இயக்குனர் லோகேஷ் விஜயுடன் படம் முடித்த பிறகு கைதி 2 எடுக்கப்படும் என நடிகர் கார்த்தி கூறியுள்ளார். 

கைதி 2 படபிடிப்பு எப்போது தொடங்கும் என பலரும் எதிர்பார்த்த நிலையில் அதற்கான பதிலை நடிகர் கார்த்தி சமீபத்தில் நடந்த விருமன் படத்திற்கான செய்தியாளர் சந்திப்பில் பேசியுள்ளார்.

நடிகர் கார்த்தி நடிப்பில் கடந்த 2019 ம் ஆண்டு வெளியான திரைப்படம் கைதி. லோகேஷ் கனகராஜ் இயக்கத்தில் உருவான இந்த திரைப்படம் மக்கள் மத்தியில் நல்ல வரவேற்பை பெற்றது. எஸ். ஆர் பிரகாஷ் பாபு தயாரித்த இந்த படத்திற்கு சாம் சி.எஸ் இசையமைத்திருந்தார். அதிரடி படமாக உருவாகிய இந்த படத்தில் தில்லி கதாபாத்திரத்தில் நடித்த கார்த்தி, போதை பொருள் கடத்தல் கும்பலால் எதிர்கொள்ளும் பிரச்சனையை மையமாக கொண்டு இந்த திரைப்படம் உருவானது.

இந்நிலையில், சமீபத்தில் கார்த்தி மற்றும் அதிதி ஷங்கர் நடிப்பில் வெளியாக காத்திருக்கும் படமான விருமன் படத்திற்கான ப்ர்மோஷன் வேலைகள் படு பயங்கரமாக நடந்து வருகிறது. அதில் பேசிய கார்த்தி, லோகேஷ் கனகராஜ் குறித்தும் பல கருத்துகாளைக் கூறினார்.

அப்போது பேசிய அவர், “லோகேஷ் கனகராஜ் இயக்கத்தில் உருவாக இருக்கும் தளபதி 67 படத்திற்கு பிறகு அடுத்தது கைதி 2 தான்” என்று உறுதியளித்துள்ளார்.

ஏற்கனவே விக்ரம் படத்தின் 3ம் பாகத்தில், ரோலெக்ஸ் கதாபாத்திரத்தில் நடிகர் சூரியா, விக்ரம் கதாபாத்திரத்தில் நடிகர் கமல் மற்றும் தில்லி கதாபாத்திரத்தில் நடிகர் கார்த்தி ஆகியோர் இணைந்து ஒரு மாபெரும் ஆக்‌ஷன் ஹிட் படமாக உருவாக இருப்பதாகத் தகவல்கள் அதிகாரப்பூர்வமாக வெளியானதை அடுத்து, கார்த்தி கூறிய இந்த் அதகவல் தற்போது இணையத்தில் படு பயங்கரமாக பகிரப்பட்டு வருகிறது.

மேலும், வருகிற செப்டம்பர் 30ம் தேதி பன்மொழி படமாக, பிரபல கல்கியின் படைப்பான பொன்னியின் செல்வன் கதை, மணி ரத்னம் இயக்கத்தில் படமாக அதன் முதல் பகம் உலகம் முழுவதும் வெளியாக உள்ளது. இதில், கைதி 2 படம் குறித்த தகவலால், ரசிகர்கள் அனைவரும் படு குஷியில் உள்ளஹு குறிப்பிடத்தக்கது.

சில தினங்களுக்கு முன்பு நடிகர் கார்த்தியின் விருமன் திரைப்படத்தின் இசை வெளியீட்டு விழா நடைபெற்றது. அதில், கோவில் கட்டுவதை விட கல்வி அறிவை பரப்ப வேண்டும் என நடிகர் சூரி பேசி இருந்தார். அவரின் இந்த பேச்சு சர்ச்சையான நிலையில், அவருடைய சொந்த ஊரில் நடைபெற்ற கோவில் விழாவில் ஒயிலாட்டம் ஆடும் வீடியோவினை சூரியின் நண்பர்கள், ரசிகர்கள் சமூக வலைதளங்களில் வைரலாக பரப்பி வருகின்றனர்.  

சமீபத்தில் மதுரையில் நடைபெற்ற விருமன் திரைப்பட இசை வெளியீட்டு விழாவில் பேசிய நடிகர் சூரி, கோவில் கட்டுவதை விட கல்வி அறிவை பரப்ப வேண்டும் என பேசியதாக சமூக வலைதளங்களில் வீடியோக்கள் வெளியானது. இது பெரும் சர்ச்சையை ஏற்படுத்தியது.  அதற்கு இந்து அமைப்புகள் மற்றும் பல்வேறு தரப்பிலிருந்தும் எதிர்புகள் வந்தது.  

இந்நிலையில் சூரியின் பிறந்த ஊரான மதுரை மாவட்டம், ராசாக்கூரில் நடைபெற்ற கோவில் திருவிழாவில் திரைப்பட நடிகர் சூரி பொதுமக்களுடன் இணைந்து ஊர் பெரியவர்கள்,  இளைஞர்களுடன் இணைந்து ஒயிலாட்டம் ஆடும் வீடியோவை அவரது சொந்த ஊர் மக்கள், அவரது நண்பர்கள் மற்றும் அவரது  ரசிகர்கள் சமூக வலைதளங்களில் வைரலாக பதிவிட்டு வருகின்றனர். 

அதில் அந்த வீடியோவில், நடிகர் சூரி சுவாமி பக்திக்கும் கோவிலுக்கும் ஆன்மீகத்திற்கும் எதிரானவர் அல்ல. அவர் கடவுள் நம்பிக்கை உள்ளவர் அவருடைய குடும்பம் ஒரு சாமியாடி குடும்பம் என்பதை கருத்தாக பதிவிட்டுள்ளனர். இந்த வீடியோ சமூக வலைதளங்களில் வைரலாக பரவி வருகிறது.

அருண் விஜய் நடிப்பில் உருவாகியுள்ள படம் தமிழ் ராக்கர்ஸ். அறிவழகன் இயக்கியுள்ள இந்த இணைய தொடர் சோனி லைவ் ஓடிடி தளத்தில் ஆகஸ்ட் 19ம் தேதி வெளியாக உள்ளது. இந்த படத்திற்கான செய்தியாளர் சந்திப்பு இன்று சென்னையில் நடைபெற்றது. 

இவ்விழாவில் அருண் விஜய், இயக்குனர் அறிவழகன், வாணி போஜன், அழகப்பெருமாள், ஐஸ்வர்யா மேனன் உள்ளிட்டோர் கலந்து கொண்டனர்.

இதுகுறித்து, இயக்குனர் அறிவழகன் " இக்கதையை இயக்க என்னிடம் கேட்ட போது மூன்று விஷயங்களுக்காக இதனை எடுக்க ஒப்புக்கொண்டேன். தமிழ் ராக்கர்ஸ் இந்த சினிமா தொழிலை அழித்து வருகிறது. இதனை எதிர்த்து பல்வேறு போராட்டங்கள் நடந்துள்ளது. இந்த முழு தொடரையும் பார்த்து முடிக்கும் போது ரசிகர்களின் மனநிலை மாறும். ஏவிஎம் நிறுவனம் எவ்வளவு பெரிய நிறுவனம். இந்நிறுவனத்தில் பணியாற்றுவது பெருமையான தருணம்." என பேசியுள்ளார். 

மேலும் படம் குறித்து தயாரிப்பாளர் அருணா (ஏவிஎம்), " இது ஏவிஎம் நிறுவனத்தின் கம்பேக் என்று பேசுகிறார்கள்.  என்னிடம் கேட்டால் அதை நான் ஒப்புக்கொள்ள மாட்டேன். சாதாரணமாக படத்தை தமிழ் ராக்கர்ஸ் இணையதளத்தில் டவுன்லோட் செய்து பார்ப்பவர்களுக்கு இதனை யார் அப்லோட் செய்கிறார்கள் என்று தெரியாது. கலைஞர்களின் கடின உழைப்பை எப்படி திருடுகிறார்கள் என்று இப்படத்தில் காணலாம்." என கூறியுள்ளார்.  

படத்தின் நாயன் அருண் விஜய், " சினிமாவுக்கும் ஓடிடிக்கும் வித்தியாசம் தெரியவில்லை. இக்கதையை இரண்டரை மணி நேரத்தில் சொல்ல முடியாது. இக்கதையை மக்களிடம் சொல்ல வேண்டும் என்ற‌ சோனி மற்றும் ஏவிஏம்மின் முயற்சிக்கு நன்றி. நிறைய பேரின் உழைப்பு. ஒரு படத்தை எடுக்கும்போது எவ்வளவு வலி இருக்கும் என்பதை ரசிகர்கள் இப்படத்தை பார்த்துவிட்டு உணர்வார்கள்." என கூறியுள்ளார். 

'சீதா ராமம்' :

நடிகர் துல்கர் சல்மான், பாலிவுட் நடிகை மிருணாள் தாக்கூர் இணைந்து நடித்த காவிய காதல் கதையான 'சீதா ராமம்', உலகம் முழுவதும் பார்வையாளர்களின் இதயங்களை வென்று வருகிறது. படம் வெளியான தருணத்திலிருந்து ரசிகர்களின் நேர்மறையான விமர்சனங்களால் படத்தின் வசூல் ஏறுமுகத்தில் தொடங்கியது. முதல் நாள் வசூலை விட, இரண்டாம் நாள் வசூல் அதிகம். மேலும் விடுமுறை தினமான ஞாயிற்றுக்கிழமையன்று எதிர்பாராத வகையிலான வசூலை 'சீதா ராமம்' திரைப்படம் பெற்றுள்ளது. இதுவரை 'சீதா ராமம்' உலகம் முழுவதும் 25 கோடி ரூபாய் வசூல் செய்துள்ளதாக திரையுலக வணிகர்கள் அதிகாரப்பூர்வமாக தெரிவித்துள்ளனர். 

திரையரங்குகளில் கூட்டம் : 

குறிப்பாக சனி மற்றும் ஞாயிற்றுக்கிழமைகளில் அனைத்து திரையரங்குகளிலும் பார்வையாளர்களின் கூட்டம் நிரம்பி வழிந்தது. பல பகுதிகளில் 'சீதா ராமம்' திரைப்படம் கூடுதல் திரையரங்குகளில் வெளியானது. வணிக வளாகங்களில் உள்ள திரையரங்குகள் மட்டுமல்லாமல், சிறுநகரங்களில் இருக்கும் ஒற்றை திரையரங்குகளிலும் 'சீதா ராமம்' வெற்றிகரமாக ஓடிக்கொண்டிருக்கிறது. 

காவிய காதல் 'சீதா ராமம்' :

போரின் பின்னணியில் நடைபெறும் உணர்வுபூர்வமான காதல் கதை என்பதால், பார்வையாளர்களுக்கு தனித்துவமான அனுபவத்தை அளித்து வருகிறது. திரையில் மாயாஜாலம் நிகழ்த்தும் காதல் ஜோடிகளான துல்கர் சல்மான் மற்றும் மிருணாள் தாக்கூர் ஆகியோரின் தனித்துவமான நடிப்பு, ஹனுராகவபுடியின் பிரத்யேகமான எழுத்து மற்றும் இயக்கம், விஷால் சந்திரசேகரின் இசை, பி எஸ் வினோத்தின் பிரமிக்கத்தக்க ஒளிப்பதிவு, ஸ்வப்னா சினிமா - வைஜெயந்தி மூவிஸ் போன்ற முன்னணி படத் தயாரிப்பு நிறுவனத்தின் தயாரிப்பு மற்றும் வெளியீடு ஆகிய காரணங்களுக்காகவும் இந்த படத்தினை ரசிகர்கள் கொண்டாடி வருகின்றனர்.

பாக்ஸ் ஆபிஸ் சாதனை : 

திங்கட்கிழமைக்கான முன்பதிவுகள் படத்தின் வெற்றியை உறுதி செய்திருப்பதாக திரையுலக வணிகர்கள் தெரிவிக்கின்றனர். மேலும் இந்த திரைப்படம் பாக்ஸ் ஆபிஸில், நிர்ணயிக்கப்பட்டதை விட கூடுதலாக வசூலிக்கும் என திரையுலக வணிகர்கள் கணித்துள்ளனர். மேலும் 'சீதா ராமம்' திரைப்படம், அடுத்தடுத்து இரண்டு வாரங்களில் எட்டு விடுமுறை நாட்கள் இருப்பதால், பார்வையாளர்கள் பெரிதளவில் இப்படத்தினை கொண்டாடுவார்கள் என்று எதிர்பார்க்கப்படுகிறது.

அமெரிக்கா பாக்ஸ் ஆபிஸ் : 

இந்தியாவில் மட்டுமல்லாமல், அமெரிக்கா பாக்ஸ் ஆபிஸில் இந்த படம் பலத்த வரவேற்பை பெற்று வருகிறது. திங்கட்கிழமை அன்று நடைபெற்ற முன் பதிவு விற்பனையுடன் 6,00,000 அமெரிக்க டாலர்களை கடந்துள்ளது. அமெரிக்காவில் வார இறுதி வசூல், 'சீதா ராமம்' படத்திற்கு கிடைக்கும் என்றும், இந்தப் படத்தில் சிறந்த நடிப்பு, சிறந்த காதல் கதை இருப்பதால் விரைவில் ஒரு மில்லியன் டாலர் கிளப்பில் இணையும் என்றும் திரையுலக வணிகர்கள் எதிர்பார்க்கின்றனர். 

நயன்தாரா-விக்னேஷ் சிவன் திருமணத்தின் டீசர் வீடியோவை வெளியிட்டுள்ளது ஓடிடி நிறுவனம். 

லேடி சூப்பர் ஸ்டார் நயன்தாரா: 

தமிழ் மட்டுமின்றி தெலுங்கு, மலையாளம் என பல மொழிகளில் கிட்டத்தட்ட 17 வருடங்களுக்கும் மேலாக சினிமாவில் கொடிகட்டி பறந்து வரும் நடிகை என்றால் அது நயன்தாரா தான்.  இடை இடையே சினிமாவை விட்டு வெளியே சென்று மீண்டும் திரையில் தோன்றினாலும் தனது அயராத உழைப்பாலும், எதார்த்த நடிப்பாலும் மக்கள் மத்தியில் லேடி சூப்பர் ஸ்டாராக இருந்து வருகிறார் நயன்தாரா. 

விக்னேஷ்சிவன்-நயன்தாரா காதல்: 

2015-ம் ஆண்டு நானும் ரவுடி தான் படத்தில் நடித்த போது, அப்படத்தின் இயக்குநர் விக்னேஷ் சிவன் மீது நயனுக்கு காதல் பற்றிக் கொண்டது. பிறகு இருவரும் கிட்டத்தட்ட 6 வருடத்திற்கும் மேலாக லிவ்விங் டூ கெதரில் வாழ்ந்து வந்தனர். சென்னையில் ஒரே வீட்டில் இருவரும் வசித்து வந்த போதிலும், அவ்வப்போது வெளிநாடுகளுக்கு சென்று கேரியரையும், காதலையும் ஒருசேர வளர்த்து வந்தனர். 

திருமணம்: 

பல இடர்பாடுகள், ஏச்சு பேச்சுகளை தாண்டி பெரியளவில் வெளியே தெரியாத வண்ணம், தங்களது திருமணத்தை பிளான் செய்தனர் இருவரும். திருப்பதியில் நடைபெறுவதாக இருந்த திருமணம் சில பல காரணங்களால் சென்னை அடுத்த மகாபலிபுரத்தில் ஒரு தனியார் ரெசார்ட்டில் பிரம்மாண்டமாக கடந்த ஜூன் மாதம் 9-ம் தேதி நடைபெற்றது. 200 பேர் மட்டுமே இந்த திருமணத்தில் கலந்து கொண்டனர். 

திருமணத்தை வாங்கிய ஓடிடி தளம்: 

இவர்களது திருமண புகைப்படங்கள் மற்றும் வீடியோவின் வெளியீட்டு உரிமையை பிரபல ஓடிடி தளம் 25 கோடி ரூபாய்க்கு வாங்கியது. இவர்களது திருமணத்தை இயக்குநர் கௌதம் வாசுதேவ் ஒரு படத்தை போலவே இயக்கி இருந்தார். 

விக்னேஷ் சிவன் வெளியிட்ட புகைப்படங்கள்: 

இதனால் விக்னேஷ் சிவன் அவ்வப்போது வெளியிட்ட திருமண புகைப்படங்கள் மட்டுமே இணையத்தில் தீயாய் பரவி வந்தது. எப்போது இவர்களது திருமண புகைப்படங்கள் மற்றும் வீடியோக்கள் வெளியே வரும் என ரசிகர்கள் காத்து கிடந்தனர். 

ஓடிடி தளத்தின் அதிருப்தி: 

நயன்தாராவின் திருமணத்தில் விஜய், அஜித், தனுஷ் உள்ளிட்ட பல முன்னணி ஹீரோக்கள் கலந்து கொள்வார்கள் என எதிர்பார்க்கப்பட்ட நிலையில், சூப்பர் ஸ்டார் ரஜினிகாந்த், ஷாருக்கான், சூர்யா தவிர்த்து வேறு எந்த ஹீரோக்களும் கலந்து கொள்ளவில்லை. இவர்களது புகைப்படங்களையும் விக்னேஷ் சிவன் சமூக வலைதளத்தில் வெளியிட்டதால், ஓடிடி நிறுவனம் நயன்தாராவின் திருமணத்தை வெளியிடுவதில் அதிருப்தி தெரிவித்ததாக தகவல் வெளியானது.

பீச் போட்டோக்கள் வெளியீடு:

நயன்தாரா - விக்னேஷ் சிவனின் திருமண புகைப்படங்கள் வெளியே வரும் என்று ரசிகர்கள் காத்து இருந்த நிலையில், சமீபத்தில் ஓடிடி நிறுவனம் நயன்தாரா - விக்னேஷ் சிவனின் ப்ரீ வெட்டிங் போட்டோ ஷூட்டை வெளியிட்டது.  அந்த புகைப்படத்தில்  நயன் - விக்னேஷ் இருவரும் கடற்கரையில் நின்றவாறு போஸ் கொடுத்திருப்பார்கள். அந்த பீச் போட்டோக்கள் அனைத்தும்  இணையத்தில் மிக வைரலாகி வந்தது.

திருமண டீசரை வெளியிட்ட ஓடிடி தளம்:

நயன் - விக்னேஷ் சிவனின் பீச் போட்டோக்களை வெளியிட்ட ஓடிடி நிறுவனம், இன்று திருமண டீசரை வெளியிட்டுள்ளது. அந்த டீசரில் நயன்தாரா மற்றும் விக்னேஷ் சிவன் இருவரும் பேசுவது போன்ற காட்சிகள் இடம்பெற்றுள்ளது. வேலையை மட்டுமே நான் நம்புவேன்: என்னை சுற்றி நிறைய அன்புகள் இருப்பது தெரியும் என்று நயந்தாரா கூறுகிறார். அதேபோன்று, ஒரு பெண்ணாக அவர் மனதளவில் அழகானவர் என்று பெருமையாக நயன் குறித்து விக்னேஷ் சிவன் கூறியிருப்பது வீடியோவிற்கே அழகு சேர்ப்பதாக இருக்கிறது. தற்போது இந்த திருமண டீசர் வீடியோ இணையதளத்தில் வைரலாகி வருகிறது.

https://twitter.com/Netflix_INSouth/status/1556877022592258048