புதுச்சேரியில் குபேர் அங்காடியில் மீன்கள் ஏலம் விடவும், விற்பனை செய்யவும் மாவட்ட நிர்வாகம் அனுமதி மறுக்கப்பட்டுள்ளது.

மீன் விற்பனை செய்ய தடை

நாள்தோறும் மீன் பிடித்துறைமுகங்களில் இருந்து கொண்டு வருன் மீன்களை அங்காடி முன்பு காலை நேரத்தில் ஏலம் விடுவதும் விற்பனை செய்வதும் நடைபெற்று வந்தது.

இதனால் மீன் கழிவுகளை சாலையில் விட்டுச்செல்வதால் நேரு வீதியில் துர்நாற்றம் சுகாதார சீர்கேடு ஏற்படுவதால் வரும் 1 ஆம் தேதி முதல் மீன்கள் ஏலம் விடக்கூடாது, மொத்த வியாபாரம் செய்யக்கூடாது என மாவட்ட ஆட்சியர் உத்தரவிட்டிருந்தார். 

மீனவ பெண்கள் சாலை மறியல்

இந்நிலையில் மாவட்ட ஆட்சியரின் உத்தரவுக்கு எதிர்ப்பு தெரிவித்து மீன் விற்பனையில் ஈடுபடாமல் 500 க்கும் மேற்பட்ட மீனவ பெண்கள் நேரு வீதி மற்றும் காந்தி வீதி சாலை சந்திப்பில் மறியலில் ஈடுபட்டதால் 2 மணி நேரத்திற்கு மேலாக போக்குவரத்து பாதிக்கப்பட்டது.

இதனைத்தொடர்ந்து அங்கு வந்த போலீசார் போராட்டக்காரர்களிடம் சமாதானம் செய்து மாவட்ட ஆட்சியரிடம் பேச்சுவார்த்தை நடத்தப்படும் என உறுதிமொழி அளித்ததை தொடர்ந்து மீனவர்கள் கலைந்து சென்றார்கள்.

இந்தியாவில் ஏழை பணக்காரர் இடையேயான இடைவெளியைக் குறைக்க வேண்டும் என்று மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி வலியுறுத்தியுள்ளார்.

நாக்பூரில்  நடைபெற்ற நிகழ்ச்சியில் பேசிய அவர், நாட்டில் பொருளாதார மற்றும் சமூக சமத்துவத்தை குறித்து பேசியுள்ளார். தற்போது நாட்டிற்குள் சமூக மற்றும் பொருளாதார சமத்துவம் தேவை என்று அவர் கூறியுள்ளார். சமுதாயத்தில் ஏழைகளுக்கும் பணக்காரர்களுக்கும் இடையிலான இடைவெளி அதிகமாகிவிட்டது எனவும்  இதுமட்டுமின்றி சமூக சமத்துவமின்மை போல் பொருளாதார ஏற்றத்தாழ்வும் அதிகரித்துள்ளது எனவும் நிதின் கட்காரி கூறியுள்ளார்.

உலகின் ஐந்தாவது பெரிய பொருளாதாரமாக இந்தியா மாறி, வளமான நாடாக இருந்தாலும், இங்குள்ள மக்கள் வறுமை, பசி, வேலையின்மை, சாதிவெறி, தீண்டாமை, பணவீக்கம் போன்றவற்றைச் சந்தித்து வருவதாக நிதின் கட்கரி கூறியுள்ளார். இங்கே பணக்காரர்களுக்கும் ஏழைகளுக்கும் இடையிலான இடைவெளி அதிகமாகி வருகிறது எனவும் இந்த இடைவெளியைக் குறைக்க வேண்டும் எனவும் தெரிவித்துள்ளார்.

ராஷ்ட்ரிய ஸ்வயம்சேவக் சங்கத்துடன் இணைந்த மற்றொரு அமைப்பான பாரத் விகாஸ் பரிஷத் ஏற்பாடு செய்திருந்த நிகழ்வில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார். இதில் அவர் பேசுகையில், ”உலகில் வேகமாக வளர்ந்து வரும் பொருளாதாரம் மற்றும் ஐந்தாவது பெரிய பொருளாதாரமாக நாம் உள்ளோம்.  ஏழை மக்கள்தொகை கொண்ட வளமான நாடு நாம். நமது நாடு செழிப்பாக உள்ளது ஆனால் நமது மக்கள் பசி, வேலையில்லா திண்டாட்டம், வறுமை, பணவீக்கம், சாதிவெறி, தீண்டாமை போன்றவற்றை எதிர்கொள்கிறார்கள். இந்த காரணிகள் சமூகத்தின் முன்னேற்றத்திற்கு நல்லதல்ல. ” என்று கூறியுள்ளார் நிதின்.

பணக்காரர்களுக்கும் ஏழைகளுக்கும் இடையிலான இடைவெளியைக் குறைக்க, கல்வி, சுகாதாரம் உள்ளிட்ட பிற துறைகளிலும் பணியாற்ற வேண்டிய அவசியம் உள்ளது என்று மத்திய அமைச்சர் கூறியுள்ளார். நாட்டில் உள்ள 124 லட்சிய மாவட்டங்களை மேம்படுத்த ஒற்றுமையாக செயல்பட வேண்டும் என்று அவர் அழைப்பு விடுத்துள்ளார் நிதின் கட்காரி.

இதையும் படிக்க:  முட்கள் நிறைந்த கிரீடத்தை ஏற்க தயங்கும் அசோக் கெலாட்!!!

2022ஆம் ஆண்டுக்கான உலகளாவிய கண்டுபிடிப்பு குறியீட்டில் இந்தியா 40வது இடத்தைப் பிடித்துள்ளது. 2015ல் 81வது இடத்தில் இருந்த இந்தியா தற்போது 41 இடங்கள் முன்னேறியுள்ளது. ஸ்டார்ட்அப்களுக்கு உகந்த சூழலை உருவாக்குவதிலும் புதுமைகளை வளர்ப்பதிலும் இந்தியா தொடர்ந்து முன்னேறி வருவதை இந்தக் குறியீடு காட்டுகிறது. முன்னதாக, உலக அறிவுசார் சொத்துரிமை குறியீட்டில் இந்தியா இரண்டு இடங்கள் முன்னேறியது.

2015 முதல் இந்தியாவின் தரவரிசை விரைவான வேகத்தில் அதிகரித்து வருகிறது. 2015ல் உலகளாவிய கண்டுபிடிப்பு குறியீட்டில் இந்தியாவின் தரம் 81 ஆக இருந்த நிலையில், 2022ல் 41 ஆக உயர்ந்துள்ளது. ஸ்டார்ட்அப்களுக்கு உகந்த சூழலை உருவாக்க அரசு மற்றும் தனியார் நிறுவனங்கள் ஆராய்ச்சிக்கு முக்கியத்துவம் அளித்ததன் மூலம் இந்த முன்னேற்றம் ஏற்பட்டுள்ளது.

உலகெங்கிலும் உள்ள நாடுகளின் அரசாங்கங்கள் தங்கள் கண்டுபிடிப்புகளை அதிகரிக்க இந்த அறிக்கை உதவும் என்று அந்த அமைப்பு கூறுகிறது.  சமூக மற்றும் பொருளாதார சவால்கள் மற்றும் மாற்றங்களில் புதிய யோசனைகள் மற்றும் நுட்பங்களை இணைப்பதே இதன் அடிப்படை நோக்கமாகும். உலகளாவிய கண்டுபிடிப்பு குறியீட்டு அறிக்கையை தங்கள் கொள்கைகளை மேம்படுத்துவதற்கான ஒரு வழியாக அரசாங்கங்கள் கருதுகின்றன.  இது தற்போதைய சூழ்நிலையை மாற்ற உதவுகிறது.

இதையும் படிக்க: முட்கள் நிறைந்த கிரீடமா காங்கிரஸ் தலைவர் பதவி..!!!கெலாட் முதலமைச்சராகவே தொடர விருப்பம் தெரிவிப்பது ஏன்?!!

புதுச்சேரி மின்துறையை தனியார் மயமாக்குவதற்கு எதிர்ப்பு தெரிவித்து இரண்டாவது நாளாக மின்துறை ஊழியர்கள் வேலை நிறுத்தப் போராட்டத்தில் ஈடுபட்டு வருகின்றனர். 

மின் துறை தனியார்மயம் 

புதுச்சேரி மின்துறையை தனியார் மயமாக்குவதற்கான ஒப்பந்தம் கடந்த 2 தினங்களுக்கு முன்பு கோரப்பட்டுள்ளது. இந்நிலையில் மின்துறையை தனியார் மயமாக்கும் நடவடிக்கைகளை மத்திய, மாநில அரசுகள் திரும்பப்பெறக்கோரி நேற்று முதல் புதுச்சேரி, காரைக்கால், மாஹே மற்றும் ஏனாம் பிராந்தியத்தில் உள்ள 2 ஆயிரத்திற்கும் மேற்பட்ட பொறியாளர்கள் மற்றும் ஊழியர்கள்  காலவரையற்ற வேலை நிறுத்த போராட்டத்தை தொடங்கியுள்ளனர். 

ஊழியர்கள் போராட்டம் 

மின்துறை தனியார் மயமாக்கலுக்கு எதிர்ப்பு தெரிவித்து இரண்டாவது நாளாக மின்துறை தலைமை அலுவலகம் முன்பு 300 க்கும் மேற்பட்ட பொறியாளர்கள் மற்றும் ஊழியர்கள் வேலை நிறுத்த போராட்டத்தில் ஈடுபட்டு வருகின்றனர். மேலும் மின்துறை தனியார் மயமாக்கலுக்கு எதிர்ப்பு தெரிவித்து கண்டன கோஷங்களை எழுப்பினர். மின்துறை ஊழியர்களின் தொடர் வேலை நிறுத்தம் காரணமாக மின் கட்டணம் செலுத்துதல், மின் இணைப்பு உள்ளிட்ட பணிகள் பாதிக்கப்பட்டுள்ளது. 

மக்கள் சாலை மறியல் 

மின்துறை ஊழியர்கள் போராட்டம் காரணமாக, புதுச்சேரியின் பல்வேறு பகுதிகளில் ஏற்பட்டுள்ள மின்வெட்டை சரி செய்யப்படாமல் உள்ளது. இதனால் மின்தடையை சரி செய்யக்கோரி பொதுமக்கள் ஆங்காகே சாலை மறியல் போராட்டத்தில் ஈடுபட்டு வருகின்றனர். உருளையன்பேட்டை தொகுதி மக்கள் புதிய பேருந்து நிலையம் எதிரே உள்ள சாலையில் மறியலில் ஈடுபட்து வருகின்றனர். பேருந்து நிலையத்திலிருந்து பேருந்துகள் வெளியே செல்ல முடியாமலும், பேருந்துகள் உள்ளே வர முடியாமலும் உள்ளூர் மற்றும் வெளியூர் பேருந்து சேவை முற்றிலுமாக பாதிக்கப்பட்டுள்ளது. இதனிடையே மின்துறை தனியார் மயமாக்கலை திரும்பப்பெறும் வரை காலவரையற்ற வேலை நிறுத்த போராட்டம் தொடரும் என மின்துறை ஊழியர்கள் தெரிவித்துள்ளனர்.

கருக்கலைப்பு சட்டத்தின் கீழ் அனைத்து பெண்களும் அதாவது, திருமணமான மற்றும்  திருமணமாகாத அனைத்து பெண்களுக்கும் பாதுகாப்பான கருக்கலைப்புக்கு உரிமை உண்டு என உச்சநீதிமன்றம் கூறியுள்ளது. 

தேவையற்ற கர்ப்பத்தை கலைக்கும் உரிமையை பறிக்க ஒரு பெண்ணின் திருமண நிலை காரணமாக இருக்க முடியாது என்று உச்ச நீதிமன்றம்  தெரிவித்துள்ளது. மருத்துவக் கருத்தரிப்பு (எம்டிபி) வழக்கில் நீதிபதிகள் டி. ஒய். சந்திரசூட், ஜே.பி.  பார்த்திவாலா மற்றும் ஏ.எஸ்.போபண்ணா ஆகியோர் அடங்கிய பெஞ்ச் தீர்ப்பு வழங்கும் போது, கருக்கலைப்பைத் தேர்வுசெய்ய அனைத்துப் பெண்களுக்கும் உரிமை உண்டு என்று உச்ச நீதிமன்றம்  தெரிவித்துள்ளது. மேலும் கர்ப்பத்தின் 24 வாரங்கள் வரை மருத்துவ கருவுறுதல் சட்டத்தின் படி திருமணமாகாத பெண்களுக்கு கருக்கலைப்பு செய்ய உரிமை உண்டு எனவும் தெரிவித்துள்ளது.