு, ஞானம் என ஒரு மனிதனின் அத்தனை சூழ்நிலைக்குமே பொருந்திப் போகிறது இளையராஜாவின் இசை. 

1976-ம் ஆண்டு வெளியான அன்னக்கிளியில் தொடங்கி சமீபத்தில் வெளியான விடுதலை வரையிலும் சுமார் ஆயிரம் திரைப்படங்களுக்கு இசையமைத்து, 7 ஆயிரத்துக்கும் அதிகமான பாடல்களை வழங்கி தமிழ் திரையுலகில் தனக்கென ஒரு தனிப்பெரும் ராஜ்யத்தையே  உருவாக்கியுள்ளார் ராஜா. 1943 ஜூன் 2-ம் தேதியன்று ஞானதேசிகனாக பிறந்தவர், டேனியல் ராசையாவாக மாறி தமிழ் மக்கள் மத்தியில் இளையராஜா எனும் அடையாளத்தோடு மக்கள் மனதில் மாபெரும் அரியணையிட்டு அமர்ந்துள்ளார். 

இளையராஜாவை தமிழ் சினிமா மட்டுமல்ல; இந்திய சினிமாவே கொண்டாடி வருகிறது. இசையுலகில் சாதிக்க வேண்டும் என லட்சிய வெறியோடு சென்னை பட்டணத்தை அடைந்தவருக்கு பணமோ, பழக்கமோ எதுவும் கைகொடுக்கவில்லை. திறமையால் உயர்ந்தவருக்கு உதிரத்திலேயே செருக்கு ஏற்படலாம். அந்த செருக்கு கூட சிலருக்கு மட்டுமே பொருத்தமாய் இருந்திருக்கலாம். ஜல்லிக்கட்டு காளையின் கூர்மிகு கொம்பு போல.

இளமைப் பருவத்தில் மனதில் பூத்த காதலை சொல்லவே தயங்கிய பலருக்கும் தூது சென்றது இளையராஜாவின் பாடல்கள். ஆழ்மனதின் வேர்களில் உள்ள அடிநாதத்தில் உள்ள பசுமையான காதலை வெளியே சொல்லின இளையராஜாவின் பாடல்கள். இன்றைய சூழ்நிலையில் திரையுலகில் எத்தனையோ மியூசிக் கம்போசர்கள் இதுதான் இசை என ரசிகர்களின் ரசனையை மாற்றி வருவதுண்டு. ஆனால் இளையராஜா ஒரு கம்போசராக அல்லாமல் தன்னை மேஸ்ட்ரோவாகவே நிலைநாட்டியுள்ளார். 

இசையுலகில் அறிமுகமாகி 50 ஆண்டுகளாகியும் தலை சிறந்த இசையமைப்பாளராக தரணியாண்ட ராஜாவுக்கு இன்று 80-வது பிறந்தநாள். தன் வாழ்நாளில் ஏற்றம் ஒன்றையே கண்டு வந்த இசைஞானிக்கு திரைத்துறையினர் ரசிகர்கள் வாழ்த்துக்களை தெரிவித்து வருகின்றனர். 

இதையும் படிக்க     | ”இ, ளை, ய, ரா, ஜா ஆகிய ஐந்தும் திரையிசையின் அபூர்வ ஸ்வரங்கள்” அரசியல் தலைவர்கள் வாழ்த்து!

மாமன்னன் படத்தின் இசை வெளியீட்டு விழாவில் 'மாமன்னன்' திரைப்படம் அல்ல நிஜம் என நடிகா் வடிவேலு தொிவித்துள்ளாா். 

இயக்குநர் மாரி செல்வராஜ் இயக்கத்தில் உதயநிதி ஸ்டாலின், வடிவேலு, கீர்த்தி சுரேஷ், பகத் பாசில் உள்ளிட்டோர் நடித்துள்ள "மாமன்னன்" திரைப்படம் வரும் ஜூன் 29ஆம் தேதி வெளியாகவுள்ளது. இந்நிலையில் சென்னை நேரு உள்விளையாட்டு அரங்கில் இப்படத்தின் இசை வெளியீட்டு விழா நேற்றைய தினம் (01.06.2023) நடைபெற்றது. 

இந்நிகழ்ச்சியில் நடிகர்கள் கமல்ஹாசன், சிவகார்த்திகேயன், கவின், விஜய் ஆண்டனி, சூரி, இசையமைப்பாளர் ஏ.ஆர்.ரஹ்மான்,  சந்தோஷ் நாராயணன், போனிகபூர், இயக்குநர்கள் வெற்றிமாறன், மிஷ்கின், பாண்டிராஜ், ஏஆர் முருகதாஸ், பா ரஞ்சித், ஹெச் வினோத், விக்னேஷ் சிவன், எஸ்ஜே சூர்யா உள்ளிட்ட பலரும் கலந்துகொண்டனர்.

இதையும் படிக்க : மாமன்னன் இசை வெளியீட்டு விழா...!

மேலும் இதுவரை காமெடி மற்றும் குணச்சித்திர நடிகராக பார்த்த நடிகர் வடிவேலு, இந்த படத்தில் முற்றிலும் மாறுபட்ட கேரக்டரில் நடித்துள்ளார். படத்தில் இருந்து வெளியான ஃபர்ஸ்லுக் போஸ்டர்கள் பெரும் எதிர்பார்ப்பை ஏற்படுத்தியுள்ளது.

நிகழ்ச்சியில் பேசிய நடிகா் வடிவேலு, நடிகா் கமல்ஹாசனிடம் கற்று கொண்டதை தான் மாமன்னன் படத்தில் வெளிப்படுத்தியுள்ளதாக தொிவித்தாா். தொடா்ந்து பேசிய அவா், 'மாமன்னன்' திரைப்படம் வெறும் படம் அல்ல நிஜம் எனவும், இந்த படத்தில் ஏ.ஆா்.ரகுமான் தான் பாடல் பாட வைத்தாா் எனவும் குறிப்பிட்டாா். மேலும் அவா் வாங்கிய ஆஸ்கார் விருதில் தனக்கு சிலவற்றை கொடுத்தது போல் இருந்ததாகவும் அவா் நகைச்சுவையாக தொிவித்தாா். 

”மாமன்னன்” படத்தின் இசை வெளியீட்டு விழா கோலாகலமாக நடைபெற்றது.

இயக்குநர் மாரி செல்வராஜ் இயக்கத்தில் உதயநிதி ஸ்டாலின், வடிவேலு, கீர்த்தி சுரேஷ், பகத் பாசில் உள்ளிட்டோர் நடித்துள்ள "மாமன்னன்" திரைப்படம் வரும் ஜூன் 29ஆம் தேதி வெளியாகவுள்ளது. இந்நிலையில் சென்னை நேரு உள்விளையாட்டு அரங்கில் இப்படத்தின் இசை வெளியீட்டு விழா நேற்றைய தினம் (01.06.2023) நடைபெற்றது. 

இந்நிகழ்ச்சியில் நடிகர்கள் கமல்ஹாசன், சிவகார்த்திகேயன், கவின், விஜய் ஆண்டனி, சூரி, இசையமைப்பாளர் ஏ.ஆர்.ரஹ்மான்,  சந்தோஷ் நாராயணன், போனிகபூர், இயக்குநர்கள் வெற்றிமாறன், மிஷ்கின், பாண்டிராஜ், ஏஆர் முருகதாஸ், பா ரஞ்சித், ஹெச் வினோத், விக்னேஷ் சிவன், எஸ்ஜே சூர்யா உள்ளிட்ட பலரும் கலந்துகொண்டனர்.

மேலும் இதுவரை காமெடி மற்றும் குணச்சித்திர நடிகராக பார்த்த நடிகர் வடிவேலு, இந்த படத்தில் முற்றிலும் மாறுபட்ட கேரக்டரில் நடித்துள்ளார். படத்தில் இருந்து வெளியான ஃபர்ஸ்லுக் போஸ்டர்கள் பெரும் எதிர்பார்ப்பை ஏற்படுத்தியுள்ளது.

இதையும் படிக்க : ”சுற்றுலா திட்டப்பணிகள் அனைத்தும் டிசம்பா் மாதத்திற்குள் முடிக்க வேண்டும்" அமைச்சர் வலியுறுத்தல்!

இசை வெளியீட்டு விழாவில், வடிவேலு பாடிய ராசக்கண்ணு, ஏஆர் ரஹ்மான் குரலில் ஜிகுஜிகு ரயில் பாடல்கள் தவிர, 'கொடி பறக்குற காலம்', 'நெஞ்சமே நெஞ்சமே', 'உச்சந்தல', 'மன்னா மாமன்னா', 'வீரனே' ஆகிய பாடல்கள் தற்போது வெளியாகியுள்ளன.

தெருக்குரல் அறிவு எழுதி தானே எழுதி பாடியுள்ள மன்னா மாமன்னா பாடலும், ஏஆர் ரஹ்மானின் மகன் ஏஆர் அமீன் பாடிய வீரனே பாடலும் அதிக கவனம் ஈர்த்துள்ளது.   விஜய் ஜேசுதாஸ், சக்திஸ்ரீ கோபாலன் பாடிய நெஞ்சமே நெஞ்சமே பாடல்  ரசிகர்களின் மனதில் இடம் பிடிக்கும் வகையில் உள்ளது. ஆகமொத்தம் 7 பாடல்களுமே ரசிகர்களுக்கான இசை விருப்பத்திற்கு ஏற்றதாக உள்ளது.

இந்நிகழ்வில் பேசிய நடிகர் உதயநிதி, “மாமன்னன் வடிவேல் அண்ணன் தான்; வடிவேலு அண்ணன் இல்லையே மாமன்னன் இல்லை” என்று கூறியவர், இப்போதைக்கு இதுதான் என் கடைசி படம் ஒருவேளை மூன்று வருடங்களுக்குப் பிறகு நடித்தால் மாரி செல்வராஜ் படத்தில் தான் நடிப்பேன் என தெரிவித்துள்ளார். 

இதையும் படிக்க : ”சுற்றுலா திட்டப்பணிகள் அனைத்தும் டிசம்பா் மாதத்திற்குள் முடிக்க வேண்டும்" அமைச்சர் வலியுறுத்தல்!

தொடர்ந்து பேசிய நடிகர் கமல்ஹாசன், இந்தியா எந்த வழியில் செல்ல வேண்டும் என்ற தலைமுறையில் நாம் நிற்கிறோம். என்னை பொறுத்தவரை இது என்னுடைய அரசியலும்தான். இந்த படம் மிகப்பெரிய வெற்றி பெறும். அதற்கு முக்கிய காரணம் நடிகர்கள் தேர்வு என கமலஹாசன் தெரிவித்துள்ளார். 

அவரைத் தொடர்ந்து பேசிய இயக்குநர் மாரி செல்வராஜ், “நான் எந்த படம் எடுத்தாலும் அதில் சமூக நீதிக்கான அரசியல் கண்டிப்பாக இடம்பெறும். அதேபோல தான் ‘மாமன்னன்’ வெளியான பிறகு பெரிய அதிர்வலைகளை உருவாக்கும். புதிய வடிவேலுவை இந்தப்படத்தில் எல்லோரும் பார்ப்பார்கள்” என தெரிவித்துள்ளார். 

புதுச்சேரியில் நடைபெற்ற திருமண வரவேற்பு நிகழ்ச்சியில் தாம்பூலம் பையுடன் மதுபானம் வழங்கப்பட்டது. 

திருமண வரவேற்பிற்கு வரும் உறவினர்கள் மற்றும் நண்பர்களுக்கு திருமணம் முடிந்தவுடன் உணவு அருந்திவிட்டு செல்லும்போது தாம்பூலம் கொடுப்பது வழக்கமாக இருந்து வருகிறது. அந்த தாம்பூல பையில் சாத்துக்குடி, மாம்பழம் உள்ளிட்ட பழங்கள், இனிப்பு பண்டங்கள், தேங்காய் உள்ளிட்டவை வைத்து வழங்கப்பட்டு வந்தன.

ஆனால், சென்னை சேர்ந்த நிர்மல் என்பவருக்கும் புதுச்சேரி வண்ணாரப்பேட்டையை  சேர்ந்த ஆரதி என்ற மணமகளுக்கும் திருமண வரவேற்பு நிகழ்ச்சி புதுச்சேரி நகரப் பகுதியில் உள்ள திருமண மண்டபத்தில் நடைபெற்றது. இந்த திருமண வரவேற்பில் சென்னை மற்றும் புதுச்சேரியை சேர்ந்த மணமக்களின்  உறவினர்கள் மற்றும் நண்பர்கள் என ஏராளமானோர் கலந்து கொண்டனர்.

திருமண வரவேற்பில் கலந்து கொண்ட உறவினர்கள் மற்றும் நண்பர்கள் மகிழ்ச்சியடையும் வகையில் மணமகள் வீட்டார் வழங்கிய தாம்பூல பையில் தேங்காய், பழம் வெத்தலை பாக்கு உடன் மதுபான பாட்டிலையும் சேர்த்து கொடுத்து திருமணத்திற்கு வந்த விருந்தாளிகளை மகிழ்ச்சியிலும், அதிர்ச்சியிலும் ஆழ்த்தினார்

.

இதையும் படிக்க:சீமானின் டிவிட்டர் கணக்கு முடக்கம்...! முதலமைச்சர் கண்டனம்...!!

பண்ருட்டியில் மாபெரும் பலாப்பழ கண்காட்சி நடைபெற்றது. இதில் ஒரே இடத்தில் 150 வகையான பலாப்பழங்கள் ஏராளமான விவசாயிகள் மற்றும் பொதுமக்கள் கண்டுகளித்தனர்.

விவசாயிகளின் பொருளாதாரத்தை மேம்படுத்தும் நோக்கத்தில் "150 வகை பலா, 150 விதமான சுவை" என்ற தலைப்பின் அடிப்படையில் காவேரி கூக்குரல் இயக்கம் சார்பில் கடலூர் மாவட்டம், பண்ருட்டி அடுத்துள்ள பத்திரக்கோட்டையில் மாபெரும் பலா திருவிழா நடைபெற்றது. இதில் தமிழ்நாடு மட்டுமன்றி புதுச்சேரி மற்றும் கேரளாவில் மாநிலங்களில் இருந்து முன்னோடி விவசாயிகள் கலந்து கொண்டனர்.

இந்த பலா திருவிழாவில் பண்ருட்டி மற்றும் கோவை, ராணிபேட்டை மற்றும் வெளிநாட்டு பலா என, நூற்றுக்கும் மேற்பட்ட பலா வகைகளை விவசாயிகள் பார்வைக்காக கண்காட்சிக்கு வைக்கப்பட்டு இருந்தது. குறிப்பாக பண்ருட்டி பலா, ஆயிரம் காய்ச்சி பலா, செந்தூரம் பலா, மிருது பலா, தேன் மஞ்சள் பலா, தாய்லாந்து ஆரஞ்ச் பலா, சிவப்பு பலா என பல்வேறு வகையான பலாப்பழங்கள் கண்காட்சியில் இடம்பெற்று இருந்தன. இதனை சென்னை, சேலம், கோவை, ஈரோடு, தேணி, திருச்சி உள்ளிட்ட தமிழ்நாடு மட்டுமின்றி வெளிமாநிலங்களில் இருந்தும் பல்வேறு விவசாயிகள் மற்றும் பொதுமக்கள் கலந்து கொண்டு ஒரே இடத்தில் வைக்கப்பட்டிருந்த பல்வேறு வகையான பலா கண்காட்சியினை பார்வையிட்டு கண்டுகளித்தனர்.

மேலும் இதில், ஏராளமான பெண்கள், பலாப்பழத்தைக் கொண்டு சிப்ஸ், ஜூஸ் உள்ளிட்ட உணவுப் பொருட்களைச் சமைத்து அசத்தினர். பலாப்பழத்தின் தேவை மற்றும் சுவையை மேலும் அதிகரிப்பதற்காக இந்த திருவிழா ஏற்பாடு செய்யப்பட்டிருந்தது. ஒரே இடத்தில் முக்கனிகளில் ஒன்றான பலாப்பழத்தில் தயாரிக்கப்பட்ட பலா உணவுப் பொருட்கள் கிடைத்ததால் மக்கள் ஆர்வமுடன் இதில் பங்கேற்று, உணவுப் பொருட்களை ருசித்து சாப்பிட்டனர். இதில் விவசாயிகள் தென்னை மர தோட்டத்தில் பலாவை ஊடுபயிராக செய்தால் நல்ல லாபம் கிடைக்கும் எனவும் ஆலோசனை வழங்கப்பட்டது.

இதையும் படிக்க:அடுத்தக்கட்ட ஆளுமைகள்!